رواية اسد المخابرات الفصل الثالث
رواية اسد المخابرات الفصل الثالث
" أسد المخابرات 3 "
حياة وهيا بتضحك : ولا حاجة كان مقلب 😂
ميرا ومايسة بصولها بصة وطلعو يجرو وراها
ميرا : والله ماهسيبك يا جز*مة يابنت الجز*مة
مايسة : حرام عليكي قطعت الخلف بسببك
الباب كان بيخبط حياة راحت فتحت وهيا بتجري ميرا رمت الشبشب وجه ف اللي كان بيخبط
فارس : اااه ، انا شكلي جيت ف وقت مش مناسب
ميرا: اسفة يبني مكنتش هرمي عليك تعالا اتفضل
فارس: لا لا شكرا انا بس جيت اجيب محفظة حضرة الظابط وقع منها
حياة : شكرا بس اي اللي جابك برضو ؟ وجبت العنوان منين بتراقبني بقا
فارس بصدمة : يعني انا تاعب نفسي وسايب شغلي عشان اجيبه وتقولي كده !!
ميرا وهي بتضرب حياة : بطلي قلة زوق بقا الراجل كتر خيره اسفين يبني
فارس وهو بيجز ع سنانه : ولا يهمك يا طنط ، تمم جدا يا حياة
حياة بلام مبالاة : ماشي شرفت
مشي فارس
ميرا : مين الواد دا يابت وازاي تعامليه كده !
حياة بضيق : دا عيل بارد المفروض هيشتغل معايا بس مش طايقاه شايف نفسه اووي
ميرا : ولو الله قلة ادب صحيح
حياة بزهق : يا ماماااااا بقاااا
ميرا : بلا ماما بلا زفت حسابك بعدين
........................
ف الصباح 🌤️
حياة : اااه ف ايه ؟
ميرا : اي يازفتة كل دا نوم فزي قومي يالا
حياة : تقومي ترمي عليا تلج !! انتي ام انتي
ميرا بتعجب : منتي زي البرميل مش بتصحي ب حاجة اصلا
حياة : طيب ماشيييي
ميرا : بتبرطمي بتقولي اي يا زفتة !
حياة: ولا حاجة يا قمر
قامت غسلت وشها وصلت ولبست بنطلون اسود ضيق شوية وبلوزة بيضة وسايبة شعرها وحطط مكياج خفيف ولبست هيلز
ميرا : حياااااة
حياة : نعم يا ماما
ميرا : رايحة فين ب اللي لبساه دا ؟
حياة : رايحة الشغل هكون هروح فين يعني اومال مصحياني لي !!
ميرا : ما هذه الملابس !
حياة : انها ملابسي
ميرا : كلا البتا .
حياة : ماما عايزة اي
ميرا : خدي الورقة دي فيها طلبات البيت هاتيها وانتي راجعة
حياة : اي كل دا يا ماما وبعدين مش هفضي اشتريهم منا هسافر النهاردة ومحتاجة وقت
ميرا : هاتي اللي قلتلك عليه وانتي ساكتة خدي فلوس اهي هاتي اللي عايزاه للسفر متصدعيناش
حياة : طيب يا ماما شكرا هشوف ابقي اروح بعد الشغل
.................
ف مركز الشرطة 🚓
دق...دق..دق
النقيب : اتفضل
حياة : ازيك يا باشا مصر عامل اي وازي مراتك وعيالك ؟
النقيب بأستغراب : انتي جاية الوقت لي ؟
حياة : يعني اي مش شغلي 9 برضو ولا اي
النقيب : أيوة والساعة الوقت كام ؟
حياة وهيا بتبص بصدمة ف الساعة : يلهووي الساعة 11
النقيب : مش انا قلتلك متجيش متأخر تاني ؟روحي البيت اجهزي عشان هتسافري الفجر انتي وعمر و..
حياة بمقاطعة : والبغل ؟
النقيب : بت مين البغل دا دا الظابط فارس
حياة بضحك : اسمه فارس والله لايق عليه بغل اكتر 😂
النقيب : بت روحي اخلصي واياكي تتأخري بكرة !!
حياة : حاضر ، راحت المول عشان تشتري الحجات
حياة وهيا ماشية خبطط ف حد
حياة : اااه اي الغباء دا اللي ع الصبح كتلة غباء ماشية
فارس بغضب : ايه يا بت هو انتي دايما كده الشتيمة ع لسانك
حياة : بت لما تبتك يا بغل انت
فارس وهو بيكتم غضبه : امشي من وشي الوقت بدال ما امو*تك
حياة ببرود : والله انا كده خفت يا مامي
فارس طلع يجري وراها وهيا تجري لمدة نص ساعة .
حياة : يخرب بيته هديت حيلي الله يهد حيلك
..................
•تابع الفصل التالي "رواية اسد المخابرات" اضغط على اسم الرواية
تعليقات
إرسال تعليق