القائمة الرئيسية

الصفحات

رواية انت ام هو الفصل الثالث 3 بقلم لوجين جمال

 رواية انت ام هو الفصل الثالث 

رواية انت ام هو الفصل الثالث 


- هيام !!
• هشام ؟!!
- إنتوا كويسين؟
• أه الحمد لله
- أنا اسف والله مخدتش بالي إنه انتوا
• يعني لو كان حد تاني كنت خبطته عادي؟
- مش قصدي والله طب إيه انتوا رايحين فين؟
• راجعة شقتي.. كنت عند بسمة
- طب يلا اركبوا
• نركب فين؟
- هوصلكوا
• توصلنا فين يا هشام؟ عن اذنك
- استني طيب... وقرب من وعد ومد ايده شالها وعد صرخت وعيطت بصوت عالي وفضلت تضـ رب فيه
لاحظت إنه إنصدم وعينيه دمعت اخدت البنت وقلتله عن إذنك ومشينا
رحت شقتي وأكلت وعد ونيمتها وجيت انام لقيت رسالة على تليفوني بإسم هشام..
استغربت، هشام مبعتليش ولا مرة من يوم ما اتطلقنا
فتحت الماسدج لقيته كاتبلي "هيام هي وعد بتكرهني؟"
شفت الماسدج ومعرفتش أرد .. هو جاي يسأل بعد إيه؟

عدى يومين كنت بروح فيهم الشغل وبدور لوعد على حضانة اسيبها فيها وانا في الشغل وبرغم اني كنت مشغولة دماغي مبطلتش تفكير في اللي هشام قاله.. أنا لسة بحبه، وأظن إن وعد صعبت عليه وممكن نرجع لبعض

بعد تعب وتدوير على حضانة استقريت على الحضانة اللي بسمة كانت بتودي سند ليها وهو صغير، هي جنب بيتها... مسافة كبيرة شوية بس مش مشكلة عايزة ابقى متطمنة على وعد وأنا في الشغل..
في يوم كنت راجعة من الشغل وبجيب وعد من الحضانة اتفاجئت بالميس بتقولي ان وعد ضر بت ولد بالكرسي على ضهره جامد جريت عليها واتفاجئت لما شفت محمد شايل سيف وسيف بيعيط !!

- هو في إيه؟
لقيت سيف بصلي وفلت من ايد محمد وجري عليا حضني وقالي وهو بيعيط: في بنت ضربـ تني بالكرسي يا هيام
بصتله بصدمة وبعدين شاورت لوعد ورجعت بصتله تاني: هي دي؟
- اه هي
• انت مش فاكرها؟
- لا هو انا عارفها اصلا؟
• دي وعد صاحبتك إنت وسند
- بس انا مشفتهاش قبل كده
• لا شفتها لما جيت تاكل معانا وقعدنا نهزر
- اه صح افتكرتها
بصيت لوعد: كده يا وعد برضه؟ إزاي تضـ ربي صحابك؟
- مكنتش اعرف انه صاحب سند
• وهو لازم يبقى صاحب سند عشان نتعامل معاه باحترام؟ يلا اعتذريله وتعالي نشتريله حاجة حلوة عشان نصالحه
قربت وعد منه وطبطبت على كتفه: أنا اسفة يا سيف أنا بحبك ومش هزعلك تاني
ضحكت انا ومحمد على كلامها الطفولي البريئ وبصينا لبعض وبعدين ادتلها فلوس تجيب حاجات حلوة ليها ولسيف وراحوا يجيبوا سوا
- أنا آسفة على اللي وعد عملته هي أول مرة تيجي الحضانة هنا ولسة مش واخدة على انها تبقى لوحدها
اتكلم بضحك: لا عادي ولا يهمك حصل خير
- بتضحك على ايه؟
• اصل وعد غير أخوها تماما أخوها برغم إنه ولد لكن هادي ومش بتاع مشاكل انما وعد من أول مشافت سيف مسكت في خنـ اقة
- وعد مش أخت سند.. وعد بنتي، وسند ابن أختي
بصلي باستغراب: بنتك !
- أه ... بنتي، عن إذنك
كانت وعد وسيف رجعوا اخدت وعد وسلمت على سيف وقلت سلام عليكم ومشيت

كل يوم كنت بروح أخد وعد من الحضانة وبشوفه وهو بياخد سيف ساعات كنا بنبص لبعض وبنبتسم وساعات مكناش بنبص لبعض أصلا لحد ما في يوم كنت مخلصة شغلي وطالعة على الحضانة لقيت رقم غريب بيتصل عليا مردتش في الأول بس اتصل كذا مرة فرديت
- السلام عليكم
• وعليكم السلام مين معايا؟
- أنا محمد .. جاركم
• محمد؟ وجبت رقمي إزاي بقي؟
- وعد ادتهولي
• طب خير في حاجة؟
- كنت بستأذنك يعني لو هتروحي تجيبي وعد تجيبي سيف وتقعديه معاكوا عشان أنا مش في البيت
• هو تمام مفيش مشكلة بس أنا اصلا مش راجعة على شقة أختي
- هو انتي مشيتي صح؟
• اه
- انا بقول برضه مبقتش اشوفك ليه
• احم... طب أنا هقفل عشان الحق اروح اجيبهم
- لا لا خلاص متغيريش وجهتك أنا هخلص وهجيب سيف
• يا عم خلاص مفيش مشاكل هرجعه البيت وبالمرة هعدي على اختي اسلم عليها
- ماشي.. متشكر أوي
• يلا سلام
قفلت معاه ورحت الحضانة خدتهم وطلعنا على بيت بسمة دخلت الولاد وسلمت على بسمة وسند وسبت الولاد يلعبوا ورنيت على محمد قلتله اننا وصلنا قالي انه خمس دقايق ويجي ناديت لسيف وقلتله يلا عشان تروح بيتك
- خالو جه؟
• خالو مين؟
- خالو محمد
• هو محمد خالك؟؟
- اه
مش عارفة ليه حسيت براحة لما قالي كده.. كنت فاكرة ان سيف ابنه،، الله؟ طب وانا مالي حتى لو كان ابنه؟ نفضت كل الافكار من دماغي وقلتله اه وخليت سند يوصله ونزلت انا ووعد عشان نرجع شقتنا لسة بفتح باب العمارة لقيت قدامي
هشام: مين محمد يا هيام؟



يتبع الفصل التالي اضغط هنا 

الفهرس يحتوي على جميع فصول الرواية "رواية انت ام هو" اضغط على اسم الرواية 


reaction:

تعليقات