رواية احببت قلبا ليس لي (كاملة جميع الفصول) حصريا عبر كوكب الروايات بقلم سهيله مصطفى
رواية احببت قلبا ليس لي الفصل الخامس عشر 15
"أحببتُ قلباً ليس لي"
البارت ١٥
دموع بصدمة: من وسط بنات الناس كلها ملقيتش غير حنين يا آدم
آدم: إنتي لي بتقولي كدا مالها حنين
دموع: علشان مش بتحبك يا آدم سمعت مش بتحبك وأنا مش هرضالك وجع القلب دا
آدم: إنتي عرفتي إزاي؟!!!!
دموع: معنى كدا انها مش بتحبك بجد طيب وإي اللي يجبرك تاخد واحدة مش بتحبك لي وجع القلب دا
آدم: حبي ليها هو اللي جبرني على وجع القلب دا بس هقدر احافظ على علاقتنا وهقدر اخليها تحبني وهي وعدتني انها هتنسى ز....
دموع: سكت لي؟ تنسى مين هي حنين بتحب حد غيرك
آدم: بصراحة آه كانت بتحب زين صاحب قصي بس هو خطب وأنا إعترفت ليها بمشاعري ووعدتني انها تنسى زين وانا هساعدها تعمل كدا بالله عليكي مش عايز حد يعرف متقفوش في طريق سعادتي
دموع: آدم إنت عارف ان عمري م هقف في طريق سعادتك بس أنا خايفة عليك والله مش عايزاك تستهلك مشاعرك للشخص الغلط ولما ييجي الشخص الصح ميبقاش في ايدك حاجة تقدمها علشان كدا بقولك بلاش حنين لأنها أخت قصي ومتهيألي مش هتفرق عنه حاجة
آدم بإستغراب: ثواني بس أنا مش فاهم إي علاقة قصي بالموضوع
دموع: مش عارفة حاسة اني اتسرعت اني وافقت على قصي.. هو مش بيحبني ولا أنا متهيألي بجد حاسة اني تقيلة عليه بطريقة لا توصف ولولا اني عارفة ان قصي محدش بيجبره على حاجة كنت قولت ان قصي مجبور على جوازه مني
آدم: مش عارف علاقتك بقصي وصلت ل فين بس كل اللي عارفه زي م قولتي انتي قصي محدش يقدر يجبره على حاجة
دموع: خلاص انا هكلملك بابا وانت حر يا آدم إنت عارف راحتك فين وحقيقي فرحانة انك هتتجوز وأخيرا
آدم: برضو بتقول أخيرا.. بت انتي محسساني اني عجوز
دموع بضحك: فرحانة بيك يا دومي
عند قصي...
قصي قاعد سرحان وبيفكر في حاجة قطع تفكيره صوت الفون بتاعه
قصي: يبني إنت مش وراك حاجة غيري
أمير بهزار: الصحاب ماتوا في الحرب خلاص
قصي بضحك: طيب خير عايز إي وبترن دلوقتي لي
أمير: بفكرك ب مشوار بكرة أحسن تكون نسيت ولا حاجة
قصي: مشوار بكرة! لي هو إنت رايح فين
أمير: كنت متأكد إنك هتنسى يا زهايمر.. عموما إحنا رايحين بكرة عند عمو أحمد علشان نطلب إيد فرح
قصي وكأنه أفاق للتو من شروده: نعم بتقول إي
أمير: يبني مش كنا هنروح النهاردة وإنت قولتلي إننا رايحين خطوبة زين فأنا النهاردة إتشجعت وكلمت عمو أحمد وقالي تعالى بكرة مش عارف جتلي منين الجراءة دي
قصي: لا رد
أمير: ألووووو يبني إنت معايا
قصي بشرود: طيب إقفل دلوقتي وبكرة إن شاء الله هروح معاك
أمير: تمام تصبح على خير
قصي:وإنت من أهل الخير يارب
قصي في نفسه: طيب إي اللي حصل وخلاني بفكر فيها كدا أنا عمري م كنت شايفها أكتر من بنت صاحب بابا لي دلوقتي بحسها تخصني أنا ومش طايق إن أمير يتقدملها طيب ودموع المفروض إني كنت بحبها إي اللي حصل الحب دا كله راح فين هل دا كان إعجاب وراح لحاله ولا مكنش فيه حاجة أصلا طيب هقدر أكسر قلبها طيب وأمير أنا إتأكدت إنه معجب ب فرح وعن قريب هيبقى حب هل هقدر أخطف فرحته منه.. طيب وفرح نفسها هل هتوافق على أمير طيب وحبها ليا معقول تكون كرهتني مستحيل اللي بيحب مش بيكره طيب وأنا وسط دا كله.. أنا فين وراحتي فين وسعادتي اول مرة أحس إني تايه بالطريقة دي هقوم أصلي ركعتين وربنا يقدملنا اللي فيه الخير جميعا
عند فرح....
