Ads by Google X

القائمة الرئيسية

الصفحات

رواية روح الفهد الفصل الخامس عشر 15 - بقلم بسمله احمد

 رواية روح الفهد (كاملة جميع الفصول) حصريا عبر كوكب الروايات بقلم بسملة احمد

رواية روح الفهد الفصل الخامس عشر 15

البارت 15 رواية روح الفهد
~~~~~~~~ 
وفي صباح يوم جديد يحمل معه 
احداث تعجبنا يستيقظ بطلنا ويراها نائمه كالملاك بيبص عليها بحب بيفضل يلعب في شعرها وايده بتنزل علي جبينها بس بيلاقيها سخنه نار
قاسم: روح حبيبتي 
روح بدون وعي: اممم 
قاسم رفعها ونزلها في البانيو علي امل ينزل الحراره شويه 
روح بدات تترعش جامد وبردو لسه مش واعيه 
قاسم: اشتالها ونادي لريم تغيرلها هدومها واشتالها وهيا لفت ايدها حولين رقبته وراسها علي صدره وراحت في النوم وهو نزل تحت بسرعه الكل وقف 
ايه جريت عليه: مالها روح 
قاسم ابتسم بتوتر: مفيش حاجة بس هنروح للدكتور علشان ميعادها 
الجد: طب ما الدكتور يجي هنا 
قاسم بغمزه لجده بدون ما يخلي حد ينتبه: لا يا جدي انا هوديها انا 
الجد: طيب 
قاسم لسه بيمشي جاك وليفاي وعماد: استني هنيجي معاك 
قاسم: بس 
جاك: انا جاي يا قاسم متحاولش تقنعني 
قاسم باستسلام وقلق على حبيبته: موافق 
وفعلا ركبوا الخمسه 
جاك: مالها روح بقي علشان واثق انك كنت بتضحك علينا جوا 
قاسم بقلق: درجة حرارتها عاليه جدا 
قاسم اربطو الحزام يلا والكل ربط الحزام وقاسم ربطوا لروح 
وساق بسرعه كانو بيخبطو في بعض بسبب سرعته كان بيسوق بسرعه جنونيه ووصل المستشفى وقف فجأه الكل طلعوا قدام بسبب وقفته المفاجأه وهو فتح الباب ونزل راح ناحية روح فتحلها الباب وفك الحزام واشتالها ودخل ووراه جاك وليفاي وعماد 
قاسم للممرضه: عايز دكتوره وبسرعه 
الممرضه: تمام يا فندم المريضه مالها 
قاسم: درجة حرارتها مرتفعه 
الممرضه: تمام بس لازم تملي الاستماره دي 
قاسم بعصبيه: مش مالي الزفت بقولك تعبانه ونادي الدكتوره تقولي املي الزفته وكمل بنبره حاده وصوت مرتقع تجمع علي اثره من بالمشفي اقسم بالله ان ما لقيت دكتوره واقفه قدامي دلوقتي لهقفلها بالشمع الاحمر يلااااااا 
جاك: اهدي يا قاسم وبسرعة: احسنلك تخلصي انتي متعرفيش المريضه دي تبقي مين اخلصي يلا 
الممرضه خافت من منظر قاسم جاك بص عليه 
دكتور: اتفضل حضرتك انا هشوف المريضه 
قاسم مسكه من تلابيب قميصه بعصبيه: قولت مش عايز دكتوره انا عايز دكتوره دكتورهه
روح بدون وعي: قاسم 
قاسم اخد نفس وبصوت هادي:ايه يا حبيبتي 
روح: اهدي مش هيحصل حاجه 
قاسم: حاضر ههدي
دكتوره: اتفضل يا فندم واخدتها وهو راح وراها وحط روح علي السرير ولسه هيمشي روح فضلت ماسكه فيه 
روح بتعب: متتخانقش مع حد واهدي خليك هادي 
قاسم باس راسها: حاضر عيوني مش طفل انا علشان اتخانق 
روح ابتسمت بتعب: حاضر انت مش طفل انت احلي قاسم يا فهدي
