رواية ملاك احمد الفصل الاول
رواية ملاك احمد الفصل الاول
-ملااك انا جيت
خرجِت من الاوضه و هي شايله ابنها الصغير بتلاعبه و بيضحكو سوا. ردت_هاااااي بابي جيه
راحت ناحيته و باسته من خده و قالت بابتسامه لطيفه_ حمد الله على سلامتك.
ابتسملها و اخد منها الطفل و لاعبه- يلا نلعب سوا لحد م ماما تحضر الغدا
قالت و هي بتروح للمطبخ- الغدا جاهز هحطه ع السفره عبل م تغسل ايدك
حط آسر(الطفل) على الارض يلعب و قام- تمام هغسل ايدي و اغير هدومي لحد م تخلصي.
جهزت الاكل ع السفره و هو غير هدومه و رجع شالت آسر على رجليها و بدأت تأكله هو الاول
أحمد_ طيب كلى انتي الاول و بعدين اكليه
بصيتله بابتسامه و قالت بهدوء- لا لما تاكلو و تشبعو بيبقى اكني اكلت و شبعت هأكله الاول و بعدين هاكل
بصلها بتوتر و قال_ ملاك بصراحه كنت عاوزك ف موضوع
- طيب ايه رأيك لما نخلص أكل هعمل كوبايتين شاي بالنعناع و نتكلم ف ال انت عاوزه..
ابتسملها_ خلاص اتفقنا.
و كمل اكل بتوتر و بيتابعها و هي بتأكل آسر و و بتلاعبه و بيضحكو سوا.. خايف ان ال هيعمله يدمر عيلته الصغيره..
خلصو أكل و هو اخد آسر و طلع بيه البلكونه و ملاك شالت السفرة و رتبت المطبخ و عملت الشاع بالنعناع و راحتلهم.. حطت الصينيه على الترابيزة و قالت بمرح و ابتسامه- احلى كوباية شاي بالنعناع لعيوني
قعدت و بصتله بابتسامه- ها قولي بقا كنت عاوز تقول ايه.
نزل آسر على الأرض ال بدأ يسحف جنبهم و يلعب بالالعاب بتاعته..
_ ك. كنت عاوز اقولك اني.. يعني
طبطبت على ايده بهدوء و هي بطمنه- قول و انا سمعاك
_ ملاك انا قررت اني هتجوز تاني.
بصتله بصدمة مش مستوعبه ال سمعته سحبت ايدها ال كانت ماسكه ايده ببطئ و هي لسه بصاله مش عارفه تنطق ووو....
•تابع الفصل التالي "رواية ملاك احمد" اضغط على اسم الرواية
تعليقات
إرسال تعليق