رواية احببت قلبا ليس لي (كاملة جميع الفصول) حصريا عبر كوكب الروايات بقلم سهيله مصطفى
رواية احببت قلبا ليس لي الفصل السادس عشر 16
أحببتُ قلباً ليس لي"
البارت ١٦
عند أمير كان بيرن على قصي
أمير: أيوة يا عم إنت فين مش قولت هتجيلي بدري علشان تشوف الطقم وتقولي رأيك
قصي بضيق: أمير البس أي حاجة وخلاص ومتصدعنيش
أمير بإستغراب: قصي هو إنت فيك حاجة؟!
قصي: لي إن شاء الله شايفني بشد في شعري ولا بقطع هدومي أمير أنا هقفل سلام... وقفل في وش أمير
أمير: إي دا في إي يا ترى الموضوع ليه علاقة بيا ولا دا هو وخطيبته ولا إي اللي حاصل عموما أنا هلبس وأروح أعدى عليه أشوفه
.... قصي: طيب لإمتا هفضل كدا أنا حرفيا مش قادر أتحمل فكرة إنه هيخطبها طيب من إمتا المشاعر الغريبة دي أنا خلاص أخدت قراري
في ڤيلا أحمد والد فرح
مريم: ها مش هتقومي تجهزي نفسك بقا
فرح بتأفف: ماما إحنا لسة العصر وهما جايين بالليل يعني لو واحد في أمريكا هيلحق ييجي ويلبس كمان ف متصدعنيش بقا
مريم: أنا والله تعبت منك هروح اندهلك باباكي
... مين بس اللي مزعل طنط روما حبيبتي
مريم: دموع إزيك يا حبيبتي عاملة إي
دموع: الحمد لله بخير يا طنط مالك سامعة صوتك من الجنينة من برة
مريم: اومال احاول اقنعها تقوم تجهز نفسها مش قادرة عليها
دموع: مش تتعبي نفسك خالص يا مريوم وانا هظبطلك العروسة
فرح: بت بطلي تقولي كلمة عروسة اسمي فرح
دموع: طيب يلا يا عروسة
على الجانب الآخر عند أمير
أمير لنفسه: كدا تمام يواد يا أمير إي الحلاوة دي والله اول م تشوفني هتتهبل كدا م هي فعلا هتتهبل من منظرك اللي يكسف دا يكسف مين والله انا عسل اهو يا وسامتك يا أمير ربع الثقة اللي عندي والله أنا شكلي اتجننت بغني وأرد على نفسي عموما هروح ل قصي أشوفه ماله قالب بوزه لي عدو الفرح دا ياااااه فرح طيب يلا يا عم روميو
... وبالفعل ركب أمير سيارته وإنطلق به خارج منزله
مجهول١:أهو طلع من بيته حالا ولابس ومتشيك ع الآخر
مجهول٢:إمشي وراه بس إوعى ياخد باله واستنى مني تليفون علشان تنفذ وأي غلطة تمنها رقبتك
مجهول١:تمام يا باشا
بعد مرور حوالي نصف ساعة وجد أمير ٤ سيارات يقفن أمام سيارته وينزل منها رجال ملثمة معظهم بودي جارد
أمير: ممكن أفهم إنتو مين وعايزين إي؟!
