رواية العشق الابدي كاملة بقلم لبنى دراز عبر مدونة كوكب الروايات
رواية العشق الابدي الفصل الحادي عشر 11
ڤيلا المزرعة
بعد ما دكتور كمال كتب لـ فارس خروج وابتدا يجهز عشان يخرج وماشى هو و أدهم قابل سيف ع باب المستشفى
سيف:: بفرحة .. حبيبى يا فُرس حمد الله ع سلامتك يا أبو الابطال
فارس:: بتعب .. الله يسلمك يا أبو السيوف
سيف:: ع فين يا كبير كدا رجلى ع رجلك
أدهم:: تعال يا سيف باشا اتفضل
فارس:: لـ أدهم تفتكر يعنى هو مستنى تقوله ده مش بعيد يسبقنا كمان
سيف::أكيد يا حبيبى هسبقك بس ع فييين
أدهم::ع مزارع الحلم
سيف::بأندهاش ..قولت فييين
فارس::قال مزارع الحلم ..مالك اتخضيت ليه
سيف:: لااااااا أفهم بقى يا باشا
فارس:خليك ورانا بـ عربيتك و انت هناك تفهم كل حاجة
سيف::لحظة بس
أدهم:: خير يا باشا
سيف::فيه أكل هناك و حاجات كدا من بتاعة الفلاحين دى
فارس::بضحك..هههههههههه انا معرفش بس أكيد فيه
أدهم:: بتأكيد..طبعا فيه.. ما تقلقش يا باشا منك له ههههههههههههه
وفعلا مشيوا كلهم و راح معاهم سيف المزرعة وأخيرا وصلوا ودخلوا الڤيلا وكان موجود فـ الليڤنج أمينة و نجوى و جرس الباب رن
فاطمة:: راحت تفتح شافت أدهم ..حمد الله ع السلامة يا دكتور
أدهم::الله يسلمك يا فاطمة قوليلى أخبار المشلتت واللذى منه ايه ولا مافيش النهاردة
فاطمة::نص ساعة بس يا دكتور و يكون كله تمام.. ده الانسة حلم اول ما عرفت ان حضرتك رجعت بالسلامة أمرت بيه واتعمل فـ الحال
أدهم::تسلمى يا فاطمة ..و دخل السلام عليكم ورحمة الله..سلم ع نجوى.. ازيك يا أمى وسلم ع أمينة..أزيك يا خالتو
نجوى:: شافت شكله مش طبيعى وعليكم السلام يا حبيبى حمد الله ع سلامتك ..مالك يا نور عيني..شكلك تعبان
أدهم::ماتقلقيش يا أمى انا كويس.
أمينة::حمد الله ع السلامة يا ابنى ايه اخبارك ياحبيبى
أدهم::بخير يا حبيبتى
فارس::السلاااام علييييكم ورحمة الله..كدا يا نوجة ما تاخديش بالك مني
نجوى::بدموع الفرحة..فاااااارس يا نور عيني حمد الله ع سلامتك يا ضنايا
فارس::حضنها و باس راسها و أيدها وحشتينى يا أمى وحشتينى أوى و وحشونى اخواتى اوى و سلم ع أمينة أزيك يا خالتو عاملة ايه و باس راسها و ايدها
نجوى::من فرحتها بتحضن فارس جامد كأنها عايزة تخبيه جوة ضلوعها
فارس::بـ ألم..ااه ..حاسبى يا أمى
نجوى::بـ خضة..مالك يا نور عيني فيك ايه يا ضنايا
فارس::مافيش يا حبيبتى دى حاجة بسيطة ماتقلقيش
أدهم::بغيظ..انت بتسمى اللى حصلك ده حاجة بسيطة
نجوى::بلهفة أم..حصلك ايه يا فارس طمنى ياحبيبى
فارس::ياست الكل ماحصلش حاجة.. وانا كويس قدامك أهو صدقينى
أدهم::لأ مش كويس يا فارس
فارس::بتعب غمض عينه من غباء أدهم ..وبعدين معاك يعنى انت مش هتسكت النهاردة غير ما تنـ ضـ رب صح؟
نجوى::انا كنت حاسة فيك حاجة يا فارس..كنت دايما بحلم بكوابيس كتير وأشوفك وانت … وسكتت ماقدرتش تكمل كلمتها
فارس::صدقينى يا حبيبتى انا كويس وكل الحكاية ر صـ ا صة صغيرة كدا فـ دراعى ع كام كسر صغيرين عادى يعنى
نجوى::بصريخ..يا قلب أمك يا ضنايا..كنت حاسة انك مش كويس و قولتلهم ماصدقوش و بدموع يا قلبي يابنى ايه اللى حصلك يا حبيبى أحكيلى
فارس::أهدى يا حبيبتى انا قدامك اهو والله .. المهم طمنونى عليكم انتوا وفين البنات مش شايفهم يعنى
نجوى::ساكتة و مافيش اى رد فعل غير دموعها و أخدته فـ حضنها خايفة تسيبه
أمينة::بحزن..مع حور فـ المصنع و زمانهم جايين..طمنى انت عليك يا حبيبى
فارس::الحمدلله يا خالتو صدقونى والله انا كويس و زى الفل
سيف::بهزار.. وانا هوا يا جماعة ولا ايه ده انا حتى يتيم والله أهئ أهئ أهئ
فارس::لـ سيف انت كدا صعبت علينا يعنى؟ ههههههههههه أعرفك يا أمى بـ سيف
نجوى:: فاكراه ياحبيبى لما جه البيت هناك قبل ما تسافر..أزيك يا حبيبى
سيف:: بخير يا ست الكل طول ما انتى بخير
أمينة::اتفضلوا ارتاحوا..وندهت ع فاطمة
فاطمة::تحت أمرك يا ست الحاجّة
أمينة::هاتى عصير يا فاطمة
سيف::لأ عصير ايه يا جماعة..انا واقع جوع بصراحة
فارس::طب اتكسف شوية ده انت اول مرة تدخل هنا هههههههههه
