Ads by Google X

القائمة الرئيسية

الصفحات

رواية احببت قلبا ليس لي الفصل الرابع عشر 14 - بقلم سهيله مصطفى

 رواية احببت قلبا ليس لي (كاملة جميع الفصول) حصريا عبر كوكب الروايات بقلم سهيله مصطفى 

رواية احببت قلبا ليس لي الفصل الرابع عشر 14 

هيكون آخر بارت أنزله علشان عندي إمتحانات فاينل طالبة منكم تدعولي كتير وأول م أخلص إمتحانات هنكمل الرواية 

"أحببتُ قلباً ليس لي" 
البارت ١٤ 
# إنت؟! 
* إنتي بتعملي إي وتكلمي مين 
# بدموع:....... 
* إنتي بتقولي إي؟!!! 
جنى: زي م سمعت كدا متدخلش في اللي مش ليك فيه 
ياسين بغضب: إنتي إزاي تتكلمي معايا بالطريقة دي 
جنى بعياط: معلش ممكن توسعلي عايزة اعدي علشان بجد مش ناقصة واللي فيا مكفيني 
ياسين وهو بيقرب منها: م دا اللي كنت بسأ.....  ولم يكمل كلامه لأنه وقع أسير لتلك العيون الرمادية المزينة بالكحل الأسود وكأن ياسين لم يلاحظ جمال تلك الفتاة من قبل فكانت ترتدي فستان من اللون الرمادي تناسب تماما مع طولها وقوامها الممشوق ولون عيونها  وحجاب من نفس اللون يخرج منه بعض من شعرها والتي جعل ياسين يفيق من شروده بتلك الحسناء
ياسين: ع فكرة غلط إنك تطلعي شعرك من تحت الحجاب كدا 
جنى بغيظ: أولا شعري نزل لوحده من الطرحة وثانيا إنت ملكش دعوة كل واحد حر في نفسه 
ياسين: فيه حاجة إسمها عيب يا آنسة جنى ولا أهلك معرفوش يربوكي كويس 
(ملاحظة: ياسين لم يعلم ما حدث مع جنى ولا بموت والدتها لأنه كان خارج البلد) 
جنى بغضب شديد: لا يا ياسين باشا أهلي ربوني كويس بس واضح إن أهلك مش علموك تتكلم إزاي عن ناس متوفية 
ياسين بصدمة وغضب من نفسه: نعم هو.. 
جنى بمقاطعة: آه بابا وماما متوفيين بس ربوني كويس وزي م قولت لحضرتك شعري نزل غصب عني 
ياسين: والله أنا آسف مكنش قصدي بس إتضايقت منك علشان مش عايز حد يتكلم عنك كلمة وحشة 
جنى بعدم تصديق: إنت أصلا مش بتطيق تشوف وشي ف هيهمك حد يتكلم ولا لا 
ياسين: على فكرة والله أنا عمري م كرهتك بس بتخانق معاكي بسبب طول لسانك وببقى مبسوط وأنا بنكشك يا أبو طويلة إنتي 
جنى: خلي حد يتكلم عن الطول غيرك يا زرافة 
ياسين بجدية: ممكن تحكيلي مالك كنتي بتعيطي لي ومين اللي كنتي بتكلميه ع الفون دا 

.... وصل زين ومنسة الى مكان الخطوبة وما إن رأتهم حنين حتى فرت دمعة يتيمة من عينيها لم يلاحظها سوى آدم الذي إنخلع قلبه لحزنها 
قصي: يلا بقا يا زينو لبسها الدبلة خلي اللي وراه مكان يروحه
زين: حتى هنا مسربعني وواقف فوق دماغي 
قصي: إن كان عاجبك وإلا هروح أحرض عمك عليك وأخليه يفسخلك خطوبتك قبل م تتم 
زين وهو يمسك إيد منسة ليلبسها الدبلة: وعلى إي الطيب أحسن يا أخويا... غافلين عن تلك التي تبكي بصمت وهي ترى مكانها تأخذه فتاة غيرها 
آدم: حنين إنتي قوية ومستحيل تضعفي هتنسيه والله هتنسيه بس حرري قلبك من الحب دا 
حنين وهي تمسك يد آدم بقوة: حاسة إني بموت بالبطئ كدا خلاص بقيت خطيبته رسمي كدا زين خلاص مبقاش ليا
آدم: إهدي بصي هما كدا كدا خلصوا تعالي نتمشى أنا وإنتي شوية هتبقي أحسن صدقيني وغادروا المكان 
سلم الجميع على زين وقدموا له التهاني والتبريكات 
قصي بهزار: خلاص إتدبست يا زينو 
زين وهو ينظر لمنسة بعشق: أحلى تدبيسة والله 
فرح بهمس لدموع: ع فكرة خطيبك دمه مش خفيف خالص والمشكلة بقا إنه بيستخف دمه 
قصي: بتقولي حاجة يا فرح 
فرح بتلقائية: بقول إن دمك مش خفيف خالص ثم تداركت نفسها وقالت بخجل: عن إذنكم هطلع أعمل فون وأرجع تاني 
قصي ونظره عليها وهي ترحل: بس إنتي دمك خفيف أوي رغم طول لسانك 
دموع: إحم قصي يلا بينا هنمشي 
قصي: تمام يلا 

