رواية قضية طلاق في المجتمع المصري الفصل الثالث
رواية قضية طلاق في المجتمع المصري الفصل الثالث
الفصل الثالث
قررت انى اكتب مشكلتى على السوشيال ميديا
فالبداية طبعا مكانش عندى الجرأة اكتب باسمى عالاكونت واحكى قدام كل قرايبي وصحابى فدخلت على جروب فيسبوك كبير كتبت مشكلتي بمنشور مجهول الهوية وانى مش عارفه اعمل ايه وايه بيت الطاعة دا وكمان أنا مش معايا اثبات انه مطلقنى او اى ادلة ضده
استنيت شوية كان البوست اتقبل ولقيت كومنتات كتيره أوي على البوست بتاعي واللي كانت من ناس مختلفة ومن ضمنها طبعا محامين
"تواصلى معايا وهحللك المشكله"
" ارفعى قضية خلع "
" كلميه وتفاهمى معاه عشان توصلوا لحل بعيد عن القضايا والمحاكم والشوشرة"
" هو كان بيضربك بعنف واكيد ظاهر دا على جسمك قدمي بلاغ انك بتتعرضى للعنف من جوزك وتحاولي تثبتي انه بيعتدي عليك جسديا بالضرب العنيف ويتعمل له محضر عدم تعرض وتبدأي ترفعي قضيه خلع وان شاء الله هيتحكم لك فيها بالخلع النهائي بس موضوع الخلع دا هيطول شويتين كدا ومش اكيد واحد زيه هيسيبك ف حالك بس فالنهاية الموضوع دا محتاج محامى "
"سيبك من الهرى دا كله بصي حوار بيت الطاعة دا مدته ٣٠ يوم بداية من اليوم اللى استلمتى فيه المحضر، فأنتى توكلى محامى يقدملك اعتراض وب أدله منك بالضرر اللي بتتعرضيله أو أي حاجة تثبت انه كان عارف انك نازلة من البيت، جيران مثلا سمعوكوا بتتخانقوا ... حد فالعماره اللي ساكنين فيها بواب او غيره شافك وانتي نازله وهو كان موجود فالبيت ، قدمي ادلتلك لمحكمه الاسره وهيتم اعادة النظر فالأمر لكن لو مردتيش ب ادلة خلال ال ٣٠ يوم دول "بتخادى حكم الزوجه الناشز"وهو أن بيصدر حكم من المحكمه بانقطاع النقفه الزوجية عنك او احكام تانية وعقوبه وبعدين بقا يأما الصلح او الخلع وان شاء الله يتحكملك بالخلع"
#تسنيم_حسن
بعدت ماقريت التعليقات قعدت افكر ف اي دليل وهنا افتكرت لما جالى من يومين وف أيده مرهم حروق غالى اوى وأمرنى ادهنه على العلامات اللى ف جسمى عشان مبقاش طايق يشوف جسمى معلم بالشكل دا ، عرفت ليه كان مصمم انى ادهنه، وهو مكانش خايف على شكله قدام حد اصلا لاننا من وقتها مخرجناش ف اي تجمعات عائلية
كنت متوترة وقلقانه، الحل كله ف توكيل لمحامى واتعاب وقضايا وانا اصلا مش عارفه ازاي هنزل من البيت واوكل محامي وانا اصلا مش معايا ادله طب ازاي هاقنعهم في البيت ان انا ممكن اعمل حركه زي دي انا عارفه ومتاكده كويس قوي ان هما مش هيوافقوا كالعاده كل اللى هيفرق معهم كلام الناس ورد فعلهم ومنظرهم وهيختاروا الصلح وانى ارجع بيت جوزى ومبدأ اكسر للبنت ضلع يطلعلها ٢٤
مكنتش قادرة افكر دماغى وجعتنى وحسيت انها ضلمت ... لاقيت العصر بيأذن قومت اتوضيت وصليت وانا بدعى ربنا يحلها من عنده ... كنت بعيط واقوله يارب انا مكسورة .. موجوعة مش قادرة اتحمل .. قوينى وساعدنى يارب ... انت سندى وملجأى
------------------------------
ايه دا اى الورقة دى ؟ يلهوى دا بلاغ من المحكمه .. هى النضارة فين لما اقرا المكتوب
ظلت حوالى خمس دقائق تبحث عن نظارتها ... ثم جلست على أقرب مقعد ونظرت مرة أخرى الى الورقة بفم مفتوح من الصدمه !!!!!!! بيت الطاعه؟
#تسنيم_حسن
انتى يا حيوانه يا اللى جوه .. افتحى الباب، افتحى بدل مكسر الباب على دماغك
بت يا نيرة افتحى الباب احسنلك
ذهبت نيرة مسرعه تجاه الباب ثم قامت بفتحه
$ في اي يا ماما مالك
جذبتها "حنان" من شعرها قائلة - في انك قليلة الأدب متربتيش بقا بتكدبي علينا وتقولى ان جوزك طلقك وانتى خارجه من دون علمه !
$ مكدبتش يا ماما والله هو طلقنى وكان عارف انى خارجه من البيت وشايفنى كمام والله
& اخرسي يا عديمة الرباية، من يومك عيارك فالت جايبلنا المشاكل والفضايح محضر من المحكمه يابنت محمد محضر ! اودى وشي من الناس فين بفضايحك دى وربنا لما يحى ابوكى لخليه يأدبك على اللي عملتيه دا
$ يا ماما والله معمل...