سيف::لااااا يا ابو الابطال اللى يتكسف فـ مزارع الخير ما ياكلش منها فطير هههههههههه
حلم:: دخلت من المصنع هى والبنات وسمعت كلام سيف.. روحى يا فاطمة حطى أحلى فطير للضيف
عاليا::بفرحة أبببييييه فااااااارس وحشتنى اوى اوى ونطت عليه
فارس::اتألم بس مابينش ألمه..حبيبتى انتى كمان وحشتينى اوى..عاملة ايه يا شقية
عاليا::بدموع.. وحشة اوى من غيرك يا ابيه
ياسمين::بدموع ..غيابك طال اوى يا فارس ..ماتغيبش تانى أرجوك
فارس::و انا رجعتلكم بخير اهو يا حبايبى و هنرجع بيتنا و مافيش حاجة هتفرقنا تانى ان شاء الله
حلم:: أول ما شافت فارس ضربات قلبها زادت لدرجة حاسة انها مسموعة للكل بس حاولت تدارى انفعالها ..و قالت حمد الله ع السلامة يا فارس ..و لـ أدهم ازيك يا أدهم حمدالله ع السلامة
فارس::بـ أشتياق..الله يسلمك..و جواه اه لو أقدر أقولك وحشانى قد ايه
أدهم::بضيق منها..الله يسلمك
سيف::عينه ع عاليا..مش تعرفونا يا جدعان
فارس::بغيرة..عايز ايه فـ يومك ده انت
سيف::رفع أيده باستسلام..انا عايز فطيرة و حتة جبنة قديمة وامشى ع طول ههههههههه
حلم::لـ سيف..كل طلباتك اوامر يا سيادة المقدم
سيف::بأستغراب ..انتى عرفتى منين انا لسة ماعلقتهاش
حلم::مقدم سيف عز الدين 30سنة وحيد مالكش اخوات.. والدك و والدتك متوفيين و لسة مترقى فـ قضية المدافن القديمة اللى صدر القرار فيها بهدمها .
سيف::بذهول .. انتى عرفتى كل ده امتى و ازاى
حلم::بثقة.. انا ماحدش يسألنى عرفت ايه امتى و ازاى
فارس::بغيظ منها و غيرة..وانتى بتعملى عنه تحريات ليييه ان شاء الله
حلم::بصت لـ فارس ببرود ..فضول او تقدر تقول حب استطلاع يا سيادة العقيد.. شرفت يا سيف باشا ..بعد أذنكم شوية و راجعة البيت بيتكم وطلعت اوضتها أخدت شاور و غيرت هدومها و صلّت فرضها ونزلت قعدت معاهم
سيف::بعد ما نزلت حلم ..ممكن سؤال يا أنسة حلم لو سمحتى
حلم::تحت أمرك اتفضل
سيف::هو حضرتك عرفتى المعلومات دى كلها أزاى
فارس::بغيظ ..انت غبى يابنى ما هى لسة قايلة ماحدش يسألها عرفت إيه أمتى و أزاى
حلم::برفعة حاجب..لـ فارس أعتقد فيا لسان يرد مش خرسا عشان ترد بدالى
فارس::بيحاول يتحكم فـ أنفعالاته ..صبرنى يارب عشان ما اقومش أفـ تح نافوخها
حلم::طب أعملها يا فااااارس كدا و ساعتها انا هنفذى وعدى ليك اللى وعدتك بيه قبل كدا فاااااكره
فارس::بنرفزة..بت انتى اتلمى أحسنلك بدل ما ألمك بطريقتى
حلم::وقفت فـ نص الليڤنج و حطت إيدها فـ وسطها ..هتعمل أيه يعنى يا فارس عايزة أعرف
فارس::بنفاذ صبر ..يا بنت الناس بطلى تستفزينى
حلم::الله هو انا جيت جنبك ايه تلاقيح الجتت دى
فارس::بعصبية مااااماااا سكتيها لو سمحتى
نجوى::وبعدين معاكم بقى انتوا الاتنين مش ناويين تعقلوا مافيش مرة تتقابلوا فيها غير أما تتخانقوا
فارس::أسف يا أمى ..و لـ أمينة سامحينى يا خالتو غصب عني انفعلت بس هى اللى اضطرتنى لـ كدا
حلم::بتحاول تهدى نفسها ..لا حول ولا قوة إلا بالله ..انا كلمتك يابنى ..و بهمس بنى أدم مستفز
عاليا:: بهمس لـ ياسمين سمعه سيف ..ده احنا شكلنا هنشوف أيام عنب ع إيد توم و چيرى دول
ياسمين::بنفس الهمس..طب والله وحشنى مشاكستهم وخناقتهم تحسى كدا قاعدين فـ فيلم كارتون مش عايزينه يخلص ههههههههههههه
سيف::مستغرب جدا الموقف و جواه ازاى حلم كانت هتتجنن عليه وقت ما أتصاب و ازاى دلوقتي واقفين لبعض ع الواحدة .. وبعدين قال الله طب مش هتباركولنا ع الترقية ولا ايه ولا ناويين تاكلوا علينا الفطير و الحلاوة ولا ايه نظامكم انتوا ههههههههههههه
حلم::بتنهيدة.. لا أزاى و دى تيجى حالا يكون الفطير جاهز و ندهت ع فاطمة
فاطمة:: أؤمرينى يا ست البنات
حلم::جهزى السفرة يلا بسرعة
وفعلا جهزت فاطمة الغدا والكل اتغدا الفطير المشلتت و هو طازة مع الجبنة القديمة و عسل النحل و بعد كدا قعدوا كلهم و اتعرفوا ع سيف و هو كمان اتعرف ع حلم أكتر وفهم ايه الصلة اللى تجمعها بـ فارس و كمان باركولهم ع الترقية هما الاتنين وكمان أتعرف ع عاليا اللى خـ طـ فت قلبه من اول مرة
___________________________
بعد ما مشى سيف رجع بيته و كل واحد طلع اوضته و فارس طلع مع أدهم علشان يرتاح..
