رواية العشق الابدي كاملة بقلم لبنى دراز عبر مدونة كوكب الروايات
رواية العشق الابدي الفصل التاسع عشر 19
فـ شقة فارس
مازالت نجوى قلقانة و حاسة ان فى حاجة حصلت او هتحصل حتى بعد ما كلمت فارس و اطمنت عليه و فجأة سمعت صريخ
فاتن :: بصريخ فـ الموبايل .. يالههههوى اننننتى بتقولى ايه يا فاااااطمة اتخـ ـطـ ـفت أزاااااى
فاطمة:: يا بت أتهدى شوية و أسكتى خلاص الحمدلله فارس باشا رجعها بالسلامة و قاعدة اهى قصادى الله أكبر عليها زى الفل
فاتن:: بالله عليكى يا فاطمة طمنينى عليها عشان خاطرى .. انتى عارفة هى غالية عليا ازاى
فاطمة:: عارفة يا تونة و الله .. هى غالية علينا كلنا و ربنا يحميها من اللى عايزين يأ ذ وها
فاتن:: يارب يا فاطمة سلام .. و قفلت المكالمة
نجوى:: بخضة .. يا ستار يارب مين اللى أتخـ ـطـ ـفت .. و ندهت ع فاتن
فاتن:: بدموع .. أمرك يا ست نجوى
نجوى:: طمنينى يا بنتى .. بتصرخى ليه و مين اللى أتخـ ـطـ ـفت دى
فاتن:: بشهقات .. ست ست حـ حـ حووور بـ بـ بس سي فـ فـ فااارس رجعها
نجوى:: بخضة أكبر .. بننننتتتى فـ داخلة فارس و أدهم
فارس:: سامع أمه بتصرخ .. دخل جرى مالك يا أمى فيكى أيه
أدهم:: مالك يا حبيبتى بتصرخى ليه حصل حاجة و بص لـ فاتن شافها بتعيط .. حد يتكلم مالكم فيكم ايه
ضحى:: بلامبالاة .. أصل الشغالة بتقول حور أتخـ ـطـ ـفت
فارس:: أخد أمه فـ حضنه .. أهدى يا حبيبة قلبي حور كويسة و سايبها زى الفل هى و البنات
نجوى:: يعنى ما حصلش حاجة ماحدش خـ ـطـ فـها .. ماحدش أذ اها يا فارس طمنى يا حبيبى
أدهم:: بهزار .. دى حد يعرف يأ ذيها دى .. ع رأى هركليز قصدى فارس .. دى زينة مرات هركليز ماحدش يقدر عليها
فارس:: اتلم يا ظريف بدل ما ألمك انا بطريقتى ماااشى
أدهم:: ماااشى يا عم ماتذوقش .. انا رايح أوضتى و سابهم و دخل يرتاح شوية
فارس:: لـ فاتن انتى مين قالك اللى حصل
فاتن:: بدموع مش عارفة توقفها .. أتصلت ع الست حور أطمن عليها لاقيت تليفونها مقفول قومت أتصلت ع فاطمة و هى اللى قالتلى و قالت كمان ان حضرتك رجعتها بالسلامة
فارس:: بتنهيدة .. طيب يا فاتن لما فاطمة قالتلك انها رجعت ليه بقى كل الهيصة اللى انتى عاملاها دى
فاتن:: أقولك أيه يا سي فارس .. أقولك أنى من غيرها أضيع دى هى اللى فاتحة بيتى و بيت أهلى .. انا لولاها ما كنتش عرفت أتجوز المنـ ـيل أبراهيم و من قبل الجواز حتى من يوم ما دخلت بيتها من 4 سنين ما شوفتش منها غير الحنية و الاحترام و ماحسيتش مرة انى خدامة طول عمرها بتعاملنى زى اختها الصغيرة و مش عايزنى أتخض عليها لما أعرف ان حصلها حاجة
شروق:: بهمس لـ ضحى شكلها غاوية تمثيل البت دى
ضحى:: بنفس الهمس .. تلاقيها زى اللى مشغلاها غاوية تمثيل لغاية ما قدرت تاخد فارس منك
شروق:: بنرفزة .. ضحححححى لمى لسانك
فارس:: انتبه لـ صوت شروق .. بس ما اهتمش
نجوى:: برجاء لـ فارس .. ودينى يا فارس بالله عليك عايزة أطمن عليها و أقعد معاهم هناك شوية قلبى واجعنى من الصبح يابنى
فارس:: حاضر يا أمى بكرة ان شاء الله هاخدك أوديكى
فاتن:: و انا و النبى يا سي فارس شالله يخليهالك و يخليلك ست نجوى
فارس:: يارب يا فاتن و حاضر عشان الدعوة الحلوة دى هاخدك معايا بس قولى لـ أبراهيم و عرفيه
و فعلا تانى يوم الصبح بدرى قبل ما يروح شغله خد نجوى و فاتن و طبعا بنات عمه شروق و ضحى عند حلم
_________________________
فـ المزرعة
فارس وصل بدرى المزرعة و اول ما وصل شاف حلم شغالة فـ الارض و قبل ما يركن عربيته نزلت فاتن جرى
و اترمت فـ حضن حلم
فاتن:: بدموع .. أنتى كويسة يا أنسة حور حد لمسك عملوا فيكى ايه حد عملك حاجة
حلم:: ضمتها فـ حضنها أهدي يا فاتن انا كويسة اهو و الله و مافيش حاجة و بعدها انتبهت و خرجتها من حضنها .. أنتى جيتى هنا أزاى .. و قبل ما ترد فاتن شافت
نجوى:: بدموع .. حور بنتى طمنينى عليكى يا حبيبتى و أخدتها فـ حضنها تطمن انها بخير
حلم:: بدموع .. ياااااه فكرتينى بحضن أمى .. أنا كويسة يا خالتو ما تقلقيش
فارس:: بهزار .. ما تسيبولى فرصة يا جدعان الله
حلم:: برفعة حاجب بعد ما خرجت من حضن نجوى .. عايز ايه يابن نجوى
فارس:: الله عايز أحضن انا كمان و لا ماليش نفس زيهم
نجوى:: أتلم يا واد انت .. مش هتلمسها و لا هتطول ضفرها الا بعد الجواز
فارس:: خلاص هروح أجيب المأذون حالا
حلم:: أمشى يا فارس شوف انت رايح فين يلا يا بابا و بتذقه ناحية عربيته
فارس:: بضحك .. طب افطر طيب يا بخيلة ههههههههههههه
شروق و ضحى متابعين اللى بيحصل و مش ساكتين
شروق:: لـ ضحى كل شوية المزرعة المزرعة و طلعت فـ الاخر شغالة فيها و راسمة نفسها ع الناس
ضحى:: ما هى فى ناس كدا بتحب ترسم نفسها وهى أصلا ماتسواش تعريفة
حلم:: انتبهت لـ شروق و ضحى و بكل كبرياء رحبت بيهم .. أهلا نورتونى اتفضلوا و لـ فاتن أجرى يا تونة ع الڤيلا يلا خليهم يحضروا الفطار و قولى لـ فاطمة تصحي ياسمين و عاليا .. و لـ فارس حبيبى خد ماما نجوى و بنات عمك بالعربية و انا هرجع مع ريزو .
