رواية احببت قلبا ليس لي الفصل الثاني والعشرون 22 - بقلم سهيله مصطفى

 رواية احببت قلبا ليس لي (كاملة جميع الفصول) حصريا عبر كوكب الروايات بقلم سهيله مصطفى 

رواية احببت قلبا ليس لي الفصل الثاني والعشرون 22 

"أحببتُ قلباً ليس لي" 

 ٢٢

قصي: إتأخرتي أوي 

# عايز إي 

قصي:......... 

# نعم!!!!!!!!!!! 

قصي: زي م سمعتي كدا أنا بحبك وقبل م تبدأي تسألي والله م أعرف إمتا أو إزاي بس حاولت أكابر وأقول لا لكن مفيش فايدة 

فرح بسخرية: ياااااه إتأخرت أوي يا قصي بيه 

قصي: لا متأخرتش ولا حاجة انتي لسة متخطبتيش لأمير يعني معانا وقت أنا هاخدك دلوقتي وأروح البيت عندكم وأعترف قدام الكل إني بحبك وانتي عارفة قصي لما يحط حاجة في دماغه 

فرح بغضب: هتفضل طول عمرك أناني ومش بتحب غير نفسك ولا بتفكر غير في اللي يسعدك انت 

قصي بصوت عالي : يعني انتي عاجبك حالتي البنت الوحيدة اللي حبيتها هتتخطب النهاردة ولأعز صاحب ليا أنا والله تعبت عايزاني أفكر في دموع وأمير طب وأنا مين فكر فيا مين اللي شايف اللي جوايا م أنا إنسان زيي زيهم وبحس وعندي قلب 

فرح بقوة هي الأخرى: ولما خطبت دموع فكرت في مين فكرت فيا اللي كنت بموت بالبطئ خطبت صاحبتي مع انك كنت عارف اني بحبك.. عمري م شوفت منك غير الوجع والظلم نظرة الكره مفارقتش عيونك من ناحيتي  ، طيب فكرت في دموع اللي خليتها وسيلة علشان توجعني بيها.. اتلاعبت بمشاعرنا احنا الاتنين من غير م يهمك  ، جاي دلوقتي بعد م خلاص خطوبتي بعد كام ساعة وتقولي بحبك  ، لا يا قصي باشا أنا مش زيك ولا هرضى للناس اللي حواليا وجع القلب اللي انا عيشته  ، مش هجرح صحبتي ولا هاجي على كرامة أمير اني اسيبه يوم خطوبتنا  ، أنا مش إنت ها سمعتني أنا مش قصي 

قصي برجاء: والله هصلح كل حاجة وهعتذر لدموع ولأمير وهخليهم يسامحونا وهعتذر من كل الأهل بس إنتي خليكي معايا بالله عليكي م تتخطبيله.. إن لبستي دبلة أمير أنا مش هقدر أعمل حاجة 

_كانت واقفة تعلو وجهها الصدمة مما تسمع  أهذا قصي؟! هذا هو جبروت عائلة الراوي؟! هل هذا ما يهابه الجميع ويعملون له ألف حساب؟!  أم هذا عاشق أضعفه الحب وأهلكته المشاعر.. نظرة عينيه الآن يملؤها الندم والعشق  .. تفيض منهما الحب الخالص لم يعد بهما كره ل فرح ولا فقط عشق حب خوف ندم دموع... قطع تفكيرها صوته يهمس: متسبنيش 

   كادت أن تضعف ولكنها بالفعل فرح وليست قصي لتجرح من حولها بكل هذه القسوة 

فرح: آسفة يا قصي بيه خطوبتي بعد كام ساعة ولازم اروح اجهز.. ثم فرت هاربة قبل أن تفعل شيئ تندم عليه طيلة حياتها 