حلم دخلت اوضتها وغيّرت هدومها بهدوم بيت مريحة و دخلت التراس و قعدت ع المرجيحة بتاعتها و مغمضة عينها و بتغنى
حلم:: طول عمري بخاف من الحب وسيرة الحب
وظلم الحب لكل اصحابه
وأعرف حكايات مليانة آهات ودموع وأنين
والعاشقين دابوا ما تابوا، دابوا ما تابوا
طول عمري بقول
لا أنا قد الشوق وليالي الشوق
ولا قلبي قد عذابه، عذابه
أدهم:: كان قاعد فـ التراس هو فارس وسمعوها بتغنى وبنرفزة..يا سلام يا ست سوما وليكى نفس تغنى بعد اللى عملتيه
حلم:: وهى ع نفس وضعها..اممممم أرغى عايز ايه
أدهم::بت انتى.. أفتحى عينك وكلمينى كدا زى ما بكلمك
حلم::اتعدلت فـ قعدتها ..خير يا أدهم مالك داخل بزعابيبك كدا ليه ..و بعدين ايه حكايتك انت و أخوك كل شوية حد فيكم يقولى بت انتى ..أعتقد ليا أسم و الله مش مجهولة الهوية
أدهم:: بغيظ ..خلصتى محاضرتك.. انا عايز أفهم بقى ليه ما قولتيش ان فا…
حلم::بسرعة قاطعت كلامه ..لو عايز تعرف يبقى مش هنا اتفضل انزل استنانى تحت وانا 5 دقايق وانزل ونطلع برا الڤيلا وأفهمك
فارس::بعصبية ..لييييه يعنى ان شاء الله تطلعوا برا وكمان فـ الوقت ده ..قولى اللى هتقوليه هنا فـ الجنينة
أدهم::بصله بنص عين..مااشى يا فارس هنتكلم فـ الجنينة
حلم::برفعة حاجب لـ فارس وانت مالك.. خليك فـ حالك وسابتهم و دخلت اوضتها تغيّر و تنزل
وفعلا نزل أدهم استنى حلم فـ الجنينة و فضل فارس متابعهم من التراس
حلم:: نزلت و راحت ناحية أدهم..أيوا يا أدهم عايز تعرف ايه بالظبط
أدهم::بعصبية..عايز أعرف ليه ما قولتيش ان فارس كان بين الحياة و المـ وت؟؟ ليييه ماعرّفتيش حد ؟؟
حلم:: بهدوء..تفتكر ليه يا أدهم ؟
أدهم::حوووور ما ترديش عليا سؤال بـ سؤال جاوبينى ليييه ما قولتليش
حلم::علشان خاطر والدتك اللى كانت بتـ مـ وووت من الرعب عليه وكل يوم تشوف كوابيس و هواجس وكانت مابتعرفش تنام من كتر القلق
أدهم::وانا ماعرفتنيش ليه ما انا كنت كل يوم بتصل بيكى فـ المستشفى طول ما انا كنت مسافر
حلم::كنت مسافر فـ مؤتمر طبى مهم وما كانش ينفع أعطلك
أدهم::بأستهزاء..لا والله كتر خيرك يا حور
حلم::بتستهزأ بيا يا أدهم..شكرا
أدهم:: عايزانى أكلمك ازاى وانتى واحدة انا نية كل اللى يهمك المستشفى والمؤتمر وبس و اى حاجة تانى مش مهم
حلم::بغضب..أدههههم انا مقدرة الحالة اللى انت فيها ومقدرة خوفك ع أخوك لكن تتخطى حدودك مش هسمحلك انت فااااهم ؟.. ولو ع المستشفى بس ماكانش هيهمنى عادى جدا ..انما المؤتمر ده فـ هو ليك انت ومستقبلك انت لانى أعتقد انه خاص بدكاترة الجراحة ..عشان كدا ما قولتلكش
أدهم::لأ يا حور انتى ما قولتيش غير عشان تعملى شو و تاخدى اللقَطة ع حساب فارس ..والكل يشوف سيدة الاعمال المشهورة وهى مقيمة فـ المستشفى 5 أيام جنب قريبها اللى كان بـيـمـ وت
حلم::بصدمة..هى دى فكرتك عنى؟!
