رواية حورية في قلب الليل كاملة بقلم ميفو سلطان عبر مدونة كوكب الروايات
رواية حورية في قلب الليل الفصل الثالث 3
فتحت لؤلؤ الباب لتنصدم عندما وجدت رجل كبير يلبس لبس صعيدي يقف ومعه رجلين اخرين لتهتف بدهشه.. جدي عبد الرحمن كانت تعرفه من صوره التي كان والدهم يريهَ اياها في صغرهم فلم يختلف كثيرا الا ان الشيب غزا راسه.
ليبتسم لها ويهتف… كيفك يا بتي.
لتهب حوريه وتهتف…. جدي عبد الرحَمن عندنا.
ليبتسم ويهتف… كيفكو يا ولاد سالم.
لتقترب حوريه فكانت رقيقه لتقبل يده…. بخير طول مانت بخير يا جدي.
ليقطب جبينه من ادب تلك الفتاه ولكنه تغاضي عن ذلك ليهتف… ايه ماهندخولش والا ايه.
لتندفع حوريه… ازاي اتفضل بيتك ومطرحك دا البيت نور.
ليهتف… خليكو تحت يا رجاله مش هنتاخرو.
ليهتف.. انا جاي في كلمتين يا بنات ولدي اني جاي اخدكو اعرفكو علي عيله جدكو يتشرفو بيكو.
لتندفع حوريه… بجد با حدي والنبي هتعرفونا وتحبون.
لينظر اليها مليا ويستعجب.. ايوه يا بتي وعايز اعملكو ليله بعودتكو فرح كبير بنات الغالي نتشرف بيهم وتشوفو جدتكو فتحيه هيا تعبانه وكان نفسها تاجي.
لتهتف حوريه مندفعه.. لا ازاي داحنا نروحلها جري مش كده يا لؤلؤ قولي اه.
لتهتف لؤلؤ… ايوه اكيد بس اصبري انا عندي شغلي لازم اخد اجازه.
ليهتف الجد… وتشتغلو وجدكو موجود لاه يا بتي ماهيوحصلش انتو تاجو معانا واني هبعتلكم مصاريفكم لحد عندكو.
لتهتف… لؤلؤ لا يا جدي كتر خيرك.
ليهتف.. طب اخدك لصاحب الشغل استسمحه يا بتي وتعاودو معانا جدتكو تعبانه ونفسها تشوفكو ..
لتتنهد لؤلؤ لتنظر اليها حوريه ترجوها كالاطفال لتبتسم لها لتقوم بسرعه وتحتضنها وتهتف هنحضر حالنا يا جدي ونجي معاك بس هو اسبوع عشان شغلي.
كان عبد الرحمن يستعجب من تصرفات البنات. فسالم وصفهم بالجموح وعدم الطاعه وما امامه بنات يعرفون الاصول ليستعجب ويظن انهَ يمثلون عليه لتقوم الفتاتان وتحضر نفسهما لتهتف حوريه… هاتي الكاميرا والنبي يا لؤلؤ عشان خاطري.
لتضحك لؤلؤ… عيوني دانا ههريكي صور هناك بشعرك القمر ده لتضحك .
لتهتف حوريه… بصي انا هجيب الفستان الوردي اللي ماما فصلتهولي البسه هناك وتصوريني بيه.
لتضحك لؤلؤ.. والله انت عيله حاضر يا اميرتي انا اقدر اقول للمزه لا..
ليستعدا ويذهبا مع جدهم وتذهب لؤلؤ لتستاذن من صاحب العمل وتبدان في رحله الرجوع الي بلدتهم.
وصل الفتيات الي البلد ليستقبلهم الكل بحميميه بناء علي رغبه عبد الرحمن وكان قد اكد علي الجميع ان لا يأتو بسيره التار والجواز كانت الفتاتان سعيدتان بالاجواء لتقترب الفتاه حوريه من جدتها وتحتضنها فحوريه رقيقه حنونه لتهتف ازيك يا تيته يا رب تكوني بخير.. ليرجف قلب فتحيه لتلك الفتاه وتحتضنها لتقبل حوريه يديها وتهتف وحشتيني يا تيته من زمان نفسي اشوفك.
