رواية بدون وجه حق كامله بقلم انجي محمود عبر مدونة كوكب الروايات
رواية بدون وجه حق الفصل الثاني
عادل.في ايه الصوت العالى ده ليه
دارين ببكاء.انا لا يمكن الشخص ده يقعد هنا أنا اتبهدلت يا بابي وعايزه حقي ده ضربني قدام الناس كلها أنا مش قاعده هنا ثانيه واحده بدل ما بتبهدل منه وانت ساكت أنا هروح عند ماما
عادل.وايه تاني عايزه تروحي لإمك اللى سابتك وراحت تتجوز ولا علشان تسيبك على حل شعرك انطقي مافيش خروج من هنا ولو حولتي هقتلك يا دارين فاهمه واللى بتشتميه ده أفضل منك ألف مره كفايه إنه عارف الحدود كويس مش زي الكلاب اللى بتخرجي معاهم
دارين بصدمه.انت مستحيل تكون ابويا أنا همشي من هنا
جذبها عادل من يديها يونس امسك طلعها فوق بنتي شكلها عايز تتربي من أول وجديد
يونس.اتفضلى معايا
دارين.سيبني ابعد عني يا حيوان انت واحد مالكش أهل وماحدش عايزك قاعد عندنا ليه لحد دلوقتي ابعد عني
جذبها يونس داخل الغرفه واغلقها عليها
دارين.افتح الباب هقتلك افتح الباب اه
في غرفه يونس
كان يتذكر كلامها ويشعر بغصه في قلبه من كلامها
دارين.انت قاعد ليه عندنا لدلوقتي امشي من هنا
يونس.انا مش لازم حبي يعميني واحده بتكرهني وتعايرني بأهلى أحبها ليه أنا لازم أنساها واسيب كل حاجه هنا
في الصباح
عادل.يا سعاد سعاد طلعتي الفطار لدارين
سعاد.ايوه يا فندم وكانت لسه نايمه
عادل.ماتطلعش إلا بأوامري فاهمه ويونس فين
سعاد.حاضر ويونس بيه طلع الصبح بدري مش عارفه راح فين
عادل.غريبه اوي إنه يطلع من غير مايقول
سعاد.طب محتاج حاجه تانيه يابيه
عادل.لاروحي انتي وزي ما قولتلك خلى بالك من دارين
يونس.ايوه يا عمر لازم تخلص اللى قلتلك عليه ومش عايز حد يعرف حتي عادل بيه انت عارفه ياريت في أقرب وقت وماتتأخرش سلام
في الشركه
يونس.عادل بيه جوه
نهله.ايوه ومستنيك
خبط يونس على الباب ثم دخل
عادل.ايه يا يونس كنت فين وروحت فين بدري كده
يونس.ابدا يا عمي كنت بزور واحد صحبي جاي من السفر وطلعت علشان اجيبه من المطار
عادل.ومين صاحبك ده أنا أعرفه
يونس.لا يا عمي مش عارفه واحد مش من هنا
عادل.طب تمام كنت عايز اسألك هنعمل ايه في موضوع دارين البنت دي حالها بقي مش عاجبني وخايف ليحصلها حاجه او تطلع لأمها
يونس.والمطلوب يا باشا
عادل.انا مش عارف بسألك انت شوفلى حل
يونس بجمود.المشكله إنك سبتها من صغرها كده فمش يوم وليله هتبقي كويسه ويتصلح حالها واكيد هيحصل حاجه تغير حياتها سواء للأسوا أو الأحلى
دارين.ايوه يا خالد أنا تعبت ومش قادرة استحمل تعال خدني من هنا باي طريقه أنا زهقت وخايفه لبابا يعمل حاجه أكون مش عايزاها أو يغصبني عليها
خالد.يا حبيبتي ماتخافيش أنا قريب أوي واجي أتقدم وتبقي خلاص مراتي
دارين.بجد وأنا مستنياك بس بسرعه علشان مش اقدره استحمل
خالد .اكيد يا ديدا
في المساء
عادل.سعادابعتي لدارين عايزها
يونس.طب عن إذنك هتطلع أنا
عادل.لا انت كمان ليك دخل بالموضوع ده
دارين.نعم طلبتني
عادل.اقعدي علشان عايزك ضروري
أنا جمعتكوا النهارده علشان حاجه مهمه وهي إن حالكوا مش هيتصلح إلا بالجواز فعلشان كده أنا قررت بما إني الوالى عليكوا فأنا الأسبوع الجاي هتبقي خطوبتكوا
يونس.ايه
دارين.انت بتقول ايه أنا عمري ما اتجوز ده أبدا وكمان خالد هيجي يتقدملى قريب
عادل.مين خالد ده كمان
دارين.ابن اونكل ثروت صاحبك وأنا موافقه
كان يونس يسمع ويكبت في نفسه
عادل.امري لله قوليله يجي في أي وقت وأنا أشوفه
ثم تركهم وغادر
دارين.ها انت كنت مصدق إنك تقدر تجوز دارين الرفاعي ده في احلامك
بعد مرور يومان
عمر .ايوه يا يونس الورق جاهز هعدي عليك وتاخده تمام
يونس.تمام
