Ads by Google X

القائمة الرئيسية

الصفحات

رواية حضرت فرحي بدون فستان الفصل الخامس 5 بقلم هويدا زغلول

  رواية حضرت فرحي بدون فستان كامله بقلم هويدا زغلول عبر مدونة كوكب الروايات

رواية حضرت فرحي بدون فستان

رواية حضرت فرحي بدون فستان الفصل الخامس

عادل 
لا انا مش سبت البيت ومشيت انا بس 
كان ورايا مشوار مهم وكان لازم اروحه 
في حاجه يا هاديه 
هاديه 
ابدا امال هي بتقول غير كده ليه عايزه 
تشوف رد فعلي يعني عارفه عنك حاجه ولا لا 
دي قالت انك اتخانقت معاها وسبت البيت 
ونزلت 
عادل 
لا لا مافيش حاجه احنا كويسين جدا مع بعض 
وفي الوقت ده انا روحت لماما وكنت مخنوقه 
اوي وكانت ماما مش موجوده وفتحت 
التلاجه وطلعت اكل وفضلت اكل اصل 
انا كده لما بكون مخنوقه لازم اكل 
وفي الوقت ده دخلت ماما 
الام 
بسم الله الرحمن الرحيم انتي هنا 
من أمتي وبتعملي اي ينهار ابيض انتي 
مطلعه اكل الاسبوع كله وعامله تكلي 
فيه 
فريال 
اكل اسبوع اي دي تصبيره عقبال ما تيجي المهد 
انا عايزه أسألك علي حاجه بس من غير 
شتيمه هو عادل كلمك 
الام 
لا مش كلمني هو فيه حاجه ولا اي 
اوعي يابت تكوني زعلتي
فريال 
لا مش زعلته ألمهم انا ماشيه بس هاخد 
باقي الاكل ده معايا لان مش عامله 
اكل ومش قادره اقف في المطبخ 
الام 
خدي هنا يابت قولي ليا فيه اي وفي الوقت 
ده رنيت عليا هاديه 
هاديه 
انتي فين يا بنتي انا قدام شقتك بصراحه 
انا خوفت عليكي فجيت اطمن 
فريال 
ثواني وطالعه ليكي بقولك اي خلي الاكل 
خالص انا عرفت هعمل اي وفي الوقت 
ده ودخلنا الشقه 
هاديه 
ممكن افهم بقي فيه اي واي اللي حصل 
مع عادل 
فريال 
بقولك اي ما تساعديني في ترويق 
الشقه وتعالي نعمل اكل سوا خليكي جدعه 
هاديه 
عنيا ليكي ده انتي اختي حبيبتي والله وفعلا 
عملت كده معايا والغريبه انها 
مش سالت تاني فيه اي وبعدها مشيت 
وعادل جه 
عادل 
مساء الخير مالك قاعده ليه كده ومعقول 
ريحه الشقه حلوه كده 
فريال 
والله مش بيهون عليا زعلك بس انت 
عادي ممكن تزعلني حقك عليا يا عمري 
عادل 
انا نفسي ترجعي فريال بتاعت زمان انا بحبك 
ومش عايز اي حاجه تبعدني عنك 
فريال 
اوعدك هتغير يا حبيبي وهعملك كل اللي 
نفسك فيه وتاني يوم راح الشغل وكان 
مبسوط أنه نزل في يوم واحنا مش متخانقين 
هاديه
استاذ عادل حمد لله علي السلامه 
عادل 
الله يسلمك عايزك تجهزي الناس علشان 
عندنا ميتنج مهم اوي 
هاديه 
عنيا لحضرتك المهم عجبك الاكل اللي عملته 
امبارح بصراحه انا مهنش عليا اعرف ان 
في مشكله بسبب النظافه والأكل ومش 
ادخل 
عادل 
اي ده هو انتي اللي كنتي عامله الاكل 
طيب أمتي وازاي 
هاديه 
بعد ما قفلت السكه معاك انا روحت عند فريال 
وشوفت الشقه بتاعتها مبهدله اوي ومعندهاش 
اكل قولت يبقي هو ده السبب فعملت ليك 
الاكل كان اي رايك في الجلاش 
عادل 
اه حلو تسلم ايدك بعد اذنك علشان عايز
اعمل تلفون مهم 
هاديه 
اه تمام بس شكل فريال مش قالت ليك 
أن انا اللي كنت عامله الاكل ارجوك اوعي 
تقولها لتزعل مني 
عادل 
هاديه هو انتي ليه بتعملي معايا كده 
علشان صحبتك ولا علشان خاطري انا 
هاديه 
بعد اذنك يا استاذ عادل. وبعدها خرجت من
المكتب واتصلت فريال 
عادل 
الو والله كنت لسه هكلمك الجلاش اللي انتي 
كنتي عامله امبارح كان تحفه ينفع 
تعملي لينا انهارده كمان 
فريال 