فارس:: و عينيه ع شروق اللى هتـ ـفر ـقع .. حاضر يا قلبى بس خليكى جنبى ما تجريش بالحصان
حلم :: بأبتسامة صافية .. حاضر يا حبيبى و صفرت للحصان جه جرى و ركبت عليه تحت نظرات شروق و ضحى اللى مش فاهمين حاجة و متغاظين ركبوا العربية رايحين الڤيلا
شروق:: لـ نجوى بخبث شكل صاحب المزرعة مدلعها ع الأخر يا طنط و سايبها تاخد راحتها
فارس:: بغـ ـضـ ـب .. شرروووق كلمة زيادة قسما بالله ما هخلى حد يعرفلك طريق انتى فاهمة
ضحى:: بنرفزة .. كل ده ليه يعنى يا فارس ما هى ما غلتطش يعنى .. واحدة شغالة فـ مزرعة و بتتعامل ع انها صاحبتها يبقى أيه بقى
نجوى:: أتكلمت بسرعة قبل فارس ما يفقد أعصابه .. و مين قالك يا ضحى انها مش صحابتها
شروق:: بغيظ .. صاحبتها ازاى يا طنط المزرعة مكتوب عليها مزارع الحلم
فارس:: وصل و ركن عربيته و نزلوا كلهم و دخلوا الڤيلا و هو ساكت كاتم غيظه منهم
__________________________
فـ الڤيلا
حلم:: بترحيب .. أهلا اهلا نورتوا الڤيلا و المزرعة كلها
ضحى:: بغيظ .. هو انتى مش لسة مرحبة بينا برة و لا ماشية بمبدأ كتر السلام يقل المعرفة
حلم:: ببرود قعدت .. ما أتعودتش حد يدخل بيتى من غير ما أرحب بيه
شروق:: انتى عايزة تفهمينى ان الڤيلا دى بتاعتك
حلم:: بنفس البرود .. أه و مش الڤيلا بس المكان كله ملكى
فارس:: قعد جنبها و حط دراعه ع كتفها أحب أعرفكم بـ حبيبتى مراتى المستقبلية سيدة الاعمال المشهورة حلم الرشيدى
ياسمين و عاليا:: نازلين ع السلم مش فاهمين حاجة .. بس جريوا سلموا ع نجوى و فارس بكل حب و سلموا ببرود ع ضحى و شروق
نرجع للحربوءتين
شروق:: انت عايز تقولى ان دى و بتشاور ع حلم بـ أستهزاء اللى كانت شغالة زى الفلاحين فـ الأرض تبقى سيدة أعمال و كمان مشهورة
حلم:: بكل كبرياء و فخر حطت رجل ع رجل .. و لـ شروق انا ليا الشرف أنى أكون زى الفلاحين و ع فكرة انا مابقيتش حلم الرشيدي المشهورة غير لما أشتغلت بإيدى زيهم
ضحى:: بتريقة .. واضح انك غاوية عيشة الفلاحين و الخدامين .. شكلك كدا كنتى منهم ومش قادرة تنسى أصلك
فارس:: بغـ ـضـ ـب .. ضحححححى
حلم:: بمقاطعة و ببرود .. فارس حبيبى أهدى لو سمحت هى عندها حق .. و لـ ضحى انا فعلا عمري ما نسيت و لا هنسى أصلي .. بس فى ناس تانية نسيوا اصلهم و نسيوا هما مين و جايين منين .. و ع فكرة الفلاحين اللى مش عاجبينك دول أسيادى و أسيادك و لولاهم ماكنتيش تعرفى تاكلي و تشربي و تلبسي و الخدامين اللى بتتريقى عليهم دول برضوا .. لولاهم ماكنتيش تبقى قاعدة دلوقتي بتؤمرى و تتأمرى و قدامك عصاير و شاى و قهوة بييجوا لغاية عندك ع ما يجهزولك الفطار و لا ايه
شروق:: بنرفزة .. عاجبك كدا يا فارس الهانم بتاعتك بتهزقنا فـ بيتها
حلم:: لـ شروق .. بقولك ايه يا حلوة كلامك معايا انا مش مع فارس خاااالص و قامت قربت منها اوى و بهمس .. فارس بتاعي ملكي انا و بس ابعدى عنه احسنلك و رجعت قعدت مكانها
فارس:: بغيظ .. لـ شروق ع فكرة انا عاجبنى جدا رد حور عليكم لأنكم من الاول انتوا ما راعيتوش انكم فـ بيتها و غلطتوا فيها و الطبيعى انها ترد عليكم بس للاسف هى ردت بأدب انما لو كانت سابتنى أرد كنت عرفت رديت عليكم كويس
نجوى:: خلاص يا فارس يا حبيبى .. و انتى يا شروق انتى و ضحى ياريت تحترموا صاحبة البيت شوية
بعد شوية دخلت فاطمة و قالت
فاطمة:: الفطار جاهز يا هانم
حلم:: بصت لها بأستغراب .. ماشى يا فاطمة
و بالفعل الكل قام يفطر و عدى الوقت بين ضحك و هزار عاليا و ياسمين مع فارس و حلم و غيظ قوقة و زعقوقة الحربوءتين .. و بعد الفطار
فارس:: طيب يا جماعة انا مضطر امشى عشان ألحق شغلى .. أشوفكم بعدين
حلم:: و انا كمان يا خالتو هروح المصنع هخلص شغلى بدرى و ارجعلك يا قمر .. و لـ ياسمين و عاليا خليكم النهاردة مع ماما يلا سلام