سلمي.مش مصدقه إنك أخيرا هتتخطبي يا دودي خلاص
دارين.ادعي بس بابا يوافق لأن خلاص نفسي أمشي من البيت ده
أما ارن على مامي ابلغها علشان ممكن تيجي
دارين.الو يا مامي عندي ليكي مفأجاه خالد جاي هيتقدم انهارده وأنا موافقه
ميس.مليون مبروك يا روحي بس انتي عارفه مش هقدر اجي علشان المشاكل اللى بينا أنا وباباكي بس أكيد هاجي في الفرح
دارين بحزن.حاضر يا مامي سلام
في المساء
كانت دارين ترتدي فستان أزرق بأذرع طويله وشعرها جعلته ملفوفا مع ميكب خفيف
سعاد.دارين هانم جاهزه
دارين.ايوه يا داده قوليلى شكلي عامل إزاي
سعاد.ماشاء الله زي البدر في تمامه عقبال ما اشوفك أحلى عروسه
دارين.كان نفسي ماما تبقي معايا زي كل البنات اشمعنا أنا
سعاد.يا حبيبتي يا بنتي أنا معاكي أهو وكمان مش هسيبك يلا بقي امسحي دموعك علشان ننزل
في الأسفل كان يجلس عادل وبجواره يونس وفي الجهة المقابله خالد ووالده ثروت ووالدته نهال
ثروت.انا يشرفني يا عادل إني اطلب ايد الاميره منك لابني خالد وانت عارفني اكيد مش هعاملها إلا زي بنتي واكتر
عادل.طبعا عارف وأنا مش هلاقي أحسن منه واحد اسمه في السوق كويس ورجل أعمال كمان بس الرأي في الاخر رأي دارين
دارين.اهلا
نهال.ماشاء الله قمر ده ذوقك طلع روعه يا خالد تعالى اقعدي جمبي هنا يا حبيبتي
عادل.دارين خالد طالب إيدك هتقولى ايه
دارين بفرحه.موافقه يا بابا
عادل بتنهيده متاكده
نظر خالد لثروت
ثروت.ده كلام بردوا أكيد موافقه يلا نقرأ الفاتحه يا راجل
عادل.يلا مبروك يا حبيبتي
في الصباح في الشركه
يونس.متشكر يا صحابي
عمر.متأكد البلد دي أحسن من غيرها
يونس.وانا مالقتش فيها الراحه لازم أدور عن نفسي وارجع وأنا فخور باللى حققته ادعيلى
عمر.ربنا معاك امسك الورق اهو والباسبور والفيزا حولت الفلوس
عادل.ورق ايه وفيزا ايه
يونس.طب اطلع انت يا عمر وهكلمك بعدين
عادل.احكيلى بقالك كام يوم مش على بعضك وقلت أما اسيبك علشان ترتاح في ايه
يونس.هسافر وابعد فتره
عادل.اجازه يعني
يونس.لا اقامه ولازم أمشي بكره
عادل.انت بتقول ايه وهتسيبني لوحدي أنا ماليش غيرك يا ابني
يونس.مش قادر أعيش مش عارف اعيش وأنا مذلول من الناس ومن بنتك
عادل.مش بنتي دي حبي عمرك أنا عارف إنك متأثر بخطوبتها بس ده نصيب وربنا هيعملك الاحسن
يونس.اسف يا عمي لازم امشي علشان اجهز نفسي وهبقي ابعتلك رقمي علشان لو حبيت تتواصل معايا
عادل.روح يا بني أنا مش همنعك بس افتكر ان أنا موجود وقت ما تحب تحكيلى أو تبقي عايزني في حاجه ربنا معاك
اخذه يونس بالحضن وبكي بشده
يونس.سلام
في البيت
عادل.دارين رايحه فين
دارين . رايحه النادي يا بابا عايزه حاجه
عادل.تمام عايزه حاجه
دارين.ميرسي بابا عايزك أسألك سؤال هو يونس فين ماشوفتهوش من امبارح
عادل بحزن.سافر ومش هيرجع هنا تاني
دارين بصدمه.ايه وليه مش هيرجع
عادل.علشانك انتي خسرتي واحد بالدنيا كلها وعمرك ما هتقدري إنك ترجعيه يا دارين الا لما تندمي ندم عمرك
دارين في نفسها.وانا مالى وليه زعلانه ومتاثره كده
في لندن
وصل يونس المطار وركب تاكسي ليصل إلى أحد العمارات
يونس.لازم أنساها وأبدا حياتي اطلعي من دماغي بقي يادارين
help help
مد يونس قدمه فتعثر الحرامي ووقع ثم اخذ يضرب فيه واخذ منه الشنطه
ليليان.Think you
يونس.مافيش حاجه
ليليان.مصري
يونس. بإستغراب ايوه وانتي
ليليان.وانا كمان مصريه لبنانيه والجنسيه اوربيه
يونس.اهلا بيكي أنا يونس البدري
ليليان.وانا ليليان الحديدي وده الكارت بتاعي لو احتاجت أي حاجه أنا موجوده ولازم اشكرك على طريقتي باي
يتبع الفصل التالي اضغط على (رواية بدون وجه حق) اضغط على أسم الرواية
تعليقات
إرسال تعليق