لتقطب فتحيه وتنظر الي عبد الرحمن ليهز راسه لها لترتبك وتهتف.. بخير يا بتي نورتو الدار داركو يا اولاد سالم.
لتهتف لؤلؤ… منوره باهلها يا تيته احنا مبسوطين بيكو اوي والله دا حتي حوريه من كام يوم لسه قايلالي نفسها تشوفكو.
لتهتف السيده بحنان… واديكو معانا يا حبايبي وهنفرح بيكو وتفرحو بينا..
لتجلس حوريه حزينه ولا تتكلم لتنزل دمعه من عينها.
لتقترب منها لؤلؤ… مالك يا قلبي.
لتهتف… مفيش مفيش
لتهتف فتحيه… مالك يا بتي
لتتنهد لؤلؤ… لا يا تيته هيا كده لما بتفتكر ابويا الله يسامحه علي عمله فينا.
لتهتف فتحيه… ابوكو عمل ايه يا بتي ابوكو كان اهنه وماجبش سيره بحاجه.
لتهتف لؤلو بغضب… هيجيب سيره بايه يا تيته قالكو انه رمانا واحنا صغيرين قالكو انه مابيصرفش علينا مليم.. قالكو ان امي تعبت وحوريه راحتله تاخد فلوس رماها بره هيقول ايه هيقول ان ليه بنات ولا يعرفش شكلهم وان مراته بتتحكم فيه مراته االي خدته من علي امنا عرفه انه ابنكو بس ده مش اب يا تيته انا متمرمطه في الشوارع من سن ستاشر سنه بشتغل واصرف علي روحي وعلي اختي الغلبانه اختي الملاك االي بتخاف من خيالها لو سيبتها دقيقه. اختي اللي شافت الويل من ابويا واتعقدت وبتكره الرجاله وبتخاف منهم اقولك ايه يا تيته لتنزل دموعها واستدارت لاختها لتجدها بدات ترتعش لتقترب منها بسرعه وتحتضنها.
لتهتف فتحيه… مالها يا بتي بتترعش ليه اكده.. لتهتف.. ادي حال اختي يا تيته لما بتخاف والا تفتكر السيره حسبنا الله فيه منه لله لتظل تحتضن اختها.
لتقترب الجده وتاخذ حوريه في اخضانها لتربت علي جسدها.. بس با بتي اني جارك اهه الله يسامحه ولدي على اللي عمله فيكو لتظل حوريه لفتره حتي هدات لتقبلها الجده يلا بقه غيرو خلجاتكو عشان الوكيل. يلا همو مع ام محمود لتاخذهم السيده.
وتظل فتحيه تنظر لعبد الرحمن… فيه ايه يا حاج عبده هما دول اللي مفلوتين وطايحين البنته كيف الملاك والتانيه كيف الجمر دول طايحين ازاي. ولدك يعمل في بناته اكده الكداب بتاع مرته ادعي عليه دلوك.. حد يسيب بنته اكده كيف الملاك ويبعد ولا يعملهمش اب يا دي العار لاه وجاي يتبلي عالبت والبت كيف الملاك يادي المرار هو احنا ناجصين جهر مايستحجوش اكده هنرميهم في النار يا حاج.. ولدك ده لا هو راجل ولا بني ادم من اصله ماشي ورا كلام مرته ويرمي بناته.
ليهتف عبدالرحمن… ما خابرش يا حاجه البنات كيف البلسم والتاني جاي يجول رمحو وخرجو عن طوعه كيف ده.
لتهتف.. كذاب وماعندوش رحمه.
ليهتف.. مافيش في يدنا حاجه احنا اتفجنا وخلصنا.
لتهتف.. بس مش هجولهم اياك دا بايننا اتسرعنا البنات كيف النسمه هينجهرو.
ليهتف عبد الرحمن.. الدم يتفادي باي حاجه يا فتحيه اعجلي وخليها تكمل بالستر ليستدير ويخرج.
ليمر اليوم ما بين حنيه حوريه ومشاكسه لؤلؤ ليسود البيت جو من المرح والالفه لياتي الليل وينام الجميع لتقف لؤلو لحوريه.. قومي يا بت يلا البسي الفستان هننزل.
لتبهت حوريه.. نهارك اسود ننزل فين انت هبله لا أخاف.