# هتعرف دلوقتي بس اتقل شوية
أمير: طيب ممكن تخلي الناس دي تبعد العربيات علشان اعرف اعدي
# م قولنا اتقل يا حلو ولا الذوق مش نافع معاك
أمير: إنت مش عارف نفسك بتكلم مين ولا إي
# طيب خد دا واسكت وأخرج من جيبه بخاخة بها منوم ورش بها وجه أمير فوقع أمير على الأرض... شيلوه يلا وبينا نروح للزعيم
في ڤيلا إبراهيم الراوي
قصي: السلام عليكم
إبراهيم: وعليكم السلام... مالك يبني شكلك مرهق ومخنوق كدا فيك حاجة يا قصي
قصي: لا يا بابا دي قلة نوم مش أكتر
إبراهيم: مع إني مش مصدق بس يلا كله مع الوقت هيبان آه صح متعرفش آدم ماله
قصي بإستغراب: آدم؟! لا بس بتسأل لي
إبراهيم: مش عارف كلمني وقالي عايزك في موضوع ضروري قولت يمكن عندك فكرة ولا حاجة أو دموع قالتلك حاجة
قصي لنفسه وقد تذكر أن لديه خطيبة تسمى دموع : لا بجد حرام عليا أنا ازاي نسيتها كدا ولا جه في بالي أتصل عليها أنا من إمتا بقيت بالإهمال دا.. بابا معلش هطلع علشان ألحق أغير ورايا مشوار
إبراهيم: تمام يبني ربنا يساعدك
قصي صعد لغرفته ومسك هاتفه وأوشك أن يحادث دموع ولكن وجد ثقل من هذه المكالمة وكأنه لا يريدها بالفعل أيُعقل هذا؟! ولكنه حسم أمره
... عند فرح
فرح: قولتلك مش هلبس فستان نبيتي يعني مش هلبس
دموع: يبنتي دا لون أمير المفضل يبقى لازم تلبسيه علشان تخطفي قلبه
فرح: مش الفستان اللي هيخليني أخطف قلبه أنا هلبس الفستان دا لو عاجبكم لو مش عاجبكم اطلعيله انتي يا دموع
دموع: يبنتي الإسود دا تلبسيه في أي مناسبة كدا مش تطلعي بيه على العريس وبعدين الاسود دا لون قصي المفضل ولا عايزة تخطفي خطتشيبي مني اعترفي
فرح: اعمل بيه اي خطيبك دا بلا قرف
دموع: بتقولي ع خطيبي أنا قرف غصب عنك ذوقك يعع
إي دا جه ع السيرة سوري يا فروح هرد ع الفون وأجيلك
فرح بعد م دموع مشيت: عايزة أقولك إن إنتي اللي خطفتيه مني يا دموع دا حب حياتي بس يلا نصيب
دموع: ألو
قصى بحرج: احم عاملة إي
دموع: الحمد لله
قصي: أنا عارف إني غلطان وإنك زعلانة... قاطعته دموع: وهزعل لي؟!
قصي: لأني مش برن كتير
دموع: مش هتفرق عادي وفجأة
# عاااااااااااااااااااا
قصي: فررررررررررررررح صوت فرح دا يا دموع صح هي كويسة طيب
دموع: فرح في إي
فرح: صورصار عااااااااا
دموع: منك لله بجد انا قولت حد مات ولا حاجة
قصي: دموع فرح كويسة
دموع: كويسة يا قصي متخفش أوي دا صرصار بس إنت ازاي عرفتها من صوتها ولا أقولك مش عايزة أعرف
قصي: ثواني بس إنتي عند فرح
دموع ببرود قاتل: آه
قصي: يعني مش قولتيلي إنك رايحة
دموع: من كتر الكلام بتاعنا راح عن بالي
قصي بغضب: دموع أنا مش ناقصك يا تتكلمي بطريقة كويسة يإما هقفل دي مبقيتش علاقة خطوبة دي بقيت صداع وملل
دموع: إقفل عادي ولا أقولك هقفل أنا.. وقفلت في وش قصي وإنفجرت في بكاء مرير: يارب يكون اللي في بالي غلط وإلا مش هقدر أتحمل إلا دي يارب إلا دي
في مكان مهجور تماما