عند ياسين وجنى 
ياسين: إحكيلي والله هترتاحي 
جنى: توعدني إنه سر 
ياسين: وعد يستي 
جنى: دا مازن إبن عمي الله يحرقه 
ياسين: نعم؟! طيب لما هو إبن عمك اتضايقتي لي لما كلمك ولي بتقولي عليه كدا 
جنى: لأنه إتقدملي قبل م ماما تتوفى قال إي بيحبني بس هي رفضت لأنه مش كويس وعمو كمان مكنش بيحبنا 
ياسين: طيب هو رانن عليكي لي دلوقتي 
جنى: بيقول نفس الكلام بحبك ومش هسيبك أبدا ولو موافقتيش برضاكي هخطفك 
ياسين: وإنتي خوفتي منه 
جنى: إنت متعرفوش دا كان بيستناني وأنا جاية من المدرسة ويضربني ويقولي قوليلي بتحبي مين ومش موافقة عليا وحتى بعد م كبرت ورحت الكلية كان بيستناني  برة الكلية ع طول ويغلس عليا وأنا ماشية 
ياسين: مكنتيش بتقولي لمامتك على كدا 
جنى: ياه ياما قولت بس هي غصب عنها كانت بتخاف من عمي لأنه قلبه قاسي وميعرفش الرحمة تعرف إي اللي خادمني في الموضوع إن عمي أصلا مش موافق على إرتباط إبنه بيا وبيقولي إنه انتي اللي بتخليه يجري وراكي 
ياسين: بصي متخفيش من النهاردة أنا هكون جنبك ع طول وهحميكي منه ودا وعد.. تقبلي نكون أصدقاء 
جنى بإبتسامة جميلة: أكيد 

عند آدم وحنين 
آدم: بقيتي أحسن شوية 
حنين: آه الحمد لله حقيقي مش عارفة أشكرك إزاي لولا إنت مكنتش هقدر أتخطى أي حاجة آدم حقيقي شكرا
آدم:وأنا وعدتك إني هفضل جنبك وأساعدك تنسي زين مع إن الحب الأول صعب يتنسي بس أنا واثق فيكي 
حنين: وأنا هكون قد ثقتك دي وهحاول علشانك والله وفجأة فونها رن حنين:دا بابا 
آدم:طيب ردي 
حنين:طيب هقوله إي مش هقدر أقوله إني معاك 
آدم: إحم طيب كنت عايز آخد رأيك في حاجة 
حنين: إتفضل 
آدم:...... 
حنين: نعم؟!! 

عند قصي ودموع في السيارة 
دموع:بجد مش فاهمة 
قصي:مش فاهمة إي 
دموع:إي اللي حصل بينك وبين فرح وخلاكم زي القط والفار كدا إنتو أينعم زمان مكنتوش أصحاب أوي بس مكنتوش بتتخانقوا كتير كدا 
قصي:طيب م تسألي صاحبتك وهي تقولك 
دموع:م أنا بسألك إنت كمان م إنت بتتخانق برضو معاها 
قصي:هي لسانها طويل كدا وشايفة نفسها ومش بتخاف من حد 
دموع:ثواني بس لما إنتو مبتكلموش بعض غير نادراً عرفت كيف دا كله 
قصي بتوتر:دموع بجد أنا مصدع لوحدي ومش ناقص
دموع:وأنا هعرف كل حاجة بطريقتي..يلا تصبح على خير
قصي: وإنتي من أهل الخير 

