Ads by Google X

القائمة الرئيسية

الصفحات

رواية لتضيء عتمة احلامي الفصل الخامس 5 - بقلم اية السيد

   رواية لتضيء عتمة احلامي كاملة بقلم اية السيد عبر مدونة كوكب الروايات 


 رواية لتضيء عتمة احلامي الفصل الخامس 5

 
إنتِ إزاي حلوه أوي كدا!
ابتعدت عنه قليلًا قائله: فيه ايه يا أستاذ أحمد!! حضرتك بتكلمني كدا ليه!
اقترب منها مرة أخرى وحاول وضع يده عليها فابتعدت لكنه اقترب مجددًا ولمس يدها فدفعته بيد واحده لأن الأخرى بالجبيرة بدأ يلمس جسدها فصرخت به
-ابعد عني… اوعى حرام عليك
خاف من صراخها وابتعد عنها، رفع يده قائلًا:
-ماشي… ماشي خلاص بعدت، بس لو قولتِ لحد هقول أن إنتِ الي بتحاولي معايا من أول ما جيتِ المطعم…
-مش قايله حاجه… سيبني في حالي
خرج من المطبخ يفكر في مكيدة ما ليوقع بها تلك الفاتنه التي سحرته، تركها تشهق باكيه وهي تنظر لأثره، جففت دموعها وربتت على كتفها كأنها تواسي نفسها محدثة حالها: متعيطيش يا سلمى إنتِ قويه…. ومتقلقيش ربنا معاكِ ومش هيسيبك هينقذك من شر كل دول….
في اليوم التالي
تركب سلمى السياره بجوار يمنى، ويقود شريف السيارة وبجواره سليم، أغلقت جفونها شاردة في حياتها وما حدث معها بالأمس في المطعم، تتمنى لو كان والدها على قيد الحياه تستمد منه الدعم والقوة، لكم ودت أن تحتضن والدتها وتشكي لها مرارة الأيام! فرت دمعه من عينيها كعادتها دائمًا عندما تتخيل مشهد مق..تلهم وانفجار البيت، سرعان ما مسحت دمعتها لتخرج من شرودها على صوت يمنى هاتفه: أنتِ نمتِ ولا إيه؟
فتحت عيونها الملونه ناظرة لها: لا أبدًا
أغلقت يمنى عيونها قائله بصوت مسموع للجميع: أنا بقا هنام لما توصلوا صحوني
أردف شريف معقبًا: لا متناميش عايزين نفطر
يمنى: افطروا انتوا أنا بجد هنام… منمتش طول الليل
شريف: طيب يا أنسه سلمى هتفطري معانا إنتِ؟
أردفت بحياء: إحم… لا شكرًا…. هو ممكن بس لو حضرتك توقف عند أي سوبر ماركت أجيب حاجه
-حاضر ماشي
نظر شريف لسليم وقال: افطر إنت بقا معايا
-لأ أفطر إنت أنا مش جعان
كان سليم يختلس النظر لسلمى عبر المرآه من حين لأخر يتابع وجهها العابس والدموع التي تفر من عينها وتخفيها سريعًا ظانه بأنه لا أحد يراها، بدأ شريف بالأكل، ويمنى تغط في سبات عميق.
وقف شريف أمام سوبر ماركت قائلًا:
-روح معاها يا سليم… وأنا هخلييني مع يمنى
أردفت بتوتر: لأ عادي أنا هنزل لوحدي
فهتف سليم : أنا كدا كدا هنزل عشان هجيب قهوه قولي إنتِ عايزه ايه وأنا أجيبهولك
فتحت باب السياره وهي تقول: لا أنا هنزل أجيب أنا… شكرًا ليك
-طيب أجيبلك معايا قهوه؟
ردت بحياء: ياريت…
ولج سليم للكافيه، وبينما هي تدلف إلى الماركت أوقفها صوت رجل يقول بغضب: إنتِ فاكره لما تهربي مني وتروحي أخر الدنيا مش هعرف أوصلك؟
ردت بصدمه: إنت!!!… أنا كنت عارفه إن فريده هتقولك مكاني…. أرجوك سيبني في حالي أنا مش عايزه منك أي حاجه بس سيبني في حالي
-هو بسهوله كدا! أكبرك وأعلمك وتهربي مني… طيب إستأذني!
