القائمة الرئيسية

الصفحات

رواية حنين الليل الفصل العاشر 10بقلم اميرة رمضان

  رواية حنين الليل بقلم اميرة رمضان 


 رواية حنين الليل الفصل العاشر 10


_ اان انت هنا من ايمتي 😳

ليل بغمزه: من اول  احنا عرسان وانهارده ليله فرحنا

اتكسفت بس توهت الموضوع : وهي بترن عليك لييه بقا هو مش حضرتك طلقتها وبقيت راجل متجوز دلوقتي اي بقا الشغل ده 

ليل : اسميها غيره ولا تحقيق 

_ لا غيره ولا تحقيق انا هتخمد ومش عايزه حد يصحيني 

ليل : هو انتي مش واخده بالك ان انهارده فرحنا ولا اي 

_ لاء مش واخده بالي واحمد ربنا اني هنام معاك في نفس الاوضه عشان محدش يقول عليك سوسن 

ليل بغضب : مين ده اللي سوسن 

_ اي ده مش انت اللي لسه قايل من شويه 

ليل محبش يضغط عليها : ماشي نامي 

_ انت روح نام علي الكنبه عشان هنام علي السرير 

ليل : امممم طب بصي بقا عشان نبقا علي نور ده سريري ودي اوضتي وانتي بقيتي شريكتي فيهم دلوقتي يعني ليكي زيك زي بظبط والسرير ده لينا احنا الاتنين عايزه تنامي جنبي اهلا وسهلا مش عايزه الكنبه هناك اهي نامي براحتك 

تصبحي علي خير (ورقد علي السرير )

_ اه يابن ال

ليل : بتقولي اااااي 

_ وانت من اهلووو

#بقلمي_اميره_رمضان

(ونمت علي الكنبه وانا جوايا مليون شعور مختلف وفجاء النور اتقفل )

_ ي مامااااااا افتح افتح النور بسرررررعه 

ليل اتخض وفتح النور بسرعه : في ااااي 

رديت بعصبيه : انت قفلت النور لييه 

ليل : نعم ؟! عشان هنام انا مبعرفش انام وفي نور شغال 

_ وانا مش بعرف انا والنور  مطفي 

ليل : يحلااااوه طب والحل اي بقا دلوقتي 

رديت باستفزاز : هو مش إحنا شركاء في كل حاجه في الاوضه انا هشغل الاباجوره دي وانتي اطفي التانيه 

ليل بصلي بغضب 

قولت ببرود : عدل ربنااا

(نام وهو متعصب وحط المخده علي وشه وانا ضحكت عليه عشان عصبيته ونمت انا كمان)

_______

جاسمن كانت قاعده متضايقه من كلام حنين وتليفونها رن 

سالي : يلا ي بنتي انا مستنياك قدام البيت 

جاسمن : طالعه 

(طلعت وركبت معاها العربيه )

سالي : اي ي جاسي مالك 

جاسمن : مكنتش متخيله انه بيتكلم بجد وانه فعلا اتجوز 

سالي :امممم ي بنتي انسيي بقاااا وخليكي في حياتك هشام كلمني وعايز يرجعلك 

جاسمن : لاء مش عايزاه ولا عايزه اسمع سيرته ده واطي كان متجوز عليا بس مخبي ولما كشفته انكر الكداااب انا زهقت منهم كللللهم 

بس كله كوم وليل ده كوم تاني وهرجعو ليا يعني هرجعو 

سالي : فكك ي قلبي احنا عايزين نسهر عشان ننسي الهموم دي يلا عشان هنخربها  

جاسمن : يلاااااا

(وطلعو علي اماكن محرمه وشربو فيها من محرمات الله)

وقت الفجر جاسمن رجعت البيت مش في وعيها اوي 

جاسمن:دادااااا

الداده سندتها وطلعتها اوضتها ونزلت 

عزت : جاسي جات 

الداده : ايوا ي بيه وطلعت اوضتها 

عزت بغضب : انا مش عارف هتفوق ايمتي لشغل هتفضل مستهتره كددده انا لازم اعاقبها واسحب منها مفاتيح العربيه يومين عشان تركز في الشغل        (لاء راجل اوووي 🙄)

#بقلمي_اميره_رمضان

_________

سمعت صوت اذان الفجر صحيت كلعاده اتوضيت وصليت ودعيت ربنا كتير اوووي انه يصلح حالي وينور بصيرتي ويقويني 

