رواية العشق الابدي كاملة بقلم لبنى دراز عبر مدونة كوكب الروايات
رواية العشق الابدي الفصل الثاني 2
فـ بيت حلم
رجع فارس من شغله و دخل عند.أمينة سلم عليهم وقعد شوية وبعد الغدا استأذن ورجع الشقة التانية و راح معاه أخواته وقالت
عاليا:: اسكت يا أبيه اما حور دى طلعت حتة سكرة تتاكل أكل كدا
فارس:: و انتى شوفتيها فين بقى يا لولى عشان تقولى كدا
ياسمين:: هى جات الصبح وقعدت معانا وكانت لسة نازلة لما انت جيت ده ممكن تكون قابلتها ع السلم وانت طالع
فارس:: انا!! لأ ما قابلتش حد وانا طالع
أدهم:: شكلها أخدت السلم جرى لان جالها مكالمة غيرت ملامحها خالص وتحس فجأة اتحولت لشخصية تانية خااالص
فارس:: انت كمان يا أدهوم شوفتها
أدهم:: كنت لسة واصل وهى نازلة فـ وقفت سلمت عليها وبعدها جاتلها المكالمة دى وطارت ..بس أيه يا ريزو حتة فورتيكة صاروخ يا أبنى
فارس:: ايه؟ فورتيكة ؟ وصا روخ؟ بذمتك فى دكتور محترم يقول كدا وقدام اخواتك البنات.. خلّيت ايه للصـ يّع والـ بلطـ جية يا أدهم
أدهم:: أعذرنى يا كبير.. انت نفسك لو شوفتها مش بعيد كنت تـ خـ ط فها ..البت تتاكل أكل زى ما قالتلك القـ ردة دى وبص لـ عاليا
عاليا:: بقى كدا يا دومى انا قـ ردة
أدهم:: وأحلى قـ ردة يا حياتى انا
ياسمين:: اسكتوا بقى لما أحكيلكم اول ما جات الصبح كنا قاعدين بنفطر احنا وماما وطنط أمينة وفجأة سمعنا دوشة كتير فـ الشارع و اتخضينا و افتكرنا خنـ اقة.. بس طنط قالت وهى فرحانة ان دى حور و أستغربنا ازاى يعنى.. قالت بصوا من البلكونة وانتوا تعرفوا وفعلا بصينا لاقينها قاعدة مربعة فـ الارض و حواليها عيال الشارع كله كبار و صغيرين و بتوزع عليهم شنط فيها حلويات وعصير ..لا و ايه بقى ولد صغنن تقريبا كدا 3 سنين طالع وراها وبيتخانق معاها ..
“فلاش باك”
مودى:: بيخبط ع الباب افتحى يا حوى(حور) افتحى قولك
حلم:: تعال يا استاذ مودى ..وحشتنى يا بطل
مودى:: مودى زعنان (زعلان)
حلم:: ومودى زعلان ليه بقى
مودى:: عثان(عشان)مث(مش) خدتث(خدتش) زيهم يا حوى ومث(مش). اديتى مودى
حلم:: قلب حور ..الحلويات خلصت ..اقولك خد فلوس و روح اشترى اللى انت عايزه
مودى:: بغضب وربّع ايده ع صدره ..لأ
حلم:: نزلت لمستواه ..ليه لأ
مودى::مث(مش) احبث(احبش) انا عايز حاجتى ماليث دوعة( ماليش دعوة)
حلم:: برفعة حاجب ..ايه قول تانى كدا
مودى:: قولك ماليث دوعة حوى ايه مث عايفة ينعى( مش عارفة يعنى)
حلم:: ههههههههههههه انت كدا عايز مترجم يا مودى وانا مش فاضية ..خد الفلوس و روح اشترى
مودى:: لأ عايز حاجتى اتصيفى (اتصرفى)
حلم:: اتصرف ازاى يعنى يا استاذ ..خد الفلوس طيب و تعال ننزل سوا اشتريلك انا
مودى:: بيضوا لأ
حلم:: برضوا لأ ؟ طب حور زعلانة
مودى:: اتفيقى حوى
حلم:: اتفلق؟ طب ما فيش بقى حاجات
أمينة:: خلاص بقى يا حور ما تزعليش مودى وهاتيله حاجته
حلم:: عشان خاطرك بس يا امونة ..تعال يا لمض خد حاجتك أهى اتفضل يا عم
مودى:: بغيظ شد منها الشنطة..هاتى و مث تكدبيث تانى وقولى مافيث ..حيام (حرام)
“نرجع للوقت الحالى”
أدهم:: يا نهار ابيض هو فى كدا
عاليا::هههههههه يا خبر يا دومى حتة واد عسل بس لمض لماضة
