رواية العشق الابدي كاملة بقلم لبنى دراز عبر مدونة كوكب الروايات
رواية العشق الابدي الفصل السادس 6
تانى يوم الصبح راح فارس القطاع واجتمع بـ رجالته قبل ما يدخلوا للوا حسين مدير القطاع
فارس:: بجدية .. فين الملفات اللى طلبتها منكم
هانى:: اتفضل يا فارس باشا الملف ده فيه كل حاجة طلبتها عن طه المعداوى من يوم ما ولدته امه
فارس:: تمام كدا .. و لـ ياسر وانت يا ياسر عملت ايه
ياسر::الملف ده فيه كل حاجة عن سمير حتى اللى مايعرفهوش عن نفسه يا باشا زى ما حضرتك أمرت
فارس::تمام..سيبولى بقى الملفات دى ابص عليها و ساعة زمن وهنجتمع تانى اتفضلوا ع مكاتبكم..ولـ سيف عملت ايه فـ اللى طلبته منك
سيف::حصل وتحت أمرك اى وقت
فارس::تمام نخلص الاجتماع ونطلع ع طول مافيش وقت القضية دى لازم تخلص كفاية كدا
خرج سيف و ساب فارس يراجع الملفات بدقة وسرعة وجمع كل اللى محتاجه فـ ملف واحد وبعدها طلب يقابل مدير القطاع
حسين:: اتفضل يا سيادة المقدم ياترى وصلت لـ ايه
فارس::الملف ده يا فندم فيه كل حاجة محتاجينها
حسين::تمام..ورفع سماعة فون مكتبه وطلب قيادات القطاع فـ اجتماع عاجل وبص لـ فارس ابعت لـ رجالتك
فارس::تمام يا افندم..وبالفعل بعت لـ رجالته
واجتمع فارس واللوا حسين وسيف و هانى و ياسر ومعاهم قيادات كبيرة فـ القطاع حسين::اشرحلنا يا فارس تصورك و خطتك هتمشى ازاى
فارس::فتح الملف وابتدا يشرح..دلوقتي انا عرفت مداخل و مخارج المدافن و الاماكن اللى الجماعة دى بتستخبى فيها ده غير طبعا الموضوع ماطلعش مجرد شوية عيال خارجة عن القانون وخلاص الموضوع اكبر من كدا بكتير..العملية واصلة للما فيا اللى بتصدر للجماعات دى الـ سـ لا ح اللى بيستخدموه فـ عملياتهم الا ر ها بية و مش بس كدا ده كمان بتدخل الـ مخـ درات وكمان تجارة الاعـ ضاء و طبعا علشان الكلام ده يحصل يبقى أكيد فى حد فـ البلد بيساعدهم وله يد فـ كل اللى بيحصل وأخيرا توصلنا ان ليهم عين هنا فـ قلب القطاع و مذكور أسمه فـ الملف اللى قصادكم.. وكمان العنصر اللى ممكن يساعدنا وده بالكشف والتحريات عنه طلع ابيض مالوش اى سابقة في اى حاجة غير القضية دى اللى اتورط فيها وبعد أذن القيادات طبعا علشان نقنعه يساعدنا هنعتبره شاهد ملك فـ القضية..ده غير ان كمان عرفنا ان فيه شحنة سـ لا ح اتفقوا عليها و هتدخل البلد خلال الاسابيع الجاية
حسين:: عايزين نعرف مين فـ البلد اللى له علاقة بالما فيا وتجار الـ سـ لاح..وبالنسبة للعنصر اللى هيساعدك هنحاول ناخد الموافقات انه يكون شاهد ملك
فارس::تمام يافندم..وبخصوص الناس اللى فـ البلد اللى عرفته انهم ناس كبيرة وتقيلة وليهم وزنهم..و دى قايمة بأسمائهم ..بس للاسف لسة مش معانا اى دليل مادى يدينهم حتى الشحنة اللى المفروض هتدخل البلد مافيش عليهم حاجة تثبت انها بتاعتهم
حسين:: خطتك يا فارس
فارس::هنعتمد ع التسريبات..هنسرب معلومات وصور عن………. و شرح فارس خطته بالكامل فـ الاجتماع
حسين::تمام يا سيادة المقدم بالتوفيق
انتهى الاجتماع و رجع فارس مكتبه مع رجالته و اتفقوا ع كيفية تنفيذ الخطة بالفعل
_______________________
فـ مستشفى الحلم
أدهم بعد ما خرج من اوضة العمليات لان كان عنده عملية استئصال ورم و رايح ع مكتبه يريح شوية قبل ما يرجع للحالة عشان يطمن عليها وهو ماشى فـ الطرقة شاف
أمل:: قاعدة مستربعة فـ الارض وع رجلها بنت صغيرة بتلعب معاها علشان تقنعها فـ الاخر انها تكشف عليها و أبوها و أمها واقفين