قاسم ضحك: عيوني يا وحشي وطلع برا وابتسامته اختفت وقعد علي الكرسي قدام الاوضه بتاعت روح 
~~~~~~~~~
عند روح كانت نايمه بتعب 
الدكتوره بهيااام.: ده اخوكي قمر اووي كان خايف عليكي جداً متجوزيهولي 
روح بشراسه وكانها نست ما بها: نععععمممم 
قاسم بسرعه دخل اول ما سمع صوتها: ايه 
روح نزلت من علي السرير وقربت من قاسم ومسكت ايده وقعدت علي الكرسي في زاويه من الاوضه 
روح وبتشمر هدومها: تعال يافهد اصلي بقالي كتير مطلعتش مهمات وبصراحه وحشوني واكيد انت كمان فاقعد انت وخد وضع المتفرج وانا وضع الوحش 
قاسم ابتسم: بس هنعمل مهمه ازاي 
روح ابتسمت بشر: كده وجريت علي الدكتوره اللي كانت بتبص لقاسم بهيام واتنفضت اول ما شافت روح الللي بدات تضرب فيها وتشد في شعرها والدكتوره بتصوت قاسم جري علي روح وجاك وليفاي وعماد دخلوا الاوضه بسرعه 
قاسم بيشد روح اللي قدر يشدها بسهوله لانها مش بكامل قوتها لسه: تعالي بس وقوليلي ايه اللي حصل 
روح بزعيق: سيبني يا قاسم علشان احتمال اطق 
قاسم بضحك: طب ايه اللي حصل طب 
روح ضربته ضربه خفيفه في بطنه قاسم بعد علي اسرها وجاك وليفاي وعماد بيضحكوا والمستشفي كلها متجمعه علي الباب 
وروح نازله ضرب في الدكتوره اللي خلاص اتخرشمت قاسم وقف وخلاص هيشتالها بس قاطعه سماعه لصوت جده
: رووووح روح سابت الدكتوره ووقفت 
الجد: ايه ده 
روح بابتسامه: دي الدكتوره يا جدو 
الجد بحده: روووح قاسم قرب واخد روح وراه 
قاسم بصوت واطي لا يسمعه الا روح: ادي اخرة عمايلك 
الجد: ايه اللي بيحصل هنا 
روح ابتسمت ابتسامه شريره: اصل الدكتوره كانت عايزه تتجوز فكنت بدخلها الكوافير 
قاسم افتكر لما عملت كده مع البنت اللي كانت بتعاكسه في السفر وفهم 
الجد:طب ما تتجوز احنا مالنا
روح وابتسمت وطلعت من ورا قاسم: لا ازاي احنا لينا اصلها كانت بتطلب مني ايد حفيدك اللي هو جوزي 
وبتكمله: وانا بقي يبقي عيبه في حقي ان ما وريتها مين بنت محمد المناوي ومرات قاسم المناوي الملقب بالفهد 
قاسم ابتسم عليها وصدم الكل وهو بيحضنها وبيقول : شطوره يا قطتي 
روح بصدمه: لا لا ثانيه واحده انت مش زعلان اني عملت كده ولا هتزعق ولا تخليني اعيط علشان تاخدني في حضنك وانت قلقان زي المره اللي فاتت ساعت البنت بتاعت امريكا علشان مزعقش
قاسم ابتسم وهز راسه 
روح ضحكت بفرحه وبدون وعي:يااااااه انا بحبك اووي يا فهدي 
قاسم ابتسم: وانا بموت فيكي يا روح فهدك 
قاسم شاور لجاك علشان يشتالو الدكتوره وهما اشتالوها وطلعوها برا اما قاسم فلسه بيبعد روح لقاها. راحت في النوم رفع ايده حطها علي جبينها لقي حرارتها لسه عاليه نيمها علي السرير 
الجد: قاسم ده غلط 
قاسم: سيبها يا جدي تعبر عن اللي جواها هي بتخفي احاسيس كتير جواها علشان كده مبنقدرش نعرف هيا عايزه ايه بتعرف تعبر عن الاحساس ده خليها تعبر عنه مش لازم اخليها تكتم ده كمان كده هبقي بضغطها 
