رواية روح الفهد (كاملة جميع الفصول) حصريا عبر كوكب الروايات بقلم بسملة احمد
رواية روح الفهد الفصل الاول 1
سمعت انك كنت عايزني يا بابا
الاب: اقعد يا قاسم عايزك في موضوع مهم
قعد قاسم: انت هتتجوز يا قاسم
قاسم بضحك: انت بتهزر يا بابا ولا ايه
الاب: انا بتكلم بجد يا قاسم
قاسم والابتسامه اختفت من وجهه: بابا انت بتتكلم بجد حضرتك عارف اني رافض الموضوع ده وعارف انا رافض ليه
الاب: انا قلت كلمتي يا قاسم ولا هترجعني في كلمتي
قاسم باحترام: انت عارف اني عمري ما رفضت لحضرتك طلب بس
الاب: من غير بس يا قاسم من غير بس
قاسم: ومين سعيدة الحظ اللي هتجوزها
الاب: بنت عمك من الصعيد
قاسم باستغراب: بنت عمي ومن الصعيد كمان
الاب: انت كبرت وهحكيلك يا قاسم لان جيه الوقت انك تعرف انا من الصعيد يا قاسم ومش من القاهره وامي وابويا مش متوفيين هما عايشين وعندي اخوات ولاد وبنات كمان
قاسم: طيب وايه اللي خلاك تعيش هنا وخلاك تسيب عيلتك وتخبي عليا ماما تعرف
الاب: ايوة تعرف واهدي علشان احكيلك
flash back
من 25 سنه قابلت مامتك كانت نازله شغلها وكانت في الصعيد واتقابلنا مرّات كتيره حبيتها اووي وروحت لابويا المناوي
عبدالرحمن: ابوي انا عايز اتجوز
المناوي بفرحه: مين
عبدالرحمن: مش من هنا من القاهره
المناوي: هتتجوز من البندر يا عبدالرحمن
عبدالرحمن: بحبها يا بوي
المناوي: كتب كتابك الاسبوع الجاي علي بنت عمك
عبدالرحمن: بس يا بوي
المناوي: من غير بس يا عبد الرحمن
عبدالرحمن خرج بإحباط وطلع وحبس نفسه في اوضته وامتنع الاكل والشرب
طلع بعد اسبوع واول ما طلع راح لبنت البندر واعترفلها وهي كمان قالتله انها بتحبه
عبدالرحمن: بس ابوي معارض الجواز بس انا ههرب لان مش هتجوز بنت عمي
وهربت انا وسوزان وجيت هنا واتقدمولها وعيلتها وافقت واتجوزنا
back
ولما ابويا عرف إتبرا مني بس كنت علي تواصل مع اخواتي دايما وابويا وافق انه يرجعني بس بشرط
قاسم: وهو اتجوز بنت عمي
الاب: ايوة
قاسم: بس
الاب: من غير بس يا قاسم ولو متجوزتش بنت عمك لا انت ابني ولا اعرفك
قاسم هز راسه وطلع لبرا المكتب بشرود
الاب في نفسه: لازم اعمل كده يا قاسم لازم اطلعك من وجعك اللي انا واثق ان لسه بيوجعك ياابني وبتخبي عننا لازم يا قاسم عارف ان دلوقتي في نار جواك تحرق اخضر ويابس عارف يابني انك تعبان بس لو سبتك النار دي هتحرقك انت واللي حوليك لازم يا قاسم ده لمصلحتك هتتوجع الوقتي بس هتقول ان كلامي كان صح يا حبيبي
~~~~~~~~~~~~~
مامته شافته وهو خارج جريت عليه: مالك يا قاسم وكنت بتزعق انت وباباك ليه دي اول مره تحصل بينك وبين باباك
قاسم: مفيش يا ماما
الام: مالك يا حبيب ماما هتخبي عليا يا قاسم ولا ايه
قاسم: انا تعبان اووي يا ماما مش عارف اعمل ايه حاسس ان دماغي واقفه مش عارف افكر يا ماما