و خرجت مع فارس فعلا لغاية عربيته
و صمم انه يوصلها المصنع الاول و هو بيوصلها
فـ العربية
فارس:: قوليلى بقى
حلم:: برخامة .. بقى
فارس:: الله و بعدين معاكى
حلم:: الله مش انت اللى قولت
فارس:: بغيظ مصطنع .. حووور
حلم:: بضحك خلاص خلاص ما تتعصبش كدا هههههههههههه عايز ايه قول
فارس:: بمكر .. قولتى ايه لـ شروق فـ ودنها خلتيها اتلونت بالشكل ده
حلم:: ببراءة اطفال .. مين انا ما قولتش حاجة ابدا خالص
فارس:: برفعة حاجب .. متأكدة ؟
حلم:: قولتلها تبعد عن حبيبى و الا ما تلومش غير نفسها
فارس:: بفرحة جواه .. هتعملى ايه يعنى
حلم:: هعملها كفتة يا روحى و أرميها لـ زيد .. و يا عالم بقى لو نفسه حلوة ممكن يأكلها و لو جاتله قَرفة يبقى كلا ب الجبل ياكلوها حلال عليهم ههههههههههه
فارس::بضحك .. يا مفترية ؟! هتعملى بنت عمتى كفتة ههههههههههههه
حلم:: بغيظ .. صعبانة عليك يا حبيبى روح لها و انسانى و ضيّع العنوان
فارس:: تاه فـ عينيها و هو بيتكلم .. بذمتك فى حد ينسى روحه او ينسى نفسه .. انتى عمرى كله يا أجمل حلم فـ عمرى
حلم:: و عينيها فـ عينيه و انا مش هسمحلك تنسانى و لا هسمح لـ اى واحدة تقربلك انت ملكي حبيبى انا و بس
فارس:: ع نفس و ضعه .. و ضربات قلبه بتزيد لدرجة حاسس انها مسموعة و بيجاهد نفسه عشان ما يغلطش .. اتعدل يلا انزلى أحنا و صلنا من بدرى
حلم:: بصوت مبحوح لو قولتلك خليك شوية كمان
فارس:: و هو مازال بيجاهد نفسه .. هقولك عشان خاطرى انزلى انا مش قادر بجد و مش عايز اعمل حاجة نندم عليها احنا الاتنين ..
حلم:: فهمت قصده و انه خايف عليها حتى من نفسه .. حاضر يا فارس احلامى و نزلت فعلا بس راحت من الناحية التانية و قربت جنب ودنه و همست .. بحب خوفك عليا حتى من نفسك
فارس:: همسها جننه بزيادة .. غمض عينيه بيحاول يتحكم فـ انفعالاته .. و بعدهالك يا حلم عمرى وخدانى لـ فين
حلم:: بهزار .. لغاية المصنع بس يا قلبى .. و يلا بقى ذق عجلك و اتكل ع الله شوف انت رايح فين
فارس:: فاق نوعا ما من الحالة اللى هو فيها .. حبيبتى المجنونة سلام يا أحلى حلم فـ عمري
حلم:: مش هتغدا غير لما ترجع ماشى
فارس:: مش جاى يلا سلام
حلم:: و هو ماشى .. فااارس هتيجى .. سلام
و فعلا مشى فارس راح شغله و هى دخلت مصنعها تتابع شغلها و خلص اليوم و رجعت ڤيلتها بعد ما قالت لـ قصي و حازم و الاء ييجوا ع الغدا و كلمت هشام أخوها ييجي و أدهم ييجى و يجيب أمل معاه و كمان أكدت ع فارس انه ييجى و معاه سيف
__________________________
فـ الڤيلا
رجعت و دخلت بكل شموخ و كبرياء و سلمت ع نجوى و ياسمين و عاليا بحب اما شروق و ضحى سلمت عليهم بـ كبريائها المعهود
حلم:: بحنان .. نوجة قلبى عاملة ايه يا حماتى يا قمر انتى
نجوى:: بحب .. هعمل ايه يعنى و انا عندى عروسة زى القمر كدا غيرت حياة أبنى خالص
ياسمين:: عندك حق يا ماما فارس اتغير خالص فعلا بقى نحنوح اوى
عاليا:: بمكر .. هو فارس بس اللى بقى نحنوح ياختى ده حتى أدهم كمان .. و بهزار عيالك باظت يا نجوى
ياسمين:: بضحك من وقت ما اتنقلنا هنا و أخواتى اتعلموا النحنحة ع كبر ههههههههههههه
حلم:: طيب ياختى منك ليها كلها ساعة و نشوف مين اللى منحنح ع الاخر ههههههههههههه يلا هطلع أخد شاور و أصلى و انزل
و فعلا طلعت أخدت شاور و غيّرت و صلت فرضها و نزلت دخلت المطبخ عشان تعمل بإيدها بسبوسة بالقشطة و كنافة بالكاستر لـ حبيبها
فـ المطبخ
فاطمة:: ياخبر يا ست البنات داخلة بنفسك المطبخ أؤمرينى
حلم:: الأمر لله يا بطة .. انا داخلة اعمل شوية حلويات سريعة كدا
فاتن:: طيب قولى عايزة تعملى ايه و نعملك احنا
حلم:: لأ يا تونة انا هعمل بـ إيدى و انتوا و معاكم فتحية جهزوا الغدا .. و لـ فاطمة ايه حكاية هانم دى اللى قولتيها الصبح بقى