خلصت صلاه وكان ليل نايم طلعت اشوف العيال 

فتحت الباب كان ايان صاحي  قلقت ليكون فيه حاجه 

_ ايااان حبيبي صاحي ليه مالك 

ابتسم لما شافني : تعالي ي ميس 

_ انت تعبان 

ايان : لاء انا بصحي كل يوم كده 

_ اه طب بتعمل اي 

ايان : مش بعمل بفضل صاحي كده وقاعد لحد مروح الحضانه 

_ راجل شاطر زيك بيصحي في الوقت ده مش بتصلي ليه 

ايان باستغراب : اصلي ؟!

_ اه نسيت اني في تل ابيب متعرفوش حاجه عن الصلاه طب اي رايك نصلي مع بعض 

ايان : انا ساعات كنت بشوف الناس بتصلي في التلفزيون فعارف يعني اي صلاه 

_ احنا بقا هنصلي زيهم اي رايك نصحي تالين تصلي معانا 

ايان ماشي (تالين صحت )

_ يلا ي لولو قومي صلي معانا عشان الشاطر اللي هيصلي علطول انا هعمله كل حاجه نفسه فيها 

ايان وتالين : كل حاجه كل حاجه  #بقلمي_اميره_رمضان

_ اه (فرحو اوي وعلمتهم يتوضو ازاي ويصلو ازاي مع العلم هما حافظين في الحضانه بعض السور القرانيه الصغيره) 

_______

سوسن : قوم ي ميلت بختي الساعه داخله علي 10 

سيد : في اي ي وليه سيبيني انام 

سوسن : لاء بقواك اي انا معرفتش انام طول الليل من اللي بنت اخوك عملته فينا بقا تقطع الشيك في وشنا اشوفها متقطعه علي الطريق 

سيد : طب والله ما هخليها تطول حاجه من الارض وهاخد انا كل الورث 

سوسن بشر : وهي الارض دي هتاجي اي في اللي هي عايشه فيه دي عايشه في بيت زي القصر وجوزها شريك في الشركه ده غير العربيه والفلوس اللي عندو وفي الاخر تقولي ارض 

سيد : طب هنعمل اي 

سوسن : احنا هنفضل نلف وندور حوليهم كتير لحد منكبش شويه من الفلوس اللي عندهم 

سيد : هتسرقي ي وليه

سوسن : سرقتة اااي انا هاخد من قدام عنيها زي مقطعت الشيك قدام عنيناا بس الصبر حلو 

#بقلمي_اميره_رمضان

________

ليل نايم وفجاء تالين وايان دخلو بسرعه 

باباااااااااا

ليل بخضه : في ااااي

انا ضحكت علي شكلو : متقلقش مفيش حاجه بس احنا كده هنتاخر 

ليل باستغراب : هنتاخر علي اي وبعدين اي اللي انتو لابسينه ده 

_ هنتاخر علي صلاه الجمعه انت نسيت ان انهارده الجمعه ولا اي ولابسين اسدال انا وتالين وانت وايان هتلبسو جلبيه 

ليل : هوانتي شيفاني مقطع السجاده صلاه بقولك مش بركعها وبعدين احنا لسه عرسان جداد نطلع ازاي 

اتكلمت بصوت واطي : عيب كده العيال جاهزين وفرحانين بيك وعايزين يصلو معاك وانت تقول مش هتروح مش هينفع يلا  قوم

وبعدين هو احنا عشان متجوزين مش هنصلي ده حاجه حلوه نبدء بيها حياتنا قوووم بقااااا  

ليل : بتحطيني قدام الامر الواقع ماااشي  

(قام متعصب  وانا جريت من قدامه انا والعيال عشان ميولعش فينا دخل الحمام واحنا استنينا برا )

#بقلمي_اميره_رمضان

_ متفكرش اني هسيبك كده من غير صلاه ان مخلتكش انت من نفسك كده تصلي مبقاش انا 

(بعد شويه اخد دش ونده عليا )

حنييييييييين 

_ جااااايه 

دخلت وكنت واقفه بعيد عشان ميضربنيش  : خير

اتكلم بضيق : بتتوضو ازاي 

(ماحبتش احرجه واقوله انت مش بتعرف ولا اخلي ايان هو اللي يعرفه عشان ميتحرجش اكتر )