الام مسكت ايد ابنها وقعدت علي الكنبه وقاسم اتمدد وراسه علي رجل مامته وهي بدات تلعب في شعره
الام: احكيلي يا حبيبي
قاسم: بابا عايزني......... اتجوز
الام: طيب فين المشكله
قاسم: المشكله انه عايز يجوزني انا مش عايز اتجوز كلهم زي بعض
الام: مش كلهم زي بعض يا قاسم صوابع ايدك مش زي بعض يا قاسم
قاسم: بس انا ايه اللي يضمنلي انها مش زيها
الام: وايه اللي خلاك متأكد انها زيها
قاسم: خايف
الام: جرب يا قاسم مش هتندم باباك بدل مصر يبقي اكيد مختار حد حلو وواثق فيه
قاسم: بس
الام: حاول يا قاسم لو مرتحتش قولي وانا هقف معاك يا حبيبي فكر يا ابني
قاسم: حاضر يا امي سلام بقي طالع انام
الام: مش هتتعشي
قاسم: مليش نفس
الام: قاسم
قاسم: حاضر يا ماما هاخد دوش ونازل
الام: تمام ياحبيبي
قاسم طلع اوضته واخد دوش ولبس وقعد علي السرير وشرد في الماضي
flash back
في الكليه
قاسم دخل وقف مع اصحاب وصلتله رساله مضمونها
حبيبتك بتخونك مع صاحبك الي بتعتبره اخوك صديق من ثانوي في شقته في الاول طنش بس لما جيلوا رساله بعدها: لو مش مصدق روح هتشوف بعينك
قاسم فكر في الاول قال مش هروح اكيد مش هتعملها هيا بتحبني بس رجع وقال هروح واقطع الشك باليقين وركب عربيته وراح علي شقة علي صديقه الوحيد من ايام الثانوي
وصل العماره وطلع قدام الشقه اتردد في الاول بس افتكر ان معاه مفتاح للشقه وطلعه وفتح ودخل براحه وبدا يدور
اما في داخل الشقه
كانت حبيبة قاسم مع علي في الاوضه وقاسم سمع صوتهم ووقف يسمع بيقولو ايه
نرمين: انا بحبك انت يا علي انا زهقت من تمثيل اني بحب قاسم
علي: لازم يا حبيبتي نمثل وانتي عارفه ليه
نرمين: علشان قاسم هو اللي بيدينا الفلوس عارفه بس انا مبحبوش انا بحبك انت
علي: عارف يا روحي وانتي عارفه اني بحبك كمان
نرمين: حبيبي انا عايزه اقولك علي حاجه
علي: قولي يا روحي
نرمين قربت منه وقعدت علي رجله وبدات تلعب في زراير قميصه
: انا حامل
علي كان لسه هيرد بس اتفاجا بقاسم اللي واقف علي باب الاوضه بيبصلهم
علي: ق قاسم
قاسم: ايوة قاسم يا علي يا زباله
قاسم راحله: وبدا يضرب فيه
نرمين: سيبه سيبه قاسم سابه وهي جريت عليه انت كويس يا حبيبي
علي: كويس
قاسم راح مسكها من شعرها: بقي تعملي فيا انا كده يا زباله انت يلي مع كل واحد شويه بايعه جسمك يا حقيره يا خاينه ده انا حبيتك وكنت جايبلك كل حاجه
نرمين: ما انا اصلا مصاحباك علشان فلوسك انت المكنه لكن علي حبيبي انا بحب علي وانت كنت المكنه اللي بتصرف علينا
قاسم لف شعرها علي ايده وشده اكتر وبدا يضربها بالاقلام علي وشها: يلا يا رخيصه
وراح لعلي وبدا يضرب فيه وسابهم ومشي راح علي بيته
back
فاق من شروده علي مامته اللي كانت واقفه جمبه
قاسم: بتقولي حاجه يا ماما
الام: يلا يا حبيبي عشان تتعشي
قاسم حاضر يا امي وحضنها