فارس::شكله عيل مشكلة..وشرد شوية جواه..ياترى شكلها ايه اللى بيحكوا عنها كدا
____________________
فـ المزرعة
حلم بعد ما قفلت المكالمة مع عابد و انهتها بضحكتها واستـ هز اءها بيه بعد تهـ ديـ ده لها راحت مزرعتها وجواها بـ ر كان لو طلع.. كان عابد وعيلته انتهوا من الوجود
حلم:: لـ ألاء ..شوفيلى حازم فين وابعتيله يجيلى حالا
(استوب ..حازم صديق حلم و مدير الحسابات والمسؤول ع كل كبيرة وصغيرة وينوب عن حلم فـ عدم وجودها وجوز الاء)
الاء:: بأستفسار ..مالك متعصبة ليه؟ و مد خـ نة اوى كدا
حلم:: عابد الوزير ..بلغت بيه الوقاحة انه يهـ دد نى انا..يهـ دد حلم الرشيدى
الاء:: ازاى يعنى
حلم::بغيظ..الاستاذ عايزنى إما أوافق ع طلبه او يـ فـ جر المصنع والمزارع
الاء:: اتجنن ده ولا ايه
حلم:: عابد لعب فـ عداد عمره لما فكر يهـ دد نى..
الاء:: ناوية ع ايه يا حلم
حلم:: ع كل خييير ..شوفيلى حازم فين بس وهتعرفى كل حاجة فـ وقتها
حازم:: بخ انا جيييت
حلم:: بتيجى فـ وقتك دايما
حازم:: قلبى دليلى ..ارغى
حلم:: عابد الوزير
حازم:: ماله اراجوز أفندى
الاء:: بيهـ دد حلم..تخيل
حازم:: أكيد اتجنن مافيش كلام ..ولا يكون فاكرك حلم بتاعة زمان
حلم::سيبك منه دلوقتي..المهم امسك الملف ده ..عايزة كل المعلومات اللى فيه تكون عندى بكرة الصبح
حازم::بيفتح الملف..وبصدمة..نعععععمممم ياااختى ..انتى عايزة الكلام ده بكرة الصبح ؟
حلم:: بـ برود ..أه
حازم:: انتى أكيد بتهرجى
حلم:: حلم الرشيدى ما بتهرجش
حازم:: يا حلم ما تهزريش اجيبلك المعلومات دى ازاى
حلم::بصت فـ ساعتها..وقالت الساعة دلوقتي 8 ..قدامك 12 ساعة وتكون كل المعلومات دى ع مكتبى ..و لو مش هتعرف قول ..وانا أجيب اللى يعرف يعمل كدا وفـ الحالة دى
حازم:: عاااارف خلاص ما تكمليش..و بهمس ..ربنا ع المفترى
الاء:: بفضول..فيه ايه الملف ده يا حلم
حلم:: وانتى مالك خليكى فـ حالك.. وبطلى حب الاستطلاع اللى هيوديكى جنينة مول ده ههههههههههههه
الاء:: انا فضولية ياحلم؟🥺 اخص عليكى..ده انا كنت بسأل بس يمكن أعرف أعملك انا اللى انتى عايزاه
حلم:: لأ مش هتعرفى تعمليه ..وبصت لـ حازم انت واقف ليه اتفضل انجز اللى طلبته منك ..وسرحت بأفكارها و جواها انا هعرفك ازاى يا عابد تتجرأ وتتهـ دد نى
____________________
فـ مكتب فارس
قاعد فارس مع سيف والفريق بتاعهم بيشتغلوا ع القضية اللى ماسكها وفجأة سمع دوشة وهيصة برة مكتبه و زعق
فارس:: أميييين
أمين:: دخل و أدى التحية..تمام يا افندم
فارس:: بتسأول ..ايه الهيصة اللى برة دى؟
أمين:: دى حلم الرشيدى يا أفندم صاحبة مزارع الحلم جاية لسيادة اللوا حسين
فارس:: و علشان تيجى تقابل مدير القطاع تعمل الهيصة دى ليه ان شاء الله
سيف:: لـ أمين روح انت وأعمل طقم قهوة وتعال..ولـ فارس يا باشا الدوشة دى من الناس اللى ما بتصدق تشوفها
فارس:: برضوا مافهمتش ليه
سيف:: حلم الرشيدى أسم معروف للكبار ويفتح اى ابواب متقفلة ..صاحبته من النادر تظهر ..وطالما ظهرت يبقى جاية فـ حاجة مهمة
فارس:: انا بسمع فعلا عن مزارعها لكن هى شخصيا ماسمعتش عنها
سيف:: حتة مزة يا باشا صا
