Ads by Google X

القائمة الرئيسية

الصفحات

رواية حنين الليل الفصل الرابع 4 بقلم اميرة رمضان

  رواية حنين الليل بقلم اميرة رمضان 


 رواية حنين الليل الفصل الرابع 4


اهلاااا بالمحروسه اللي هتحط راسنا في الطين وهتجبلنا العااااار

_ نعم ..؟! في اي ي عمي متتكلم  كووويس 

الحربايه قصدي مرات عمي : لاء تعالي ي بت اديلو قلمين منتي بقيتي بجحه 

_ استغفر الله العظيم وانا كنت وجهت ليكي كلااام دلوقتي 

عمي : دايره تتسرمحي في بيوت الرجاله وكمان بتبجحي 

_ رجاله اي لاء بقولككك اي لحد كده وتقف انا استحملتك كتير اوووي لكن هتوصل انك تقول عليا كده مش هسمحلكككككك

عمي : دانا اكسر رقبتك هو عشان ابوكي ميت هتصيعي ولا عشان بقا معاكي شهاده وشغلانه هتشوفي نفسك علينا 

مرات عمي : ده كفايه ان احنا اللي سمحنالك تكملي تعلم لولا عمك كان في ضهرك كان زمانك مبتعرفيش تفكي الخط 

_ مين مين اللي وقف في ضهري  عمي ده اكتر واحد طعني في ضهري وخلينا ساكتين بقااااا

(طبعا مش اول مره عمي يتكلم معايا كده بس المرادي زودها اووي والغريب في الموضوع ان ماما مطلعتش تهدي الموضوع او تدافع عني زي كل مره )

(ولاد عمي طلعو علي صوتنا *ملحوظه اختي الكبيره بسمه متجوزه ياسين ابن عمي ومعاهم  مالك وسليم )

ياسين : في اي صوتكم عالي ليه 

مرات عمي : اسأل البجحه اللي قدامك مش محترمه نفسها وغلطت في ابوك ومبقاش حد يهما 

ياسين  : حنين بجد انتي غلطي في ابويا 

_ انا مغلطش في حد ابوك هو اللي بيقول كلام مش مظبوط 

بسمه : حنين عيب كده ي حبيبتي ده عمك برضو 

مرات عمي : هو انتو تعرفو حاجه عن العيب ده انتو ناس مابتختشوش 

(طبعا انا وقتها جبت اخري منها بس حبيت اغيظها) 

_ انا مش هرد عليكي تعرفي ليه عشان مش مستوايا اني ارد علي وحده زيك

ياسين : حنين عيييب كددده احترمي نفسككك

رديت بعصبيه _ انا محترمه غصب عنكم كلككككككم 

(وفجاء سمعنا صوت خبطه جامده علي الارض دخلنا بسرعه نشوف في اي بمجرد مشفت ماما واقعه علي الارض مغمي عليها حسيت ان روحي اتسحبت مني )

انا بصريخ _ مامااااااا قومي ي مامااااااااا

__________

بعد ساعتين تقريبا واقفين مستنين الدكتور بيكشف عليها 

اتكلمت ببكاء_ بسمه انا خايفه علي ماما اووي 

بسمه بحنان : متقلقيش ي حبيبتي ان شاء الله هتبقي كويسه ماهي لازم تقوم عشانا 

(كل ده ومرات عمي قاعده هتاكلني بعينها الدكتور خرج من الاوضه )

الدكتور بعصبيه : ازاي سبتوها لحد الضغط ما ارتفع عندها كددده 

ياسين: حضرتك هي فجاء اغمي عليها 

الدكتور : ازاي ده الضغط ارتفع عندها وكان هيعملها جلطه 

انهارت زياده في البكاء : اااااي ابوس ايدك ي دكتور بالله عليك مش عايزه ماما يجرالها حاجه 

الدكتور : ربنا يستر بقا احنا بنعمل اللي علينا والباقي علي ربنا ادعولها انتو بس 

 (عدي يومين  وماما محجوزه في المستشفي واصريت ان اختي تروح البيت عشان اولادها وانا اللي اكون مع ماما )

__________

 عند ليل 

ايان : بابا هي ميس حنين مجتش ليه بقالها يومين مش بتاجي 

ليل : لاء  ي حبيبي مش هتاجي بس انا هجبلكم ميس غيرها 

تالين : لاء مليث دعوه انا عايزه ميس حنين عثان انا بحبها وهي احلي ميس في الدنيا دي كلها 

ليل : ده اي الحب ده كلو 

ايان : وانا كمان عايز ميس حنين عشان هي بتجبلي لعب وبتلعب معانا 

ليل : خلاص هكلمها واخليها تاجي امري لله 

______

في المستشفي

سندس : صباح الخيييير 

_ حبيبتي صباح الفل 

سندس : عارفه انك هتموتي من الجوع جبتلك فطار نفطر انا وانتي 

_ لاء مش قادره كلي انتي 

سندس :  معقول انتي حنين ده الاول الناس تصحي تغسل وشها وانتي تصحي علي الاكل مش قادره اي بس ده اي الدلع ده 