& اكتمى خالص مسمعش صوتك، وحسك عينك تخرجى من الاوضه دى لغاية ما ابوكى يجى ويتصرف ...
__________________________
- انا مش قولتلك اتصرف وخلصلى الموضوع دا تقدر تقولى استفدت ايه من الخطوة دى
= يا أستاذ دا مجرد تهويش .... واحده زي دى أهلها يهمهم اوى كلام الناس وعاوزين يرجعوها بيتها النهارده قبل بكره ، مش هتلاقي حد يوكلها محامى و بكرا ولا بعده بالكتير هتلاقيها عندك بشنطة هدومها
= ولو مرجعتش؟
- لا دى ليها خطة تانيه خااالص ........
= طب احنا هنفضل مستنينها لما تقرر هترجع ولا لأ ولا ايه
- لا طبعا ... ركز معايا فالجاي دا بقا عشان هيفيدك اوي .... اهم حاجه تاخد بعضك وتطلع على شقه اسكندرية دلوقت حالا والباقي هيتنفذ وانت هناك ..
__________________________
"داخل احدى البيوت باسكندرية"
= الو ... مساء الخير ازيك يا حاج
- اهلا وسهلا بأحمد جوز بنتى ولا نقول طليقها ؟ من أمتى واحنا عندنا بنات تطلق ها
= استهدى بالله بس يا حاج طلاق ايه اللى بتتكلم عنه ؟ انا مطلقتهاش اصلا، انا بقالي يومين عندى شغل ف اسكندرية ولسة مرجعتش، بنتك زودتها اوى يا حاج ولسانها وعيارها فلت، بقالي فترة ارجع من الشغل ملاقيش غدا والبيت يضرب يقلب، ضربت وزعقت ومفيش فايدة ومفيش على بسانها فير طلقنى طلقنى ، واخرتها عرفت انها خرجت من غير اذنى ... انا مش متصل اشكى، انا رفعت قضية وطلبت بنتك ف بيت الطاعة، خلى بنتك تلم الدور وترجع بيتها عشان ميحصلش فضايح اكتر من كدا وأظن تهمك اوى صورتك قدام الناس عشان الترقيه ولا ايه ؟ انا راجع بكرا الصبح القاهرة تكون عقلتها كدا وعرفتها مصلحتها فين هعدى عليك اخر النهار اخدها سلام يا حاج عشان ورايا مشاغل .
_______بقلم تسنيم حسن_______
& محمد ! ايه اللي جابك بدرى كدا
€ بنتك فين؟ هى فين ناديهالى قليلة الرباية دى
& هدى روحك بنتك ف أوضتها
€ أنتى يا حيوانه تعالى هنا
$ ايوة يا بابا في ايه
€ في ايه !!!! في ايه يا عديمة الأدب، يا كدابة
سايبة بيت جوزك بدون علمه وجاية تقولى انه طلقك، الراجل يختى بقاله يومين ف اسكندرية، لا طلق بنتك ولا يعرف انها خارجه من البيت، وطلبها ف بيت الطاعة، قال ايه الهانم مبتشوفش طلبات جوزها وبيرجع من برا لا يلاقي غدا جاهز ولا هدوم نضيفة يلبسها انتى عايزة ايه يابت انتى عايزة توصلي لايه
$ يا بابا والله العظيم ده محص....
€ انتى تخرسي خالص مسمعش صوتك، جوزك راجع القاهره بكرا وهيعدى ياخدك، هترجعى معاه والجزمه جوا بوقك وتبوسي ايده ورجله عشان يسامحك بلا هم احنا مش ناقصين فضايح
$ يا بابا محصلش والله دا بيجى يلاقى الغدا جاهز والشقة زى الفل، وأى حاجة بيطلبها بعملهاله، دا عمال يضرب فيا ليل نهار لما الضرب علم ف جسمى ابوس ايدك يا بابا مش عايزة ارجعله انا تعبت مالعيشة معاه بالله عليك تطلقنى منه
& بس اسكتى ولا كلمه، خشى جهزى شنطتك عشان يجى بكرا يلاقيكى جاهزة
__________________________
مر الوقت وانا لا أفعل شيئًا جف دمعى، ازداد ظلام الدنيا فى عينى، أشعر بالقهر والظلم، وكأنى مجرد خطأ حدث نتيجة عملية زواج فشلت قبل أن تبدأ ... ها أنا على وشك الاستسلام .... أفكر كثيرًا في إنهاء حياتى والقضاء عليها، أو ان تقضي هى عليّ كالمعتاد .... ذهبت الى المطبخ ابحث عن اله حاده اتخلص بها من الم الدنيا، كان الليل قد حل والظلام اشتد، ولكن ظلمه قلبي أكثر حده، امسكت بالسكين انهى بها حياتى لأتخلص من كل اوجاعى، اقتربت بالسكين من أوردة يدىّ و ها أنا أقوم بجرحها، حتى امتلئت عيناى بالبكاء المرير وانا فى كامل الدهشة .....!
•تابع الفصل التالي "رواية قضية طلاق في المجتمع المصري "اضغط على اسم الرواية
تعليقات
إرسال تعليق