القائمة الرئيسية

الصفحات

رواية حب مستحيل الفصل السادس عشر 16بقلم سارة اللومي

   رواية حب مستحيل بقلم سارة اللومي 


 رواية حب مستحيل الفصل السادس عشر 16


فضلت ابص عليهم قاعدين يهزروا و غصب عني نزلت مني دمعة و انا  باسترجع موقف مشابه

Flash

كان عندي 11 سنة كنت قاعدة انا و  أحمد  اخوي بنلعب  سوا  في الحوش و بغني أنشودة على فلسطين ، ده حتى كلماتها لسة فاكراها من كثر الضرب اللي اكلته بسببها 😥😂

مكنتش عارفة ان ابوي رجع بكري من الشغل عشان ياخذ اوراق . 

فجأة سمعناه  دخل و اول ما جدتي شافته بقت تتكلم بعلو صوتها : ااااادي اللي كان ناقص!؟؟  بيت السيد  قلب كاباريه هو غلي الدم في عروقه، اتجمدنا انا و أحمد في اماكننا ما دريناش الا  و هو ماسك الحزام  و قام نازل ضرب في أحمد افتكره هو اللي بيغني انا ما قدرتش اتكلم من الخضة و جدتي قالت له سيب الواد هتموته ملكش غير راجل واحد وسط البنات دي مقصوفة الرقبة اللي كانت بتغني مش هو.

بس بابا ما وقفش قال له بتسيبها تغني قدامك  و ما تكسرلهاش بوقها !  بأربي  راجل انا ولا خيال مقشة !! و انتي يا كلبة  بقى ليكي صوت و بيطلع و كمان بيغني!! فضل يضرب فينا احنا الإثنين لحد ما جثتنا اتهرت و في الاخر جاب حبل و ربطنا احنا الإثنين جنب بعض مع عمود قالهم اي حد هيفكهم حسابه معاي ،  أمي مكانتش في البيت ساعتها

اول ما طلع   راحت جدتي فاكة أحمد و مطبطبة عليه ، و فضلت انا طول اليوم مربوطة، حتى الضرب اللي كنت اكلته ما وجعنيش زي ما وجعتني نظرات  الشماتة من عيون جدتي و عمتي،  من ساعتها ما طلعليش صوت تاني في بيتنا، لا غناء و لا غيره.

Back

كنت سرحانة في ذكرياتي المرة و قطع شرودي صوت البنات و هوما داخلين 

- أنتم رجعتو بدري من عند جدتكم مش من عوايدكم 

- لا ما احنا خلصنا شغل و لقينا محمد طالع قال لنا اوصلكم !

بصينا كلنا لقينا ناحية الباب لقينا محمد راجع من تاني ،

انا ما استحملتش الموقف كنت هاضحك خلاص قدام الكل دخلت انا و حياة جري عالاوضة  

ابوه اتفاجأ : هو انت مش روحت تشتغل مالك رجعت جري كدة ده انت ما كملتش ساعة على بعضيها!! 

- لا ما هو انا روحت  اتفقت معاه ان هو هيشتغل الأسبوع ده عني و انا هبقى اشتغل  بدله الأسبوع الجاي اصلي تعبان شوية.

- اسبوع جاي ايه اللي هتشتغله انت اتجننت يا محمد ؟ انت ناسي أنه فرحك الأسبوع اللي بعديه؟ ولا هنأجر راجل تاني يشوف طلبات البيت و اخواتك و تحضيرات الفرح  بدالك؟

- عادي يا حج من هنا الأسبوع الجاي يفرجها ربنا...


يتبع الفصل التالي اضغط على ( رواية حب مستحيل ) اسم الرواية

reaction:

تعليقات