أدهم::بعصبية اييييه اللى بتعمليه ده يا دكتورة
أمل::بخضة وقفت والبنت كانت هتقع منها ..د/أدهم
أدهم::بسرعة..حاسبى يا مجنونة البنت هتقع منك
أمل::بتوتر..أء انا أسفة يا دكتور ..بس البنت كانت رافضة الكشف
أدهم:: بغيظ منها..خلصى كشوفات وحصلينى ع المكتب يا دكتورة ..وسابها ومشى قبل ما ترد راح مكتبه وشوية الباب خبط ودخلت الممرضة
مريم:: دكتور أدهم فى واحدة برة عايزة تقابل حضرتك ضرورى
أدهم::دى تبع الحالة اللى لسة خارجة من العمليات؟
مريم::لأ يا دكتور بتقول انها خطيبتك
أدهم:: بأندهاش..خطيبتى؟ انا مش خاطب اصلا
هاجر:: بأندفاع ..كدا يا دومى تنكر خطوبتنا اخص عليك..وبصت لـ الممرضة خلاص روحى انتى يا أسمك ايه
أدهم::بنرفزة..انتى أكيد مش طبيعية ازاى تيجى لغاية هنا وتقولى انك خطيبتى
هاجر:: أصل طلبت اقابلك قالولى انك مش بتقابل حد خالص اضطريت اقول انى خطيبتك يا دومى
أدهم::بغيظ..تقومى تقولى انك خطيبتى؟؟ و ايه دومى دى كمان..أسمى د/ أدهم ..ثم انتى عايزة تقابلينى ليييه
هاجر::بهيام..أصلك مز أخر حاجة يا فراولة اسمعلاوى انت
أدهم::نعععععم
هاجر:: قصدى..قلبى واجعنى وعايزة اكشف عليه
أدهم::بس انا مش دكتور قلب ..انا جرّاح
هاجر:: بتسبيل ..خلاص جراحى بتوجعنى عالجهم لى يا قمر
أدهم:: قبل ما يرد كان الباب خبط و دخلت أمل
أمل:: شافت هاجر عند أدهم.. بغيرة واضحة..الله الله ايه اللى بيحصل هنا
هاجر:: وانتى مالك انتى يا بايرة واحدة و خطيبها
أدهم:: خطيب مين انتى مجنونة يا بت انتى
أمل:: بنرفزة وصوت عالى..وانت بتنكر ليه ها.. هى هتكدب يعنى ولا هتكدب
أدهم:: دكتوووورة أمل ما تنسيش نفسك وتعلى صوتك ثم انا اصلا معرفهاش
هاجر:: بدلع..أخص عليك يا دومى بقى ماتعرفنيش ..
أدهم:: بزعيق..بقولك ايه يا بت انتى امشى من هنا مش طالبة جنان يلا قبل ما اطلبلك الأمن يطلعك برة
أمل:: أيوا يا أدهم فعلا دى مجنونة أخر حاجة اطلبلها الأمن يرميها برة
أدهم:: بعصبية أكبر..نعم انتى كمان ..ايه أدهم ده كمان .. جرا ايه يا دكتورة انتى هنا فـ مكتب المدير مش واقفة مع واحد صاحبك وبالمناسبة ايه المنظر اللى شوفته تحت ده ..
أمل::بتوتر..أ أ أصل يا دكتور البنت كانت خايفة انى أديها حقنة و كانت بتعيط و رافضة تكشف فـ كنت مضطرة أعمل كدا صدقنى
أدهم:: لسة هيرد عليها شاف هاجر واقفة مكانها هيمانة فيه ..بصلها انتى لسة هنا بتعملى ايه و بزعيق براااااااا و بيشاور بإيده ع الباب و رجع لـ أمل اللى حصل ده ما يحصلش تانى يا دكتورة فيه طرق كتير تقنعى بيها الطفل علشان يخضع للكشف و العلاج غير الهبل اللى كنتى عاملاه ده فاهمة ولا لأ
أمل::بهمس كالعادة..ربنا يوقف نموك يا بعيد دايما مسببلى رعب كدا
أدهم:: سمعها..انا بقى هسببلك رعب أكتر لما تاخدى خصم 3 ايام من مرتبك عشان تعرفى تبرطمى كويس و بزعيق برضوا يلاااااا براااااااا وابقى اشوفك قاعدة فـ الارض تانى بالمنظر ده
بقلمى✍️_________________لبنى دراز
شقة فارس
بعد ما خلص فارس اجتماعه مع المدير وقيادات القطاع خرج هو وسيف و قابلوا سمير و اقنعوه يساعدهم بعد ما وعدوه هيبقى شاهد ملك فـ القضية رجع بيته متوتر وقلقان وشافته
نجوى:: بقلق وقبضة قلب ..مالك يا حبيبى
فارس:: بتوتر ..مافيش يا أمى انا كويس
نجوى:: متأكد يا فارس ؟
فارس:: بأبتسامة وجع .. متأكد يا قلب فارس.. وبعدين انتى اللى مالك قلقانة ليه وفاتحة ليا تحقيق ههههههه
نجوى:: فجئت فارس بسؤالها.. هتسافر امتى يا فارس؟
فارس:: بصدمة..عرفتى ازاى انى مسافر.