فاطمة:: بصراحة بقى و ما تزعليش مني .. انا اتغاظت من قرايب ست نجوى و هما بيتكلموا معاكى و كمان البت فاتن قالتلى انهم لامؤخذاة يعنى شكلهم راسمين ع سي فارس قولت أعرفهم مقامهم بالأدب كدا و أخليهم يشوفوا انك هانم ع حق و فهّمت كل اللى فـ البيت و المزرعة حتى بدر طول ما هما موجودين هنفضل نقولك يا هانم
حلم:: بضحك هههههههه لأ يا بطوطة مش زعلانة بالعكس انا انبسطت لما شوفت شكلهم بعد ما دخلتى و اتكلمتى بس استغربت مش اكتر
فاطمة:: ما تقلقيش يا ست البنات احنا كلنا بنحبك و فـ ضهرك و مش هنسمح لـ حد انه يأذ يكى او حتى يدايقك
حلم:: بأمتنان .. ربنا يخليكى يا بطة و يلا بقى بطلى رغى و خلصى الغدا انتى و المقاطيع دول ههههههههههههه
فتحية و فاتن:: حاضر يا ستهم هوا هههههههههه
حلم:: طيب أخلصوا يا رغاية منك ليها و سيبونى أخلص اللى بعمله
برة فـ الليڤنج
شروق:: لـ نجوى ع كدا يا طنط المزرعة و المصنع دول ورث حور من أبوها و لا أمها ؟
نجوى:: بزهق .. لأ يا شروق ده شغلها مشروع عملته لما أتخرجت من الجامعة و نجحت فيه الحمدلله
ضحى:: يبقى أكيد بقى كان معاها فلوس عشان تبتدى مشروع زى ده
نجوى:: الله أعلم يابنتى .. و بعدين ما يخصنيش اعرف حاجة زى كدا
عاليا:: لـ ياسمين بهمس أجلـ طهـم لك ؟
ياسمين::هتعملى ايه يا قردة
عاليا:: أتقلى .. و لـ قوقة و زعقوقة .. ع فكرة حلم ما عندهاش بس المزرعة دى و لا المصنع لأ دى عندها كمان و بتشاور بطريقة كوميدية عليهم مزرعة بها يم و كمان مزرعة فراخ و مناحل .. اوبس نسيت و كمان المستشفى اللى شغال فيها أدهم بتاعتها و كمان سمعت انها بتعمل دار رعاية أيتام
ياسمين:: ع فكرة يا شروق .. حور معروفة فـ عالم رجال و سيدات الأعمال انها الاسطورة ابتدت من مافيش من الصفر يعنى و فـ 6 سنين بقت أهم واحدة فـ مجالها
شروق:: و بتقوليلى ليه الكلام ده يا ياسمين و انا مالى تكون أهم واحدة و لا ما تكونش
فارس:: من وراهم هو و سيف سمعوهم .. و بغيظ ياسمين بترد ع سؤالكم يا شروق و ياريت ما تسألوش فـ اللى ما يخصكوش ممكن؟
و قبل ما يقعد سلم ع نجوى و باس راسها و إيدها .. عاملة ايه يا ست الكل
نجوى:: بخير يا حبيبى حمد الله ع السلامة و لـ سيف ازيك يا حبيبى عامل ايه
سيف:: بخير يا ست الكل طول ما أنتى بخير و باس راسها و سلم ع ياسمين و عاليا .. عاملة ايه يا لولتى وحشتنى
عاليا:: و انت كمان يا سيفو وحشتنى يا قلبى عامل ايه
فارس:: بهزار .. و بعدين انت و هى اتلموا شوية .. و لـ ياسمين سمسمة هى حور لسة ما رجعتش
ياسمين:: لا يا حبيبى رجعت من بدرى بس فـ المطبخ
شروق:: اه من ساعة ما جات و هى قاعدة مع الخدامين جوة
فارس:: ده أخر تحذير ليكى يا شروق يا تقعدى يومينك بـ أحترام يا أما تتفضلى ترجعى البلد بالف سلامة غير كدا هيبقى ليا تصرف تانى و سابها راح ناحية المطبخ و وقف سند بكتفه ع الباب و مربع إيده و حاطط رجل ع رجل و هو واقف و ساكت و سامعها بتغنى
حلم:: ضهرها لباب المطبخ ..
يا حبيبي . الليل وسماه .
و نجومه و قمره وسهره . قمره و سهره
و إنت و أنا . يا حبيبي أنا . يا حياتي أنا .كلنا في الحب سوى .
و الهوا . آه منه الهوا . آه منه الهوا.آآآآه منه الهوا. سهران الهوا
يسقينا الهنا . و يقول بالهنا .
يا حبيبي يلا نعيش في عيون الليل و نقول للشمس تعالي تعالي .
بعد سنة مش قبل سنة دي ليلة حب حلوة بألف ليلة و ليلة . ألف ليلة و ليلة
بكل العمر ، هو العمر إيه غير ليلة . زي الليلة .
أزاي أزاى أزاى أوصف لك يا حبيبي إزاي ؟ قبل ما أحبك كنت إزاي يا حبيبي .
كنت و لا امبارح فاكراه .
و لا عندي بكره أستناه و لا حتى يومي عايشاه .يا حبيبى
خدتني بالحب في غمضة عين .
وريتني حلاوة الأيام فين .
الليل بعد ما كان غربة مليته أمان .
و العمر اللي كان صحرا صبح بستان .