الام: متزعلش يا حبيبي من باباك انت عارفه مبيعملش حاجه الا اما بيبقي حاسبلها كويس اووي
قاسم: عارف يا ماما زي ما انا عارف ان لو اتاخرنا كمان شويه هيطلع ويلاقيني حاضنك وهتضرب يا ماما
الام ضحكت: طب يلا يا حبيبي
ونزلوا تحت وقعدوا علي السفره وكان عبدالرحمن يتراس الطاوله وعلي يمينه الام وعلي يساره قاسم وبداوا ياكلوا
عبدالرحمن: احنا هنسافر بكره الصعيد جهزي الشنط يا حبيبتي
الام سوزان: حاضر
قاسم وقف: انا شبعت
الام: اقعد كمل اكلك يا قاسم
قاسم : مليش نفس يا ماما
وخرج في الجنينه وفضل قاعد يبص للسماء
قاسم: وكيف للحياة ان تكون هكذا احيانا معنا واحيانا علينا تتغير مثل الانسان هل كانت الحياة ضدي ام انها ضدي وكنت اضع غشاء علي عيناي ماذا تخبئ لي في المستقبل ويا تري ستكون سعادة ام حزن فرح لقلبي ام جرح ثاني ويصبح في اعماق قلبي هل من الممكن ان لا اجد احد بجانبي هل من الممكن ان اكون انا السيئ هل العيب مني انا
وفضل قاعد شويه يفكر في اللي جاي وبعدين طلع اوضته ونام علي سريره بس النوم معرفش طريقه لعينه وفضل يفكر لحد ما اذان الفجر اذن وقام اتوضي وراح يصلي قعد علي السجاده بتاعت الصلاه ورفع ايده
قاسم: يارب ريح قلبي من الوجع اللي فيه يارب تكون الخطوه اللي هاخدها صح ومتزودش وجعي اكتر يا رب اللهم اني لا اسالك رد القضاء ولكنني اسالك اللطف فيه
وخلص صلاه وقرا الورد بتاعه وراح علي سريره ونام براحه بعد ما حكي لربه وجعه
اما في ناحيه اخري تجلس هي علي سجاده الصلاه
البنت: يارب ساعدني يارب انت الوحيد اللي عارف الحقيقه وعارف هي وحشاني قد ايه يارب ساعدني في اللي مقبله عليه خليك واقف معايا ومتسبنيش الطريق طويل ومفيش حاجه تسبت يارب
الشخصيات
قاسم عبدالرحمن المناوي: شاب في ال25من عمره قوي البنيه طويل وشعره بني خفيف عينه زرقه زي لون البحر تتوه في امواجها طيب مع عيلته وبيحبهم جدا ولكن مع اي حد قاسي مغرور وهنعرف ليه قوي الشخصيه ذكي
عبدالرحمن المناوي: ابو قاسم في العقد الخامس من عمره ذو شخصيه قويه تجبرك علي تنفيذ ما يطلب دون ان تشعر شعره بني عنيه خضره اللي يبص فيها بيشوف غابات عمرك ما تعرف بيفكر في ايه ولا هينفذ ايه رجل اعمال ذكي طيب القلب يحب زوجته وابنه كثيرا
سوزان الاسيوطي: ام قاسم سيده في الخامسه والاربعين من عمرها ذو قلب طيب يغرقك في الحنان بتحب جوزها وابنها جدا دكتوره شعرها اصفر طويل عيونها رمادي
المناوي: جد قاسم ذو شخصيه قويه جدا كبير الصعيد يتميز بالقسوه ولين القلب معا يحب عائلته وزوجته كثيرا لا يجرأ احد علي مخالفة كلامه
بقيت الشخصيات هنتعرف عليها في الحلقات الجايه
~~~~~
وهسيبكوا تتخيلوا انتوا الابطال ولو عجبتكوا قولولي في التعليقات تاني روابه ليا بس عايزه تشجيع
Basmala Ahmed
•تابع الفصل التالي "رواية روح الفهد" اضغط على اسم الرواية
تعليقات
إرسال تعليق