نجوى:: مش اول مرة يا حبيبى تسافر فـ مهمة..خلاص اتعودت عليك لما تبقى ماسك قضية كبيرة دايما بتكون متوتر و قلقان وده حالك من وقت ما جينا هنا وكنت مستنية تقولّى هتسافر أمتى
فارس:: مسك ايدها و باسها ..طول عمرك بتحسى بيا و تفهمينى يا أم فارس من غير ما أتكلم ..
نجوى::بحنان..انت و اخواتك نور عينى و روحى لو ماحسيتش بيكم هحس بمين يعنى.
فارس::بحب..باس راسها ..ربنا يباركلنا فيكى ويخليكى لينا يا ست الكل..
نجوى:: قولّى بقى هتسافر امتى عشان أحضرلك شنطتك
فارس::بالليل يا حبيبتى وما تقلقيش السفر المرة دى جوة مصر مش برة ..هجمع معلومات مش اكتر..صحيح مش هعرف أكلمكم كتير فـ الاول بس وقت ما تيجى الفرصة أكيد هتصل اطمنكم عنى
نجوى:: هتغيب كتير
فارس:: مش عارف يا أمى صدقينى ..بس كل اللى عايزه منك تدعيلى و تاخدوا بالكم من نفسكم علشان خاطرى
نجوى:: دعيالك يا أبن قلبى وعمرى ..استودعتك عند الله.. ربنا ينصرك ويردك لـ قلبى و لـ أخواتك سالم غانم يارب
فارس:: براحة.. الله عليكى يا نوجة احلى دعوة بحب انك تدعيهالى ..وبص حواليه وشايف الدنيا هادية ..الله هما البنات و أدهم فين
نجوى:: البنات عند حور قاعدين معاها.من بدرى علشان هتمشى هى كمان رايحة المزرعة وهتغيب فترة ..و أدهم لسة ما رجعش
فارس:: طيب يا حبيبتى انا هنام ساعة لغاية ما يرجع أدهم والبنات تيجى علشان نتغدى.سوا قبل ما أمشى ودخل اوضته بيفكر فـ القضية و صورة حلم أترسمت قصاده وبيتمنى يشوفها قبل مايمشى
شوية و رجع أدهم من المستشفى وشاف الشقة هادية ومافيش حد و نده
أدهم:: مامااااا يا أم أدهم انتى فين
نجوى:: خارجة من أوضتها بتعيط وعينها وارمة من كتر العياط
أدهم:: بخضة..مالك يا حبيبتي بتعيطى ليه فارس جراله حاجة
نجوى:: بأستغراب ..بصت له أشمعنى فارس اللى قولت اسمه
أدهم::بقلق..مش عارف يا أمى قلبى واجعنى عليه من الصبح وخايف
نجوى::بدموع الخوف..مسافر بالليل مهمة جديدة وقلبى مقبوض اوى
أدهم::بقلق وخوف.. استودعيه يا أمى عند الله وأدعيله وقومى اغسلى وشك و ما تخليهوش يسافر وانتى كدا ..(وأخدها فـ حضنه بيحاول يطمنها ويطمن نفسه)..هيبقى كويس ان شاء الله و هيرجع بسرعة انتى مش عارفة يعنى ده المُد مر ولا نسيتى ياست الكل ..المهم البنات فين
عاليا:: دخلت ع سؤال أدهم ..نحن هنا يا كابتشن
ياسمين::ايييه ده خيا نة عظمى ..ايه ياست نوجة اى حد يحضنك كدا تتحضنى ..فينك يا أحمد تشوف المزة القمر دى بتتحضن من حد غيرك
أدهم::بخفة.. (ضـ ربها ع دماغها) انا حد يا هبلة انتى.. ( وعلشان يخفف التوتر و مايخليش البنات ياخدوا بالهم بيهزر وقلبه موجوع )ليه ياربى ليييه رزقتنى بأختين أهبل من بعض هههههههههه
عاليا:: انا احتج يا دومى
أدهم:: ليه ان شاء الله يا قردة
عاليا:: أديك قولت أهو قرررردة مش هبلة
ياسمين:: بضحك..لأ تصدقى صح تفرق..انتى عبيطة يابنتى ما الاتنين شتيمة ههههههههههههه
عاليا::كابتشن هو كله شتيمة شتيمة مافيش ضـ رب ههههههههههههه
فارس::من وراهم (ضـ ربها بخفة ع دماغها) اى خدمة يا قمر ههههههههههه
عاليا:: بزعل مصطنع..بقى تيجى منك انت يا أبيه متشكرين يا عم
ياسمين::ماما كنت عايزة استأذنك واستأذن فارس ..حور رايحة المزرعة وعرضت علينا نروح معاها انا وعاليا ممكن؟
فارس::بص لـ أمه وعرف حالتها من وشها وبص لـ ياسمين وماله يا حبيبتي روحوا وكمان خدوا ماما معاكم تغير جوا
نجوى:: برفض انا مش رايحة فـ حتة قبل..