أدهم::بزعيق..مش هى دى الحقيقة يا حور هانم؟ عايزة تكون كل العيون عليكى انتى و بس.. عايزة تكونى محور الكون والكل يشاور عليكى
حلم::بعصبية..لأ مش دى الحقيقة يا أدهم
أدهم:: طب فهمينى ليييه ما قولتليش ان أخويا كان بـيـ موووت أنننطقييي
حلم::بتنهيدة وجع..ماعنديش كلام غير اللى قولته
أدهم::يبقى فعلا انتى عايزة تعملى شو مش أكتر عشان الناس تشاور عليكى و بس
حلم:: بصت له بكل كبرياء من فوق لـ تحت و سابته و مشيت
وبمجرد ما بعدت عنه دموعها خانتها و نزلت غصب عنها
فارس:: شايفهم من التراس وشايف انهم بيتخانقوا بس مش سامع اللى بيقولوه وخرج من التراس و فتح باب اوضته شافها طالعة بتعيط.. سألها بتعيطى ليه
حلم::و انت مالك.. ولسة هتسيبه وتمشى
فارس::بحب..مسك ايدها يمنعها تمشى.. بقولك بتعيطى ليه
حلم::بصت له و بصت لـ ايده و رجعت تانى بصت له و شدت أيدها من ايده و دخلت اوضتها من غير و لا كلمة
فارس::نزل السلم بتعب و خرج الجنينة لـ أدهم ..قولتلها أيه يا أدهم
أدهم::صدقنى مش عارف ايه اللى جرالى و لا عارف انا قولت ايه
فارس::انا قولتلك ما تتكلمش معاها يا أدهم ..قولتلك اللى هى عملته ده الصح
أدهم::انا مش قادر اتخيل الموقف اصلا ..فكرة انى ما كنتش جنبك فـ أكتر وقت كنت محتاجنى فيه و أنك كنت لوحدك دى فـ حد ذاتها تعبانى.
فارس::مين قالك أنى كنت لوحدى يا أدهم رجالتى كانوا معايا وبعدين ما انا ع طول بطلع مهمات و بسافر كتير أعتبر ان اللى حصل ده حصلى و انا برة مصر ..ما انت ماكنتش هتعرف برضوا
أدهم:: تفرق يا فارس ..تفرق كتير
فارس::بأحتواء..أنت متعصب بس مش حور السبب..اللى حصل الصبح فـ المستشفى هو اللى موترك..أدهم لو سمحت أرجوك اتحكم فـ تصرفاتك أكتر من كدا لأنك ممكن تخسر كتير
أدهم::بتوتر وقلق ع فارس وكمان من خسارة أمل ..أنا مش عارف أعمل ايه..انا فـ لحظة لاقيتك فـ المستشفى وأعرف انك كنت بين الحياة و المـ وت وفـ نفس الوقت حاسس انى هخسر حب حياتى بغبائى ..صدقنى بجد مش عارف
فارس::بحنان..ماتخافش مش هتخسرها لانها هى كمان بتحبك
أدهم::بأمل جواه.. بجد يا فارس بجد بتحبنى طب عرفت ازاى
فارس::ياحبيبى انتوا الاتنين عينكم فضحـ اكم.. ويلا بقى أطلع أعتذر لـ حور ع اللى انت هببته ده
وفعلا أدهم طلع و قبل ما يخبط ع باب اوضة حلم سمع
حلم :: جوة اوضتها بتكلم نفسها بأنهيار لدرجة ان صوتها كان عالى..غبييية يا حووور قولتلك بلاااااش ..قولتلك أبعدى كنتى مستنية ايييه ..أهو أخوه جرحك و قالك بتعملى شو ع حسابه مستنية ايه تانى و لا تكونى مستنية تسمعيها منه هو كمااااان.. كل ده ليييييه هاااا لييييه ماسمعتيش الكلام و بعدتى كفاية بقى و أبعدى انتى مش حمل وجع تانى اااااااااااااااااه انا بيحصل فيا كدا لييييييييه تعبت بقى والله تعبت ياااااااااااارب
أدهم::من برة الاوضة واقف محتار يخبط و لا يدخل اوضته وجواه معقول حلم تكون بتحب فارس
فارس::طالع بتعب..شافه لسة واقف ..انت واقف كدا ليه
أدهم::بتردد..قرب ع فارس كل ما أجى أخبط أرجع تانى محرج منها و قلقان انها ماتقبلش اعتذارى
فارس::طيب ادخل يا فالح ..خلينى انام لانى تعبت و الصبح ان شاء الله اتكلم معاها
تانى يوم الصبح نزلت بكل شموخ وكبرياء و كان فارس و أدهم قاعدين مع نجوى و أمينة والبنات
حلم:: بجمود..صباح الخير
أمينة::صباح الخير يا حبيبتى
حلم::بحنان..باست راس أمينة وايدها ..هتعوزى حاجة ياست الكل قبل ما اخرج و بصت لـ نجوى..و حضرتك يا خالتو مش محتاجة اى حاجة
أمينة::لا ياقلب أمك مش عايزة غير سلامتك
نجوى::تسلميلى يا حبيبتى
حلم::بصت لـ ياسمين و عاليا ..خليكم النهاردة وبكرة اجازة مافيش شغل كتير
و هى ماشية ناحية الباب
أدهم::نده عليها..حور ممكن كلمتين فـ المكتب لو سمحتى
حلم::بنفس جمودها ..اسفة يا دكتور مستعجلة بعد أذنكم
كلهم بصوا لبعض و أستغربوا رد فعلها
ياسمين::بأستغراب..هى مالها حاسة فيها حاجة متغيرة
أمينة::هو فى حاجة حصلت فـ المصنع يا بنات امبارح
عاليا::بنفى..لأ يا خالتو ماحصلش حاجة بالعكس.. يمكن عشان خناقتها مع أبيه فارس