روخ أرض أرض ..تجيبك وانت واقف مكانك ههههههههههه
فارس:: بذمتك مش مكسوف من نفسك وانت بتتكلم كدا قصاد رجالتك
هانى::يا فارس باشا اسمحلى حضرتك نفسك لو شوفتها مش هتمسك نفسك
فارس:: برفعة حاجب ..ليه يعنى حتى لو جميلة شوية بس أكيد مش هند لق و أريل ع واحدة فـ سن أمى
ياسر:: أسف يا باشا طبعا بس لأ مش فـ سن والدتك خالص ..دى صغيرة تقريبا كدا 29 سنة و أنسة
فارس::اممممم قولتولى ..و بحزم..طيب اشتغل منك له وياريت نفكر فـ حل للقضية مش نعاكس اللى رايح واللى جاى
وفـ مكتب اللوا وصلت حلم بكل هيبة وشموخ وأستأذنت بالدخول
اللوا حسين:: وقف ورحب بيها ..أهلا أهلا انسة حلم اتفضلى
حلم:: أهلا بحضرتك يا سيادة اللوا
اللوا حسين:: تشربى ايه و بيرن جرس جنبه ودخل العسكرى أمين أدى التحية
حلم:: لا مافيش داعى شكرا لحضرتك
اللوا حسين:: لأ ازاى لازم تشربى حاجة
حلم:: حقيقى مافيش داعى انا مش هاخد من وقت سيادتك أكتر من 5 دقايق
اللوا حسين:: لـ أمين خلاص روح انت..و رجع لـ حلم تحت أمرك
حلم:: من غير ما تتكلم فتحت موبايلها ع مكالمة عابد اللى بيهـ دد ها فيها
اللوا:: بيسمع بأندهاش ..ولما خلص التسجيل ..سألها ده صوت عابد الوزير؟ ..نسيب حماد الدمنهورى عضو مجلس النواب؟
حلم:: بهدوء ..أه هو
اللوا:: طيب ممكن أعرف ايه طلبه
حلم:: يتجوزنى عرفى او شرعى بس فـ السر
اللوا:: بذهول نعم.. التهـ ديـ د بالـ قت ل و الـ تفـ جير عشان عايز يتجوزك ..ده أكيد اتجنن كدا يعتبر أ ر هـ ا ب
حلم::انا جيت لسيادتك علشان ابلغك عايزة اغيّر طقم الحراسة اللى فـ المزارع و أزود عناصر التأمين عليها
اللوا:: أكيد هيحصل وكمان طقم حرس خاص لحضرتك
حلم:: حلم الرشيدي مش محتاجة حرس شخصى
اللوا:: بس يا انسة حلم لازم
حلم:: بمقاطعة ..سيادة اللوا انا ماشية فـ حماية ربنا ثم انى بعرف اتصرف كويس مع الاشكال دى ..ولا سيادتك نسيت بندق
اللوا:: أكيد مانسيتهوش ده انا اللى رخصته بنفسى و دربتك عليه
حلم:: انا كل اللى عايزاه من سيادتك تأمين أرواح الناس اللى شغالة فـ المزارع قبل المزارع نفسها ..أما انا فـ كفيلة نفسى قصاده
اللوا حسين:: بأندهاش ..قد كدا مش همك نفسك قد ما همك تأمّني الناس
حلم:: بتواضع..الفضل لـ ربنا ثم ليهم ..من غيرهم ما كنتش بقيت حلم الرشيدى الاسطورة .. واجب عليا أحافظ عليهم وعلى حياتهم
اللوا حسين:: بفخر.. اسمحيلى أقولك انا فخور بيكى جدا واتمنى كل رجال وسيدات الأعمال يفكروا زيك كدا
حلم:: حب الناس أكبر نعمة يا سيادة اللوا.. وقليل اللى بيلاقيه فـ الزمن ده ..وانا والدتى دايما بتدعيلى ان ربنا يحبب فيا خلقه ..بتقول جملتها وهى بتقف عشان تمشى ..استاذن انا و أسفة انى عطلت حضرتك
اللوا حسين:: مافيش عطلة ولا حاجة ..ده مكتبك يا انسة حلم وتحت امرك اى وقت
حلم:: متشكرة لـ حضرتك جدا ..وفـ انتظار طقم الحراسة فـ اسرع وقت ..السلام عليكم
وخرجت حلم فعلا من مكتب اللوا حسين بكل كبرياء تحت نظرات الأعجاب من كل اللى شايفها وفيهم اللى بيتمناها زوجة طمعا فـ جمالها واسمها وفيهم اللى بيتمناها بس ساعة المهم يقضيها مع حلم الاسطورة
_______________________
فـ المصنع