فارس:: بمقاطعة باس ع راسها..حبيبتى كلنا محتاجين نغير جو روحى معاهم وانا هظبط شغلى واجيلكم انا كمان ماشى (بيشاور بعينه لـ امه علشان أخواته ما يحسوش بحاجة) يلا بقى غدونا انا جعاااان وبعد الغدا حضروا شنطكم وشوفوها هتمشى امتى
عاليا:: هتمشى دلوقتي بس قالت لو هنمشى معاها هتستنى شوية
فارس::خلاص بلغيها ان كلكم رايحين معاها حتى ماما يلا قومى
وجريت فعلا عاليا بلغت حلم انهم رايحين معاها حتى مامتهم وفعلا بعد محايلات من نجوى انها تفضل معاه لغاية ما يمشى و رفض منه مشيت مع حلم وأمينة والبنات وفضل أدهم معاه رفض انه يسيبه لغاية ما يسافر
أدهم:: بخوف.. هتغيب كتير يا فارس
فارس:: وهو بيجهز شنطته..صدقنى مش عارف هغيب قد ايه بس كل اللى عارفة ان وقت ما تجيلى الفرصة هكلمكم او أجى اطمن عليكم.
أدهم:: بأستفسار انت طالع المهمة جوة مصر ؟
فارس:: بيدارى عينه من أخوه ..اه جمع معلومات مش أكتر بس مش عارف هتأخد وقت قد ايه
أدهم::انا مش هسألك فين لأنى عارف ممنوع تقول..بس أنت بتكدب يا فارس .
فارس:: بعصبية..أدهم من امتى كنت بكدب عليك يعنى
أدهم::كل حاجة بتقول انك بتكدب..عصبيتك..توترك..عينك اللى بتداريها عنى أصرارك ان ماما تمشى مع حور والبنات .. بقلق..طمنى يا فارس الله يخليك قول انك فعلا هتجمع معلومات بس مش حاجة تانية
فارس::بخوف.. شد أدهم لـ حضنه وضمه أوى و دموعه بتهـ دد بالنزول ..أدهم انا سايب راجل فـ ضهرى سند لـ ماما وأخواتى البنات لو مارجعـ…..
أدهم::قاطعه بسرعة وطلع من حضنه اوعى تنطقها..ماتكملهاش أرجوك.. هترجع وتنور بيتك تانى.. انا من غيرك ولا حاجة ..انت مش أخويا وبس أنت أخويا وأبويا وصاحبى وكل ما ليا فاهم
فارس:: طيب ممكن تسمع كلامى وتنزل تروح المزرعة معاهم ..ماتسيبش ماما لوحدها لـ أفكارها ممكن.. وما تخليش البنات يعرفوا حاجة خليهم مبسوطين و ماترجعوش لغاية ما أرجع انا ماشى..يلا بينا ننزل سوا و هخليك توصلنى لغاية سيف وهو هيكمل معايا وانت تروح المزرعة
أدهم::بدموع ..حاضر يا قلب أخوك هسمع كلامك
فارس::مسح دموع أخوه..مافيش راجل بيعيط ويلا بينا بقى علشان اتأخرت ع سيف..
وفعلا نزلوا سوا و أدهم وصله لغاية سيف علشان يجهز عنده ويبتدى مهمته ..
بقلمى✍️_________________لبنى دراز
فـ المزرعة
وصلت حلم ومعاها أمينة ونجوى والبنات ياسمين وعاليا
و دخلت ڤيلتها واللى كانت فـ وسط المزرعة وكانت مبنية ع الطراز الكلاسيكى تصميمها راقى جدا دخلوا البنات و انبهروا جدا بجمالها من برة و من جوة
عاليا:: وااااااااو ..ايه ده ايه ده ايه الجمال ده.. دى قصر يابنتى مش ڤيلا ..ممكن اتفرج عليها يا حور
نجوى:: بتعنيف..عاليا قولى ماشاء الله ماينفعش كدا
عاليا::بزعل.. ايه ماما هو انا هحسدها يعنى
حلم::بأبتسامة.. لا يا لولى مش هتحسدينى طبعا ياقمر وخليكى ع راحتك خالص
ياسمين:: بسم الله ماشاء الله جميلة جدا يا حور زوقها حلو اوى
حلم:: تسلمى يا سمسمة..يلا بقى اطلعوا غيّرو هدومكم وانزلوا اتفرجوا براحتكم ع الڤيلا لغاية ما العشى يجهز
نجوى::سامحينى يا حور يابنتى ..انا هطلع انام و أعفينى من العشى
حلم:: تؤتؤتؤ هنا مافيش الكلام ده ..انتى عايزة فاطمة تزعل مننا ولا ايه
ياسمين:: بتساؤل..فاطمة مين
أمينة:: فاطمة دى البنت اللى بتشتغل مع حور هنا
حلم:: وعليها شوية فطييير مشلتت بالزبدة البلدى اوعى وشك.. ده انتى من جماله ممكن تاكليها هى نفسها مش صوابعك بس
عاليا:: واااو بجد نفسى فيه من زمان ما كلتهوش
حلم:: يبقى يلا بسرعة اطلعوا غيروا هدومكم و انزلوا والاوض فوق كتير خدوا راحتكم و ندهت ع فاطمة ..اللى جات تجرى
فاطمة:: بترحيب..حمد الله ع السلامة يا انسة حلم ..ازيك يا ست الحاجّة منورة والله يادى النور بـ الغاليين حبايب الغالية
حلم:: بـ هزار..بطلى رغى يا بت انتى وطمنينى أخبار الفطيير اييييه