الجد: بس كده هنواجه مشاكل كتير يا قاسم لسه هنشوف لسه الدكتوره دي ده ان مكانتش عايزه ترفع قضيه عليها 
قاسم ابتسمله: سيب الموضوع ده عليا يا جدي 
الجد هز راسه وقاسم جاب دكتوره تكشف علي روح اللي كانت فعلا مش حاسه باي حاجه واثار التعب واضحه عليها
قاسم وقف وقرب من الدكتوره اللي قالت 
الدكتوره: محتاجه راحه تامه وتلتزم بالعلاج بتاعها وان شاءالله تبقي بخير والف سلامه عليها 
قاسم: الله يسلمك تقدر تخرج
الدكتوره:ايوه بس لازم ترتاح 
قاسم هز راسه:عماد خلص الورق علشان نخرج عماد هز راسه وطلع برا اما قاسم فدخل لروح وباس راسها وفضل قاعد جمبها 
وبعد شويه دخل عماد
عماد: يلا 
قاسم اشتال روح اللي حضنته 
روح بنوم : قاسم 
قاسم: امممم 
روح وهي بتخترف: انت احسن شخص قابلته انا بحبك اووي يا قاسم اوعي تبعد عني وتسيبني 
قاسم باس رأسها: مقدرش يا روحي مقدرش ابعد عنك اصلا 
وركبها جمبه في العربيه 
قاسم للشباب: واحد فيكم يركب مع جدو 
جاك: هركب انا 
وفعلا ركبو العربيات ورجعوا البيت نزل من العربيه واشتال روح ودخلوا البيت قاسم طلع علي الاوضه ونيمها علي سريرهم وغطاها كويس وهو قعد جمبها وفتح اللاب توب وبدا يشتغل وكل شويه يبص عليها ويلعب في شعرها وايده التانيه بتكتب علي اللاب توب 
قاسم خلص شغل وهي لسه نايمه 
قاسم باسها من خدها واخدها في حضنه روح ضمت نفسها اكتر ليه 
قاسم ابتسم علي فعلتها وناموا وبعد ساعات من النوم 
فاقت روح وقعدت علي السرير فتحت عينيها وبصت للاوضه بتعب بصت لقاسم اللي كان نايم وبدون اراده حطت ايدها في شعره قاسم حس بايدها وابتسم 
روح: خربيت حلاوتك لازم كل اما نروح حته اتخانق مع حد عشان معجبين بيك ابتسم كانك مش مكفيك اللي انا فيه يعني 
قاسم ضحك وبسرعه بقت تحته 
روح شهقة بصدمه قاسم: خربيت حلاوتي متجوز ملاك 
روح ضحكت: علي فكره انت تقيل وانا تعبانه 
قاسم باسها بحب ونزل من فوقها 
قاسم: الف سلامه عليكي يا ام عيون روصاصي
روح: الله يسلمك يا ابو عيون زرق
قاسم ضحك: طب يلا عشان تاكلي وتاخدي دواكي
روح: حاضر 
قاسم: طب خليكي وانا هجيبلك الاكل ونزل من علي السرير غسل وشه ولسه هينزل 
روح: قاسم استني 
قاسم رجع تاني: ايه يا روحي 
روح: انا هنزل تحت زهقانه 
قاسم: لا الدكتوره قايله راحه تامه 
روح: علشان خاطري مش هعمل حاجه بس زهقانه وانا قاعده كده 
قاسم: بس 
روح بمقاطعه: مش هعمل حاجه وهفضل قاعده جمبك والله 
قاسم باستسلام: حاضر واشتالها وغسلها وشها ونزل بيها تحت وقعدها وقعد جمبها 
الجد: عامله ايه دلوقتي يا استاذه روح 
روح: الحمدلله وبعدين بصت لجدها 
روح: احم جدو هو انت لسه زعلان مني؟ 
الجد مردش عليها روح بصت لقاسم بزعل وراحت لجدها وحضنته وفضلت تبوسه من خدوده
روح: جدو حبيبي الغالي 
الجد لسه مردش روح باسته 
روح: طب وكده لسه بردو 