رجعت حلم من الامن الوطنى ع مصنعها تتابع تركيب الماكينات مع المهندسين واللى ع رأسهم د/م عامر الصياد وده رئيس قسم الصيانة فـ المزارع والمصنع والمسؤول عن صيانة وتركيب اى اجهزة ومعدات وصيانتها
حلم:: بأستفسار ..ايه الاخبار يا دكتور
عامر::هانت خلاص يا استاذة حلم ركبنا تقريبا 80% من الماكينات وجربنها كمان
حلم:: تمام ..عايزة المصنع ان شاء الله ع اول الاسبوع يشتغل
عامر:: ان شاء الله المهندسين مع عمال التركيبات والصيانة شغالين ليل نهار علشان المصنع يشتغل فـ الميعاد ان شاء الله
حلم:: ان شاء الله.. وخرجت راحت ناحية مزارع الخضار تشوف تسليم أخر الطلبيات وتطمن بنفسها ان كل حاجة تمام
حلم:: ايه الاخبار يا رجالة كله تمام
بسمة::مديرة المبيعات و بتتابع الطلبيات بنفسها ..كله تمام يا انسة حلم خلصنا خلاص والناس مبسوطة و مرضية
حلم:: تمام يا بسمة قفلى ملفاتك وابعتيها لـ حازم
بسمة:: كله فـ الجون يا اسطورة
حلم:: تمام و رجعت مكتبها ..بعد ما شافت وتابعت كل حاجة بنفسها ..و ندهت ع السكرتيرة
هند..تعالى ثوانى
هند:: دخلت نعم يا انسة حلم
حلم:: شوفيلى حازم و الاء فين
هند:: لسة ما نزلوش من بيتهم
حلم::بصت فـ الساعة ايه اللى منيمهم للضهر ..روحى اتصلى عليهم بسرعة
هند:: حاضر و قبل ما تخرج دخل حازم والاء
حازم:: صباح الخير
حلم:: قول مساء الخير يا استاذ ..نموسيتكم كحلى انت وهى ..السهرة كانت صباحى ولا ايه
حازم:: روحى يا شيخة ربنا يـ هد الظـ الم
الاء::بتأكيد.. فعلا والله
حلم::برفعة حاجب..امممممم..والظا لم ده يبقى انا مش كدا
حازم:: لأ انا اللى منى لله
حلم:: انجز خلصت اللى طلبته منك ولا قعدت فـ حضن الهانم مراتك
الاء:: الله وانا مالى يا ليمبى
حازم:: اتفضلى ياختى ..ياكش يطمر ..ممكن اروح انام بقى
حلم:: اخدت الملف ..وبصت فيه وابتسمت بمكر .. أخيرا وقعت تحت أيدى يا عابد ..لما نشوف مين فينا اللي هيعمل بووووووم الاول
حازم:: كل اللى طلبتيه و بزيادة ..اى خدمة يلا السلام عليكم انا بقى ارجع انام شوية
الاء:: خدنى معاك وحياتى يا حبيبى هموووت و انام
حلم:: تعالوا انتوا الاتنين هنا رايحين فين ان شاء الله
حازم:: بقولك عايزييين نناااااام مطبقين من امبارح عشان سيادتك والملف اللى طلبتيه
حلم:: انا طلبته منك انت ..هى تسهر معاك ليه ؟
الاء:: بتوضيح انا ما سهرتش معاه والله ولا شوفته غير هنا ..بس انا مش بعرف انام طول ما هو برة ..علشان كدا كنت سهرانة
حلم:: خلاص روحوا ناموا بس قبل ما تمشى يا حازم خد من بسمة حسابات الطلبيات اللى اتسلمت وابقى راجعها براحتك
حازم:: خلاص ماشى ..وبص لـ الاء يلا يا لولو قبل ما ترجع فـ كلامها
وفعلا خرجوا و راحوا لـ بسمة اخد منها ملفات الحسابات و حطها فـ خزنته الخاصة فـ المكتب و رجع بيته يناااام بعد ليلة طويلة قضها فـ البحث وتجميع المعلومات اللى طلبتها حلم وهى قامت مشيت
بقلمى✍️________________ لبنى دراز
فـ مستشفى الحلم التخصصى
أدهم وهو داخل المستشفى شاف حور واقفة مع مدير المستشفى و معاهم رؤساء الاقسام و أستغرب من وجودها بس ما اهتمش لانه كان لسة متعين جديد ودخل مكتبه و بعد شوية الباب خبط
أدهم:: اتفضل.