ياسمين::لالالا ما اعتقدش لانهم مش أول مرة يتخانقوا سوا يعنى
فارس::بص لـ أدهم ..وبهمس مش هتقولى برضوا قولتلها ايه خلاها كدا
أدهم::بنفس الهمس..ابتدا يحكي لـ فارس كل اللى حصل من وقت ما نزلوا الجنينة لغاية ما سابته ومشيت
فارس::بنرفزة.. انت أكيد مش طبيعى عشان تقولها الكلام اللى قولته ده
أدهم::بندم..بجد انا مش عارف ايه اللى بيحصلى ده انا حاسس انى هخسر كل اللى حواليا بتصرفاتى دى
فارس::بضحك.. الحب بهدلة هههههههههه خليك فـ ست امل بتاعتك وانا هحاول اصلّح اللى انت عكيته واتفضل ع المستشفى وماترجعش غير لما تصالح حبيبتك فاهم
وفعلا أدهم مشى ع أمل ان حبيبته ترضى تصالحه
____________________________
شقة رأفت
بعد يومين
راحت سيلين وهى مخبية نفسها عند رأفت زى ما وعدته انها تروحله تقضى معاه شوية وقت ورنت جرس الباب
رأفت:: سمع الجرس وفتح..سيلو بيبى وحشتينى ياقمر
سيلين::دخلت بسرعة ..اقفل بسرعة قبل ما حد يشوفنى
رأفت::مالك بيبى ماتخافيش ..هنا مافيش حد يشوفك انتى شايفة المكان سيلو .. بعيد و صعب حد يوصل له
سيلين::أسكت انا كنت مرعوبة و انا جاية و اضطريت اسيب عربيتى عن عمارة واحدة صاحبتى عشان الحراسة
رأفت::كويس يا قلبى انك عملتى كدا عشان جوزك المتخـ لف يفضل فاكر انك عند صاحبتك
سيلين::المهم بيبى مش هقعد معاك كتير و بليز روڤى ما تتكررش
رأفت::بخبث ..أكيد يا قمر عشان خاطرك بس ..وبغمزة ..طب ايه هنقضيها هنا مش هنطلع فوق ولا ايه
سيلين::بضحكة مايصة ههههههههههههه نطلع بيبى هو أحنا صغيرين
رأفت:: و هما طالعين بيشيل سيلين ..تعالى يا حبى نعيد أمجادنا
وطلعوا فعلا و دخلوا أوضة النوم و هو بينزلها ع السرير ..
سيلين::يااااااااه الأوضة لسة زى ما هى بيبى
رأفت::طبعا يا بيبى ماغيرتهاش زى ما هى من أخرة مرة كنا فيها ..فاكرة؟
سيلين:: كانت أجمل مرة روڤى كنا فيها سوا
رأفت::بحزن مصطنع ..طبعا مش كنتى جاية عشان تودعينى و تقوليلى أنك هتتجوزى عابد
سيلين::رأفت حبيبى كنت عايزنى أعمل أيه قولتلك حبيت ألعب شوية اللعبة كبرت منى و ماعرفتش أنهيها كنت مضطرة ..بس حبيبى كل مرة بكون معاه بشوفك انت يا روڤى
رأفت::بخبث .. شربتيها للمغـ فل أزاى يا سيلو
ههههههههههههه
سيلين::بدلع ..حتة عملية صغننة قد كدهو🤏 و عدت الليلة ههههههههههههه
رأفت::بضحكة شر ..قلبى اللى هتدلع أخرررر دللللععععع هاهاهاهاهاهاهاهاها
____________________________
فـ المستشفى
أدهم وصل المستشفى و مخنوق من كل حاجة وراح مكتبه..و شوية و خبطت الممرضة
أدهم:: أذن لها بالدخول
مريم::صباح الخير يا دكتور
أدهم::صباح الخير يا مريم فيه ايه
مريم::فى حالة دخلت من ساعة فـ الطوارئ حرجة و أهله رافضين اننا نتصرف و ندخله العناية
أدهم:: تمام روحى وانا جاى وراكى ع طول وفعلا أدهم لبس البالطو واخد سماعته و راح الطوارئ يشوف فيه ايه
شريف الممرض::بهدوء.. اهدوا شوية يا جماعة د/أدهم وصل اهو
أدهم::صباح الخير ..ممكن افهم فيه ايه بالظبط
والد الطفل:: بدموع أبنى يا دكتور وقع وأغمى عليه من ساعتين و مش بيفوق خالص
أدهم::لـ شريف خد الولد و دخله لـ دكتورة أمل الاول
أمجد::دكتور الطوارئ ..يا دكتور أدهم الطفل عنده نقص أوكسچين محتاج العناية المركزة
والد الطفل::لأ عناية لأ أرجوك
أدهم::لـ الراجل ممكن تهدى شوية ..و لـ أمجد طالما شايفه متمسك كدا يبقى تهدى الامور وتبعته لقسم الاطفال وهناك هيحددوا الطفل محتاج ايه.. ومتغامرش بـ حياة مريض وتتمسك برأيك
أمجد::بس يا دكتور
أدهم::بمقاطعة.. أنا عارف انت هدفك تسعف الولد و تنقذه بس فـ نفس الوقت شايف والده ماسك فيه وخايف من فكرة دخول ابنه العناية وأكيد له اسبابه .. يبقى التصرف السليم تحوله ع القسم المختص بحالته هم هيعرفوا يتصرفوا.. الموضوع ده ما يتكررش تانى لو سمحت .. ومشى أدهم فعلا راح عند أمل و شافها بتسعف الولد و بتحاول وفعلا قدرت انها تفوّق الولد وفعلا حطيته ع جهاز الاوكسچين
والد الطفل::بدموع الف شكر يا دكتورة الف شكر ربنا يجبر بخاطرك يارب
أدهم::بهدوء لـ والد الطفل..حمد الله ع سلامته ..بس ممكن أفهم بقى ليه كنت رافض العناية المركزة.