يا حبيبي . يلا نعيش في عيون الليل . و نقول للشمس
تعالي تعالي بعد سنة .مش قبل سنة
فاطمة:: صوتك حلو اوى يا انسة حلم
حلم:: انا صوتى مش حلو و لا حاجة يا فاطمة بس الحب خلى كل حاجة فـ حياتى حلوة خلانى شوفت الدنيا بشكل تانى
فاطمة:: انتبهت لـ فارس و لسة هتتكلم
فارس:: شاورلها🤫 و شاور لها تكمل كلام مع حلم
فاطمة:: طب ممكن سؤال غلس كدا يعنى
حلم:: و لما هو غلس عايزة تسأليه ليه يا غلسة
فاطمة :: معلش و النبى عايزة أعرف
حلم:: اخلصى يا رغاية عايزة تعرفى ايه
فاطمة:: أنتى حبيتى سي فارس من امتى
حلم:: و هى بتعمل البسبوسة و الكنافة .. مع انه ما يخصكيش يا غلسة بس هقولك .. من اول ما سمعت عنه من قبل ما أشوفه يا فاطمة بس ماكنتش فاهمة و لما شوفته قاومت كتير بس فـ الأخر قلبى استسلم و حبيته .. قلبى وجعنى اوى فـ حبه
فارس:: شاور لـ فاطمة تخرج هى و اللى معاها .. ياااه ماكنتش أعرف ان حبك ليا مُتعب اوى كدا
حلم:: بخضة .. خضتنى يا فارس أخص عليك .. انت هنا من امتى
فارس:: من و انتى بتغنى .. بس ما قولتليش قد كدا انا مُتعب
حلم:: قلبى تعب من كتر المقاومة و تعب أكتر لما استسلم من كتر حبه ليك مش لاقى وصف للحالة اللى هو فيها مش عارف يسميها أيه
فارس:: لو دى حالة قلبك .. زودى عليها اضعاف الاضعاف هتلاقيها حالة قلبى .. حور انا بقيت بخاف اقعد معاكى من كتر شوقى ليكى بخاف أضعف ببقى نفسى أخدك فـ حضنى بس بجد بخاف عليكى اوى
حلم:: مسكت أيده .. صدقنى انا واثقة فيك يا فارس .. انا أمنتك ع قلبى و أكيد هأمنك ع نفسى و أقعد معاك فـ أى مكان و انا مطمنة و عارفة انك هتحافظ عليا و أكبر دليل أهو احنا لوحدنا و بعيد عن الكل و مع ذلك واقفين عادى جدا
فارس:: عينيه فـ عينيها .. حلم انا بجد بجاهد نفسى عشان ما أضعفش .. بس أنا فـ الأخر بشر وغصب عنى ممكن أضعـ……
أمل:: بمقاطعة .. أقفش انتوا بتعملوا ايييه
فارس:: بخضة .. بسم الله خير يا أمل مالك .. هنكون بنعمل ايه يعنى
أدهم:: بضحك .. اتخضيتى يا بيضة ألف سلامة يا قطة ههههههههههههه
فارس:: أتلم يا ظريف أحسنلك و خد البت دى و أطلع برة المطبخ
أدهم::يا عم أرحمونا بقى و بطلوا صوصوة فـ كل حتة كدا مش كفاية العناية كمان المطبخ ههههههههههههه
حلم:: و انت زعلان ليه يا أدهم و لا عشان مش عارف تصوصو زينا يعنى
أدهم:: و الله و أتجرأنا و بقينا بنتكلم براحتنا من غير كسوف أهو
فارس:: مسك أدهم من قفاه و خرج بيه برة المطبخ
سيف:: بضحك .. كان بدرى عليك التعليقة يا حبيبى قولتلك بلاش ماتروحش للوحش ما سمعتش كلامى ههههههههههههه
فارس:: حدف أدهم ع كنبة الليڤنج و راح ناحية سيف و لسة هيمسكه
سيف:: طلع يجرى ع الجنينة و فارس وراه .. خلاص يا عم فى ايه اعقل كدا يا فارس ده انا حبيبك و جوز اختك
هشام:: و هو داخل الڤيلا قابل قصي و شافوا فارس و هو بيجرى ورا سيف و سمعوه و هو بيقول
فارس:: لسة ما بقيتش جوزها و هعلقك زي أدهم عشان تعرف تتريق كويس
سيف:: أهدى يا كبير ابوس أيدك انا مش قدك .. عايز ألحق أتجوز و أخلف 10 عيال و أربيهم يا خالهم
فارس:: 10 عيال ليه ان شاء الله كنت مجوزك أرنبة ياض انت و لا ايه .. و بعدين انت و عاليا أخركم عيلين بس مش ناقصة الحكاية جنان ههههههههههههه و مسكه فعلا و دخلوا الڤيلا و هو معلقه من قفاه برضوا
قصي:: لـ سيف أدى أخرة التريقة أديك أتعلقت زى أدهم أهو اقعد جنبه بقى
فارس:: برفعة حاجب .. لـ قصي تحب تتعلق انت كمان زيهم
قصي:: رفع إيده بأستسلام .. لا يا باشا انا حلو كدا مش عايز هيبتى تروح ههههههههههههه
نجوى:: بسعادة .. ربنا يسعد قلوبكم يا ولاد و يكفيكم شر المستخبى و شر شياطين الانس و الجن يارب
كلهم :: اللهم أمين يارب العالمين
و بالفعل طلعت حلم من المطبخ بعد ما أمرت فاتن و فاطمة بتحضير السفرة و قعدوا كلهم يتغدوا .. نجوى قعدت و خلت كل اتنين مع بعض فارس جنب حلم و جنبها هشام الناحية التانية و أدهم جنب أمل و سيف و عاليا و قصي و ياسمين وطبعا كان حازم و الاء موجودين و شروق و ضحى .. و كان وقت كله ضحك و هزار .. إلا قوقة و زعقوقة هيطقوا من الغيظ و بعد الغدا كملوا ضحك و هزار
عاليا:: بهمس لـ أدهم .. أصحابك هيطـ قوا
أدهم:: بنفس الهمس .. أكيد يا قردتى لازم يجرالهم حاجة بعد اللى بيحصل ده
أمل :: نطت قعدت وسطهم .. انتوا بتقولوا ايه قولولى معاكوا
عاليا:: بقوله البت أمل رغم انها دكتورة بس رخمة أوڤر رخامة ههههههههههههه
أمل :: بقى كدا يا عمتشى .. أنا أوڤر رخامة و لـ أدهم و أنت يا دومى بتسمعلها و ساكت
أدهم:: حبيبتى المجنونة اللى بتصدق اى حاجة ههههههههههههه عاليا القردة بتضحك عليكى يا قلب دومى و الله
و بعد شوية وقت دخلت و قالت
فاتن:: حور هانم بدر عايز يقابل حضرتك
حلم:: خليه يدخل يا فاتن
فاتن:: تحت امرك يا هانم .. و فعلا طلعت و بلغته يدخل