الممرضة:: دكتور أدهم ..دكتور فريد عايز حضرتك
أدهم:: حاضر اتفضلى انتى و انا جاي وراكى ..بعد ما لبس البالطو و اخد سماعته فـ ايده علشان يعمل مرور ع المرضى بعد ما يخرج من عند مدير المستشفى وصل لمكتب د/ فريد وخبط وانتظر الاذن
د/فريد:: اتفضل يا د/أدهم
أدهم:: حضرتك طلبتنى.. خير
د/فريد:: خير طبعا
أدهم:: تحت أمر حضرتك
د/فريد:: انت طبعا لسة
مامضيتش التعاقد مع المستشفى
أدهم:: فعلا انا كنت المفروض زى ما اتفقت مع حضرتك اننا هنستنى شوية الاول ياترى فى جديد او اى تغيير؟
فريد::ممكن تمضى العقد ده؟
أدهم:: عقد ايه ؟ وأخد العقد واندهش من اللى مكتوب فيه
فريد::خير يا دكتور مستغرب ليه ؟
أدهم:: بتأكيد..طبعا يا دكتور لازم أستغرب ..ازاى كدا
فريد:: د/ أدهم انت رغم صغر سنك الا ان اسمك مسمّع وسألنا عليك والـ cv بتاعك مشرف جدا
أدهم:: ايوا يا دكتور بس مش لدرجة نائب المدير
فريد::ده مش رائي لوحدى ..
احنا لينا فترة كنا محتاجين نائب خصوصا ان انا شوية كدا و همشى لانى بجهز ورق هجرة ..علشان كدا اجتمع مجلس الادارة مع المالك الاصلى و رؤساء الاقسام و وقع الاختيار عليك
أدهم:: بعدم فهم ..اسمحلى برضوا مش فاهم انا لسة ماليش اسبوع ..ازاى يعنى اكون نائب عن حضرتك وانا دكتور صغير حتى مش رئيس قسم
فريد:: هو انت معترض ليه ولا قلقان من ايه يا دكتور
أدهم:: انا مش معترض ولا قلقان انا مستغرب ومش فاهم ..بس مش أكتر
فريد::انا هريحك ..صاحب المستشفى بيجى كل فترة يتابع احوال المستشفى و يشوف الـ CV بتاع الدكاترة الجداد وبيشوف كل دكتور حسب الملف بتاعه و كفاءته ممكن يتعين رئيس قسم ع طول او ممكن نائب لرئيس القسم او زيك كدا نائب المدير ..وأمضى بقى علشان تروح تشوف المرضى بتوعك
أدهم:: تمام همضى ..بس هو انا ممكن أقابل صاحب المستشفى
فريد:: لحظة واحدة أبلغهم ..واتصل بسكرتيرة رئيس مجلس الادارة وسأل عن حلم قالوا انها مشيت بعد الاجتماع ع طول
أدهم:: هو صاحب المستشفى واحدة ست
فريد:: صاحبة المستشفى..حلم الرشيدى ..هى صحيح مش طبيبة بس قدرت تاخد تصريحات و موافقات ببناء المستشفى وفـ خلال سنة كانت من اكبر المستشفيات وأهمها ..