فرح بدموع: يعني كدا خلاص من بكرة هكون لحد تاني طيب هقدر مظلمش أمير معايا هقدر أنسى قصي وأشيله من بالي ولا هفضل ع طول على ذكرى حبه.. خايفة أوافق على أمير أكون بظلم أمير وخايفة أرفضه أكون بظلم نفسي وقلبي اني احرمهم من فرصة تاني بس خلاص انا في الواقع مش في مسلسل ولا رواية مش هنتظر قصي يجي بكرة ويتكلم قدام الكل ويمنع أمير انه يخطبني لازم أفوق وأدي نفسي فرصة تاني لأنها كدا النهاية ويبدو أني"أحببتُ قلباً ليس لي" هقوم اصلي ركعتين واللي فيه الخير ليا ربنا يقدمه
عند دموع.....
دموع بتكلم نفسها: طيب ولإمتا هفضل حاسة بإني تقيلة عليه وإني عبء إتفرض عليه.. لإمتا هفضل حاسة اني غير مرغوب فيا عند أكتر شخص حبيته طيب هو لو بيحب واحدة تاني ليه خطبني واداني أمل إنه يكون ليا.. طول عمري كنت شايفاه حلم بعيد وعمري م توقعت انه يكون ليا بس ربنا أراد وخطبني وجدد فيا الأمل بعد م كنت خلاص فقدته لي يعمل كدا طيب هو كدا خلاص وصلنا للنهاية والمفروض ابعد عنه يبدو أني"أحببتُ قلباً ليس لي"
عند آدم....
نايم على السرير وباصص للسقف وبيفكر
آدم في نفسه: يا ترى أنا إتسرعت في إرتباطي ب حنين طيب يا ترى هو فعلا أنا كدا بظلم نفسي زي م قالت دموع طيب أنا فعلا هقدر أتحمل لحد م حنين تتعافى كليا من حبها ل زين ولا هيأس وأبعد من أول محاولة فاشلة طيب هي فعلا هتقدر تنساه وتكون ليا وهقدر أملك قلبها زي م هي ملكت قلبي ولا لا طيب أنا المفروض أكمل ولا أتراجع لا أنا راجل والراجل مستحيل يرجع في كلمة قالها وأنا وعدتها إني هفضل جنبها ع طول وهكون قد وعدي بس أنا مرعوب من فكرة إني أكون "أحببتُ قلباً ليس لي"
عند حنين.....
حنين لنفسها وهي بتبكي: أنا كدا فعلا خلاص مبقاش ليا أي حق فيه هو محبنيش من الأول يبقى لازم العقاب يكون عليا لوحدي أنا اللي هتحمل الوجع والعذاب وواثقة في ربي وفي نفسي إني هقدر أنسى زين والله أنا بتمنى أقدر أتحرر من الحب دا وأفتح قلبي لآدم لإنه هو الوحيد اللي يستاهل حبي وقلبي هحاول بقدر الإمكان إني أنسى زين وأبعده عن طريقي وهدي لآدم بس الحق بالإقتراب من ملكية مشاعري وطول م هو جنبي أنا هتقوى بيه طيب يا ترى فعلا هحب من الأول بعد م "أحببتُ قلباً ليس لي"
عند أمير....