حنين: نعم؟! 
آدم: زي م سمعتي كدا أنا عايز أخطبك مش هرضى تخافي من والدك أو تتكسفي تقوليله إنك معايا ولا هرضى أخليكي توطي راسك بسببي 
حنين: بس 
آدم: أنا عارف كل حاجة عارف إنك حاليا مش بتحبيني بس هساعدك تحبيني وعارف إنك منستيش زين بس هساعدك تنسيه وإنتي كمان لازم تساعديني يلا بقا اجي لعمو إمتا 
حنين بخجل: معرفش أنا ماشية بقا 
آدم بضحك على خجلها: ربنا يجعل قلبك من نصيبي 

في ڤيلا أحمد الراوي 
مريم: طيب وإنت سألت عليه كويس 
أحمد: أنا عارف أمير من زمان شاب كويس ولو على اللي عمله مع قصي ف دا كان سوء تفاهم 
ياسين: ثواني بس هو فيه إي 
أحمد: أمير متقدم لفرح وبصراحة أنا شايف إنه كويس ومناسب ليها كمان 
ياسين: وأنا آخر من يعلم دا إتقدم إمتا وإزاي محدش قالي
أحمد: يبني دا هو إتكلم معايا في خطوبة زين إمبارح وأخد الإذن إنه ييجي يتقدم رسمي 
وفجأة نزلت فرح من غرفتها 
ياسين بهزار: إفرحي يا عروسة هو العريس 
فرح: دا ماله دا إنت عندك خال إهبل يا ياسين سوري يا ماما بس بجد إبنك إتجنن 
ياسين: لا يا لمضة متجننتش ولا حاجة إحنا بس عندنا عروسة هنا 
فرح: إي دا بجد؟!  مين العروسة ياسين أنت قررت تخطب من ورانا ولا إي 
أحمد: يخرب عقولكم دا إنتو صداع متحرك.. لا إنتي العروسة أمير كلمني إمبارح وكمان جاي يتقدم بكرة ولو إنتي موافقة يبقى على خير 
فرح وعملت نفسها متعرفش بالموضوع: مين أمير دا ولا يكون أستاذ أمير صاحب قصي باشا 
مريم: أيوة هو وبالله عليكي إديه فرصة علشان أنا إتخانقت منك وعايزة أفرح بيكي بقا 
فرح بغيظ: قاعدة على قلبك صح يا بابا 
أحمد: بنتي تقعد زي م هي عايزة بس برضو عايزين نفرح بيكي 
فرح: طيب أنا هطلع أنام واللي فيه الخير يقدمه ربنا تصبحوا على خير 
الجميع: وإنتي من أهله 

في ڤيلا الصياد 
آدم: دودي عايزك في موضوع 
دموع: طالما فيها دودي يبقى عايز مني حاجة 
آدم: هي خدمة صغنونة كدا 
دموع: خير يا آدم مع إني عارفة خدماتك كويس 
آدم: إحم أنا قررت أخطب ولم يكمل آدم كلامه حتى أطلقت دموع زغرودة عالية
دموع: لولولولولولي أخيرا ربنا هيفك النحس من عليك 
آدم: الله يخرب بيتك هتفضحينا إهدي وبعدين إي يفك النحس دي إنتي محسساني إن عندي ١٠٠ سنة 
دموع: فرحانة بيك يا دومي بس مين بقى سعيدة الحظ دي اللي قدرت توقع زينة شباب العيلة الحيلة 
آدم: إحم ح ح
دموع بضحم: إي هتتجوز حمار ولا إي م تنطق إي ح ح دي
آدم: م إنتي عارفاني بتوتر ونازلة أسئلة عموما هي حنين بنت عمو إبراهيم الراوي أخت خطيبك يعني 
دموع بصدمة: من وسط بنات الناس كلها ملقيتش غير حنين يا آدم 
آدم: إنتي لي بتقولي كدا مالها حنين 
دموع: علشان مش بتحبك يا آدم سمعت مش بتحبك وأنا مش هرضالك وجع القلب دا 
آدم: إنتي عرفتي إزاي؟!!!! 
بقلمي/سهيلة مصطفى 
يُتبع.....

  •تابع الفصل التالي "رواية احببت قلبا ليس لي" اضغط على اسم الرواية 

reaction:

تعليقات