والد الطفل::أخوه التوأم مـ ا ت فيها الاسبوع اللى فات و أمه خافت عليه وحلفتنى مادخلوش العناية ..و انا ماعنديش غيره بعد ما أخوه راح
أدهم::بتفهم..ربنا يصبر قلبك يا أستاذ بس اللى انت عملته ده غلط انت كنت ممكن تتسب فـ مـ و ته برضوا لما منعت الدكتور يسعفه
والد الطفل::غصب عنى من خوفى عليه عملت كدا
أدهم::الحمدلله وحمدالله ع سلامته مرة تانية
الراجل أخد ابنه ومشى وأدهم لسة واقف مكانه عند أمل
أمل::بعصبية ..خييير فى حاجة
أدهم::عايز اتكلم معاكى ممكن
أمل::بتريقة..ايه ده دكتور أدهم العظيم هيتكرم و ينزل من ع عرشه و يكلم بتاعة الكباريهات تؤتؤتؤتؤ مش معقولة دى
أدهم::بنرفزة ..أتكلمى كويس يا أمل أحسنلك
أمل::بغضب..عايزنى أتكلم ازااااى يا دكتوووووور يا محترم هااا اتكلم ازاى قولى كدا.. انت من غير ما تفهم جرحتنى و غلطت فيا تقدر تقول لييييييه
أدهم::سامحينى انا بجد مقدرتش اشوفك مع حد بالطريقة دى ..أمل صدقينى أنا بجد بحبك و ما استحملتش ومن غير تفكير عملت اللى عملته ده
أمل::بتبرطم لنفسها ..أعمل فـ أمه ايه ده أديله بالكرسى فـ نفوخه أجيب أجله و أروح فيه فـ دا هـ ية ولا أعمل ايه بس
أدهم::برضوا كالعادة سمعها..و أهون عليكى يا أمل حياتى
أمل:: لنفسها وبعدين بقى ..لـ أدهم أطلع برا 👈برااااااا وياريت بقى تمضى الاستقالة اللى بعتهالك
أدهم::بغيظ منها.. انا مااااااشى بس مش هاسيبك يا أمل غير وانتى مسامحانى ..و ع فكرة بقى انا قطعت الاستقالة ومن غير سلام جاتك البلا فـ حلاوتك
وسابها فعلا و رجع مكتبه وسمع رنة موبايله رد وكان
فارس::الوو يا سي روميو عملت ايه
أدهم::بحزن..رافضة تسمعنى يا فارس
فارس::وانت هتستسلم ؟
أدهم::مش عارف أعمل ايه دلنى
فارس:: عافر لغاية ما تسمعك وتفهم مشاعرك وقتها هتسامحك
أدهم::حاضر يا حبيبى ..المهم طمنى عليك انت
فارس::انا كويس و بخير يا حبيبى و أخدت علاجى و بتمشى كمان مع البنات فـ المزرعة ماتقلقش عليا وخليك فـ نفسك ماشى
أدهم::ماشى يا باشا سلام ..وقفل الموبايل وقعد يفكر ازاى يخلى أمل تسامحه
____________________________
فـ مكان جديد أول مرة نروحه
حارة جوة حي من أحياء المحافظة بيت قديم دورين
حسان مسعود موظف فـ السجل المدنى قرب يطلع معاش قاعد فـ بيته و سمع جرس الباب
حسان::أفتحى الباب يا فُتنة
فُتنة::حاضر يا بابا..أيوا ياللى ع الباب متسربع ليه كدا يووه
وفتحت الباب و شافت اللى كان بيخبط اتصدمت وماعرفتش تتكلم
حسان::من جوة الاوضة ..مين يا فُتنة يابنتى
فُتنة::ساكتة و مافيش رد
حسان::نده ع بنته التانية ..يا رقية شوفى يابنتى مين برة مش قادر اقوم
رقية::أختها الكبيرة طلعت من المطبخ تشوف مين وقفت جنبها مصدومة برضوا ومش بتنطق هى كمان
سمير::بحزن من شكلهم الدبلان ومستغرب اللون الاسود اللى لابسينه ..مش هتقولولى أدخل و لا أمشى تانى وأرجع مطرح ما جيت
رقية::ع نفس صدمتها..تمشى فين!! أحنا ماصدقنا انك رجعت
فُتنة::بشهقاات..سـ سـ سميييير كکـ كنت فين كکـ كل المدة دى كلها وحشتني اوى يا سمير و اترمت فـ حضن أخوها
سمير::بدموع الندم وانتوا كمان وحشتونى اوى و بابا و ماما وحشونى أوى هما فين و ايه الاسود اللى انتوا لابسينه ده ..و طلع فُتنة من حضنه و دخل جرى ع الشقة جوة ينادى يا بابا يا ماما انتوا فين انا رجعت و مش هسيبكم تانى ياحاجّ حسان انا جيت والله.. يا أمى انتى فين يا بهية و بص لـ أخواته وخايف من اللى ممكن يسمعه
حسان::سمع صوته وقام اتسند ع حيطان الأوضة لغاية ما خرج من اوضته..و بوجع كل السنين اللى عدت عليه ..بهية مشيّت و سابتنا ماقدرتش تتحمل بعدك عنها فضلت تدعى انك ترجع و تشوفك مرة واحدة بس قبل ماتمشى بس انت مارجعتش وهى مشيّت