وفعلا مضى أدهم ع التعاقد وأصبح نائب مدير المستشفى
_______________________
فـ شقة فارس
رجع فارس وأدهم من أشغالهم بعد ما استقروا فـ الشقة اللى فـ بيت حلم و هم بيتغدوا ابتدى يحكى أدهم اللى حصل
أدهم:: مش تباركولى
فارس:: مبروك بس ع ايه
أدهم:: مضيت العقد وبقيت نائب مدير مستشفى الحلم التخصصى
عليا:: ايواااا بقى يا دومى يا عسل ..مش هتنازل عن فسحة و عشوة حلوة ..مااااشى
ياسمين::وانا بضم صوتى لـ صوت قر دة هانم ..ولن اتزعزع ولن اتزحزح عن فسحة وعشوة ههههههه
نجوى:: مبروك يا حبيبى ..ربنا يسعدك يا قلب امك يارب ويزيدك من فضله
فارس:: بأندهاش.. نائب المدير مرة واحدة ..مش غريبة دى
أدهم:: بصراحة انا كمان استغربت.. ولما سألت المدير قال ان ده بيحصل كل فترة صاحبة المستشفى بتختار من الدكاترة الشباب رؤساء و نواب للاقسام
فارس:: بهزار.. صااااحبة المستشفى قولتلى ..امممم يبقى اكيد عجبتها يا شقى ههههههههههههه
أدهم:: يا عم روووح هو انا شوفتها أصلا ولا كنت أعرف ان صاحب المستشفى اساسا واحدة ست
فارس:: نعم يا اخويا ..ولما ما شوفتهاش ولا كنت تعرف اساسا ان المالك واحدة ست ..اتعينت ازاى نائب المدير
أدهم:: ما ده برضوا سألت فيه ..د/فريد قال انها بتجتمع كل فترة بمجلس الادارة و تشوف السيرة الذاتية وشهادات الخبرة للدكاترة الجداد وتختار منهم حسب احتياج المكان وانهم اختارونى علشان اكون نائب للمدير اللى بيجهز ورق الهجرة
فارس:: قصدك تقول انهم بيجهزوك تبقى مدير المستشفى بعد ما يهاجر د/فريد
أدهم:: ده اللى انا كمان فهمته
عاليا:: وفيها ايه يا أبيه ..دومى الـ CV بتاعه مليان شهادات خبرة وكفاءة
فارس::يا لولى يا حبيبتى الموضوع ده مش طبيعى لانه لسة ما كملش اسبوع دى حاجة
أدهم::والحاجة التانية يا قر دتى انها ماتعرفنيش ولا شافتنى..يبقى اكيد فى حاجة غلط
فارس:: مين صاحبة المستشفى يا أدهم ؟
أدهم:: بيقولوا حلم الرشيدى
فارس::بأندهاش.. حلم الرشيدى!!! غريبة
نجوى:: ليه غريبة يا حبيبى
فارس:: مش عارف يا أمى ..بس دى تانى مرة اسمع اسمها النهاردة ..تخيلوا كانت فـ القطاع الصبح بدرى و دخلت للوا حسين ع طول وسمعت انها مش بتظهر كتير و اذا ظهرت يبقى عشان حاجة مهمة
أدهم:: ده نفس الكلام اللى اتقال..انها قليل لما بتروح المستشفى ومش بتقعد غير حاجة بسيطة و تمشى
فارس:: هاتلى اسمها ايه بالكامل يا أدهم وانا اعرفلك الليلة دى ماشية ازاى
أدهم::ثوانى أسمها في العقد اهو..حلم محمد حسن الرشيدى
نجوى::بأستغراب جواها..محمد حسن جوز أمينة معقول يكون عنده بنت من واحدة تانية ولا يكون تشابه اسماء
فارس:: تمام سيبلى الموضوع ده و هم لسة بيتغدوا و بيتكلموا سمعوا دوشة فـ الشارع الشباب استغربوا من الصوت العالى و الدوشة ..اما عاليا نطت و قالت دى أكيد حور
قام أدهم يبص من البلكونة وشافها قاعدة زى ما قالت ياسمين فـ الارض و بتوزع حلويات ع عيال الشارع وفى ولد قاعد فـ حضنها
أدهم:: مش معقوووول يا نهار أبيض
ياسمين:: شوفت بقى المرة اللى فاتت اتخضينا كدا برضوا
أدهم::بأستغراب..اللى يشوفها واقفة فـ المستشفى النهاردة بعد الضهر ما يشوفهاش دلوقتي
عاليا:: وبتعمل ايه فـ المستشفى كانت بتكشف ولا ايه. وبصت لـ فارس ما تيجى يا ابيه بص معانا
فارس::ببرود.. لأ و بطلوا هبل و ادخلوا من عندكم يلا
أدهم:: دخل من البلكونة مش هبل والله يا ريزو.. بس فعلا مش عارف ليه حاسس انها طالعة بـ منظرين