بدر:: دخل و باصص للارض .. حلم هانم تجار الخضار و الفاكهة منتظرين حضرتك عند المزارع برة
حلم::بجدية .. تمام روح انت و شوف حد يبعت لـ بسمة و انا جاية وراك
بدر:: تحت أمرك يا هانم .. بعد أذنك
حلم:: قبل ما يمشى بدر ندهت عليه .. بدر عملت ايه فـ اللى طلبته منك
بدر:: حصل يا هانم و موجودة فـ زر يبة المو اشى
حلم :: مش محتاجة أوصيك يا بدر
بدر:: كام يوم يا هانم ؟
حلم:: لغاية ما نخلص شغلنا و نسلم كل الطلبيات
بدر:: اللى تؤمرى بيه يا هانم .. بعد أذنك
حلم:: شاورتله يخرج و قامت وقفت استأذنت من هشام و فارس و لـ حازم و الاء يلا يا شباب .. و فعلا طلعت تكمل شغلها وتسلم طلبيات الخضار و الفاكهة
_________________________
برة عند المزارع
حازم:: انتى هتسلمى كل الطلبيات مرة واحدة النهاردة
حلم:: هنسلم ع قد ما نقدر النهاردة و الباقى هيبقى ع يومين ان شاء الله
بسمة:: أن شاء الله .. طيب انا كدا هحاسب التجار اللى هيشيلوا بضاعتهم النهاردة ولا حازم اللى هيحاسبهم
حلم:: انتى هتحاسبى ناس و حازم هيحاسب ناس و انا مع ناس تانية و فـ الأخر هنظبط الحسابات كلها و حازم يودى الفلوس البنك الصبح ان شاء الله
حازم:: خلاص تمام
____________________________
جوة الڤيلا
فارس قرر يفاتح هشام و يطلب ايد حلم و طلب منه انهم يدخلوا المكتب شوية و بالفعل قاموا يتكلموا مع بعض
هشام:: بأهتمام .. خير يا فارس
فارس:: عايز اتكلم معاك بخصوص حور
هشام:: بمكر .. عايز تشتكى منها عشان اللى قالته لـ بنات عمك
فارس::برفعة حاجب ..امممم انا مش هسألك عرفت منين اللى قالته لـ بنات عمى .. بس بلاش تمكر عليا عشان عملتها قبلك ماشى انت فاهم انا أقصد أيه كويس
هشام::بهزار .. و حياة سيدك اللبلوبى ما فاهم حاجة هههههههههههه
فارس:: ههههههههه ماشى هعمل مصدقك و بجدية .. يا هشام انا بجد بحب حلم و عايزها تكمل معايا حياتى و طالب إيدها منك قولت ايه
هشام:: من وقت ما اتنقلت هنا ليك تقريبا سنة انا جايز ما شوفتكش فيهم كام مرة ع بعض بس شوفت منك فـ كل مرة موقف يخلينى أوافق أديلك أختى و انا مطمن عليها
فارس:: أفهم من كدا أنك موافق
هشام:: انا أكيد موافق بس لازم أكلم حسام و أعرف رأيه و الأهم رأيها هى مع انى عارفه من قبل ما أسألها
فارس:: و انا هستنى ترد عليا .. بس عايزك تعرف حاجة مهمة
هشام:: ايه هى الحاجة المهمة دى
فارس:: انا مش هعمل خطوبة .. هيبقى كتب كتاب و فرح ع طول
هشام:: انا ماعنديش مانع صدقنى المهم هى توافق
فارس:: هتوافق ان شاء الله .. بس استعجل انت و كلم حسام
هشام:: امممم مستعجل انت اوى
فارس:: نسى نفسه و بلا وعى .. الا مستعجل ده انا بتمنى اليوم ده بفروغ صبر .. نفسى تبقى فـ بيتى و فـ حضنى النهاردة قبل بكرة .. صدقنى أنا بحبها لدرجة تخوف عايزها مراتى و حلالى بأسرع وقت .. عشان أرتاح و قلبى يطمن و أعرف أقعد معاها من غير خوف أقدر أضمها فـ حضنى و انا مطمن .. انت فاهمنى و لا انت مش معايا اصلا و انا بكلم نفسى
هشام:: إلا فاهمك .. ده انا فاهمك أوى .. و بهزار بس انت مش ملاحظ ان انا أخوها يعنى و بتقول كدا قصادى
فارس:: بيدارى بحرفية نسيانه لـ نفسه و شروده .. طب ما انا عارف انك أخوها و بكلمك بكل صراحة عشان توافق تجوزنا بسرعة
هشام:: يااا عم فاااارس انا و الله موافق بس رأيها هى الاول .. أقول تانى ههههههههههههه ده انت واقع واقع يعنى
فارس:: أختك جابتنى ع بوزى و حياتك ههههههههههههه
هشام:: بحب .. أختى تعبت كتير و فـ عز مشاكلها و تعبها فـ اول حياتها ما سابتش أمى كانت ع طول مهتمة بيها غيرنا احنا التلاتة عيشنا حياتنا و أهملناها .. و كانت دايما أمى تدعيلها ربنا يرزقها باللى يسعدها و يريح قلبها
و أخيرا ربنا أستجاب لها .. و كنت انت دعوة أمى ليها
فارس:: صدقنى هى فـ قلبى و عينى و ربنا يقدرنى و أسعدها
هشام:: قام أخد فارس بـ الحضن و انا متأكد انك هتسعدها و مبروك مقدما
و أخيرا فارس اتقدم رسمى لـ حلم عمره و بعد ما خلصوا كلام طلعوا الليڤنج مع كل اللى موجودين و هما مبسوطين
_______________________
برة فـ المزرعة
حلم بعد ما خلصت تسليم طلبيات الخضار و الفاكهة للتجار قالت
حلم:: لـ بسمة قفلى حساباتك و هاتيها لـ حازم يراجعها
بسمة:: تمام .. بس انا بقترح نستنى لغاية ما نخلص تسليم كل الطلبيات مرة واحدة
حلم:: بسمة ..انتى شغالة معايا من امتى؟
بسمة:: من 3 سنين تقريبا
حلم:: و من أمتى بقفل حسابات الطلبيات مرة واحدة .. أعتقد احنا كل مرة بنسلم فيها طلبيات بتتقفل لوحدها عشان مافيش حاجة تتنسى او تضيع و فـ الأخر خالص بنجمع كل اللى اتقفل و بنراجعه تانى و لا ايه
بسمة:: تمام ..انا بس …
حلم:: مافيش بس .. احنا بنسلم طلبيات كبيرة و بنقعد كام يوم نحمّل عربيات و نسلم للتجار بضاعتهم .. لو مركزناش فـ اللى بنعمله كل حاجة ممكن تضيع
حازم:: خلاص يا حلم تعالى نرجع المكتب نخلص شغل ..