أمير لنفسه: بكرة تجربة جديدة ولأول مرة هاخد خطوة جد وصح في حياتي بعد حبي الاول الفاشل أتمنى فعلا ألاقي الحب اللي أستحقه أنا إتعذبت كتير تحت مسمى الحب الأول وتعبت أكتر أتمنى فعلا مكونش بكرر نفس الغلط لأني مش هتحمل عذاب ووجع تاني أتمنى فرح فعلا تكون عوض ربنا ليا ومش تستغل مشاعري زي نسرين أتمنى تكون فعلا مقتنعة بإرتباطها بيا وأنا والله هكون نعم الزوج ليها أتمنى فعلا مكونش بقع في نفس الحفرة تاني أنا خايف أكون بكرر وجع "أحببتُ قلباً ليس لي"
أسدل الليل ستائره ونام الجميع وكل منهم في رأسه تدور الآلاف من الأفكار فينتظرهم غدا يوم ملئ بالأحداث
في الصباح إستيقظ الجميع منهم من استيقظ بكامل نشاطه ومنهم من استيقظ وهو غير قادر على المواجهة ولكنه مجبور
في ڤيلا أحمد الصياد
مريم: فرح إنتي يا بت يا فرررررررررح
فرح: نعم يا بابا صدعتيني من الصبح خير
مريم: قومي أفطري علشان تنزلي تجيبي الحاجات اللي نقصاكي
فرح: مفيش حاجة ناقصة يا ماما
مريم: باستثناء تربيتك يقلب ماما
فرح بغيظ: طيب روحي يا ماما ع الصبح علشان هنقوم ندب خناقة كل يوم
مريم: أنا ماشية و خمس دقايق وهبعتلك ياسين يشوفك صحيتي ولا لا
فرح وهي تنهض من على السرير: أنا أصلا قومت مش ناقصة رخامة ياسين مش عارفة جايباه من أنهي مستنقع ياسين دا
ياسين: مستنقع إي يا كلبة البرك إنتي إحنا أصلا لقيناكي على باب جامع وأشفقنا عليكي ف قولنا نربيكي
فرح بغيظ: ماااااماااااا خلي ياسين يبعد عني علشان هقوم ازعله
ياسين: ماما خبيني أنا خوفت إحنا أصلا قربنا نرتاح منك
وافرحي يا عروسة أمير العريس
فرح: قاعدة على قلبك كدا واوعى من وشي خليني اروح اشوف حاجة في البيت دا تتاكل
ياسين: هتفضلي طفسة طول عمرك بس بحبك يقلب أخوكي مش عارف هتحمل ازاي ان أمير ياخدك مني دا أنا آخد روحه قبل م ياخدك يا ياسين يا ابن الهبلة بتكلم نفسك
مريم وهي بتضربه ع دماغه: وإي كمان يا ياسين باشا
ياسين: انتي مييييين
مريم: لا يحبيبي اجمد كدا متخفش دا انا الهبلة
ياسين بضحك: قلبك ابيض يا ست الكل
في مكان آخر لا نعلمه
مجهول١:إنت جبت الكلام الزفت اللي شبهك دا منين
مجهول٢: وأنا مالي بقا يا باشا دي مصادري الخاصة
مجهول١:طيب ودا هيحصل امتا
مجهول٢:النهاردة بالليل
مجهول١: دا إن بقي عايش وفيه النفس
مجهول٢:ناوي على إي يا زعيم
مجهول١بشر:.............
مجهول ٢:يبقى إحنا كدا نقرأ على نفسنا الفاتحة
يُتبع.......
بقلم/سهيلة مصطفى
•تابع الفصل التالي "رواية احببت قلبا ليس لي" اضغط على اسم الرواية
تعليقات
إرسال تعليق