فارس:: ولاااا ماتقولش ريزو دى تانى ..فاهم ولا لأ
أدهم::بغلاسة.. الله مش بدلعك يا فارس ههههههههههه
فارس::برخامة.. بطل استظراف عشان مازعلكش ماشى..وقولى بتقول ليه حاسس انها طالعة بمنظرين
أدهم::وانا داخل المستشفى شوفتها واقفة مع د/ فريد ومعاهم رؤساء الاقسام وناس تانية مش عارفهم.. شخصية تانية خااالص غير اللى قاعدة مستربعة تحت دى الشكل هو واللبس هو بس مش عارف
ياسمين::و مسألتهاش ليه يا أدهم
أدهم:: ماعرفش او ماهتمتش أعرف خصوصا المرة اللى شوفتها فيها كانت ع الواقف وكمان مكالمة الفون والتهـ ديد اللى جالها وغيّر ملامح وشها وطلعت تجرى
ياسمين:: فعلا وشوفت لما ضحكت جامد اوى قبل ما تقفل الخط وبعدها جريت
فارس:: متابع الحوار وساكت
أدهم:: مالك يا فارس ساكت ليه
فارس:: هقول ايه يعنى انا لغاية دلوقتي معرفهاش طبيعى اكون ساكت
عاليا:: بس انت سرحان يا أبيه
أدهم:: لسعها ع قفاها بخفة مش ناوية تتلمى وتحترمينى شوية و تقوليلى أبيه أدهم زيه كدا
عاليا:: يا شيخ اتنيل ما كانوش 6 سنين عُمي
ياسمين:: بضحك. أدهم نفسه يسمع أبيه من عاليا قبل ما يموووت يا حرام ههههههههههههه
أدهم:: لـ ياسمين ..بطلى تريقة يا خفة احسنلك ومافيش فسح ولا عشى يلا بقى
فارس:: بص له وانت هتجيب نفسك ليا يا متخلف انت
عاليا:: طبعا يا أبيه ايش جاب لجاب
أدهم:: بقى كدا طااااايب شوفى مين اللي هيجيبلك النوتيلا والكابتشينو اللى بتحبيهم
فارس:: ده ع اساس انى حارمها منهم مثلا ومش بجيبلها وبص لـ نجوى مش بقول متخلف ..ماحدش بيصدقنى
وبعد شوية سمعوا جرس الباب وراحت عاليا وهى بتفتح هو مافيش بوابة غيرى فـ البيت ده ..حاضر ياللى ع الباب
فاتن:: السلام عليكم يا ست البنات
عاليا:: وعليكم السلام و رحمة الله ..تعالى يا فاتن
فاتن:: تسلمى يارب..الست يوه قصدى الانسة حور بتسلم ع حضرتك وبتقولك اتفضلى دى ليكى انتى وانسة ياسمين وهتستناكم فوق تسهرو سوا
عاليا:: ايه ده .. و فوق فين
فاتن:: فوق يا انسة عاليا الجنة بتاعتها ع السطوح اسم الله عليكى و عليها
عاليا:: ماشى يا فاتن قوليلها هنطلع لها بس امتى يعنى
فاتن:: قالت شوية كدا هتريح ساعة ولا حاجة وهتطلع
عاليا::خلاص ياستى ..وقوليلها شكرا
مشيت فاتن ودخلت عاليا وقفلت الباب
فارس:: بترغى مع مين يا لولى كل ده
عاليا:: دى فاتن جايبة لينا انا وسمسمة الشنطة دى و بتقول حور بعتهالنا وهتستنانا نسهرا سوا فوق ع السطوح
أدهم:: افتحى ياقـ ردة انتى الشنطة دى اشوف فيها ايه
فارس:: مش هتبطل فضول انت ها ..وبص لـ أخواته البنات خدوا بالكم وأمنوا نفسكم علشان لو خد منكم حاجة ماليش دعوة ماشى
ياسمين::هاتى كدا يا لولى و أخدت الشنطة من اختها..و بتفتحها شافت فيها حلويات وشوكليت كتير وكمان برطمانات نوتيلا و الكابتشينو اللى هما بيحبوه
أدهم:: اقـ طع دراعى ان ما كانت البت دى مخاوية و بتتحول ههههههههههههه
عاليا:: شوفت عشان قولتلى مش هاجيبلك ..اهو ربنا بعتهملى من حتة تانية يا بارد
فارس:: انتوا لحقتوا قعدتوا معاها لدرجة الرغى فـ بتحبوا ايه و ما بتحبوش ايه
عاليا:: والله مش اوى يا أبيه لان كان اغلب الوقت موبايلها بيرن و كل شوية حد يتصل و ترد عليه و ماقولتلهاش انى بحب الحاجات دى
أدهم:: أهو.. انا قولت مخاوية ماحدش صدقنى
فارس:: بس يا متخلف بطل هبل..عن اذنكم هدخل ارتاح شوية ..وبص لـ مامته صحيح يا نوجة قولى لـ طنط أمينة ع عقد الايجار طالما هنستقر معاهم فـ البيت