روح: يا جدو اسفه بس حضرتك عايزني اعمل ايه يعني واحده بتتطلب مني اجوزها لجوزي
الجد: تقومي تضربيها ده انتي نتيفتلها شعرها 
قاسم فطس علي نفسه من الضحك 
روح: اضحك اضحك ما انت بتتعاكس وانا اللي يتحرق دمي فاكر المسلوعه 
قاسم فضل يضحك اكتر وعماد فضل يضحك اول ما افتكر 
روح: ايوة بس علفكره انا مخصماك يا قاسم اضحك بقي قاسم وقف وقرب منها ولسه مش قادر يوقف ضحك واخدها في حضنه 
قاسم: خلاص 😂😂😂😂😂مش قادر 😂😂😂😂
روح ضربته بخفه: يا مستفذ
قاسم فضل يضحك: 😂😂😂😂😂مش قادر 😂😂😂كل ما افتكر منظر البنت قبل ما تركبي فوقها وتضربيها وبعد ما ركبتي فوقها مش قادر اوقف ضحك 😂😂😂😂
روح ومسكته من لياقة قميصه: نعم وانت فاكر شكلها ليه ان شاءلله ولحقت تبصلها امته اصلا المسلوعه دي 
قاسم برق وبنظره مرعبه: رووح مش عايز اذعلك 
روح بخوف وسابت لياقة القميص وبدات تنفض اكتاف قاسم وبنظرات بريئه غير هذه الاجراميه منذ قليل: خالص يا روحي ده انا كنت بنفضلك القميص 
قاسم برفعة حاجب: بيجاااد 
روح: طبعاً وانت فكرت حاجه غير كده وبعدين افتكرت حاجه 
روح: استني استني صحيح كنت عايز تتوهني في الكلام وبنظره مرعبه: ايه اللي خلاك تبص للمسلوعه بقي سورري يا روحي قصدي الملزقه اصل هنغير الاسم الملزقه البنت اللي كانت في الموول لانها كانت بتتلزق فيك اما المسلوعه فهتبقي اللي كانت في المستشفي هااا ايه اللي خلاك تعرف تفرق بين وشها الاول ووشها بعد الضرب
قاسم: خالص البنت كانت بتساعدني اني اشوف الهدوم فاكيد هشوف وشها 
روح برفعة حاجب: لا يا قاسم ابقي بص في الارض اصل الملزقين كترو وقال ايه انه عملي وانا من ساقوم به وانها فرصة لاتتكرر لن اضيع هذا الوسيم 
قاسم: خلاص خلاص ده كان مشوار زفت انا اللي غلطان كان لازم اقول زهقان انا 
قاطعهم دخول شخص عليهم: السلام عليكم يا كبيرنا 
الكل وقف والجد فضل مكانه الراجل قرب من المناوي ونزل باس ايده 
المناوي: وعليكم السلام ورحمة الله وبركاته 
الراجل: شكلنا جينا في وقت غلط 
المناوي: لا انتم جايين في معادكوا بس احنا اللي حصل شوية ظروف نسيتني الميعاد وبص لروح 
قاسم بتساؤل بص لجده 
الجد: تعالي يا قاسم ده العريس اللي متقدم لريم والجد شاور علي شاب قاعد جمب الراجل 
قاسم بص لريم وبعدين بص لعماد وبص لروح 
قاسم: وانا هعمل ايه دلوقتي 
الجد: انت اخوها موافق ولا مش موافق 
قاسم: لا انا ليا دعوه اشوف الشاب واشوف ان كان ليه سوابق سمعته ايه ده اللي عليا لكن الرأي رأي ريم يا جدي مش انا اللي هتجوز هيا اللي هتتجوز 
الجد ابتسمله: وده اللي بيعجبني فيك عقلك 
قاسم ابتسمله: شكرا يا جدي 
وبص لروح ومسك ايدها وقعدها وبصوت واطي
قاسم: ده اللي هتاكل ومش هتناحي ولاتطنطتي وهتاخدي الدوا بس ننزل تحت 
روح: حبيبي مش وقته اما نشوف عريس الغفله ده 
قاسم بصوت عالي : طب يلا نتغدي يا جماعه 
الجد: يلا يا حاج نعمان 
