رواية احببت قلبا ليس لي (كاملة جميع الفصول) حصريا عبر كوكب الروايات بقلم سهيله مصطفى
رواية احببت قلبا ليس لي الفصل الثامن عشر 18 "أحببتُ قلباً ليس لي"
البارت ١٨
في نفس المكان المهجور
أمير: أيوة يعني إنت هتفضل رابطني كدا فكني ونتواجه راجل لراجل
# طيب بس متصدعناش واقعد وانت ساكت أحسنلك
أمير: طيب م تخليك جدع وتكشف عن وشك خليني أشوفك مين
# دا إنت رغاي أوي وأنا دماغي وجعتني بس علشان أريحك فأنا هكشفلك عن وشي أهو
أمير بصدمة: إنت؟!!!!!!
زياد: اه أنا إنتو فاكرين إني مش هرجع تاني ولا إي
أمير: بس إزاي؟!
فلاش باك
في الجامعة
زياد: فرح إزيك
فرح بلامبلاة: الحمد لله... عن اذنك
زياد: لا استني عايز اتكلم معاكي شوية
فرح: خير
زياد: بصراحة انا معجب بيكي جدا وحابب أتعرف عليكي
فرح: اسفة يا زياد مش بتعرف والله
زياد: تعالي بس نروح اي كافيه ونقعد نتكلم مع بعض شوية
فرح بعصبية: قولتلك لا خلاص بقا
زياد: م هو لو مش بالذوق هيبقى بالعافية ف بلاش صوتنا يعلى وامشي معايا بسكات
فرح بصوت عالي جدا: نعم انت بتهددني انا انت مفركني واحدة من البنات اللي مش كويسة اللي شبهك وع فكرة انت الجامعة كلها عارفاك شاب طايش وبتاع بنات ولا يُعتمد عليك في حاجة وروح بقا علشان تاخد مصروفك من بابا
زياد بغضب: هخليكي تندمي يا فرح
... وبعد انتهاء المحاضرات
فرح: يلا دموع ولا ناوية تعيشي باقي عمرك هنا
دموع: اهو جاية بس بيني وبينك انا خايفة من زياد الزفت دا أوووي
فرح: يبقى يعمل حاجة هو وانا هوريه مين هي فرح
دموع: يلا يا أختي وبلاش النفخة الكدابة دي
وخارج الجامعة وفرح بتعدي الطريق وقفت عربية سودا وأخدتها ودموع فضلت تصوت بس العربية كانت سريعة جدا ولحسن الحظ دموع اخدت رقم العربية
آدم في الشركة وفجأة فونه رن
آدم: ألو
دموع: ادم الحقني بسرعة فرح اتخطفت من برة باب الجامعة
آدم: اتخطفت ازاي ومين اللي خطفها
أمير كان جنب آدم: مين يا آدم اللي اتخطفت
آدم: فرح
أمير: طيب أنا هبلغ قصي وياسين بسرعة علشان نتحرك سوا
حكت دموع لآدم ما حدث وخلال ساعات قليلة كانت فرح في منزلها وزياد في السجن وذلك بمساعدة رجال الشرطة
باااااك
زياد: شوفت فضلت شايلها لحد دلوقتي وجه وقت الانتقام وفرح هتبقى ليا يعني هتبقى ليا
أمير: طيب وريني هتعمل إي
في ڤيلا الراوي
قصي: قدرنا نحدد مكان أمير ورايح دلوقتي مع الشرطة علشان نجيبه
إبراهيم: الحمد لله بس ازاي يبني
قصي: أمير دايما بيبقى معاه فون احتياطي والرقم دا مش مع حد غيري انا وبس فكلمت ناس واديتهم الرقم وعرفوا يوصلوا لأمير الحمد لله.. يلا بعد اذنكم
فرح: ثواني أنا جاية معاك
قصي: هو إي اللي جاية معاك إحنا رايحين ملاهي
فرح: رايحين مكان أحسن من الملاهي رايحة أنقذ خطيبي من المجرمين
