رواية لمة العيلة الفصل السابع
رواية لمة العيلة الفصل السابع
ماما : فيه آيه مالكم !!!؟؟
تسنيم: هااا مفيش
ماما : فين يمني !!
فرح : لا بقا ي ماما فيه و صحوني من النوم علشان..
ماما : فيه إيه!!!؟؟
فرح : إسراء مش...
تسنيم: حطت ايديها على بوقي وقالت اسكتي خلاص ي ام لسان ونص أنتِ
فرح : غمزت ل تسنيم عارفه ي ماما ، إسراء مش راضية تشرح ل تسنيم الدرس و عماله تقولها خليكِ ل الصبح و..
ماما : بعصبية طيب ي تسنيم ما هي قالتلك خليكِ ل الصبح فيه آيه بقا؟!!
تسنيم : ب إبتسامة ماشي ي ماما ، اديني سكت اها انا هروح أنام علشان ترتاحوا مني خالص
ماما : فين يمني ؟؟؟؟؛
( ظهر علينا الخوف و كلنا بنقول فى سرنا يارب ي يمني ما تيجي دلوقتى علشان أنتِ لسه ب لبس الخروج )
فرح : عارفة ي ماما يمني ي حرام بطنها عماله توجعها و داخلة طالعه الحمام
تسنيم: قالت بصوت عالى ي ماما أنتِ صحيت بجد على صوتنا
يمني : جاءت و سابت لبس الخروج بره فى الصالة لأنها فهمت ان ماما فى الاوضة وقالت، أنتوا أساسا صحتوني أنا كمان
تسنيم: ضحكت وهي بتقول صحي النوم ي يمني هانم
فرح : مش كنتِ فى الحمام
يمني : اه ما هم صحوني برضو
تسنيم: بضحك فعلاً الناس تخاف متختشيش
إسراء: تصبحي على خير ي ماما
ماما : إياك إسمع صوتكم تاني سمعتوا الكلام
إسراء : خدي فرح معاكِ الاوضة التانية
ماما : يلا ي فرح
تسنيم: اه أصلها بتصدعني اووي
( ماما اخدتني و راحنا الاوضة التانية)
إسراء: ممكن بقا أعرف أيه إللي حصل ده ي ست يمني
يمني : أيه إللي حصل!!؟
إسراء : بت أنتِ لو متكلمتيش عدل اقسم بالله هروح أقول ل ماما و هي تيجي تعلمك الأدب بقا
يمني : ي بت أنتِ عبيطة هو أنا عملت إيه
تسنيم: هههه عملتي آيه ؟؟
يمني : رفعت حجابها ومعجبهاش الكلام و قالت فيه آيه يعني لما صاحبي يوصلني
إسراء : حطت ايديها على رأسها وهى بتقول يالهوووووي ي شماته الناس فينا
يمني : بعصبية أيه الافورة دي بجد
تسنيم: أنتِ ي بت أنتِ اتعدلي بقا كده لان إحنا ساكتين من الصبح
يمني : ههه ي بت دا أنا الكبيرة فاهمة يعنى أيه
إسراء: ما هو المصيبة فعلاً إنك الكبيرة
تسنيم: يعنى المفروض إنك قدوة لينا ي كبيرة ولا إيه!!؟؟
يمني : بس ي بت أنتِ وهى
إسراء : بدأت تعياط
( مكنتش فاهمه ليه إسراء بتعيط كده لحد ما يمني قالت
يمني : بتعيطي خايفة عليا !!
إسراء : حضنتنا وهى بتقول مليش غيركم أصلا ف إزاى مخفش عليكم
تسنيم: بصى بقا ي ستي يمني أنا مش هقول ل ماما حاجه بس توعديني ان الواد ده ميمشيش معاكِ تانى
يمني: اوعدك خلاص مش هعمل كده تاني
تسنيم: رفعت حجابها و قالت لما نشوف ي هانم
يمني : ...
تسنيم: اه نسيت أقولكم حاجه
يمني : أيه!!!
تسنيم: ابوكم كده مش هيصرف علينا ولا جنية و ٢٠٠٠ جنية بتوع الشهر مش هيبعتهم تانى
إسراء: بصدمة أيه!!! قصدي ليه!!؟؟
تسنيم: بيقول ان إبنه محتاج كل جنية دلوقتى
يمني : جاته داهيه هو و إبنه
إسراء: وماما هتعمل أيه!!؟
تسنيم: كلمت خالكم علشان يبعت ليها مصاريف من زرع الأرض
يمني : وبعدين ، خالك قالها أيه؟؟
تسنيم: خالكم بيقول أمكم ملهاش عندهم حاجه لأنها فضحتهم و سابت البلد و مشيت
إسراء : بعصبية دول مش بيتكسفوا والله أيه الظلم ده و قله الذوق دى
يمني : طب العمل دلوقتى ؟؟
تسنيم: كلنا هنبدأ نشتغل كل واحده هتشتغل فى حاجه علشان نكمل تعليم
يمني : فكره حلوة يلا نقول ل ماما
إسراء : ماما نائمة دلوقتى ي بنااات
يمني : امم خلاص بكرة الصبح نقولها
تسنيم: ماشي يلا ننام بقا
^^^ تانى يوم^^^
يمني : ماما ماما
ماما : أيه ي يمني
يمني : إحنا قرارنا أااا
ماما : قررتوا أيه !!
( كلنا سكتنا لأننا مش عارفين رد فعل ماما أيه، خوفها علينا مخلينا خايفين نتكلم ، و لو هى وافقت إحنا هنقدر نشتغل و نكمل تعليم فى نفس الوقت معرفناش نرد لحد ما يمني ترجعت وقالت
يمني : لا لا خلاص مفيش حاجه ي ماما
ماما : اتعصبت متقولوا فيه آيه أنا مش ناقصكم والله
تسنيم: ما بين الخوف و التوتر ،قالت إحنا بقا ي ماما قرارنا نساعدك
ماما : طب دى حاجه حلوه ليه خايفين كده ؟؟
إسراء: حطت ايديها على بوقها وقالت يالهوي ما أنتِ لو تعرفي هنساعدك إزاى مش هتقولي كده
ماما : بتقولي أيه ي إسراء
إسراء: ولا حاجه ي ماما
ماما : هتساعدوني فى أيه بقا ؟!!
يمني : إحنا قرارنا نشتغل
ماما ....
•تابع الفصل التالي "رواية لمة العيلة" اضغط على اسم الرواية
تعليقات
إرسال تعليق