نعمان: شكراً سبجناكم 
الجد: مينفعش تقول كده لازم تاكل والله ازعل منك وبص لوائل وهو العريس وانت كمان يا وائل 
نعمان وقف باستسلام: حاضر يا حاج وفعلا بداو يرسو الاكل علي السفره وكل ده وروح فاتحه بوقها وبتبص لقاسم بصدمه 
قاسم ضحك علي شكلها: اقفلي بوقك يا روحي لتدخل دبانه ولا حاجه 
روح قفلت بقها باحراج وقامت ترس السفره معاهم قاسم مسك ايدها 
قاسم بصرامه: انا قولت ايه 
روح: طب سيبني هروح اجيب الاكل 
قاسم: روح انتي وعدتيني وانا اعرف عن الوحش انه مبيخلفش بوعده 
روح قعدت بزهق قاسم لاحظ طلع اوضتهم وجاب حاجه ونزل وعطاها لروح 
روح ابتسمت تلقائيا واخدتها وكانت شيكولاته 
قاسم: ايوة كده خلي الشمس تطلع والورد يتفتح يا احلي ورده في حياتي 
روح ابتسمتله بخجل من الناس اللي قاعده وبداو الاكل ومعاه بدات الأحاديث واتكلموا كتير وخلصو وقاسم بص لروح بصرامه 
قاسم: تقعدي هنا ومتتنقليش من مكانك انا طالع وهنزل مش هفضل فوق ثانيه متتحركيش يا روح وطلع بسرعه وهي دخلت المطبخ واستخبت هي مبتحبش طعم الدوا خالص 
قاسم نزل من فوق لقي الكل قاعد الا هي اتنفس بعصبيه قاسم لجده: اومال فين روح يا جدي 
الجد ضحك: كنت بتجيب الدوا بتاعها صح 
قاسم: ايوة 
الجد بضحك: هتلاقيها في المطبخ مستخبيه روح مبتحبش الدوا 
قاسم حط ايده علي شعره ورجعه لورا والكل بيضحك علي روح وهو رايح باتجاه المطبخ وهو بيتمتم:طفله مكنش فيه حد قاسم دخل بحذر وبدون اي صوت وبص في كل اتجاه في المطبخ لقي ضلفه كبيره تقدر تقعد فيها وتقفل علي نفسها قرب بحذر وبدون صوت وفتحها بسرعه لقاها قاعده تاكل الشيكولاته 
روح بابتسامه بلهاء مدت ايدها: تاخد شيكولاته 
قاسم بابتسامه: لا هاخدك انتي وطلعها من الخزنه دي ومسكها من لياقة القميص كانه ماسك حرامي وخلاص طلعها برا المطبخ 
روح بإعتراض: هو انت ماسك حرامي علفكره انا من الداخليه ومينفعش اتمسك المسكه دي 
قاسم: وهو في ظابط بيخاف من الدوا ويستخبي في خزنة المطبخ 
روح: قسومتي حبيبي الللي مبيرفضليش طلب 
قاسم:عايزه ايه 
روح بوجه لطيف: مش عايزه اخد الدوا 
قاسم: تؤتؤ هتاخدي الدوا يا روح قسومتك 
روح: يا قاسم انا حلوه اهو بقيت حلوه والله 
قاسم حط ايده علي جبينها لقاها لسه في حراره 
قاسم ابتسم وبذكاء: لو مش عايزه تاخدي الدوا معنديش مانع بس كده زياراتنا للمستشفي هتكتر وهفضل اتعاكس ويتطلب ايدي كتير 
روح: نععععم وبصت لقاسم: فين الدوا هو فين 
قاسم ضحك وطلعلها الدوا وجاب ميه وهي شربته بسرعه 
روح وبدات تعمل اشكال علي وشها تدل علي القرف: يع مر مبحبوش 
قاسم طلعلها شيكولاته: طب وكده 
روح ابتسمت واخدتها قاسم: حته صغيره علشان متتعبيش يا حبيبتي 
روح: حاضر وبدات تاكل في الشيكولاته قاسم ابتسم ورجعلها شعرها لورا 
قاسم: اقعدي يلا وقعدها جمبه 
~~~~
اما عند الجد 
نعمان: احنا جايين النهارده نطلب ايد الانسه ريم لوائل ابني 