قصي: طب اقعدي بلا تنقذي انتي بتخافي من ظلك اصلا وبعدين أمير لسة مش خطبك بلاش تسبقي الاحداث وبصوت واطي: خطوبة الشوم والندامة
فرح: ع فكرة سمعتك والشوم والندامة دا إنت بعد إذنك يا بابا هروح اجيب خطيبي
أحمد: معلش يا قصي طالما مفيش خطر خدها معاك بدل م توجع دماغنا هنا
قصي: علشان خاطرك انت بس يا عمي والله
دموع بسرعة: أنا كمان هروح معاكم
قصي بعصبية: هو إي اللي كله هروح احنا رايحين فرح يعني وبعدين ادم رن عليا وقال انه جاي ياخدك وسابها وطلع لبرة وفرح طلعت وراه
دموع: ماشي يا قصي
في سيارة قصي
قصي: إنتي بتعملي إي
فرح: إي هركب ولا هتاخدني مشي ولا اي مش فاهمة
قصي: لا يا أم لسان طويل بس انا مش السواق بتاعك علشان تركبي من ورا
فرح: بس انا بحب اركب ورا
قصي: هتيجي تركبي هنا ولا امشي
فرح بزعل وبطفولة: لا خلاص هاجي اهو وكشرت وشهها
قصي: شكلك بيبقى حلو أووي وانتي متعصبة
فرح: هاا
قصي رجع لوعيه: ابدا مفيش
فرح: بس انا حاسة انك قولت حاجة
قصي: لا مقولتش وبطلي زن يخربيتك
فرح: والله م حد زنان غيرك وبصوت واطي: أبو شكلك
قصي: بقولك هو انتي فعلا موافقة على أمير
فرح ببرود: هي الحاجات دي فيها هزار برضو
قصي: وبتحبيه؟!
فرح: الحب مش كل حاجة فيه حاجات تاني أهم زي الإحترام والثقة والإهتمام
قصي: ياه دا انتي حفظتيه حفظ بقا
فرح: لازم مش هيبقى زوجي المستقبلي ان شاء الله
فاجأها قصي بآخر سؤال توقعته منه فرح
قصي: طب وأنا؟!
فرح: نعم؟!
قصي: أنا روحت فين معقول نسيتيني بسرعة كدا ولا مكنتيش بتحبيني أصلا
فرح: نفس السؤال كان نفسي أسألهولك لما خطبت أعز صاحبة ليا بس هجاوبك إنت دلوقتي مع خطيبتك اللي بتحبها وبتحبك وبعد كام شهر هتبقى مراتك وإنت هتكون زوجها أهو إنت يا قصي
قصي: بس أنا مش قصدي كدا.. أنا قصدي أنا فين بالنسبالك
فرح وحبت تردهاله: إنت هتفضل غالي عليا زيك زي ياسين أخويا وبدال الأخ الواحد بقوا إتنين قصي وياسين
قصي بغيظ؟ بس أنا مش أخوكي
فرح: إنت تطول أصلا إنك تبقى أخويا
قصي: طيب يلا وصلنا وبهمس: قال أخويا قال
في مكان آخر
منسة: يعني إي يا زين مش هخرج كدا
زين بعصبية: زي م سمعتي مش هتطلعي بالزفت اللي انتي لابساه دا
منسة: ماله الفستان م جميل اهو ولونك المفضل كمان
زين: الفستان ضيق أوووي وكمان شعرك دا انتي لي مش راضية تتحجبي
منسة: يوووه نفس السيرة تاني قولتلك انا لسة عايزة اعيش سني والحجاب هيخنقني ويمنعني من حريتي
زين: وانتي ضامنة انك تعيشي سنك م ممكن ربنا ياخدك دلوقتي تموتي وانتي على معصية والحجاب عمره م كان بيمنع الحرية بالعكس فيه لاعبات كرة بتلبس حجاب وفيه كابتن طائرة بتلبس حجاب.. الحجاب ستر وعفة استري نفسك في الدنيا قبل م يسترك الكفن بعد م تموتي انا همشي دلوقتي سلام