لا اقصد يعني هناكل نفس الاكل 
يومين ورا بعض يا حبيبي مينفعش 
عادل 
اعمل اي نفسي فيه وبصراحه كنتي عامله 
تحفه اوي هتنسني انهارده علي الاكل 
وكانت هاديه وافقه عامله تسمع 
الكلام اللي بينا 
هاديه 
ايوه كده حس بيا بقي اصل بصراحه 
حرام كل الحاجات دي تكون مع وحده متستهلش وفي الوقت ده دخلت ايه 
ايه 
ازيك يا هاديه عامله اي مالك فرحانه ليه 
كده 
هاديه 
مين ايه خير انتي اي اللي جابك هنا اقصد 
يعني غريبه 
ايه 
اصل بصراحه حسيت أن غلط في حق 
فريال وكنت عايزه اروح ليها بس 
بصراحه مسكوفه اروحلها لوحدي 
قولت اجي لأختي حبيبتي 
هاديه 
فريال مش عايزه اعرفك تاني ابعدي 
عنها هي عندها اللي مكفيها 
ايه 
مالك يا هاديه عمرك ما كنتي كده فيه اي 
هاديه 
ابدا مافيش بس أنا بصراحه بقيت بحب 
فريال اوي واي حد هيفكر ياذيها 
انا مش هكست ليه مفهوم ولا لا 
ايه 
تمام يا هاديه وصلت المعلومه برضه 
مش هتقولي اي اللي كان مفرح قلبك 
هاديه 
حاجه مش تخصك وامشي بقي وفعلا مشيت 
وبعدها عادل راح قال ل هاديه 
عادل 
انتي معزومه انهارده عالغدا معانا عندنا 
في البيت 
هاديه 
اللي تشوفه يا استاذ عادل وبعدها 
لقيت عادل جاي هو وماما ومامته وهاديه 
فريال 
اي ده انت عزمت الكل ولا اي انا مش عامله 
اكل الا علي قدنا 
عادل 
انا عارف انك شاطره وبعدين يعني انتي 
قدها وقدود يلا يا قلبي زودي الاكل بعد 
اذنك هدخل اغير 
فريال 
والله حرام عليك اللي بتعمله معايا ده بقولك 
اي يا هاديه تعالي معايا وفي الوقت ده
لقيت عادل خارج يقولي 
عادل 
معلش يا حبيبتي اصل احنا مكناش خلصنا 
شغلنا كله في المكتب وهاديه جايه 
معايا علشان نخلص يلا يا هاديه علي اوضه 
المكتب وطبعا ماما كانت مع حماتي 
ومكنش ينفع اقولها تعالي
اعملي حاجه المهم حاولت افتكر اي 
حاجه من اللي عملتها هاديه امبارح وعملت الاكل 
حماتي 
اي ده هو انتي يا حبيبتي مش معصجه اللحمه 
قبل ما تعملي الجلاش ولا اي 
فريال
 يعني اي مصجه اللحمه اقصد يعني دي 
طريقه جديده يا حماتي قولت اخليكم 
تجربوها 
الام 
حرام عليكي يا بنتي اي الاكل ده معقول 
لحد دلوقتي مش عارفه تعملي صنيه جلاش 
عادل 
واللي اكتر من كده بقي أنها كدابه امبارح كان 
فيه مشكله كبيره بينا علشان خاطر الهانم
بتروق الشقه كل فين وفين لا وقالت 
انها هي اللي عامله الاكل مين اللي كان دعامل 
الاكل امبارح 
فريال 
هو انت جايب الكل علشان تحرجني قدامهم 
فاكر كده انك بتكسرني يا عادل 
عادل 
اكسرك اي انتي عبيطه انتي اللي اتجوزتي 
وبرضه مش عايزه تشيلي مسئوليه بيت 
وزوج اتفضلي يا حماتي ادخلي اوضه 
النوم هتلاقي السرير 
كله هدوم والهانم بتنام في اوضه 
الاطفال علشان مكسله تطبق الغسيل
هاديه 
اظن وجودي هنا مينفعش ولازم امشي 
دلوقتي بعد اذنكم 
عادل 
هاديه انتي كنتي هنا امبارح صح وانتي 
اللي روقتي الشقه مش كده 
هاديه 
بعد اذنكم أنا لازم امشي وفعلا مشيت 
عادل 
شوفتي يا طنط مشغله صحبتها معايا 
علشان خاطر تكون خدامه ليها وفي الوقت ده 
انا كنت مخنوقه اوي ونزلت روحت شقه ماما 
وانا عامله اعيط وبعدها ماما نزلت وحماتي 
واتصل عادل ب هاديه 
هاديه 
انت احرجتني جدا يا استاذ عادل اي اللي 
انت عملته ده معلش 
عادل 
تتجوزني يا هاديه 
يتبع الفصل التالي اضغط على (حضرت فرحي بدون فستان) اضغط على أسم الرواية
reaction:

تعليقات