فاطمة:: جاهز و يستاهل بوقك ياست البنات ..يا أهلا بالضيوف ..نورتونا
نجوى:: منور بأهله يابنتى
حلم:: يلا يا رغاية شوفى فتحية فين و اطلعوا مع الجماعة فوق و حطى شنطة ماما فـ اوضتها الاول قبل ماتطلعى
فاطمة:: حاضر يا ست البنات تؤمرينى بحاجة تانى
حلم::لأ خلصى بس وانزلى ظبطى الفطير واللذى منه فاهمانى طبعا
فاطمة:: فوريرة يا انسة حلم
حلم::طيب ياختى اخلصى..وبصت لـ أمها..ماما انا طالعة برة شوية لغاية ما تغيّروا وتنزلوا ..هتعوزى حاجة أجيبهالك وانا راجعة
أمينة:: تسلميلى يا حبيبتى بس ما تتأخريش
حلم:: طمنت أمها و طلعت تشوف أخر أخبار الشغل مع ألاء و حازم
حازم:: حمد الله ع السلامة ..ايه يابنتى انتى ما صدقتى ولا ايه
الاء:: لومى وحشتينى حمد الله ع السلامة
حلم:: الله يسلمكم انتوا كمان وحشتونى ..طمنونى أخباركم وأخبار الشغل ايه
حازم:: أخبارنا زى الفل وكمان هيجيلنا ضيف كمان كام شهر و بيشاور ع ألاء.. استعدى بقى علشان تستقبليه
حلم::بـ فرحة..لأ ما تقولش.. بجد والله
ألاء:: بجد ..أخيرا يا حلم
حلم:: حضنتها بفرحة ..مبرووووك يا لولو
وبهزار ..ما تتوحميش ع الواد ده البت كدا هتبور ههههههههههههه
حازم:: بضحك..يا سلام ياختى ده انا قمررر ..وبعدين من قالك انها بنت مش يمكن يكون ولد
حلم:: ولد ولا بنت كلهم رزق من عند ربنا المهم انه يشرف بالسلامة ..بقولكم ايه تعالوا نتعشى سوا البت فاطمة عاملة شوية فطير انما ايه👌 انا جوعت ع الريحة
حازم:: اممممم ..ما هى مش بتعمله غير ليكى وبس
حلم:: طيب يلا يا فالح ماما عايزة تسلم عليكم ..وفعلا رجعوا الڤيلا سوا كلهم
ألاء:: السلام عليكم ورحمة الله
طنط أمينة حبيبتى حمد الله ع السلامة
حازم:: أزيك يا ست الكل عاملة ايه
أمينة::وعليكم السلام ورحمة الله..ازيكم يا حبايبى عاملين ايه طمنونى عنكم
حازم:: لسة هيتكلم شاف نجوى وبناتها نازلين ..أوباااا ايه الجمال الاوروبي اللى نازل ده
الاء::بغيظ منه..حاااازم..وبعدين
حلم:: بضحك..يا أبنى خاف ع نفسك ههههههههههههه
نجوى:: السلام عليكم
كلهم وعليكم السلام ورحمة الله
حلم::أعرفك بقى بالجمال البلدى يا حازم أفندى
الاء:: بهمس..وبعدييين بقى..صبرنى يارب عشان ما أقت لهمش
حلم::بتضحك سمعتك ع فكرة ههههههههههه المهم بقى و بتشاور ع نجوى..دى طنط نجوى القمر بنت عم مامتى و دول بقى و بتشاور ع البنات ياسمين و عاليا وبصت لـ نجوى و بتشاور عليهم دول بقى أصدقائى.. حازم يبقى مدير الحسابات وكمان النائب بتاعى والاء مديرة أعمالى وكمان جوز بعض هههههههههههه
نجوى:: تشرفنا
حازم:: الشرف لينا يا طنط نورتوا المزرعة
بعد شوية جات
فاطمة:: العشى جاهز يا انسة حلم
حازم:: اممممم ماااااشى يا فاطمة بقى اقولك اعمليلى فطييير تقوليلى مابعملش غير للست حلم بس ..طب ادينى هاكل منه وقبلها كمان
فاطمة:: يوه يا سى حازم ما انت طلبته وصمتت اعملهولك فـ وقت كان فيه شغل كتير وما كنتش فاضية
حلم:: خلاص يا فاطمة روحى انتى دلوقتي وبعد كدا تبقى اعمليله مخصوص ماتزعليهوش مننا
فاطمة:: حاضر يا ست البنات من عينى
ومشيت فاطمة والكل قعدوا ع السفرة و هم بيتعشوا كان أدهم وصل
أدهم:: السلام عليكم ورحمة الله ..لا سلام ع طعام
حلم:: طب اتفضل حماتك بتحبك ههههههههههه
أدهم:: وانا هحب بنتها بس أعرفها الاول ههههههههه
وبالفعل اتعشوا مع بعض وبعد العشى سهروا سوا و اتعرفوا أكتر بـ حازم و الاء وبعد كدا كل واحد راح ع اوضته ينام
الا حلم النوم جفاها و فارس شاغل تفكيرها طول الليل و بتكلم نفسها ياترى ليه ماجاش معاهم.. كان نفسها تشوفه قبل ماتيجى المزرعة بس ماعرفتش ..طيب يا ترى هييجى زى ما قال أدهم وفضلت تفكر وتكلم نفسها عنه لغاية ما سمعت أذان الفجر قامت صلت فرضها ونامت ساعتين علشان تقوم تشوف شغلها كالعادة ..