سمير::وقع فـ الأرض بأنهيار..بهية مشيّت أمى ماااتت..أمييييييي اااااااااه يارب انا السبب انا السبب سامحونى انا السبب يااااارب كنت خدتنى انا .. لييه نجيتنى ليه ماخليتش الـ ر صا صة تيجى فـ قلبى بدل رجلى ااااااااه
أخواته:: فُتنة و رقية بأنهيار قعدوا جنبه و أخدهم فـ حضنه و حالهم يصعب ع كل اللى يشوفهم
حسان:: بدموع..أهدى يابنى ده أجلها انتهى لغاية كدا.. و ربنا له حكمة فـ كل حاجة بتحصل فـ حياتنا
سمير::بدموع الندم والفراق..حصل امتى الكلام ده
رقية::من أسبوع
سمير::اااااااه أسبوع يعنى لو ماكنتش مضـ ر وب بالـ نـ ار كنت جيت ولحقتها ياااارب ارحمنى من عذابى و عذاب ضميرى
حسان::بعتاب حسيت دلوقتي يا سمير؟..ربنا خلص مننا يابنى كل اللى انت عملته.. و كل أب و أم كنت سبب فـ حـ ر قة قلبهم ع ضناهم ربنا ردهالنا أضعاف..يابنى ربنا قال فـ كتابه الكريم بسم الله الرحمن الرحيم
الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّـهَ سَرِيعُ الْحِسَابِ».
__________________________
فـ المزرعة
بعد فارس ما قفل المكالمة مع أدهم اتمشى يتفرج ع المزرعة مع أخواته البنات و فجأة شاف
قصي::بأبتسامة..أنسة ياسمين عاملة ايه
ياسمين::بخجل ..الحمدلله يا استاذ قصي و حضرتك عامل ايه
قصي::الحمدلله.. بس قوليلى انتى النهاردة مش فـ المصنع ليه خير قلقتينى
عاليا::بسرعة..قصي قصي احنا أجازة النهاردة
قصي:: عاليا ازيك اسف ما أخدتش بالى
عاليا::بتريقة..ماخدتش بااالك امممم ولنفسها الله يرحمك يابنى ده انت هتتـ نـ فخ تبقى سلم ع الشهدا اللى هناك
فارس:: بغيظ وغيرة ع أخته..و بالنسبة لـ قرطاس اللب اللى واقف برضوا ما خدتش بالك منه ولا ايه
ياسمين:: محرجة و واقفة بتكلم نفسها ..يارب استر وفارس مايتعصبش
قصي::لـ ياسمين..هو مين القرطاس قصدى الأخ ده
ياسمين:: مش قادرة تنطق و نظرها رايح جاي بين فارس وقصي
عاليا::ده أبيه فارس أخونا الكبير عقيد فـ الأمن الوطنى
قصي:: بتوتر ..لـ عاليا قولتى ايه؟ أ أ أمن وطنى
عاليا::بتهز دماغها وبتغمض عينها جامد بمعنى ايوا ألحق خد بعضك وأجرى
فارس::بعصبية..ومين سيادتك ان شاء الله
قصي:: قصي النويري تشرفت بمعرفتك يا باشا بعد أذنك
وفعلا مشى بسرعة و بيكلم نفسه يانهار مالوش ملامح و ده هقوله بحب أخته ازاى.. انا اخـ اف أكلمها يحبسنى ربنا يستر بقى و ماروحش ورا الشمس
نرجع لـ فارس
فارس::بغيظ..لـ ياسمين مين المتـ خلف ده يا انسة
ياسمين::بتوتر ..ده ده مدير المصنع يا فارس ..وبسرعة بس والله ماليش كلام كتير معاه غير فـ الشغل و بس
فارس::امممم قولتيلى ..طب و أحمريتى كدا ليه لما شوفتيه
ياسمين::عينها رايحة جاية.. هاااا…مين انا!! لأ خالص يا فارس عادى
فارس::بمكر.. امممممم شكله مضايقك ..ايه رأيك نسفره وما يشوفش الاسفلت تانى
ياسمين::بتسرع..لأ حرا…. وقطعت كلامها لما استوعبت انها اتسرعت
عاليا::فـ نفس الوقت شافت سيف جاى و تاهت ثوانى
سيف::عينه ع عاليا و بيمد ايده يسلم عليها.. انسة عاليا عاملة ايه
فارس::مد أيده بغيظ من سيف سلم عليه..كويسة بس ما بتسلمش يا باشا
عاليا::فاقت ع تصرف فارس و جواها اوباااا كدا هنـ تنـ فخ رسمى فهمى نظمى وكلنا هنسلم ع الشهدا ومن غير ما تحس صوتها طلع اجرييي 🏃♀️وطلعت تجرى
سيف::استغرب رد فعلها..وسأل فارس..هو فى ايه
فارس::وانت مالك يا زفت انت
ياسمين:: استاذنت و مشيت تحصل عاليا اللى جريت
فارس::بغيظ.. ايه اللى جابك
سيف::وحشتنى يا عم ..القطاع وحش من غيرك ..قولت لنفسى يوم الاجازة بقى أجى أشوف الحبايب
فارس::ضيق عينه ..بقى وحشتك وجاى تشوف الحبايب..طب وحشتك دى و عرفناها مين بقى الحبايب اللى جاى بسلامتك تشوفهم