_ صدقيني والله مليش نفس 

سندس : مامتك هتبقي كويسه والدكتور طمنا بكده وعمك ومراته دي عادتهم انهم يكلموكي كده زعلانه ليه بقا 

_ انتي عارفه ان مليش غير امي واختي محدش هيحبني قدهم مهما عيلتي وقفت جنبي مش هيعوضو مكانهم لما شفتها واقعه علي الارض كنت هموت وكل ده بسبب عمي والحربايه مراته 

سندس : حنيين بس لحد يسمعك 

رديت بعصبيه _ انا مش خايفه منهم 

سندس : عارفه انك مش خايفه منهم بس خافي علي مامتك هي مش حمل تعب تاني مصدقنا انها بتفوق بالله عليكي طنشي كلامهم وحطي في بالك مامتك وبس

اتنهدت _ ربنا يعدي اليومين دول علي خير واعرف امسك لساني 

سندي: هتعرفي، امال بسمه فين 

_ لسه مجتش هتودي مالك الحضانه وهتجيب لبس وحاجات لماما وهتاجي 

سندس : طب يلا ناكل بقا انا علي لحم بطني

__________

نوح : اي ي عم مش مركز ليه في الشغل 

ليل : برن كتير علي حنين بس التلفون مقفول ومش عارف اوصلها 

نوح بغمزه : حنيين هي الصناره غمزت ولا اي 

ليل : صناره اي ي مت*خلف انت دي بقالها يومين مجتش وايان وتالين واكلين دماغي وعايزينها 

نوح : ومجتش ليه 

ليل : هي قالت انها مش هتاجي تاني زي مقولتلك فعايز اوصلها واتكلم معاها تاجي  للعيال 

نوح :ماهو التلفون اتكسر اخر مره يبقا اكيد مش هتعرف توصلها بتليفون انت متعرفش عنوان بيتها 

ليل : لاء معرفش 

نوح : امال جبتها ازاي 

ليل : واحد اعرفه كانت بتدي لعياله درس وشكر فيها عشان كده خليته يتفق معاها انها تدرس لتالين وايان

نوح : طب اتحلت كلم الراجل ده واعرف منه عنوانها او اي حاجه توصلك ليها 

ليل : وانا مستني لما حضرتك تقول منا كلمته وقالي انها برضو مش بتاجي بقالها يومين ومش معاه غير تلفونها اللي اتكسر 

نوح : اممممممم يظهر ان فيه مشكله مش يمكن ماتت

ليل بلهفه : ياشيخ فال الله ولا فااالك 

نوح بمكر : انت متاكد ان العيال هما اللي عاوزينها 

ليل : نوووح انا دماغي مقلوبه ومش فايقلك 

نوح بتفكير : لقيتهااااا 

ليل : لقيت اي 

نوح : لقيت اللي هيوصلك ليها بس مقابل كده تديني يومين اجازه

ليل ببرود : مش عايز اعرف حاجه وروح كمل شغلك 

نوح برجاء: طب يوم واحد يوم واحد بس 

ليل : قول وانجز 

_________

بليل في المستشفي 

_ بسمه هتعوزي حاجه تاني من تحت 

بسمه : متنساش بس تجيبي بامبرز لسليم عشان دماغي مقلوبه نسيت اجيب وانا جايه 

_ طب جايبه الاكل بتاعه

بسمه : ايوا وجبت كمان تليفون امي هنا عشان ناس كتيره اوي اتصلت 

_ رديتي علي حد 

بسمه : مش كلهم عشان مش فايقه بس معظمهم بيسالو عليكي عشان الحضانه والدروس 

_ صحيح بقالي يومين مرحتش لحد 

بسمه : منا قولتلك روحي شغلك وانا هكون جنبيها 

_ لاء مش هسيبها سلام بقا 

بسمه : خلي بالك من نفسككككك

(نزلت جبت العلاج وطلعت لقيت مرات عمي )

مرات عمي : كنتي فين ي شملوله 

(طنشتها ومشيت جات ورايا )

_ بقولك كنتي فييين تلاقي الصياعه وحشتك ونزلتي تصيعي 

بسمه : ي مرات عمي مينفعش اللي بقوليه ده دي كانت بجيب العلاج 

مرات عمي بسخريه : علااااج انتي هتضحكي علينا ي بت 

عمي جه بسرعه وشدني من الطرحه : بقا بتغفلينا ي بنت ال*** ونازله تقابلي الرجاله ومن بجاحتك جيلك المستشفي 

_ ااااااااه شعرررري وبعدين رجاله مين اللي جايه المستشفي اوعي ايدك ددددددي  

(شد شعري اكتر )

مرات عمي بشماته : تستاهلي اياك يكسر  رقبتك 

بسمه بدموع : ي عمي بالله عليك سيبها حرام عليك 

عمي : ودي تعرف حلال ولا حرام والله لعلمها الادب من اول وجديد 

سمعت صوت غاضب بيقول : عيب علي رجولتك انك تمد ايدك علي بنت بالطريقه دي  (بصيت اشوف مين ده واتصدمت)

_ليل 

يتبع الفصل التالي اضغط على ( رواية حنين الليل) اسم الرواية

reaction:

تعليقات