______________________
فـ المدافن
قصاد المدافن الساعة 2 بعد نص الليل الجن اتخانق مع الواد الناضورجى و نازل زعيق و ضرب فيه .
عبده الجن:: ياااض بقولك هدخل للمعلم ياااض
الناضورجى:: يا عم هى وكالة من غير بواااب ..مانتش داااخل بقولك
عبده الجن:: بزعيق ..بقووولك ايييه ماتحضرش الجن ياض عشان مش هتعرف تصرفه ومش هتستحمل أذاااه
الناضورجى:: بصوت عالى..وانت مين بقى يا شبح عشان تكلمنى كدا
عبده:: ضربه بالدماغ ..انا عبده الجن يا حيلتها ..مين فيكى يا بلد ما يعرفنيش ..عبده الجن ياض لا حكومة تهم ولا سجن يلم
المعلم:: سامع صوت الخناقة. وبعت واحد من رجالته يشوف فى ايه ومين بيتخانق ورجع الراجل بسرعة
محروس:: بخضة..ألحق يا كبير عبده الجن زعيم المطاريد برة
المعلم::بتقوووول ميييين؟؟
محروس:: بقولك زعيم المطاريد يا معلم
المعلم::انت متأكد ياض يا محروس
محروس:: هو بعينه يا كبير ماسك فـ رقبة الواد سمير برة و نازل طحن فيه
نرجع للخناقة
عبده الجن:: لـ سمير..بقى انت يااااض عايز تقف قصاد عبده الجن هأو ..ده انا الجن اللى دوّخ الحكومة وراه يا روح امك
المعلم::راح بنفسه يتأكد و شافه وقال.. عايز ايه يا جن بتزعق و تخانق رجالتى ليه
عبده:: وانت مين انت كمان يا حيلة امك
محروس:: ده المعلم حسونة سِيد المعلمين كلهم ..
عبده:: يا أهلا بـ سِيد المعلمين ..بقى يرضيك يا معلم الهفأ ده.. وبيشاور ع سمير يمنعنى أدخلك
حسونة:: مالوش حق يا جن ده انا من زمان وانا نفسى اقابلك من كتر ما سمعت عنك.. اتفضل اتفضل بيتك و مطرحك يا ريس
عبده:: يزيد فضلك يا معلم.. وبضحكة شر هاهاهاهاهاهاهاهاها..قول مدفنك ومطرحك يا معلم .. يارب يا ساتر لأ دى ماينفعش معاها يارب يا ساتر.. دى ينفع معاها وحدوووووه
حسونة:: لا إله إلا الله سيدنا محمد رسول الله..انما خير يا جن ايه حدفك علينا النواحى دى
عبده:: هربان م الحكومة يا معلم حسونة و عايز حتة أتاوى فيها وسمعت عنك انك مجدع وعترة وصاحب صاحبك
حسونة::بأستفسار..وسمعت عنى من ميين
عبده:: من الزينى(واحد من رجالة حسونة)يا معلم كنا زمايل أروانة واحدة 5 سنين و هربنا سوا واشتغلنا مع المطاريد لغاية ماسيطنا سمّع وبقيت زعيمهم..وبحزن مصطنع..و من كام يوم كنا فـ عملية كبيرة وحصل هجوم علينا من الحكومة والزينى فدانى بنفسه حاولت انقذه ما امكنش ومات.. وهربت انا من مكان لمكان لغاية ما وصلتلك طالب حمايتك لغاية ما اشوفلى مكان
حسونة:: بحزن..الزينى مات ..سبحان من له الدوام ..أهلا بيك ياجن مكانى مكانك وتحت أمرك ..حبيب الزينى حبيبى وتكرم لاجل خاطره
عبده:: تشكر يا معلم ..ده من زوقك يا كبير
حسونة:: سمعت عنك كتير يا جن بس نفسى اسمع منك كمان
عبده:: عايز تسمع ايه يا سِيد المعلمين
حسونة:: قول لى بتعمل ايه فـ الحكومة بتخليهم يتجنوا
عبده::بقوة.. الجن ما بيقولش يا معلم ..الجن بيعمل و يطير ..عبده الجن أفعال مش أقوال وأكيد سمعت يا معلم حسونة
حسونة:: بشرود..الا سمعت عنك ده انت جيت لى فـ وقتك يا جن و بهمس سمعه عبده يااااااه لو تحط أيدك فـ ايدى هنعمل شغل لحسابنا و نكبر و نقب ع وش الدنيا بدل التربة اللى عايشين فيها دى
عبده::بخبث.. بتقول حاجة يا معلم حسونة
حسونة:: بخضة ..بقول اتفضل نام و استريح يا جن النهار طلع وله عينين و ع ما يحل الليل نقعد ونتكلم
عبده:: وماله يا معلم ننام و نستريح الا الواحد تعبان من كتر الجرى و التنطيط من مكان لمكان