الاء:: بتعب .. حازم انا تعبانة مش قادرة روحنى البيت الاول و بعدين أرجع كمل شغل
حلم:: مالك يا لولو حاسة بـ ايه
الاء:: مش عارفة حاسة بوجع جامد فـ ضهرى و مش قادرة اقف ع رجلى
حلم:: بسرعة يا حازم خدها و اطلع بيها ع المستشفى .. و انا هقفل الشغل ده و أجى وراك
حازم:: خلاص تمام .. و لـ الاء يلا يا حبيبتى و شالها راح بيها ع عربيته و طلع جرى ع المستشفى يطمن عليها
_______________________
فـ الڤيلا
حلم :: رجعت مكتبها مع بسمة بعد ما خلصت تسليم الطلبيات و تقفيل الحسابات و اتصلت بـ حازم تطمن ع
الاء .. الووو طمنى يا حازم ايه الاخبار
حازم :: الاء بتولد يا حلم و انا مش عارف أعمل ايه
حلم:: طلعت تجرى من مكتبها قصاد الكل و مش فاهمين مالها .. انا جاية لك حالا يا حازم مسافة الطريق
حازم:: بسرعة يا حلم و هاتى شنطة البيبى معاكى نسيتها
حلم:: ما تقلقش كل حاجة هتبقى تمام قفلت السكة
فارس:: شافها بتجرى و طلع يجرى وراها .. حووور مالك بتجرى ليه كدا
حلم:: بقلق .. الاء تعبت و احنا شغاليين و حازم راح بيها المستشفى .. و انا مضطرة أروحلهم ..
معلش يا فارس لازم ألحقهم عن أذنك
فارس:: حبيبتى أستنى هاجى معاكى مش هسيبك لوحدك
حلم:: بس يا فارس
فارس:: حبيبتى مافيش بس يلا عشان تلحقى صاحبتك .. و فعلا أخدها فـ عربيته و هو ماشى كلم نجوى و قالها اللى حصل و انه مع حلم شوية و هيرجعوا
_________________________
فـ المستشفى
وصلت حلم هى و فارس عند حازم و
حلم:: بقلق .. ألاء فين يا حازم
حازم:: فـ العمليات .. انا قلقان عليها أوى .. كانت بتصرخ جامد
فارس:: أهدى يا حازم ان شاء الله هتطلع بالسلامة هى و البيبى
حازم:: ان شاء الله .. انا بس عايز اطمن عليها انا ماليش غيرها .. هى كل أهلى و كل ناسى
حلم:: تصدق انك هتنضـ رب ياض انت .. و انا روحت فين يعنى و لا هو يعنى كلام انك اختى دى اى هبل و خلاص
حازم:: لا و الله يا حلم انتى فعلا أختى اللى ماخلفتهاش أمى .. بس انتى عارفة بعد أمى و أبويا ما راحوا و اخواتى كل واحد خد نصيبه من الورث مافيش حد فيهم بيسأل .. مافيش غير الاء اللى فـ حياتى و انتى و هاجر
فارس:: ع فكرة انت مش لوحدك و زى ما بتعتبر حلم أختك اعتبرنى أخوك انا كمان
حازم:: أكيد طبعا و يكون ليا الشرف ..
شوية و خرجت هبة الممرضة شايلة بنوتة زى القمر و إديتها لـ حازم حمد الله ع سلامتها
حازم:: بفرحة هزت كيانه شايل بنته و ضمها لـ حضنه و دموعه نازلة أذن لها فـ ودانها .. و سكت مش قادر يتكلم
حلم:: بتساؤل .. و الاء عاملة ايه يا هبة
هبة :: زى الفل يا استاذة حلم و شوية و هتخرج اوضة عادية
حلم:: مش هوصيكى يا هبة
هبة:: ما تقلقيش يا استاذة عن أذنك
بالفعل مشيّت هبة
و بعد شوية طلعت الاء فـ الاوضة و دخل معاها حازم وهو شايل البنوتة و كمان حلم .. اما فارس واقف برة ما دخلش معاهم
حازم:: حمد الله ع السلامة يا قلبى
الاء:: بتعب .. الله يسلمك يا حبيبى .. شوفت بنتنا حلوة ازاى
حازم:: زى القمر شبه مامتها
حلم:: بهزار .. هى مين دى اللى شبه مامتها انت هتكدب من اولها دى كلها شبهى
ههههههههههههه و بتبص للنونة مش كدا يا حلوة .. هتسموها ايه بقى
حازم والاء:: فـ نفس واحد .. حلم
حلم:: بدموع الفرحة .. أحلى حلم دى و لا ايه و أخدتها و خرجت لـ فارس برة الاوضة بتمد ايدها ليه .. حلم الصغيرة طالعة تسلم عليك
فارس:: شالها و باسها وعينيه ع حلم عمره .. بس حلم الكبيرة أحلى
حلم:: بخجل و بعدين معاك بقى
فارس:: أيه بس
حلم:: تسمح البنت
فارس:: بغلاسة .. تؤ تؤ
حلم:: هات البنت يا فارس أدخلها لـ مامتها .. و أخدتها فعلا منه .. و دخلت بيها حطيتها بين إيدين الاء .. حمدالله ع السلامة ياقمر .. و لـ حازم انا فـ مكتبى لو احتاجتوا حاجة كلمونى
حازم:: متشكر يا حلم ع كل حاجة
حلم:: الاء ..قولى لـ جوزك بطل هبل سلام .. و سابتهم فعلا مع بعض يرتاحوا و يفرحوا بـ حلم الصغيرة و راحت مكتبها
________________________
برة اوضة ألاء
فارس:: مستني حلم لما تطلع و قرر يقولها انه كلم هشام و طلب إيدها
حلم:: فارس .. انت ممكن ترجع المزرعة و انا هستنى و أرجع مع الاء و حازم لما تبقى كويسة
فارس:: ينفع يعنى أسيب روحى و أمشى
حلم:: فارس مش كل شوية تكسفنى بقى
