رواية طبيب ولكن الفصل الاول
رواية طبيب ولكن الفصل الاول
على : يعنى اى مفيش دكتور ف المستشفى انا مراتى بتولد
الممرضه : حضرتك متقلقش إحنا إتصلنا بالدكتور وهو خلاص على وصول
على بزعيق : دا تسيب وانا مش هسكت وهعرفكو شغلكو
الممرضه : طب إهدا حضرتك الدكتور وصل اهو
دكتور يوسف : مساء الخير يا جماعه اى الاخبار
على : حضرتك تقدر تقولى يا أستاذ إزاى مستشفى كبيره زى دى ميبقاش فيها ولا دكتور واحد
يوسف : مهو انت غلطان برضو حد ييجى لحد ف ساعه زى دى انت عارف الساعه كام دلوقتى الساعه 2 باليل طب دا كلام
على : اه صحيح تصدق عندك حق المفروض الواحد يتصل بيكو قبل ميتعب بيومين يستأذن منكو يتعب ويجيلكو ولا لأ
يوسف : بغض النظر عن الاڤوره اللى انت عاملها دى اى اللى تاعبك
على : كمان جاى ومش عارف الحاله اللى جايلها
يوسف : منتو سربعتونى (استعجلتونى)
على : معلش حقك علينا يا باشا حضرتك انا مراتى عايزه تولد
يوسف : طب متولد اى المشكله
على : والله هو انا جاى أخد إذنك، حضرتك اتفضل ولدها
يوسف : أوضة العمليات جاهزة
الممرضه : ايوه ي دكتور
يوسف : طيب دخلو المدام هناك خلى حد يعملى كوبايه شاى بلبن ويجيبلى بؤصومات أو اى حاجه معاها
الممرضه : حاضر ي دكتور
على : انت جاى تفطر هنا يا عم انت اخلص
يوسف : مهو بص بقا انت مبعرفش اشتغل على معده فاضيه أفطر واظبط الدنيا علشان اسلمك شغل نضيف تتشرف بيه
على : انت لايمكن تكون دكتور انا بكلم صنايعى سباك إنما دكتور أشوك
يوسف : هه الكارنيه دا مكتوب عليه اى
على : عادى ممكن تكون مزوره
يوسف : عييب انت بتكلم دكتور محترم
على : والله شكلك ولا تفهم حاجه
الممرضة مقاطعه : أوضة العمليات جاهزة ي دكتور ونقلنا المدام هناك
يوسف : والشاى بلبن اللى طلبتهم
على : ي عم روح ولد الوليه وبعدين افطر واتنيل على عينك
يوسف : أمرى لله جهزى العده يبنتى
على : العده أنا قولت م الاول لا يمكن تكون دكتور
يوسف : بقلك اى اسكت بدل م اسيبهالك جوا وامشى وانا اصلا هموت وانام
على : حق عليا اتفضل
"داخل غرفة العمليات"
يوسف ببتسامه : مساء الخير ي فندم عامله اى النهارده
دعاء : انت تتعرف عليا اخلص ولدنى اااااااه
يوسف وهو يسد أذناه : تقوليلى تكره اى ي واد ي يسوف أقولك الصوت العالى ف إدهى شويه
الممرضه : ضغطها مظبوط ي دكتور وكل حاجه تمام
يوسف : طب كويس المفروض نعمل اى بقا
دعاء : ي نهارك أسود انت مش عارف تعمل اى ااااااه
يوسف : وطى صوتك لو سمحتى وبعدين انا عارف هعمل انا متوتر بس اصلك متعرفيش
دعاء بصراخ : معرفش ايييه
يوسف : اصل دى اول مره أولد حد فيها
دعاء : ينهار إسود وجاى تجرب فيا الله يخرب بيتك إندهلى الموكوس اللى برا
يوسف : ابوس إيدك مش عايز شوشره
دعاء : إندهولى ااااااه
يوسف : حاضر حاضر
خرج يوسف من الغرفه
على بلهفه : ها طمنى ي دكتور جابت اى
يوسف : مجابتش
على : مجابتش ليه
يوسف : حالفه متولد غير لما تشوفك شغل ستات بقا
على : طب هو انا ينفع ادخلها
يوسف : أمااال ي باشا اتفضل بس هنلبسك شويه حاجات وبعدين تدخلها...
داخل الغرفه
دعاء بصريخ : هو فين هو فين اللى جايبنى مستشفى منيله بستين نيله ذى الايام اللى قضيتها معاه
على : انا هنا ي حبيبتى
دعاء : حبيبتك جايبلى دكتور مبيعرفش يولد وتقلى حبيبتك
على : اى انت مش قولت انها مش راضيه تولد
يوسف : انا قولت كدا
على : اه قولت
دعاء : والله لو م ولدتنى حالاً هقوم أجيبك من رقبتك اخلص
على : ي عم اخلص ولدها دى وليه مجنونه وتعملها انا جوزها وعارف
يوسف : ايوه ايوه انا تقريباً كدا افتكرت المفروض اعمل اى
على : افتكرت وتقريباً ي عم انت هتشلنى اخلص
يوسف : طب اطلع برا بقا علشان اعرف اولدها قبل م المعلومات تطير من دماغى
على : لا وحياتك إحنا مصدقنا انا خارج،حبيبتى ربنا معاكى
دعاء : خارج فين وسايبنى
يوسف : بس اهدى خالص وكلو هيبقى زى الفل إستعنا ع الشقا بالله...
"وبعد ساعه او اكثر خرج يوسف من غرفة العمليات "
يوسف : مبروك ي أستاذ على
على : هاا طمنى ي دكتور
يوسف : المدام جابت ولد
على : الحمد لله أحمدك واشكر فضلك يا رب
يوسف : ومش كدا وبس المدام بتضحى النهارده وجابتلك عليه بنت هديه
على : ألف حمد وشكر ليك يا رب
يوسف : مش قولتلك هسلمك شغل فنادق
على : انا الحقيقه كنت شاكك فيك بس دلوقتى الله ينور بصراحه
يوسف : علشان تشوف بس
على : طب ومراتى حالتها اى دلوقتى
يوسف : لا عال خالص إطمن كله تمام
على : طب الحمد لله
يوسف : أسيبك انا بقى واروح اكمل فطار
على : اتفضل
الممرضه : إلحق ي دكتور إنت ولدت المدام ونسيت تقفل الجرح
على : إيييييه
يوسف : تصدق خرجت قبل مقفل...
•تابع الفصل التالي "رواية طبيب ولكن" اضغط على اسم الرواية
تعليقات
إرسال تعليق