حسونة:: اتفضل يا جن حوش نضيف ما بيتفتحش غير للغاليين بس وكمان هبعتلك لقمة ع قد ما قُسم تتصبر بيها تلاقيك جعان
عبده:: تشكر يا معلم..ما كدبش الزينى لما حكالى عن كرمك
حسونة:: الله يرحمه..اسيبك تستريح و هبعتلك مع محروس الاكل ..و سابه وطلع راح لـ سمير.. شغل لى الكامرات اللى فـ الحوش ده ياض
سمير::انت شاكك فيه ولا ايه يا معلمى
حسونة:: ياض ماتبقاش غبى مش يمكن يكون حد زقه علينا
سمير:: حد زى مين يعنى يا معلمى
حسونة:: الحكومة يا حم اااا ر
سمير:: ازاى بس يا معلم و هو هربان منهم اصلا
حسونة:: مش بقولك غبى ..ياض افهم ياض ماهو ممكن بيقول كدا علشان اخبيه عندى ويعرف اخبارنا ويبلغ عننا وساعتها يطلع هو براءة والحكومة تسيبه فـ حاله
سمير:: بتريقة ..يا سلاااام دماااغك الماظات يا معلم
حسونة::شغل بقى يا خفة الكامرات خلينا نشوف بيهبب ايه.. وفعلا شغل سمير الكاميرات وحسونة شاف
عبده:: قاعد ع سرير فـ وش. الكاميرا وبيسقف بإيده . الله الله ايه الحلاوة دى ..وأخيرا ياض يا عبده لاقيتلك مكان تستخبى فيه من الحكومة وتنام مستريح ..صدق الزينى لما قال ان المعلم حسونة احسن واحد ممكن يخبيك يا جن و يا سلاااام ياض لو البلية تلعب وأعمل معاه شغل ..يا حلاو يا حلاوة
بقلمى✍️_________________لبنى دراز
فـ شقة خاصة بـ عابد
قاعد بيشرب كاس مع سيجارة وشوية و رن جرس الباب وقام فتح وكانت
مروة::بمياصة..بودى و حشتنى مووووووت بضحكة مايصة هيهيهيهيهيهيهيهيهيهيه
عابد:: أمووووووت انا فـ الضحكة دى يا قلب بودى انتى كمان وحشتينى ياقمر
مروة::أتأخرت عليك؟
عابد::أتأخرتى كتيييير يا روحى و الأكل بِرد ع الاخرررررر
مروة::تؤ تؤ تؤ تؤ أخص عليا ..لأ احنا كدا نروح المطبخ و نسـ خنه الأول ولا ايييه
عابد::بنظرة جريئة..يالهههههوى يانى من شقاوتك يا مييرو..وبغمزة ماتسيبك من الأكل اللى بِرد ده وتعالى جوة نطفى الحـ ر يقة ياقمر
مروة::وهى رايحة معاه اوضة النوم.. هى فين الحر يـ قة دى يا بودى
عابد::هنا اهو وبيشاور ع نفسه..كلى مـ و لـ ع يا ميرو وبيقولك طفي نـ ار الشوق قبل ما تزيد
وفعلا ما اترددوش لحظة انهم يقعوا فـ الحرام وغافلين عن رب العالمين
عابد::ومروة فـ حضنه مش حاسس بيها اصلا
مش شايف غير حلم وبس ..بحبك ياحلم عمرى اااااااه
حلم::وانا كمان بحبك يا عابد اوى
عابد::يااااااه قد أيه حلمت باليوم ده يا حلمى
حلم::بدلع واهو حلمك اتحقق يا حبيبى و بقيت فـ حضنك وبين إيديك لـ أخر العمر
عابد::لـ أخر العمر ياعمرى و هاخدك ونبعد بعييييييد عن كل العيون
حلم::ياما اتمنيت تبقى معايا , وحلمت انى اعيش ياحبيبى حياتى معاك
ونروح لبعييييد ننسى العالم بحاله , ننسى الدنيا ومافيها..وانا وياك
عابد::ااااااه ياحلم عمرى صوتـ.. وفاق ع صوت مروة و هى بتغنى..أتعدل بزهق وضيق..خلاص يا مروة كفاية
مروة::بأستغراب ..كفاية ليه هو انت مش مبسوط؟
عابد::بتصنع الحب..أكيد مبسوط يا حبيبتى بس افتكرت حاجة عكننتنى .. معلش هعوضهالك مرة تانية ..يلا قومى خدى شاور عشان اوصلك قبل ما حد من اهلك ياخد باله من غيابك برة البيت
وفعلا قام عابد و هو مش طايق نفسه و بيتمنى فعلا لو كانت حلم هى اللى كانت فـ حضنه..وقال قريييب اوى يا حلمى هتبقى بين إيديا
_______________________
عدى كام يوم من غير أى احداث و فـ يوم حسونة بيتكلم مع محروس
حسونة::بقولك ايه ياض يا محروس ..ايه رأيك ياض لما نشغل الجن معانا فـ العملية الجديدة ؟!