فارس:: خلاص يا عمرى بعد النهاردة مش هكسفك تانى .. حور انا كلمت هشام و طلبت إيدك منه
حلم:: بأستغراب .. بجد ؟! و قالك ايه
فارس:: هشام قال ما عنديش مانع المهم رأى حور ..قولتى أيه يا حلم عمري
حلم:: ساكتة و مافيش اى رد فعل
فارس:: بسعادة .. حور تتجوزينى؟؟؟
حلم:: جواها معقول بتسألنى يا فارس و الله لا أوقع قلبك .. و قالت لأ
فارس:: بصدمة .. لأ !! لأ ليه ؟
حلم:: سابته و مشيّت و بعد ما أديتله ضهرها ابتسمت بسعادة انها خلاص و أخيرا هتبقى ع أسمه رسمى
فارس:: مشي وراها و شدها من دراعها بعصبية .. لما أكلمك اقفى كلمينى ما تسيبينيش و تمشى
حلم:: ببرود مصطنع .. أعتقد احنا فـ ممر المستشفى ما ينفعش كدا .. ياريت تتفضل نتكلم فـ المكتب
فارس:: لأ .. خلاص انا ماشى مافيش داعى للمكتب
حلم:: هتمشى من غير ما نكمل كلامنا يا سيادة العقيد ؟.. شغلك علمك انك تسيب المهمة فـ نصها و تمشى ؟
فارس:: عمرى ما سيبت مهمة فـ نصها لانى بكون متأكد انى هخلصها فـ الأخر
حلم:: أومال عايز تمشى و تبيع القضية ليه يا باشا
فارس:: بغيظ .. لانها شكلها قضية خسرانة
حلم:: تسمح نكمل كلامنا فـ المكتب
فارس:: بوجع فـ قلبه .. اتفضلى يا حلم هانم نروح المكتب
حلم:: بالفعل راحت مع فارس مكتبها و قالت لـ هنادى .. لو سمحتى عايزة اتنين قهوة مظبوطة يا هنادى و تعمليهم بنفسك ممكن
هنادى :: حاضر يا أنسة حلم تحت أمرك
حلم:: دخلت مكتبها و معاها فارس
فارس:: بوجع .. ليه يا حور ؟
حلم::ليه ايه يا فارس
فارس:: ليه رفضتينى هو انا حبى ليكى مش كفاية عشان توافقى اننا نتجوز
حلم:: قعدت قصاده .. فارس انت بجد بتسألنى أن كنت موافقة أتجوزك و لا لأ .. انا بجد مش مصدقاك
فارس:: بعدم فهم .. قصدك ايه مش فاهم
حلم:: قصدى انك المفروض عارف رأيى من غير ما تسألنى .. المفروض كنت تقول لـ هشام ان حلم موافقة و باصمة بالعشرة كمان و انها مش هتلاقى حد زيى يحبها و يصونها ولا ايه يا باشا
فارس:: بتنهيدة راحة .. اه يا بنت الـ…….
حلم:: بضحك ع شكل فارس ههههههههههههههههه .. هاااا بنت ايه
فارس:: وقعتى قلبى يا بنت الرشيدي حرام عليكى
حلم:: أعملك ايه بس .. ما هو ده مش سؤال يعنى يا أبن المنصورى
فارس:: قام و قرب منها اوى
حلم:: لاقته بيقرب عليها قامت و جريت ناحية باب المكتب
فارس:: بسرعة لحقها ساند بـ إيده الاتنين ع الباب وهى بين ايده و قرب منها أكتر
حلم:: بخوف مصطنع .. ايه يا فارس مالك يا حبيبى أهدى كدا و قول هديت وحد الله كدا و صلى ع النبى
فارس::لا إله إلا الله سيدنا محمد رسول الله عليه افضل الصلاة و السلام
حلم:: طب ايه يا باشا هتفضل فـ الوضع ده كتير و لا ايه
فارس:: لأ ما هو انتى لازم تتعاقبى ع اللى عملتيه فيا ده
حلم:: بهزار .. أعقل يا باشا ماينفعش كدا احنا فـ المستشفى
فارس:: قرب منها أوى و عينيه ع شفايفها و هى بتتكلم .. و بهمس هو انتى خليتى فيا عقل
حلم:: و عينيها فـ عينيه .. مش انت اللى بتسأل سؤال مش منطقى
فارس:: جننتينى معاكى يا حلم عمرى .. معكِ عرفت ماهو الحب ..
عرفت الأحساس و الحنين و لوعة الأشتياق ..
أحببت فمارست كل أنواع الأكتفاء الإ منكِ ..
أصبحت لا أريد من دنياي الإ أنتِ…..
إكتفائي بكِ يغنيني عنهم جميعا
فأنتِ في قلبي و عيني دائمآ…..
غائبآ كنت إم حاضرآ … بحبك يا حورى
حلم:: غمضت عينيها و حاسة انها فـ عالم تانى مافيش فيه غير فارس و بس
حلم:: رجعت قعدت فـ ثوانى ورا مكتبها و أذنت لـ هنادى تدخل
فارس:: قعد مكانه و مسح بـ إيده ع وشه و شعره و ضربات قلبه فعلا مسموعة من كتر انفعاله
حلم:: قامت و دخلت الحمام تغسل وشها عشان تهدى و بعد ما طلعت قالت لـ فارس قوم أغسل وشك عشان هتهدى
فارس:: حور انا مش قادر استحمل أكتر من كدا .. لازم فـ أقرب وقت نكتب كتابنا و تكونى فـ بيتى ان شاء الله
حلم::ان شاء الله يا حبيبى
و فعلا بعد شوية وقت رجعوا المزرعة مع حازم و الاء و حلم الصغيرة و تحت إصرار حلم أخدت الاء تقعد معاها فـ الڤيلا لغاية حفلة السبوع
بقلمى✍️____________________لبنى دراز
#:: انننتتتووووا يا بهااا/ااااايم ياللى بررررة حد يطللللعنى من الأررررف ده
- تبع الفصل التالي اضغط على ( رواية العشق الابدي) اسم الرواية
تعليقات
إرسال تعليق