نجوى:: حاضر يا حبيبى و كويس ان حور نفسها موجودة
وسابهم ودخل أوضته يرتاح شوية وبيفكر فـ شخصية حور واللى بيسمعه عنها و شوية وسمع
____________________
فـ شقة حور
دخلت حلم اوضتها بعد ما طلعت وسلمت ع أمينة وقعدت معاها شوية وقالتلها هتدخل تنام ساعة ولما تقوم هيسهروا سوا ومعاهم نجوى و ولادها علشان تتعرف عليهم أكتر وهى فـ اوضتها موبايلها رن
حلم:: الووو..السلام عليكم ورحمة الله
رانيا::وعليكم السلام ورحمة الله يا قمر( رانيا الادريسى صديقة حلم من زمان جدا وتعرف كل كبيرة وصغيرة عنها )
حلم:: رنوش قلب حور
رانيا:: وحشتينى يا حلمى
حلم:: حلمك يا بكاشة وبعدين لو كنت وحشتك كنتى سألتى يا وا طية
رانيا::ليكى حق تقولى أكتر من كدا بس صدقينى مشغولة مع أحمد جوزى قرب يناقش رسالة الدكتوراه زى ما انتى عارفة
حلم:: خلاص خلاص هتعيطى ليه وانتى بتحكى ..صعوبتى عليا والله استنى ..ترانى تأثرت ..لحظة أبكى.. أهئ أهئ أهئ ..ههههههههههههه
رانيا:: بتتريقى ..ماشى يا حلم الكـ لب انتى ..المهم فى رسالة ليكى
حلم:: استغربت ..رسالة ايه ومن مين
رانيا:: عابد الوزير
حلم:: بصوت عالى لدرجة ان فارس سامع صوتها وهو فـ اوضته ..رااانياااااا لو عايزة صدقتنا تستمر يااااررريت ما تجيبيش سيرته ع لسانك قدامى
رانيا:: اسمعينى بس عابد لسة بيحبك يا حلم وبيقول انه ندمان علشان ضيعك من ايده
حلم:: عابد ما بيحبش حد يا رانيا غير نفسه ..عابد راجع فاكرنى الهبلة بتاعة زمان وهصدقه واقبل أرجعله
رانيا:: انتى لسة بتحبيه ؟
حلم:: رانيا انتى عبيطة ولا شكلك كدا ..انا نسيته من وقتها بمجرد ما فكر بس و راح لـ سيلين الدمنهورى وهو اتمسح من دماغى ومالهوش رجوع
رانيا:: صدقينى هو لسة بيحبك انتى اول حب فـ حياته يا حلم
حلم::تصدقى ضحكتينى..اسمعى يا رانيا اللى بيحب ما بيبيعش حبيبه عشان فلوس ولا منصب
اللى بيحب بيعلن حبه فـ النور قصاد العالم كله
اللي بيحب ما بيهـ ددش بالـ قت ل قصاد طلبه
رانيا:: قصدك ايه يا حلم
حلم::قصدى الاستاذ اللى حضرتك بتتوسطيله هـ د دنى اما اوافق ع الجواز منه عرفى طبعا عشان الهانم و أبوها ما يغضبوش عليه او يـ فـ جر المزرعة والمصنع بالناس اللى فيهم
رانيا:: اتجنن ده ولا ايه ..وبعدين هو مش عارف انتى مين ..وتقدرى تعملى فيه ايه
حلم:: لأ عارف كويس انا مين علشان كدا رجع تاني ..بس و رحمة أبويا لا أخليه يلف حوالين نفسه و أندمه ع اليوم اللى فكر بس فيه انه يرجع..علشان يعرف يهـ دد نى كويس
رانيا:: طيب ارد اقوله ايه.. ده مستنى اكلمه ابلغه ردك
حلم:: بعصبية زايدة ..قوليله بتقولك اتقل تاخد حاجة نضيفة
رانيا:: مش فاهمة تقصدى ايه
حلم:: مش مهم تفهمى واقفلى الخط عشان مش طايقة نفسى يلا سلام
وقفلت الخط وبتاخد نفسها بالعافية وفضلت رايحة جاية فـ الاوضة وبتكلم نفسها ده أكيد غبى فاكر انى هوافق ارجعله بعد اللى حصل منه ..ماااااشى يا عاااابد يا انا يا انت نها يتك قربت خلاص
فارس:: فـ اوضته سامع صوتها و ردودها ع المكالمة لان شباك اوضتها قصاد شباك اوضته وقريبين من بعض.. ومستغرب مين عابد ده و ازاى بيحبها و ازاى عايز يتجوزها عرفى و كمان بيهـ دد ها و سرح فـ أحداث كتير حصلت فـ اليوم النهاردة لغاية ما غلبه النوم
___________________
فاتن:: اما عملتلك يااااااااا ست الحاجّة ..الحقووووونى
حلم:: مااااامااااااااااا
- تبع الفصل التالي اضغط على ( رواية العشق الابدي) اسم الرواية
تعليقات
إرسال تعليق