سيف::ببلاها..هااا
فارس::هااا ايه انطق
سيف::بشجاعة..بص بقى بصراحة كدا انا مش بعرف ألف و أدور أنا بحب عاليا أختك و عايز اتجوزها قولت ايه
فارس::ايه ياض الشجاعة اللى انت فيها دى.. انت مبلبع ايه ع الصبح
سيف::يا عم لا مبلبع ولا نيلة بس كل الحكاية انى حبيت اختك و عايز ادخل من الباب ..و بجدية.. يا فارس انا تعبت من الوحدة 5 سنين وانت عرفت عنى كل حاجة
فارس::بسعادة.. انا اكيد مش هلاقى أحسن منك لـ عاليا بس أكيد رأيها هى الأهم ..سيبنى أسألها و أرد عليك ماشى
سيف::بفرحة اشطااات يا ابو نسب..امشى انا بقى خلاص شوفتك واطمنت عليك
فارس::بضحك..هههههههههه لا يا راااجل بجد
سيف::طبعا بجد و جديد ههههههههههههه
فارس:: ماشى يا سيدى هعديها بس عشان بحبك
سيف::حبيبى يا فُرس اشوفك ع خير يلا سلام ..وفعلا مشى سيف و فارس رجع الڤيلا يشوف عاليا و يعرّفها بطلب سيف
___________________________
فـ بيت حلم
أم عبير جارة حلم وساكنة فـ بيتها قعدة ع سجادة الصلاة بتعيط بعد ماخلصت فرضها وبتدعى ربنا يفك كربها و شوية و رن جرس الباب وقامت تفتح كانت جارتها
أم مودى::السلام عليكم عاملة ايه يا أم عبير
أم عبير::الحمدلله يا أم مودى هعمل ايه يعنى
أم مودى:: مالك ياختى فيكى ايه شكلك معيطة خير
أم عبير::بحزن..حمات عبير جات الصبح وعايزة تحدد ميعاد الفرح أخر الشهر
أم مودى::ده اللى هو ازاى يعنى هو مش فى اتفاق ع سنتين ايه اللى حصل
أم عبير::قولتلها الكلام ده و لسة بدرى..قالتلى أبنى خلص حاجته يستنى ليه.. لو مش جاهزين يبقى نُفضها سيرة وكل واحد يروح لـ حاله طالما مش قد الجواز وجهازه بتوافقوا ليه
أم مودى::بصدمة..ايييه!! دى بتتلكك ولا ايه..وبعدين هتعملوا ايه
أم عبير::مش عارفة.. انتى عارفة الظروف ومافيش فـ ايدى حاجة أعملها وجاد يا دوب مرتبه بيكفى
أم مودى::ايه رأيك أشوفلك جمعية كبيرة تقبضيها الاول و تجهزى بنتك
أم عبير::ياريت يا أم مودى يكون جميلك فـ رقبتى لـ يوم الدين
______________________
فـ المزرعة
حلم شغالة زى عوايدها فـ الارض بنفسها وشافت عم جاد قاعد حاطط ايده ع خده
حلم::بأستفهام ..مالك يا عم جاد زعلان ليه
عم جاد::أم عبير كلمتنى فـ التليفون وقالتلى ..وحكى ليها كل اللى حصل من حمات بنته
حلم::بغيظ..دى ولية حربوءة شكلها عايزة بندق يسلم عليها
عم جاد::بحزن يا حور يابنتى هى شكلها مش لادد عليها الجوازة وعايزة تطفشنا بالزوق
حلم::وغلاوتك يا راجل يا طيب لا اعلمهالك الادب بالأدب
عم جاد::هتعملى ايه يا حور
حلم::ماتشغلش بالك ولا تشيل هم و قول لـ أم عبير تكلمها وتقولها موافقين ع الميعاد
عم جاد:: ازاى بس يعنى يابنتى و انتى عارفة الحال
عم جاد::طب أفهم بس يابنتى
حلم::بكرة تفهم كل حاجة يا راجل ياطيب بس يلا كلم أم عبير و قولها انا بكرة ان شاء الله هنزل و هعرفها كل حاجة
عم جاد:: فعلا اتصل بـ مراته و قالها نفس الكلام اللى قالته حلم
أم عبير::بأمل..يعنى هى قالتلك انها هتيجى بكرة يا جاد
عم جاد::أيوا قالت كدا و قالت ماتشلوش هم
أم عبير::طب ماتعرفش قالت هتعمل ايه يعنى
عم جاد:: بغيظ..أنتى يا ولية بتفهمى منين ما انا قولتلك كل كلمة قالتها حور ..و يا خبر بفلوس بكرة يبقى ببلاش أصبرى شوية
أم عبير:: ربك كريم يا جاد هنصبر لـ بكرة لعله خير
عم جاد:: على الله التساهيل يا ام عبير اقفلى ..
وفعلا قفل المكالمة ع أمل ان ربنا يحلها ويقدر يكمل جهاز بنته ويتمم جوازتها
بقلمى✍️__________________لبنى دراز
حلم::وما اقعدش ليه ناقصة ايد ولا ناقصة رجل
فارس:: حووور بطلى استفزاز
حلم::……………؟؟؟؟
- تبع الفصل التالي اضغط على ( رواية العشق الابدي) اسم الرواية
تعليقات
إرسال تعليق