الجد: والله علي راي قاسم الراي راي العروسه نسيبهم مع بعض شويه خدي وائل واقعدو في الجنينه يا ريم 
ريم ابتسمت ووقفت وبصت لعماد اللي بيبصلهم بعصبيه واخدت وائل وطلعوا برا قاسم بص لجده ومسك ايد روح وبص لعماد 
قاسم: تعال يا عماد وطلعوا برا وراهم وائل وريم كانوا قاعدين كل واحد علي الكرسي وقاسم وروح وعماد قريبين منهم 
وائل: احم انا وائل نعمان بشتغل دكتور ف جامعه في القاهرة 
ريم بابتسامه: بص يا دكتور وائل بصراحه كده يعني انا كنت جايه وعامله حسابي اني هطلع فيك القطط الفطسانه بس بصراحه لقيتك محترم وصعبت عليا علي اللي كنت هعمله فيك فعلشان نبداها علي نور انا مش موافقه وبصراحه كمان مكنتش هقعد معاك بس قعدت علشان سبب كده 
وائل ابتسم: علشان تخليه يغير صح وبص على عماد 
ريم هزت راسها باحراج وبسرعه: مش زي ما حضرتك فاهم بس علشان اخليه يغير ويعترف لانه خايف يعترف ويخسر صاحبه 
وائل هز راسه وابتسم: تمام وانا هساعدك
ريم: بجد 
وائل: ايوة وهنعمل................. 
~~~~~~
اما عند قاسم 
عماد مشالش عينه من عليهم وكان بيبص بغيره 
روح: مالك يا عمده 
عماد مكنش مركز خالص معاها كل تركيزه علي ريم وفجاه وقف وراحلهم روح بصتله بضحك
~~~~~
عند وائل وريم
وائل خلي بالك جاي 
ريم: بجد ولسه هتلف تشوفه 
وائل بسرعه: لا متبصيش عشان ميشكش وخليكي اتكلمي واضحكي 
ريم هزت راسها عماد بغيظ: منور يا دوك وائل 
وائل بابتسامه: ازيك يا الا صحيح اسمك ايه 
ريم بابتسامه: ده عماد يا وائل صاحب قاسم وبعتبر اخويا وضغطت علي كلمت اخويا 
عماد: نععععم اخو مين يا ريم انا مش اخوكي انا اخو قاسم بس 
وائل باستفزاز : طب وهي اخت قاسم تبقي اختك انت كمان 
قاسم بمقاطعة الحديث: ازيك يا دكتور وائل 
روح بمرح: اذيك يا دوك 
قاسم: نعم وانتي مالك 
روح: ده انا بقول ازيك يا قاسومتي يا حبيبي 
قاسم بابتسامه: الحمدلله يا روح قلب حبيبك 
وائل: الحمدلله ومش لازم دكتور نادولي زي ريم 
ريم ضحكت: ايوة وائل مبيحبش حد من عيلته يناديه دكتور وائل 
روح: واو ده انتوا اخدتوا علي بعض بسرعه شكلنا هنحضر فرح قريب 
عماد: لا وانتي الافراح وحشتك اووي محضرتيش افراح بقالك سنين ما كان فرحك الاسبوع ده لحقتي 
روح: ايه يا عمده هو انت مش شايف اللي احنا فيه ولا ايه 
عماد: طيب اكتمي يا روح 
روح: عمااد 
عماد: رووح انا ماشي قبل ما اقتل قتيل هنا 
قاسم: عماد رايح فين بس 
عماد: رايح القاهره بقالي كتير مروحتش لماما يا قاسم ومعرفش احوالهم وانت عارف مينفعش اسيبهم لوحدهم 
روح وقفت: هو انت زعلت مني ولا ايه 
عماد: لا يا وحش انا عارف انك بتهزري وانا بهزر معاكي والله بس ماما واخواتي وحشوني 
قاسم: عماد استني مهتقدرش ترجع 
عماد قرب منه وحضنه: انا عملت اللي انت عايزه وحضرت فرحك بس لازم ارجع يا صاحبي لازم عشان لو مرجعتش في حاجات كتير هتحصل ومش هتتصلح 