وخرج زين من منزل عمه وهو والد خطيبته منسة وأخذ يتحدث مع نفسه: معقول أكون إتسرعت في خطوبتي منها لا لا أنا بحبها من زمان وأخرج هاتفه وقال: اروح اكلم الاوزعة بقالي كتير مكلمتهاش
زين: السلام عليكم ازيك يا أوزعة
حنين: وعليكم السلام.. الحمد لله يا أبيه زين إنت أخبارك
زين: الحمد لله بخير والله كنت عايز اتكلم معاكي شوية
حنين: اتفضل
زين حكالها الموقف وقال: أنا حاسس إني إتسرعت في خطوبتي منها
حنين: لا لا متقولش كدا منسة بنت كويسة وبتحبك وإنت كمان بتحبها هي بس طايشة شوية محتاجة اللي يوعيها خليك جنبها وانصحها وهي علشان بتحبك هتعمل كل اللي يرضيك بس كله بالحنية يا زين بلاش تطلع التنين اللي جواك علشان هتنفر منك كدا ومش هتسمع كلامك
زين بإعجاب: إنتي كبرتي إمتا كدا يا أوزعة وبقيتي بتقولي كلام ناس كبيرة
حنين: من زمان يا أبيه بس إنت مش واخد بالك.. آه صح عندي ليك خبر يستاهل كيسين أندومي
زين: طالما أندومي يبقى خبر حلو قولي بسرعة
حنين: جالي عريس وبابا موافق وأنا كمان موافقة باقي ناخد رأي قصي
زين: عريس إي؟! وإزاي محدش يقولي؟! وانتي ازاي توافقي على حد متعرفيهوش
حنين: يا عم اهدى لسة هو جاي امبارح اصلا وهو كويس واصلا كلنا عارفينه وانت ان عرفته هتوافق فورا
زين: دا مين بقا ان شاء الله
حنين: آدم
زين: آدم الصياد أخو دموع خطيبة قصي
حنين: بالظبط كدا
زين: الف الف مبروك يا اوزعة وربنا يتمملك على خير كدا ليكي كرتونة اندومي دا خبر حلو أوووي يلا سلام
في سياره آدم
آدم: مالك قالبة وشك كدا لي
دموع: آدم ممكن تخليك في حالك وتسيبني في حالي انا كمان
آدم: دا الموضوع بجد بقا مالك يا حبيبة أخوكي في إي
دموع ببكاء وحضنت آدم: أنا تعبت أووي بجد كنت حاسة اني لما اتخطبله هرتاح بس بالعكس بتوجع أكتر وأكتر لإمتا هفضل كدا
آدم: طيب إهدي وقوليلي إي اللي حصل
دموع مسحت عينيها من الدموع: مفيش حاجة متخانقة أنا وقصي خناقة خفيفة كدا بس هو زودها شوية وفي نفسها: دي معركتي أنا ولازم أكسبها بنفسي
آدم: مع إني مش مقتنع بس ماشي
عند زياد وأمير
زياد: علشان تعرف بس ان محدش يقدر يعرف مكانك
أمير: طيب فكني ونتكلم راجل لراجل م هو مش عدل انا افضل مربوط كدا
زياد: اشششش قال قصي قصي فين قصي اللي صدعت دماغي بيه ومين قصي دا أصلا
# قصي بيه الراوي إبن إبراهيم باشا الراوي
أمير: والله م بيعجبني فيك غير الفشخرة الكدابة دي
زياد: أهلا أهلا ب قصي ب
ولم يكمل كلامه لأنه رأى فرح وهي تدخل خلف قصي
زياد بنظرة إعجاب: فرح
قصي: خليك معايا أنا هنا
زياد: إحلويتي أوي يا فرح
قصي: دا أنت عايز تتربى بقا وفجأة ضرب قصي لحد م وقع على الأرض
أمير: طيب فكني أنا الأول
إنحنى قصي ليفك أمير وفجأة......
يُتبع.......
بقلم /سهيلة مصطفى.
•تابع الفصل التالي "رواية احببت قلبا ليس لي" اضغط على اسم الرواية
تعليقات
إرسال تعليق