لتخبطها اختها.. قومي انا طالبه معايا اصورك وهتصور انا كمان القمر بدر وهنتسحب انا راقبت البيت من الصبح وعرفت هنتسحب منين ونتصور ونرجع لا من شاف ولا من دري.. لتهتف حوريه.. انا خايفه والنبي هفضحك لو حد هجم علينا هرتعش واخاف انت عارفه.
لتضحك لؤلؤ… معاكي سبع اللي يقربلك اهبش قلبه يلا.
لتهتف حوريه… يا لؤلؤ عايزه انام تعبت من الصبح ودماغي بتقع لوحدها هنام في السكه لو قعدت في الهوا انت عارفاني هبله وبنام في اي حته وماهتعرفيش تصحيني..
لتهتف لؤلؤ.. هنروح اصورك ونرجع علي طول لتتزمر حوريه لتشدها لؤلؤ يلا بينا لتلبس الفتاتان كل منهم فستان يشبه الاخر فكانت حوريه تلبس فستانا ورديا بفتحه صدر عليها حرمله كالاميرات وبوسط به بعض الاساتك وينزل متسدلا علي جسدها ولبست لؤلؤ فستانا من اللون السماوي قصير ومن الوسط مربوط بفيونكه جميله اكمام منفوشه قصيره والفستان واسع ورائع عليها كانا كحوريتان نزلا من السماء لتاخذ لؤلؤ عليها عبايه مفتوحه وايضا حوريه ويتسحبا ويذهبا ليبحثا علي مكان يجلسا فيه.. ظلا يمشيان وضوء القمر ساطع ليجدا مكانا به اشجار بجوار النهر ويوجد تبه كمنزل الي النهر كانت مليئه بالخضره وبجانبها اشجار تحاوطها لتقف لؤلؤ… يا لهوي عالجمال ايه الجمال ده وتفتح كاميراتها وتبدا في تصوير نفسها واختها وهما معا يضحكان ويمرحان وقد خلعتا العبايات لتبدو كساحرتان هربا من روايات الخيال..
لتهتف لؤلو… تعالي يا حور تعالي واجلستها علي احد الصخور القريبه من النهر وفردت شعرها ليتساقط في منظر مهيب وعدلت حرملتها لتسقط قليلا من علي كتفها ليبان كتفها ليلمع تحت ضوء القمر لتظل لؤلؤ تنظر اليها.
لتهمس.. قلبي اتخطف يا بنت الايه تسحري بس ناقصك حاجه لتظل تفكر عارفه ناقصك ورد بصي خليكي قاعده هنا هلف لفتين كده اجيب شويه ورد واجي كنت لمحت في الطريق عالجسر هروح هناك مش هتاخر لتبتسم لها حوريه وتجلس كالحوريه لتظل تنظر امامها وتنساب مشاعرها وتبدا في الغناء ليصدح صوتها لتكتمل اللوحه وتدخل هيا عالم ليس من عالمنا وتتوه فيه..
*****
عند ليل وجاسر كان يجلسان معا ليهتف جاسر مش اسكت العروستين جم.
ليهتف ليل بغضب… عرسه لما تبقي تاكلهم البعدا.
ليضحك جاسر.. يا واد اهمد عرايسنا يا واد.
ليغضب ليل.. انت يا زفت انت مبسوط بايه اكده منك لله.
ليهتف… مبسوط اني ماهنطخش وانجتل مبسوط اني هشيل التار من البلد واعمل خير مبسوط اننا هنعيش كيف الخلج واكده اكده كنا هنتجوز في يوم.
ليهتف ليل… ايوه هنتجوز بس بنات عن حج مش عتامنه ايه الجرف ده الله في سماه المحها لانزع روحها اني جرفان ولو طلتها هسخمط عيشتها. (يا حزنك يا بنت سالم 😁)
ليهتف جاسر.. طب وذنبها ايه بت الناس. اسكت بيجولو ان البتين كيف الجمر بندراويه.
ليهتف ليل.. نهار اسود بندراويه ليه البنته مش من حدانا ومن توبنا.
ليهتف جاسر.. لاه اني عسيت عرفت ان البنته متربين في الاسكندريه ولد سالم العتماني بس بيجولو جمرات.
ليهتف ليل… ادي اللي كان ناجص بنات وشوشها مكشوفه يادي المرار لانعرفوهم ولا يعرفو عوايدنا دا حزن اسود انا حاسس بالجلطه هتخش عليا.