قصي: يبقى انتي السبب اني هرجع قصي القديم تاني 

___________________________

في مكان خالي تماماً من البشر يجلس هو وحيد مطأطأ رأسه لأسفل... على خديه دمعة يتيمة هربت من بحور عينيه التي يحاول كبتها بإحكام يفكر فيما مضى وفيما هو آت.. يأكله الندم كيف قال لها ذلك هي ليست نيرمين ليسمعها كلماته المسمومة طالما اشتكى لها من مواقف عدة ولكنه لم يلقى سوى الدعم والمساندة.. كيف له أن يفعل بها هذا هل بالفعل ستبتعد أم ستفعل مثل المرات الماضية الدعم والمساندة... أما عن فرح فحقا حزين عليها هذا الشاب هي أخته وطفلته وحياته بأكملها كيف سيكون مستقبلها هل ستتحمل بالفعل نتيجة ما تفعله كما أخبرته أم سيكون الضياع مصيرها بين ماضي به ما تعشقه ومستقبل به شخص يرفضه قلبها.. وكأنه تذكر للتو أن اليوم هي خطبة أخته ويجب عليه أن يكون بجوارها في يوم كهذا فتح هاتفه الذي أقفله بعد حديثه مع جنى.. فوجد مكالمات كثيرة من فرح ومن أمه ومن جنى  ، لمعت عيناه سعادة عندما قرأ رسالتها التي غيرت مزاجه للأفضل فكانت قد كتبت له"أنا عارفة إنك زعلان ومتضايق وكمان متعصب أوي وإنت لما بتتعصب مش بتشوف حد قدامك بس جنينة عارفة انك لما هتهدى هتكلمها ومش هتسيبها هي أصلا معندهاش صحاب غير ياسين بس.. وبرضو جنينة عارفة ان ياسين قوي جدا جدا ومش أي حاجة تهده أو تزعله وعمره م هيشوف نظرة شفقة من حد لأنه أقوى واحد في الدنيا.. لما تقرأ الكلام دا رن عليا علشان حاولت اكلمك أكتر من مرة فونك مقفول " 

أنهى ياسين قراءة الرسالة وابتسم 

___________________________

في ڤيلا الهواري 

حنين: إنتي لو بتشطبي شقة مش هتاخدي الوقت دا كله 

جنى: أهو والله آخر لمسة علشان تبقي ملكة الليلة 

حنين: لما نشوف آخرتها يمكن ابقى ملك الليلة مش ملكتها

جنى: اششش اسكتي بس دا آدم عقله هيطير النهاردة أول م يشوفك 

حنين بضحك: يا خوفي يطير آدم كله مش عقله بس 😂

جنى: طيب يلا بقا سمي الله وافتحي عينك 

حنين: بسم الله الرحمن الرحيم... إي دا مين دي 

جنى بضحك: دي عروستنا القمر 

حنين: طب يلا بجد متهزريش وقوليلي مين دي 

جنى بضحك أكتر: يبنتي والله انتي بس اي رأيك 

حنين: يخرب عقلك اي يا بنت دا ولا أجدع ميكاب ارتيست تعرف تعمل كدا لا احنا هنفتحلك بيوتي سنتر وتشتغلي فيه بجد عجبني اوي اوي 

   قطع حديث الفتيات موبايل جنى 

جنى: طيب عن إذنك هرد ع التليفون وآجي 

حنين بغمزة: تليفوناتك كترت يا جنجون 

جنى بخجل: طب سلام يا أختي دلوقتي

جنى: احم السلام عليكم 

ياسين: وعليكم السلام ورحمة الله وبركاته.. عاملة اي

جنى:  الحمد لله. انت بقيت كويس

ياسين: آه الحمد لله انا بجد اسف ع كل الكلام اللي قولته بس والله مكنش قصدي انا اتعصبت من فكرة انها بتنزلني من نظر كل اللي حواليا.. بتخلي الناس اللي جنبي يشفقوا عليا ويفكروني ضعيف والله هي كرهتني في كل البنات بس انتي لا مش زيهم حقك عليا يا جنينة 

جنى: وانا فاهمة كل دا ومش زعلانة ولا حاجة يلا بقا هقفل علشان اجهز نفسي 

ياسين: لا ضيق ولا قصير ولا شعرك يطلع برة الطرحة 

جنى: حيلك حيلك اي التعليمات دي أنا كدا كدا مش بلبس ضيق ولا بطلع شعري من الطرحة 

ياسين بهزار: شطورة يا جنينة 

_________________________

فرح: بجد طالعة حلوة 

دموع: حلوة إي بجد طالعة شبه الأميرة لا أميرة إي دا انتي قمر 

فرح: أنا أصلا خايفة ابص في المراية 

دموع: والله كلمة قمر قليلة عليكي بعيونك الخضرا وغمازاتك دي 

نظرت فرح إلى نفسها في المرآة وإنصدمت حقا من هيئتها الساحرة فبدت حورية بفستانها الأسود الطويل جدا الذي تناسب تماما مع بشرتها البيضاء وطولها الذي تُحسد عليه زينتها خبيرة التجميل بطريقة فاتنة فكانت عينيها تثمل من ينظر إليها حيث أضافت لها خبيرة التجميل الكحل الذي أعطى لعينيها طلة جذابة جدا.. يبدو أن تلك الفتاة أخطأت بإختيارها للون الأسود لفستانها فستُحسد الليلة لا محالة 

