رواية احببت قلبا ليس لي (كاملة جميع الفصول) حصريا عبر كوكب الروايات بقلم سهيله مصطفى
رواية احببت قلبا ليس لي الفصل الثالث 3
"أحببتُ قلباً ليس لي"
البارت الثالث
مجهول١:لا طبعاً إنت بتقول إي
مجهول ٢:زي م بقولك كدا هنخطفها
مجهول١:يعم دا يطير رقبتنا فيها إعقل وراجع دماغك علشان قصي مش سهل خالص
مجهول٢:طول عمرك جبان غور من وشي يلا
بعد م عيلة الراوي مشيت إتصلت ليلى على مريم وإستأذنتها إن فرح تبات عندهم علشان تروح مع دموع البيوتي سنتر ووافقت مريم
_في أوضة دموع
نايمة وفرح جنبها وباصين على السقف وكل واحدة منهم بتفكر في حاجة...
دموع: فرح والله مش مصدقة إني بكرة هكون خطيبة قصي حلمي بيتحقق يا بشر
فرح:لا رد
دموع:فرح يا فرح فررررررررح
فرح:ها بتقولي حاجة
دموع:لا إنتي كدا قلقتيني فيكي إي يا فرح من إمبارح
فرح بكذب:مفيش بس زعلانة إن قصي هياخدك مني
دموع :لا يا أوختي متخفيش أنا أصلا مش بعرف اتكلم معاه نص كلمة بعيونه الخضرا دي 😂
فرح:لما نشوف...يلا أبت نامي علشان تصحي بدري تروحي مع قصي تشتروا الخواتم وبعدها نطلع ع البيوتي سنتر
دموع:تصبحي على خير يا فروحة
فرح:وإنتي من أهل الخير يا بسوم
دموع بعصبية:قولتلك متقوليش الإسم دا تاني علشان مش ازعل منك إسمي دموع دمووووووع
فرح:خلاص بقا نسيت محصلش حاجة
في الصباح
ليلى خبطت على الباب ودخلت
ليلى بصوت عالي:دمووووووووع إنتي يا زفتة اللي يسيبك شهر نايمة مكانك كدا مش هتصحي
دموع:ربع ساعة يا ماما وهقوم
ليلى:قومي يا هانم قصي إتصل وقال ربع الساعة وهيبقى هنا علشان تجيبوا الخواتم
دموع قامت من مكانها بسرعة:خمس دقايق وهكون جاهزة
ليلى:دي البنت قصي لحس مخها خلاص
فرح:دموع اخلصي واقفلي النور علشان عايزة انام
دموع:تنامي مين يحجة قومي علشان هتروحي معايا
فرح:إنتي بتهزري ولا إي أروح فين غوري يا دموع واستهدي بالله ع الصبح
دموع:والله م رايحة غير وانتي معايا..م انا مش هروح مع قصي لوحدي دا انا اموت فيها
فرح:حبيبتي كلها كام يوم وهتبقي مع قصي تحت سقف واحد ولآخر العمر كمان
دموع:والله مش جاي معايا خالص الموضوع دا..ثم بعدين آدم رايح معانا
فرح بسخرية:يعني آدم رايح وكمان عايزاني انا اروح دا انتي بتحلمي
دموع بعد م نامت مكانها تاني:خلاص مش رايحة مكان والله
ليلى:معلش يا فرح قومي روحي معاها علشان متبقاش وحدها كمان انتي عارفة انها مترددة جدا وبتاخد رأي اللي حواليها في اي حاجة (زيي أنا كدا 😂)
فرح:بس يا طنط
ليلى بسرعة:مفيش بس ولا حاجة قومي معاها علشان خاطري أنا
فرح بضيق:تمام يلا قومي خدي دش خلينا نخلص
وفي نفسها:والله حرام كدا..كمان هروح معاهم يختاروا الشبكة يارب قويني يارب واهديلي قلبي