ليضحك جاسر… طب مش جايز لما تلاجيها حلوه تحبها يا واد.
لينفعل ليل.. ماتتسخمط بقه بلا كلام مايع ال حلوه واحبها.
ليضحك جاسر.. يا واد انت بتحب الحلويات اطلع من دولا اني عن نفسي لو لجيتها حلوه هشبط فيها واحب فيها لما تموت في يدي بيجولو البنتين جمر وانا بقه جلبي انشرح.
لينظر اليه ليل… والله انك عيل بارد وتحب وتهبب علي دماغك هتحب عتمانيه يادي المرار..
ليهتف جاسر… مش بني ادمه اياك اني خلاص كيفت روحي بيجولو بت حلوه يبقي ليه لاه ماحبهاش وافرح خليك اكده تاكل في حالك لما تنجهر والبت حلوه طفشها وخوفها منك.
ليهتف ليل… اخوفها دانا هرعب امها بس اطولها دا هتبقي مسخه واعملها ممسحه رايح جاي اسخَمط فيها انا جلبي محرَوج هموت لو طلتها هفلجها نصين.
ليضحك جاسر.. خلاص هملها وابقي اتهبب اتجوز مالكش في الطيب دا بيجولو فيهم بت نار والعه بس ماخابرش انهي فيهم بخت تطلع من نصيبي.
ليهتف ليل… نار لما تشبط في جتتها و َجتتك يا واجع يا َرمرام يا كسر راجل.. عبوشكلك.. هتنخ عشان حلوه.. والله لو كت عروسه البحور لاجيبها من شعرها تحت يدي واجطعهولها.(ما تحزقش قوي كده 😂)
ليضحَك جاسر… الواد زكريا ماشي يرط انه عايز بت منهم ماخابرش بس بيجولو عايز البت الللي كيف الجمر..
ليهتف ليل… زكريا ابن العتامنه يشيل اهو زباله هيشيل زباله بدل مايبلونا بيها.
ليهتف جاسر… الواد محروج جوي وسمعت ان البت داخله دماغه من حلاوتها.
ليهتف ليل.. ايه اللي حلوه حلوه.. ايه يعني اخر الحلوين تغور بنسبها.. اني جتتي والعه
ليهتف جاسر.. يعني يا واد جلبك ما هيدجش لو وعيتلها ولجيتها جمر.
ليخبطه ويهتف… دج عليك الهم يا بعيد بعد من وشي بلا يدج بلا يزفت علي دماغك.
ليهتف جاسر… ربنا يهديك ليظلا جالسين.
ليهتف ليل… ماتجوم نتهببو نمشي شويه الا اني مخنوج عالاخر.
ليقوم جاسر.. طب اسبجني انت علي الزراعيه عند الصخور وانا هجيلك بس هعمل حاجه جوا واجي.
ليقوم ليل ويقول.. طيب هسبجكَ هناك ماتتوخرش ليهز جاسر راسه ويصعد لاعلي وينصرف ليل ليتمشي علي الزراعيه حتي وصل الي منطقه النيل عند الصخور والشجر واثناء ذهابه رجف قلبه فجاه وتسمر فهناك صوت كالسحر يخرح من جانب الماء.
ليهتف.. بسم الله الرحمن الرحيم ايه ده فيه ايه أعوذ بقولا من رب رحيم.. الا ان الصوت لم يصمت كان صوتا انثويا ساحرا احس بقلبه يخفق بشده من جمال ذلك الصوت ليضع يده علي قلبه ويغمض عيناه فليل ليس بالهين ولكن الصوت دخل الي حنايا قلبه وتلبسه من داخله ليهيم به ليتتبعه ليهتف فيه ايه جن ده والا ايه ليقترب بهدوء ويمسك عصاه حذرا ويظل يقترب وقلبه يزداد رجفه والصوت ينساب بداخله واحس انه ينجذب كالمسحور ليلمح طرف فستان من وراء الأشجار ليقترب برويه اكثر ليظهر اكثر واكثر وهناك خيوط شعر دهبيه لاحت من الأرض ليتتبعها مسحورا ليرجف قلبه عندما….
تعليقات
إرسال تعليق