رواية عاشقي و منقذي من العالم الاخر كاملة بقلم نشوة عادل عبر مدونة كوكب الروايات
رواية عاشقي و منقذي من العالم الاخر الفصل الخامس 5
-وصل كارم ع شقته وفجأة حس ببرودة شديدة ولقى تلج ع شكل سير بيودى ع اوضة النوم اول ما دخل الباب اتقفل لوحده وفجأة شاف كائن بدون ملامح فضل يقرأ قرآن بصوت عالى ولكنه اتفاجئ بالكائن بيردد معاه القرآن وكان صوته عذب وجميل
كارم بخوف: يا عبدالله اقرأك السلام من الله فلا تؤذينى ولا اؤذيك
الكائن: بس انا مش مش جاى فى اذى يا كارم انا جاى عشان اساعد اسراء واخلصها من اللى هى فيه وانت اللى هتساعدها تخلص من الاذى اللى بتتعرض ليه
كارم باندهاش: طب انت ايه؟ ومين؟ وهتستفاد ايه من مساعدتك دى لينا؟
الكائن طلع نور شديد واتشكل ع هيئة بنى ادم وكان شاب وسيم جدا ووشه مبتسم وقال: اسمى نجم وانا من الجن المسلم وطول عمر قبيلتنا فى حرب مع الجن المؤذى وبنحاول نحمى بنى ادم من اذاهم
كارم: طب انا ايه المطلوب منى واشمعنا انا بالذات اللى اختارتنى اساعدك؟!
نجم: لان اتأكدت من حبك الشديد ليها وتعلقك بيها ورجولتك انك تكمل معاها من غير ما تخاف وتهرب ده كان سبب قوى انى اختارك انت وع فكرة انا مش بختار اى حد
كارم بارتياح: وانا مستعد لاى حاجة تطلبها منى
عدى اليوم وكانت اسراء فى اوضتها ضامة رجلها ع نفسها وبتبص فى ارجاء الاوضة كلها وفجأة حست بنفس سخن جنب ودنها حطت ايدها عليها وهى بتتحرك بعصبية فجأة النفس اختفى ولكن ظهر تانى وهمس بودنها: انتى ملكى
قامت اتنفضت من ع السرير وبقوة : انت مين وعاوز منى ايه لو راجل اظهرلى فى وشى
فضلت ترجع بضهرها لحد ما خبطت فى حد لفت وشها واتصدمت لما شافت نفس الكائن اللى شافته اول مرة فصرخت بأعلى صوتها لكنه فجأة اتحول لشاب وسيم الوجه لكن ملابسه كانت سودا
آيت: اهدى يا حبيبتى اهدى متخافيش انا عمرى ما افكر انى اجرحك ابدا
اسراء: انت مين وعاوز منى ايه؟
آيت: انا بحبك يا اسراء مهووس بيكى انا بسببك معرض انى اخسر مكانتى وقوتى عند قبيلتى بس اكون معاكى
اسراء: انت ميييييييييييييين
آيت: انا آيت بن ثبر ابن ابليس
اسراء بخوف حست برعشة اتملكت من جسمها ولكنها حاولت تتظاهر بقوة: انا مستحيل اكون معاك يا ملعون
آيت محاولا كتم الغضب: اسرااااااء اوعى تقولى كده تانى والا صدقينى هحول الحب ده لجحيم واول حد هيتحرق بيه امك وابوكى وكارم
اسراء بخوف: لااااااا ارجوك حرام عليك انت عاوز ايه ؟!
آيت: تبقى ملكى ومراتى
اسراء: بس …بس ده حرام
آيت: انا اللى بحبك ومحدش فى الدنيا دى هيحبك ويحميكى قدى
اسراء: وانا مش عايزة حبك ولا حمايتك ابعد عنى
آيت اتحولت عيونه لاسود ووشه كان بيطلع نار وقال: دى قرصة ودن يمكن تعلمك … واختفى وبمجرد ما ده حصل سمعت صراخ امها
نجاة: اشررررف فوق يا اشرف
جريت اسراء بخوف: ماما فى ايه ماله بابا؟!
اسراء مسكت الفون ورنت ع كارم : الحقنى يا كارم بابا تعبان اوى ومش عارفة اعمل ايه
كارم بخوف: اهدى يا حبيبى انا هتصل بالاسعاف حالا يجيله وهحصلكم ع المستشفى اللى هتاخده عليها
بالفعل اتصل بالاسعاف اللى اخد اشرف ع المستشفى وبعد الكشف خرج الدكتور: دى جلطة ع القلب بس الحمدلله سيحناها وهو حاليا فى غيبوبة
نجاة بدموع: طب هيفوق امتى؟
الدكتور: والله يا حجة معرفش دى حاجة بايد ربنا يفوق النهاردة بكرة بعد شهر بعد سنة دى حاجة علمها عند الله دعواتكم ليه
اسراء وقعت ع الارض من صدمتها وهى بتقول: انا السبب …. انا السبب
نجاة: اهدى يا حبيبتى انتى ذنبك ايه؟
اسراء: لو كنت سمعت كلامه مكنش كل ده حصل لبابا
نجاة: مين؟! مين ده اللى سمعتى كلامه؟!
اسراء بصت لامها ومسكت ايدها وقالت: متخافيش يا ماما انا اوعدك ان بابا هيخف وهيرجع لينا تانى بالسلامة وعد
كان كارم فى العربية بيسوق بسرعة عشان يوصل للمستشفى لكن اتفاجئ بقطة سودا بعيون حمرا جنبه ع الكرسى بصلها بصدمة وفجأة القطة هجمت عليه ووووووو……………….ش
- يتبع الفصل التالي اضغط على ( رواية عاشقي و منقذي من العالم الاخر ) اسم الرواية
حبيت الروايه
ردحذف