فرح: بجد عجبني اوي الميكب رقيق والفستان كمان تحفة 

دموع: والله خايفة عليكي من الحسد النهاردة كان لازم اسود يعني حقيقي زي م بيقولوا هياخد منك حتة 

فرح: انتي عارفة اني بعشق اللون الاسود ولبسي كله تقريبا اسود ف كان مستحيل البس حاجة غيره 

دموع بتلقائية: زي قصي بالظبط بيعشق اللون الاسود زيك كدا (اومال لو عرفتي انه بيعشقها هي 😂) 

فرح محاولة تغيير الموضوع: انتي كمان طالعة زي القمر بسم الله ما شاء الله 

كانت دموع ترتدي دريس سيمبل من اللون الزيتي مع طرحة من اللون  أوڤ وايت ولمسات ميكاب رقيقة فبدت جميلة جدا 

دموع: لا محدش في جمالك ي فروحتي 

___________________________

السواق: يا أستاذ قصي كفاية كدا حضرتك هتتعب من الزفت دا 

قصي وهو سكران : عارف هيخطبها النهاردة وعارف البدلة اللي انا لابسها دي هحضر بيها خطوبة حبيبتي 

كان يتكلم بألم ودموعه تأبى الوقوف يتآكل قلبه وجعا على محبوبته التي أبت أن تبقى معه ويتحمل هو مسؤولية ما حدث ولكن تمهل قصي فما تعيشه الآن ليس سوى عدل الله تعالى 

السواق: أستاذ قصي إن مبطلتش شرب انا هكلم استاذ إبراهيم وأبلغه باللي حصل 

وقف قصي واتجه نحو السائق وأمسكه من ياقة قميصه 

قصي بغضب: انت بتهددني أنا 

عم رجب (السائق): يبني حضرتك اللي بتعمله دا غلط 

قصي يعلم أن ما يفعله خطأ ولكن لا يستطيع السيطرة على غضبه فهو في أسوأ حالاته على الإطلاق 

قصي ببعض الهدوء: عم رجب حقك عليا بس انا والله غصب عني مقدرتش اتحكم في اعصابي ياريت تسامحني بجد 

عم رجب: عارف يبني انك تعبان لأن دي أول مرة تعاملني بالطريقة دي بس انا دلوقتي عرفت سبب زعلك وعصبيتك كان لازم تحارب علشان حبك يبني 

قصي بتعب: حاولت والله بس خلاص الأوان فات 

عم رجب: اللي فيه الخير يقدمه ربنا.. امسك موبايلك بيرن دا أستاذ أمير 

قصي: مش عايز اكلم حد انا 

عم رجب: اتفضل انت الموبايل اهو تقريبا بعتلك رسالة 

_فتح قصي الهاتف فوجد بالفعل رسالة من أمير محتواها "خلص يا عم الوقت راح وعايز اروح اجيب عروستي"  

فزع عم رجب من صوت الهاتف الذي رماه قصي على الأرض بقوة حتى انكسر الهاتف الي قطع صغيرة وبدأ يصرخ بصوت عالي: بيقول عليها عروستي لااااا هي المفروض تكون عروستي أنا يارب صبرني يارب 

_________________________

على الجانب الآخر في البيوتي سنتر 

دموع: هما اتأخروا كدا لي؟! اومال ارن على قصي موبايله مغلق وآدم قال انه هيروح يجيب حنين وياخدها ع الڤيلا عندكم 

الفتاة: العريس جه برة وبيستأذن علشان يدخل 

دموع: خليه يتفضل احنا جاهزين 

الفتاة لأمير: اتفضل يا فندم 

_دخل أمير ففوجئ بدموع تقف في وجهه لوهلة سرح في ملامحها البريئة ثم تدارك نفسه مسرعا 

أمير: آنسة دموع أومال فين عروستي

دموع: متخفش مأكلنهاش ولا حاجة أهو شايف عمود النور الأسود دا هي دي عروستك روح خدها قبل م تتخطف ولا حاجة 

