Ads by Google X

القائمة الرئيسية

الصفحات

رواية حب في جزيرة مجهولة الفصل الثالث 3 بقلم آيات عبد الرحمن

  رواية حب في جزيرة مجهولة بقلم آيات عبد الرحمن 


 رواية حب في جزيرة مجهولة الفصل الثالث 3


كبيرهم وافق ان احنا نعيش معاهم بس بشرط كل ولد موجود يختار بنت يتزوجها يامنهم يامننا لإن رجوعنا بقي شئ مستحيل 

وكمان قال لينا ان هو بقاله 35 سنه عايش في الجزيره دى من وقا ماالسفينه غر"قت بيهم ومافضلش منهم غير 9 وبعدها وقعت طياره ومانجاش منها غير 17 وبعدها سفينه وفضل منها 28 

واحنا نجي مننا 73 يعنى كونا قريه 

في معانا اللي كان متزوج واجبروه يتزوج كمان واحده والبنات كانوا سنجل وكان في شباب لسه من غير زواج كانوا خاطبين فإضطروا ينفذوا الاوامر 

وبالنسبة ليا اتزوجت الشخص اللي انقذنى من الافعي 

تمت مراسم الزواج وسيبتهم وروحت وقفت بعيد غصب عني نزلت دموع كنت فاقده الامل في رجوعنا خلاص هنعيش في غابه سيبت بلدى وكليتى وحياتى عشان كنت مسافره اغير جو ودي اخرتها اتجوز واحد مااعرفوش 

لقيته جه وقعد جنبي وقال هنرجع ان شاء الله بس قولي يارب 

يارب

انا يزن عندى 29 سنه مدير احدى شركات الأدوية الخاصه بوالدى ودكتور في جراحة القلب والأوعية الدموية

واو دكتور كمان وانا قاعده زعلانه وانا اللي كان نفسي اتجوز دكتور جامعه

ها روحتى فين 

هنا انا هنا

هههههه عارف ان انتى هنا اسمك ايه بقي

اسمى حور عندي 23 سنه كلية آداب 

اهلا وسهلا بيكى ياحور اسمك حلو اوى

شكرا

ان شاء الله اول مانرجع هطل"قك عارف ان انتى اتجبرتي علي كدا بس هما قصدهم يحافظوا علي قريتهم مش اكتر

اكيد هو لسه في حد بيحافظ علي بلده بالشكل ده

ايوه مش كل الناس بقيت وح"شه ولا كلهم حلوين في اللي محافظ علي بيته ونفسه واسرته وفي اللي سايب اهل بيته كل واحد فيهم في وادى ولما يغل"طوا يلوموهم ويعا"قبوهم مع ان لو رجعوا لنفسهم هيلاقوا ان الغ"لط منهم هما مش من ولادهم

بصيت ليه وسكت وحسيت ان كلامه موجه ليا

ايه مالك هو انا قولت حاجه غ"لط

لا ابدا عندك حق في كل كلمه قولتها

طب يلا قومي عشان نبني بيتنا

ننننبنيه اززاى يعنى لا مش هاجي معاك

بص ليا بإستغراب

عارف ان انتى مو"جوعه بس كل اللي طالبه منك تقعدى وانا هعمل كل حاجه

انت بتقول ايه انا بنت محترمه ومستحيل اغل"ط 

هههههه لا انا قصدى هنصنع بيت نعيش فيه اومال هنعيش في الشارع مثلا

اهاااااا مش تقول كدا من الاول

بص بإستغراب وضحك ضحكه خطفت قلبي من مكانه وقال طب قومى يلا معايا عشان تشجعينى 

روحت معاه وبدء يجمع اشجار ويقطعها كويس كنت بحاول اقوم عشان اساعده لكن هو كان بيرفض 

بنى بيتنا وبدء في جمع البذور وزرعها قدام البيت وعمل عليها زى سور كدا كان بيهتم بالزرع اوى كان بيصنع حاجات من الخشب لزينة البيت كان بيتنا بجد تحفه فنيه الكل كان بينبهر بيه عشت معاه سنه في البيت دا كان فعلا حنية العالم موجوده فيه 

حبيته حب مفيش بنت حبيته لحبيبها كانت اسعد ايامى السنه اللي عيشتها معاه دى بعدها اكتشفت ان حااااااااااامل في الشهر الثالث كنت فرحانه اوى عشان هكون ام وعشان هيكون عندى اولاد من يزن 

مر كم شهر ويوسف وحبيبه شرفوا علي الدنيا 

كنت عايشه معاهم في سعاده كان من رابع المستحيلات احلم بيها 

وفي يوم طلعنا نمشي شويه وبدءنا نتكلم ونحلم بمستقبلنا 

مع ولادنا بعد خروجه تج"نن رجعنا بيتنا وقعدنا علي سلم البيت ابتسمت ونمت علي كتفه النوم غلبني وصحيت علي صوت المنبه 

بفتح عيوني لقيتنى لسه نايمه في بيتنا وعلي سريري وماما بتنادى عليا عشان الفطار جاهز 

قومت مفز"وعه وانا مش مصدقه ان دا كان حلم كل حاجه انا كنت حاسه بيها معاه مستحيل يطلع حلم قعدت علي الارض ودموعي بقيت زى الشلال علي خدى لبست وروحت الجامعه من غير فطار طول الوقت سرحانه وبدور عليه في وش كل الناس لحد ما خلصت المحاضره وخرجت من الجامعه وماشيه خبطت في شخص مش تحا ماكملتش الكلمه وابتسمت بدموع 

معقول يزن


يتبع الفصل التالي اضغط على ( رواية حب في جزيرة مجهولة ) اسم الرواية

reaction:

تعليقات