# أهلا أهلا بأمير باشا إبن العز والأكابر
أمير وقد أفاق للتو من المنوم: إنت مين وعايز مني إي
# بقا رايح تخطبها عادي كدا دا أنت قلبك جامد بقا
أمير: أخطبها وإي علاقة فرح بالموضوع
# فرح هي الموضوع أصلا
أمير: مش فاهم
# مش لازم تفهم اللي عايزك تفهمه إني مقضتش حياتي كلها في السجن علشانها وتيجي في الآخر تكون لغيري
أمير: قضيت حياتك في السجن؟! إنت مين وهل إنت تعرف فرح
# عز المعرفة يا غالي وصدقني لو مش ليا فلا هتكون ليك ولا لغيرك
في ڤيلا الراوي
آدم: السلام عليكم ازيك يا عمي
ابراهيم: وعليكم السلام يبني اتفضل
آدم: احم بصراحة يعني احم هو
ابراهيم: مالك يبني م تتكلم
آدم: بصراحة مكسوف من حضرتك جدا
ابراهيم: آدم أنا زي والدك قول اللي انت عايزه
آدم: طيب بصراحة كدا أنا طالب آيد الآنسة حنين بنت حضرتك
إبراهيم: انت ازاي بتطلب طلب زي دا ومتوقع أوافق صح طلبك مرفوض يا آدم باشا
عند فرح
دموع دخلت عليها الأوضة وبتبتسم
ها قررتي هتلبسي أنهي فستان
فرح: الاسود يعني الاسود
دموع: طيب تمام يلا وفي نفسها: م اللي كنت خايفة منه خلاص حصل
وبدأت فرح في اللبس
في ڤيلا الراوي ولكن في غرفة جنى
جنى كانت بتلعب في الفون وفجأة لقيت رسالة من رقم غريب محتواها"أنا تحت ڤيلا الراوي انزلي بسرعة" خافت أووي وفضلت ترن على ياسين ومكنش بيرد الأول وبعد كدا رد
ياسين: ألو يا جنينة إي الاتصالات دي كلها
جنى بعياط: مش وقته يا ياسين فيه رقم باعتلي رسالة انزل تحت وأنا متأكدة انه ابن عمي
ياسين: طيب انزلي شوفيه عايز اي
جنى: ياسين انت اتهبلت ولا اي
ياسين: لا بس اسمعي الكلام وانزلي وأنا هكون معاكي ع الفون ولو فكر يعمل حاجة غلط أنا هربيه
وبالفعل نزلت جنى للأسفل فوصلتها رسالة "اطلعي برة الڤيلا هتلاقي عربية اركبي فيها بالسكت ولو حصل عكس كدا يبقى انتي اللي جنيتي على نفسك"
جنى: ياسين.... وقصت له الرسالة
ياسين: طيب اسمعي الكلام ومتخفيش انا معاكي
ركبت جنى السيارة ولم ترفع رأسها وهمست بصوت منخفض: ياسين الحقني انا خايفة اوي
.. طيب سيبي الفون وكلميني كدا يا جنينة
جنى رفعت راسها واتصدمت لما شافت ياسين: والله انت بارد وقفت قلبي حرام عليك
ياسين بضحك: يعني لو كنت قولتلك انزلي شوية كنتي هتوافقي
جنى: بصراحة لا
ياسين: اهو شوفتي دماغ شغالة مش بتنام
جنى: طيب وبعدين هنروح فين
ياسين: هنتمشى سوا شوية يا جنينة
جنى: إي سر جنينة اللي طلعت فيه دا
ياسين: حلو صح
جنى: مش عارفة بس أنا حبيته أوووي
ياسين: مين
جنى: مين إي؟!
ياسين: اللي حبتيه
جنى: ها؟!
ياسين: اللي حبتيه
جنى: الإسم الإسم
ياسين: يلا بينا
آدم: أنا أكيد بحلم ولسة مجتش أتقدم صح
إبراهيم: لا إتقدمت وإترفضت يا آدم
آدم: طيب من حقي أعرف السبب
إبراهيم:..........
آدم: نعم بتقول إي!!!!!!؟
يُتبع.......
بقلم/سهيلة مصطفى
•تابع الفصل التالي "رواية احببت قلبا ليس لي" اضغط على اسم الرواية
تعليقات
إرسال تعليق