قاسم مسك ايده: عايز اعرف الحاجات دي 
عماد: ماما يا قاسم انا الراجل وبقالي ازيد من شهر سايبهم لوحدهم ودول بنات مينفعش يفضلو لوحدهم 
قاسم: عماد في حاجه عايز تقولهالي 
عماد فضل واقف شويه وهو ساكت: لا مفيش حاجه 
ودخل البيت بسرعه قاسم رجع شعره لورا وكور ايده 
قاسم : غبي غبي بيضيع كل حاجه بايده 
روح: قاسم اهدي متصعبهاش كفايه ريم وراحت لريم اللي كانت حاطه ايدها علي وشها وبتعيط 
روح: ريم 
ريم بصتلها بدموع: روح انا تعبت روح اخدتها في حضنها 
روح: تؤتؤ مينفعش تقولي كده ده اخوكي نقطني ومعترفش الا وانا بين ايده غرقانه في دمي ايه فين اللي كانت بتقول والله لاخليه يلف العالم وبعدين يجيلي فين ريم اللي خلت بتاع امريكا يمشي وشه في الارض علشان بس قالها فين رقمك وانا بحبك خليته في ارضه وفي الجامعه بتاعته كمان فين ريم اللي كانت بتبقي زي الجبل فين اللي خلت ليفاي يروح يطلب ايد سهي فين مش اللي واقفه قدامي دي اللي خلت ليفاي يحارب الكل علشان يكسب قلب سهي وخليته يحارب عيلتها من غير استسلام وده كله لصحابها تعمل ايه علشان حبها دي تضرب كل القوانين مش تقعد تعيط انا عمري ما عرفت عنك كده انا اعرف ريم القويه اللي بتحارب مش اللي قاعده في زاويه بتعيط انا صحبتي تقدر تعمل اللي هيا عايزاه باقل حاجه من غير مجهود مش تقعد تعيط لا 
ريم مسحت دموعها وبصت لروح: بس انا مش هروحله ولا اقول حاجه يا روح انا مش كده مش هروح اكلمه علشان ينطق ويعترف لا انا ريم ومش هنزل من كرامتي علشان ييجي ويتقدم لا هدوس علي قلبي وحتي لو بجزمه فيها مسامير بس هستحمل ومش هروح انزل راس ابويا واخرق قوانين ديني علشان هو وخوفه لا انا ريم عبدالرحمن المناوي انا بنت عبدالرحمن المناوي اللي رباني اني عمري ما اقف قدام راجل واقوله بحبك غير جوزي وان عمري ما اعطي قلبي وانزل من كرامتي لحد وان مضغطش علي نفسي علشان حد لا انا اللي بسمعتي اقعد واحط رجل علي رجل واتشرط مش انا اللي هبكي علي حد هو خايف وانا اعند منه ومش هبقي علي حد لا هو مبقاش عليا وانا مش هبقي عليه 
قاسم قرب منها وحضنها بسرعه 
قاسم: عايزه تعيطي 
ريم ابتسمت: لا انا مش هعيط قاسم عمره ما سمحلي اعيط وهو موجود انت نسيت كلمتك ولا ايه 
قاسم وريم: انا دموعي غاليه لازم احتفظ بيها وموريهاش لحد انا غاليه ريم ابتسمت وقاسم باس راسها 
قاسم نزل علي رجله وقعدها علي الكرسي: بصي يا ريم انا مش هقولك انه مش غلطان ومش هقولك ان انتي غلط بس مش عايزك تزعلي منه انا عايش مع عماد بقالي سنين عماد بيعرفني اكتر من نفسي انا متعلق بيه جداً وانتي عارفه لانه جالي في وقت انا كنت ضعيف جداً وكاره كل حياتي مش هقولك انه غيرها بس حسنلي حياتي بنسبه كبيره جداً وكذلك الامر عند عماد انا جيتله في وقت كان محتاجني فيه انا وعماد اخوات لا احنا اكتر من كده كل حاجه عملناها مع بعض بنحب بعض جداً عشان كده عماد خايف مش خايف انه يعبر عن حبه لا خايف اني ارفض العلاقه وبكده هو هيخسرني فهمتي انا مش هقولك روحي اعترفيله لا بس اعطيه فرصه المسيله عذر يا ريم 