أردفت بخوف:
– إنتوا عاوزين تجوزوني و… و..وتجيبوا فلوس من ورايا وأنا مستحيل أعمل كدا
-وأنا مستحيل أسيبك… هترجعي معايا بالذوق ولا أخدك أنا بقلة ذوق
-لأ مش هرجع لبيتكم دا تاني
مسكها من زراعتها بعنف يجرها لتركب معه السياره فحاولت الإفلات منه تصرخ ببكاء: سيبني أنا مش هرجع معاك ولو قت..لتني
تجمع الناس أثر صراخها
لتهتف إحداهن
-سيب البنت في حالها إنت عايز منها ايه؟!
ليجيب: ملكيش دعوه بنتي وبربيها
صرخت سلمى: مش بنته والله… سيب إيدي
استيقظت يمنى أثر صوت تجمع الناس فنظرت من النافذه للحظات تستوعب ما يحدث ثم أردفت بصدمه وهي ترتجل مسرعه من السياره: يا نهار أبيض … سلمى يا شريف
ارتجل شريف خلفها ودخل وسط الناس الملتفين حول سلمى
يمنى: سيبها يا حيوان إنت
نظر الرجل ليمنى قائلا بحده
-أنا مغلطش فيكِ متغلطيش
هتف شريف بحده: سيبها يا راجل إنت.. بتقولك مش هتروح معاك!
-قولتلكم بنتي اي مبتفهموش… يلا يا سلمى
استجمعت سلمى قوتها وقالت من وسط دموعها: أنا مش بنتك أنا أهلي ماتوا… سيبني بقا ارحمني… كفايه السنين الي كنت بتعذب فيها في بيتك…
أردف شريف: لو مسيبتهاش هطلبلك الشرطه… وهما بقا يقولوا هي بنتك ولا مش بنتك
خرج سليم من الكافتيريا حاملًا بيده كوبين من القهوه فسمع صوت شريف ورأي حشد من الناس يقف حولهم فرمى الكوبين من يده وهرول ليقف بجوارهم هاتفًا بخوف: فيه ايه؟
أجاب أحد الناس: الراجل دا عايز ياخد البنت معاه بالعافيه!!
-بقولكم بنتي… أنا الي مربيها وهربت مني
مسك سليم يد الرجل التي يمسك بها ذراع سلمى فتركها الرجل وتراجع للخلف خوفًا من نظرات سليم، وقف سليم أمامها كأنه يحميها وقال للرجل: أيوه أمرني عايز ايه؟
خاف الرجل أن يقحم نفسه في المشاكل أو تتدخل الشرطه، تنهد بضيق وهو ينظر إليها قائلًا: ماشي يا سلمى… هسيبك بس حسابنا بعدين…
رد سليم بحده: هتعمل ايه يعني!!! طيب ابقى قرب منها!
انصرف وتركها، أما هي أغمضت جفونها بحزن لتخرج تلك الدموع من عينها، بينما تضمها يمنى وتربت على ظهرها فهي تعلم حكايتها وتعرف جيدًا من يكون هذا الرجل، نظر سليم لتلك المنكسره التي تبكي بدون نحيب… فأصابته وغزه في قلبه لا يدرى ما سيبها!
نظر شريف إليهم قائلًا: يلا يا جماعه اركبوا يلا الناس بتتفرج علينا
———————-
أنهت عملها بالمكتب وهمت بالرحيل فأوقفها أحمد هامسًا: دي تسجيلات مراقبه عاوزين نحطها في مكتب سليم
-سهل أوي روح حطها محدش هنا الأستاذ سافر إسكندريه
-لأ حطيها إنتِ وظبطي مكانها بحيث محدش يشوفها
-ماشي بس أنا مبعملش حاجه ببلاش
أخرج الأموال من جيبه وأعطاها مبلغ قائلًا: امسكي دا إنتِ مش سالكه زي عبير بالظبط فوله واتقسمت نصين…
نظر إليها بجراءه مردفًا: بس الصراحه إنتِ أحلى منها بكتير.. بقولك إيه متيجي تسهري معايا النهارده
أردفت بحده: بقولك إيه أنا مليش في الشمال… فاحترم نفسك معايا
-شمال ايه ربنا ما يجيب شمال…. أنا طالب الحلال… أصل أنا معجب من زمان ومخبي جوا قلبي
نظرت له بخبث قائله: هو مش فيه علاقه بينك وبين البت عبير!