*بعد وقت ليس بطويل..كان قصي يقود السيارة جانبه آدم وفي الخلف فرح ودموع......في محل المجوهرات
قصي:يلا يا حبيبتي أي حاجة تعجبك إختاريها
دموع بخجل من كلمة حبيبتي:طيب ماشي تعالي يا فرح
فرح بحزن:دموع إختاري إنتي اللي هتلبسيه
دموع بصتلها برجاء
فرح:بصي أنا لو هختار ليا خاتم كنت هختار دا بس دا من رأيي شوفي انتي بقا
قصي بدهشة:إي دا والله نفس الخاتم اللي لفت إنتباهي وبهزار: شوفتي أنا وصحبتك ذوقنا واحد
دموع بإعجاب:جميل أووي خلاص أنا هاخد دا
..إختاروا الشبكة وقصي طلب منهم يسبقوه على العربية وهو هيلحق بيهم
قصي لصاحب المحل:ها عملت اللي قولتلك عليه
صاحب المحل:أيوة يا باشا كله تمام
قصي:هات طيب وفلوسك أهي
صاحب المحل أعطاه شنطة كدا وأخد منه الفلوس
...في العربية بعد م جه قصي
آدم:قصي ثواني أنا نسيت موبايلي في المحل
غاب آدم وجه بعدها بشوية وإتحركوا ناحية الڤيلا
**في مكان خارج مصر
# نعم إنت بتقول إي خطوبته بالليل وأنا معرفش
*آه والله زي م بقولك كدا
# تمام إحجزلي أول طيارة على مصر أنا نازلة حالا
ذهب فرح ودموع للبيوتي سنتر وإختاروا الفساتين بتاعتهم
دموع بتوتر :بصراحة إي رأيك يا فرح أنا حاسة إن شكلي مش حلو خالص
فرح بنفاذ صبر:والله قمرر للمرة المليون بقولهالك النهاردة قمر وهتخطفي قلب قصي كدا
كانت دموع ترتدي فستان من اللون البيبي بلو ضيق على الخصر وينزل بإتساع مع هذه الفصوص الفضية اللامعة وحجاب باللون البيبي بلو أيضا مع لمسات الميكب السحرية التي وضعت بواسطة أفخم الميكب ارتيست مع حذاء ذو كعب عالي فبدت كأميرة هاربة من قصر ما
وأما عن فرح فإرتدت فستان ضيق من اللون الأسود ذو لمعة من اللون الأوڤوايت وحجاب من اللون الأوڤوايت أيضا وميكب رقيق أبرزت جمال ملامحها بعيونها الخضراءوتلك الغمازتين فكانت ساحرة حد الهلاك
وصل قصي إلى البيوتي سنتر وإنبهر بدموع التي بدت ك حورية فأمسك بيدها وإتجهوا نحو الڤيلا حيث مكان الخطوبة وركبت فرح مع آدم على مضض حتى لا تزعج صديقتها وخطيبها
وصلوا للڤيلا وإنبهرت دموع بالزينة التي كانت تزين حديقة الڤيلا بإحترافية
..وصل الضيوف وبدأت الخطوبة وها قد حان الوقت الذي انتظرته دموع منذ زمن..وقت تلبيس الخواتم
قصي:يلا يا عروستي إديني إيدك
دموع بخجل:مدت يدها وما إن كاد أن يضع قصي خاتمها قاطعه صوت
# إي يا قصي باشا هتخطب من غير م تعرفني
قصي بتفاجئ:إنتي جيتي إزاي
# أومال فاكر خطوبتك هتعدي كدا
يا ترى مين دي؟! وهل هتتم الخطوبة ولا زي م قالت دموع فرحتها مش هتكمل ولا للقدر رأي آخر
بقلم/سهيلة مصطفى
يُتبع......
•تابع الفصل التالي "رواية احببت قلبا ليس لي" اضغط على اسم الرواية
تعليقات
إرسال تعليق