أمير: انتي ازاي بتكلميني كدا 

دموع: بتكلم عادي.. بعد اذنك 

  في الخارج: خرجت دموع وهي متعجبة من نفسها لماذا كلما رأت أمير تود لو تخانقه او تجادله لماذا تصبح معه كثيرة الثرثرة كلها أمور لا تعلم عنها شئ 

  في الداخل 

أمير: دي مالها واقعة على دماغها وهي صغيرة ولا عندها خال أهبل ولا إي بالظبط وأنا مالي بيها أروح أشوف عروستي.. بالفعل توجه نحو فرح التي توليه ظهرها 

أمير: احم احم ممكن تلفي 

فرح: اوعى تتخض بس 

أمير بضحك: لا متخافيش م....  بتر آخر كلماته داخل جوفه فعندما رآها انقطع الكلام من تلقاء نفسه جاهد نفسه لينطق لسانه: بسم الله ما شاء الله زي القمر فعلا 

فرح بخجل: شكرا 

ياسين: اي دا فين فرح اختي لو سمحتوا يا آنسة اختى فين اتخطفت ولا بدلتوها والله يكون احسن ع الاقل دي باين عليها رقيقة كدا وكيوت 

فرح: خلصت رغي يا أهبل 

ياسين: اي دا انا لي سامع صوت فرح انتو مخبينها في مكان قريب من هنا 

فرح بغيظ: ياسين بطل رخامة بقا 

ياسين بضحك: م انتي اللي زي القمر أنا مالي ألف مبروك يقلب أخوكي 

مد أمير يده لتتعلق بها فرح فترددت هي فأنقذها ياسين 

ياسين: امشي انت كدا زي الباشا وانا هاخد انا اختي واسلمهالك عند الكوشة يلا بقا 

أمير: طيب 

بالفعل ذهبوا جميعا إلى ڤيلا أحمد الهاشمي حيث ستقام الخطوبة في حديقته الواسعة 

________________

في ڤيلا الراوي 

آدم:  إي يا عم ابراهيم هي حنين رجعت في كلامها ولا اي 

ابراهيم بضحك: انت عارف يبني البنات في العادي بيطولوا في اللبس لكن دي عروسة وفجأة قاطعه صوت حنين: احم انا جيت اهو 

ادار آدم وجهه وليته لم يفعل كانت قصيرته ترتدي فستان باللون البنفسجي الغامق يضيق من الخصر وينزل بإتساع ليتناسب مع جسدها الممشوق وقصرها المحبب لقلب آدم هنا اعترف آدم أن جنى تنافس أمهر خبيرات التجميل على الاطلاق نطق لسان آدم تلقائيا: بسم الله ماشاء الله اي الحلاوة دي 

ابراهيم: م تتلم يا آدم بدل والله احلف م انت واخدها 

ادم: وعلى اي يا عمي الطيب احسن يلا يا عروستي ومد يده لها 

ابراهيم: دا انت مصمم بقا انا اللي هوديها واسلمهالك عند الكوشة 

ادم بخفوت: انا قولت دي خطوبة منظورة باين عليها 

سمعته حنين فضحكت بصوت عالي 

ادم بغيظ: اضحكي حلو 

 وذهبوا أيضا إلى ڤيلا أحمد الهاشمي 

جلس العريسين وبجوار كل واحد عروسته 

كانت عينيها على بوابة الڤيلا تسأل نفسها هل بالفعل لن يأتي؟! إذا لماذا تأخر كانت تدور التساؤلات والتساؤلات عنه داخل ملكة ليلتنا فرح 

______________

ياسين: تعالي هنا اقولك

جنى: مالك عايز اي برقص مع الناس 

ياسين:هو دا الفستان الواسع واي الميكاب دا 

جنى:حلو صح اعترف 

ياسين:زفت وملفت أووي 

جنى بزعل:ع فكرة مش ملفت دا حتي سيمبل خالص 

ياسين بحنان أخرج لها منديل:طيب ممكن يا جنتي تمسحيه 

جنى بتوهان:ها 

ياسين بهمس:امسحيه بقولك 

جنى:حاضر وبالفعل مسحت كل ما وضعت من الميكاب 

(باين انهم اصحاب بس ولا ابين اكتر 😂👀)

____________________________

أحمد:طيب يلا نلبس الدبل علشان الناس بدأت تمشي 

هتلبسوا دبل من غير م اكون انا موجود والله عيب في حقي دي 

نظر الجميع لمصدر الصوت وهنا كانت المفاجأة 

  •تابع الفصل التالي "رواية احببت قلبا ليس لي" اضغط على اسم الرواية