-علاقة إيه دا في دماغها هي إنما أنا سنجل والله وعاوز حد يكملني ويبقا نصي التاني
ابتسمت بمكر قائله: بس أنا مهري غالي
-مفيش حاجه تغلى عليكِ يا قمر…أنا أجيبلك الدنيا كلها تحت رجليكِ
غسل عقلها بكلامه المعسول، ولمع في عقلها فكره، فقد كانت تحاول أن توقع سليم أو شريف في حبها لكنها لم تستطع، وقد جاء هذا طالبًا إياها بشوق كما زعمت، نسيت كل الوعود التي أعطتها لإبنة خالتها بأن تبتعد عن أحمد وبدأت بينهم علاقة مؤقته من وجهة نظرها، فستركنه على الرف وتستأنف المحاوله مع شريف وسليم …
———————–
يجلس في مطعمه يتكلم مع والدته عبر الهاتف قائلًا: أهم حاجه يا أمي خلي بالك من سلمى قبل يمنى، دي بنت طيبه أوي هتحبيها
-صاحبة بنتك؟
-هي بتدرس في كلية علاج طبيعي، بس حكايتها حكايه… هي أصلًا عايشه معانا… احكيلك بالظبط
حكى لها ما حدث مع سلمى وكيف أنقذها فأردفت قائله: أنا فعلًا عرفت أربي… لو مت دلوقتي وقابلت ربنا هقوله يارب أنا قضيت حياتي بربي عيالي وأعلمهم ازاي يعاملوا عبيدك وازاي يساعدوا غيرهم.
-ربنا يديكِ الصحه يا أمي إنتِ وبابا… بس ادعيلي أصل أنا خايف أكون بورط نفسي مع البنت دي
-ربنا يبني يجعلك دائمًا في عون الناس… ويجعلك دائمًا تعطي ومتحتاجش لمخلوق… اعمل الخير ومتشلش هم ربنا بيقول”إن يعلم الله في قلوبكم خيرًا يؤتكم خيرًا”
-اللهم آمين… طول ما إنتِ بتدعيلي أنا مش خايف… المهم يا حجه لما الجماعه يوصلوا طمنيني عشان عارف إنهم هينسوا
-ولو نسوا أنا عمري ما أنساك يا حبيب أمك
-تسلميلي يا ست الكل
الناس بالناس ما دام الوفاء بهم
والعسر واليسر ساعاتٌ وأوقاتُ
وأكرمُ الناسِ ما بين الورى رجلٌ
تقضى على يدهِ للناسِ حاجاتُ
“الإمام الشافعي”
—————————
-منه لله خلاني رميت القهوه على الأرض!
قالها سليم معقبًا عما حدث، رد شريف قائلًا: حصل خير يا سليم مش لازم قهوه خالص
أردف سليم: لا بجد الراجل دا كان عايز علقه أنا مش عارف أنا إزاي سببته كدا ووقفت أتكلم معاه عادي.
رد شريف بابتسامه: بس الراجل اترعب منك دا كان هيجري من الرعب
كانت في عالم أخر تفكر فيما حدث منذ قليل، ها قد وصل لها أبو فريده، لاشك أنه يراقبها وسيبدأ بمضايقتها، لا تدري بم ستنتهي هذه القصه هل سيتركها أم ماذا سيفعل؟ فقد شُل تفكيرها تمامًا! مسكت يمنى يدها تطمئنها بأنها بجوارها تساندها وتشد أزرها، فابتسمت وهي تهز رأسها أنها بخير فلا تقلق.
نظر شريف في مرآة السيارة قائلًا لسلمى: إنتِ كويسه يا أنسه سلمى؟
فهزت رأسها بالإيجاب مرددة نعم.
أردف سليم: هو الراجل دا كان عايز منك ايه؟
أردفت يمنى: بص هو دا الراجل الي مربيها وهي هربت منه عشان كان عايز يجوزها لراجل عجوز وياخد فلوس منه فهي هربت منه ودلوقتي عايز ياخدها بالعافيه.
أردف سليم: مش بقولكم الراجل دا كان عايز علقه… أنا حاسس إني عايز أرجع أضربه
ابتسم شريف قائلًا: تصدق أنا كمان…
مر الوقت سريعًا وسلمى مكتفية بالإستماع لحديثهم ولم تنطق بكلمه أثناء الطريق، وصلوا لبيت جد يمنى وارتجلوا جميعًا من السياره ليستقبلهم الجد والجده والأعمام بترحاب ويصران أن يمكثا سليم وشريف معهم في البيت، فالبيت يحتوي على طابق أرضي ولا يوجد به أحد، وافقا على طلبهما وذهب كل منهم ليستريح من أثر السفر.