محروس:: بلاش يا سِيد المعلمين
حسونة:: بلاش ليه يا فقرى
محروس:: العملية كبيرة يا معلمى وهو لسة جديد علينا ..بلاش توثق فيه من اولها كدا.. لا يكون حد زقه علينا
حسونة:: ياض انا مراقبه من يوم ما هلّ علينا ما طلعش برة الحوش ولا اتكلمش مع حد فـ المحمول
محروس:: مش عارف بقى يا معلم حسونة انت أدرا بالمصلحة
حسونة:: ما تقلقش ياض يا محروس احنا هنجربه و نشوف الدنيا بعد كدا ..أجرى بس اندهله
محروس :: أمرك يا معلم
وفعلا راح محروس ينادى ع عبده الجن ..مساؤؤؤ يا ريس عبده
عبده:: يا أهلا يا أهلا يا مسا الورد .خير يا محروس
محروس:: المعلم حسونة عايزك يا ريس عبده
عبده:: قام وقف وبيلبس شبشبه..ماتعرفش المعلم عايزنى ليه
محروس:: لا يا ريس معرفش كل اللى قاله انى اندهلك بس
عبده:: طب فوت قدامى لما نشوف معلمك عايزنى فـ ايه
ومشى عبده مع محروس وراح لـ المعلم حسونة
محروس:: يا معلمى الريس عبده أهو يا كبير
حسونة:: طب غور انت ياض ..وخلى الواد سمير يقف برة الحوش ياخد باله كويس
محروس:: حاضر يا سِيد المعلمين
عبده:: مساء الورد يا معلم حسونة.. بلغنى انك عايزنى خييير
حسونة:: خير ان شاء الله ..أقعد بس يا جن الأول
عبده:: و هو بيلم جلبيته الصعيدى و بيقعد ..وأدى قعدة
خير يا معلم
حسونة:: بتفكير..اممممم سكت شوية وبعدين قال ..بقولك ايه يا جن انا مش عاجبنى شكلك كدا بالجلابية و العِمة ..ايه رأيك تغيّرهم و تلبس زينا كدا وتغيّر من شكلك شوية
عبده:: اممممم ..ما تجيب م الاخر يا معلم
حسونة:: بتساؤل..أخر ايه اللى عايزنى أجيبه
عبده::بقوة..ما هو مش معقول يعنى هتخلينى أغيّر هدومى وشكلى لله كدا يا معلم أكيد في حاجة عايزها منى ..فـ هات م الاخر
حسونة:: تعجبنى يا عبده ..صدق اللى سماك الجن ..اسمعنى بقى و ركز فـ الكلام
عبده::بأنتباه.. سامعك يا معلم حسونة قول
حسونة::شغل تقيل جاى فـ السكة و بصراحة كدا عايزك معايا بكرة زى دلوقتى قولت ايه
عبده::شغل ايه ده اللى عايزنى فيه يا معلم
حسونة::شحنة سلا..ح تقيلة بملايين الملايين ها قولت ايه
حسونة:: أفهمنى يا عبده ..الشحنة هتتسلم فـ نص الليل وانت عارف الليل ستار و الدنيا أمان ما تقلقش ومعاك رجالتى مش هيسيبوك لوحدك
عبده:: اممممم قّدر بقى الطوبة جات فـ المعطوبة والحكومة هجمت يا معلم
حسونة:: فال الله ولا فالك يا أخى اتفائل بالخير ..أسمع منى بس أحنا نجيبلك لبس غير ده وتغيّر شكلك و هنجيبلك تلفون محمول تخليه معاك عشان نكون ع اتصال مع بعض ماتخافش
عبده::قاعد حاطط راسه بين ايديه و بيفكر
حسونة:: بتفكر فـ ايه بس يا جن ..أعقلها و أتوكل
عبده:: استبينا يا معلم حسونة ..بس عدم اللامؤاخذة انا مش هغيّر لبسى و لا شكلى أه اللى أوله شرط أخره نور قولت ايييه
حسونة:: قولت ع قولك يا جن أستبينا
______________________
حسونة::افتح يابنى الصناديق دى
عبده:: ايييييييه ……….؟؟؟؟؟
- تبع الفصل التالي اضغط على ( رواية العشق الابدي) اسم الرواية
تعليقات
إرسال تعليق