ريم ابتسمتله وبمرح: حاضر يا قسومتي 
قاسم ابتسم: اعقل من في المجره يا روح قاسومتك خلي بالك منها يا روح 
روح هزت رأسها بحزن وقاسم تعابير وشه اتغيرت من الهدوء للعصبيه ودخل البيت وطلع يجري علي السلم الكل بصوله باستغراب اول مره يشوفوه كده وهو طلع جري علي اوضة عماد ولقاه بيلم هدومه قفل الباب وسند عليه وربع ايده وتابع عماد بكل هدوء 
عماد: عايز ايه يا قاسم 
قاسم: عايز اقعد معاك علشان عايزك في موضوع مهم 
عماد ساب اللي في ايده وبصله بتركيز: ايه 
قاسم قرب ووقف قدامه: لو عايز تقول حاجه قولي انا بسألك لاخر مره يا عماد عماد فضل يبص علي قاسم شويه وهو بيفتكر خيانة نرمين وعلي وازاي مكنش عارف يطلع من وجعه: لا لو في حاجه عايز اقولها كنت قولتها 
قاسم: ليه بتخبي عني ليه احنا مبنخبيش حاجه عن بعض 
عماد بتوتر: بخبي ايه 
قاسم: حبك لريم 
عماد بصله بصدمه وبص في كل زوايا الاوضه ما عدا قاسم: بس انا مبحبهاش 
قاسم مسك لياقة قميصه وبغضب: انت بقيت جبان بقيت خواف كل ده علشاني انا تقوم تضيع حبك يا غبي فوق من اللي انت فيه ده هتخسرها يا اهبل وهتضيع منك انت من امته وانت كده 
عماد بزعيق: من ساعت ما صاحبتك انا مش جبان انا خايف اخسر صاحبي خايف بده ترجع لخيانتهم انا ما صدقت وثقت فيا وبقيت كده انت مش صاحبي انت اخويا افهم مش هقدر اخسرك مش لازم ابقي اناني وعلشان حبي اخسر اخويا 
قاسم:بس لو كنت قولتلي كنت وافقت وكمل بعصبيه وبعدين انتم ليه مصرين تفتكرو موضوع نرمين وعلي ليه وطلع ورزع الباب ومشي بسرعه وغضب عماد جري وراه بسرعه 
عماد: قاسم اهدي يا قاسم اهدي وكانوا نازلين علي السلم والكل بيبص عليهم باستغراب
عماد: قاسم خلاص اسف اهدي بس قاسم دلوقتي كل اللي شايفه خيانة نرمين وعلي عماد افتكر روح 
عماد بصوت عالي: روووووح 
روح كانت برا سمعت الصوت جريت بسرعه وفي اقل من ثانيه كانت جوا ووراها وائل وريم 
روح: في ايه وبصت لقاسم اللي اتخطاها بدون ما يبصلها جريت بسرعه وقفت قدامه 
روح: مالكوا وبصت لعماد مالو قاسم
عماد: اتعصب عشان موضوع قديم روح بسرعه فهمت وعرفت الموضوع اللي اكيد خيانتهم ليه 
روح بابتسامة: قاسم حبيبي قاسم بصلي انا روحك قاسم يلا 
قاسم لسه مش معاها روح: قاسم روح روح حبيبتك هما راحو وانا اللي هنا يا قاسم فوق ومتركزش في اللي شايفه دلوقتي ركز في صوتي روح حبيبتك فوق يلا يا حبيبي انا روح 
قاسم زقها وهو عايز يطلع برا 
روح: ااااااه.......... 
دمتم سالمين
Basmala Ahmed
حورية بقلمي🖋♥

   •تابع الفصل التالي "رواية روح الفهد" اضغط على اسم الرواية 

reaction:

تعليقات