مر يومان كانت سلمى قليلة الكلام والظهور تمكث في غرفتها أغلب اليوم حزنت يمنى على حالتها وتمنت لو لم تأتي للإسكندريه…
-إنت هتقضي النهارده كمان في أوضتك؟
– أنا حابه كدا يا يمنى اخرجي إنتِ بجد مليش مزاج خالص
-طيب أنا خارجه مع شريف…. هنجيب فستان وشويه حاجات عشان الخطوبه.. متبقيش رخمه وتعالي معايا بقا
-بصي روحي إنتِ وابقي صوريلي الفستان وهختار معاك واتس… أنا مش حابه أخرج خالص
-خلاص الي يريحك… هنبقى على نواصل بقا…
خرجت وتركتها لأفكارها التي تهلكها، فقررت الخروج من غرفتها للتعرف على أهل البيت على الأقل تشتت تفكيرها عن تلك الأفكار، منذ مجيئها ويعاملها الجميع بمودة ودلال ويحاولون التقرب منها لكنها منشغلة قليلًا بما حدث لها تفكر كثيرًا، وتشرد أكثر عزمت أمرها بأن تترك الأمر لخالقها فما كُتب لها من خيرٍ أو غيره ستراه.
بدأت تلف في أرجاء المنزل تنظر للأثاث والنجف الفاخر حتى لفت نظرها غرفة كبيره يلتف فيها نساء العائله حول الجده يتبادلون أطراف الحديث، ظنتها غرفه لكن عندما اقتربت وجدته مطبخ يطهون فيه الطعام، عندما رأتها الجده رحبت بها بحب وطلبت منها الجلوس
-نورتينا يا سلمى
قالتها الجده وهي تربت على كتف سلمى بحنان، ابتسمت سلمى لطيبة قلب الجده وقالت: منور بوجودك يا جدتي
ابتسمت الجده قائله: ها بقا تحبي تتغدي ايه النهارده!
-أحب أطبخلكم بإيدي النهارده
-بتعرفي تطبخي؟
أردفت سلمى بابتسامه
-بيقولوا إني شيف، اي رأيك تجربيني؟
-أكيد الأكل من إيدك هيبقا جميل كدا زيك… بس إيدك مكسوره يحببتي!!
-لأ متقلقيش هطبخ باليمين عادي وانتوا تساعدوني إي رأيك؟
أردفت زوجة أحد أبناء الجده قائله: طيب يلا شوفي عايزه تعملي ايه وكلنا هنساعدك
بدئن بإعداد الطعام وهن يتسامرن ويتعرفن على بعضهن البعض، وكانت تشعر بالسعاده برفقة هذه العائلة الحنونه، تناست كل ما يعركل حياتها وركزت في هذه اللحظات التي لن تُعوض…
———————–
تركب يمنى بجوار شريف في السياره
-سلمى زعلانه أوي يا شريف.. أنا حاسه بيها هي خايفه الراجل دا يظهرلها تاني
-ربنا يكون في عونها يا يمنى… إنتِ قوليلي هي من المنيا صح؟
-أيوه كانت ساكنه في المنيا… المهم هنجيب ايه؟
-بصي احنا الأول نروح مطعم حلو ناكل وبعدين نروح الملاهي عشان أنا عارف إن حببتي الصغيره بتحب تلعب زي الأطفال… وبعدين ناكل أيس كريم وبعدين نشوف هنعمل ايه!
-حد قالك قبل كدا إن إنت راجل جدع
ابتسم قائلًا: ياااه كتييير
– مغرور أوي بس بحبك
عضت لسانها لتلك الكلمه التي نطقت بها
نظر لها شاردًا فكان سيصطدم بسيارة أخرى، فقد قالت أحبك منذ قليل، ألا تدري ما تأثير تلك الكلمه على قلبه!
-حاسب يا شريف براحه… كنت هتخبط في العربيه
-إنتِ قولتِ إيه من شويه؟
-قولت حاسب لتخبط في العربيه
-لأ الي قبلها
-أنا فاكره بقا
-ماشي توهي في الكلام
ابتسمت وهي تنظر من نافذة السياره بحياء
——————-
التف الجميع حول المائدة يتناولون طعام الغداء ويثنون عليه خيرًا فقد كان طيب الرائحه، كانت المائده طويله تضم جميع أفراد العائله يجلس الجد على رأسها والجده تجلس مقابله وحولها أبناءها الثلاث وزوجاتهم في مقابلهم ثم يليهم الأحفاد الخمسه، فالحفيد الأكبر في الصف الثالث الإعدادي، تجلس سلمى في مقابل سليم مع غياب يمنى وشريف.
أردفت الجده: سلمى الي عامله كل الأكل دا
الجد: تسلم إيدك يا بنتي، تعبناكِ معانا… بقا إنتِ جايه تغيري جو تقومي تقضي يومك في المطبخ!
أردفت بحياء مبتسمه: لا والله دا أنا قضيت أجمل وقت معاهم
أردفت الجده:
-متغيبيش إنتِ علينا بس وابقي هاتي يمنى وتعالي علطول
بدأوا يتناولون الطعام وينظر سليم خلسةً لسلمى من حين لأخر.
وقبيل المغرب وقبل غسق الليل وقفت سلمى تنظر من الشرفه، فالبيت موقعه مميز يطل على البحر، هذا البحر الذي يشبه أيامها كبير ومخيف قررت الخروج من غرفتها لتقف أمام البحر تحكي له عن أحزانها، سرقها الوقت وأتى عليها الليل، وأصبح الجو معتم إلا من أضواء بعيدة نسبيًا عن مكانها بدأت تغني بصوت حزين:
فروحت أناشد الظلمه أأيني؟ فهذا الليل ضيعني خطاه، فلا خبرّ ولا أملٌ يواسي وعزف الموج أرعبني صداه، سأشكو الحزن يا أمواج إني وحيد مثقلٌ مما دهاه، فيا موج ولم يبقى سوانا أليس الحزن في عيني تراه؟! فكن أنسي أسوق لك المعاني فإن القلب كبله أساه… فإن القلب كبله أساه.
-وإني تائه في بحر حب
التفتت لأثر الصوت الرجولي فكان سليم يقف خلفها ناظرًا إليها ونرددًا تلك الجمله، لم ترد خجلًا منه فأردف معقبًا:
-صوتك حلو أوي….
ازدردت ريقها متوتره ولم تجيب ونظرت للأرض بحياء
فأردف قائلًا: أنا شوفتك وإنتِ نازله فقولت أمشي وراكِ عشان محدش يضايقك.
-شكرًا لحضرتك… أنا خلاص راجعه أهوه… بعد إذنك
غادرت مهروله تهرب من دقات قلبها الغريبه التي لا تدق بهذا الشكل إلا له فقط، أما هو فابتسم لحيائها الذي يزينها كلما حاول التحدث إليها…..
————————
مر يومان آخران وكلما حاول سليم التحدث مع سلمى تهربت منه، وبكل يوم يزداد إعجابه بها ليس فقط لجمال مظهرها وإنما لجمال أخلاقها وأدبها.
وصل عبد الله للأسكندريه وبرفقته أحمد لحضور حفل الخطبه، كان البيت مليء بالزينه وأجواء الفرحه تظهر في عيون الجميع، كانت سلمى سعيده في هذا الجو الذي يذكرها بطفولتها، عائلة هادئة حنونه محبة للخير يعامولونها بمودة، تفاجئت سلمى حين أحضرت لها يمنى فستان سواريه مرصع بالفضه باللون الأسود بكم واسع حتى تستطيع ادخال ذراعها الملفوف بالجبيره به.
حل المساء وأضاء المنزل بأنوار السرور، وتعالت الأغاني الصاخبة كنوع من إظهار الفرحه، تزينت يمنى بوضع مساحيق التجميل وارتداء فستانها الذهبي وبدأت ترقص سلو مع شريف وسط فرحة الجميع وتشجيعهم، تأخرت سلمى في النزول فهي لا تحب الأغاني وهذا النوع من الأفراح، نظرت لنفسها في المرآه بإعجاب وهذا الفستان الأسود الذي يزيدها جمالًا فوق جمالها، لم تضع أي من مساحيق التجميل.
على جانب أخر يبحث سليم عنها في كل البيت، تلك الفتاة صاحبة الحياء في هذا الزمان الذي تجردت فيه معظم الفتيات من لباس العفه.
همت لتفتح الباب وتخرج من الغرفه لتتفاجأ بهذا الذي يقف أمامها قائلًا: أعتقد مفيش فرصه مناسبه أكتر من كدا أخد فيها إلي أنا عاوزه..
مستنيه توقعاتكم ورأيكم… لو التفاعل حلو مفيش مانع أنزل البارت الجاي بدري





reaction:

تعليقات