_ هات موبايلك بس كده 

(فتحته وجبت عليه فديو تعليم الوضوء )

ليل : مش عايز فديو بقولك علميني انتي

_ طب ماهو الفديو واضح 

ليل بنفاذ صبر : هتعلميني ولا اروح انام 

(وقفت جنب الحوض وبدءت اقوله يتوضأ ازاي وخلص وطلعنا من الحمام )

_ ليل قول روايا الدعاء ده 

بصلي باستغراب وانا طنشته وقولت 

_( اشهد ان لا اله الا الله واشهد ان محمد عبده ورسوله اللهم اجعلني من التوابين واجعلني من المتطهرين )

قال ورايا وخلصنا 

_ علفكرا الدعاء ده له فضل كبير جدااجدااا بعد الوضوء ربنا بيتقبل توبتك بيغفرلك ذنوبك ويجعلك من المتطهرين 

#بقلمي_اميره_رمضان

ليل كان ساكت بس علامه الرضاء علي وشه 

 فتح الدولاب وطلع لبس 

_ انت بتعمل اااي 

ليل :هغير 

_لاء انت هتلبس الجلبيه دي صلاه جمعه ومعظم الناس بيلبسو كده يلاااا انا هستانك برا 

جهزنا ورحنا صلينا وانا فرحانه اووووي اني خليته صلي 

رجعنا اتغدينا 

_ ليل بكرا ان شاء الله ماماواختي واصحابي جايين يباركولنا 

ليل بعدم اهتمام: ياجو براحتهم انا كده كده طول اليوم هكون برا 

_ نعاااام هتروح فين 

ليل : الشغل 

_ شغل اي احنا لسه عرسان جداد والناس اللي هتاجي دي هقابلهم بطولي لاء طبعا خليك اليومين دول في البيت 

ليل : لاء  انا مش بأجل شغلي عشان اي حاجه انا طالع انام عشان بكرا اليوم هيبقا طويل 

_ مااااشي ي ليل هتشوف هتروح الشغل ازاااي #بقلمي_اميره_رمضان

______

في الكافيه 

نوح : كده الشغل هيبقا تمام مستر ليل هياجي بكرا الشركه وهنوثق كل حاجه 

مدير الشركه التانيه : تمام مستر نوح وانا هبعت ناس متخصصين زي مقولتلك هيتابعو الشغل مع حضرتك 

نوح : اتفقنا 

وكلم ليل عرفه كل حاجه 

_______

تاني يوم 

ليل صحي ملقيش حنين جنبيه 

ليل : راحت فين دي علي الصبح 

دخل الحمام خد دش وطلع فتح الدولاب اتصدم 

= اي ده هدومي راحت فييين ي حنيييييييين 

حنيييييييييييين 

_ اااااااي بتنادي في غيط عاااايز اي وبصيت عليه _ استغفر الله العظيم ي اخي استر نفسككك عيب كده 

(كان لابس شورت وحاطت الفوطه علي كتفه )

ليل بغضب: اللبس اللي كان هنا فيييين 

_ طب وانت متضايق كده ليه اللبس في الغساله 

ليل بعصبيه : نعااااام كل الهدوم غي الغساله !!!!

_ اي الهدوم كانت عليها تراب قولت اغسلها وبعدين مش حطاهم كلهم مره وحده بس حاطاهم في مايه يتنقعو الاول 

ليل بعصبيه اكتر : غسلتي كل الهدوووووم 

_ كل الهدوم اي بس يعني هسيبك كده من غير حاجه عندك بنطلون وتيشرت بنص كوم  البسهم بقا 

ليل بغضب :  عايزاني اروح الشركه بتيشرت بنص كوم عايزه تضيعي هيبتي وسط المواظفين 

_ هو التيشرت ده كان جوز امك مالك متضايف منه كده ليييه 

ليل بغضب : دانا هطلع روحك في ايدي دلوقتي 

_ يختاااااااااي الحقووووني 

#بقلمي_اميره_رمضان

دخلت تالين وايان 

قولت بضحك _ شفتو ابوكم بيعمل فيا اي عايز يموتني 

تالين : لاء ي بابا متموتش ميس حنين دي حبيبتي 

ليل : والله (وبصلي وقال ):عملتي كل ده عشان اقعد ومرحش الشغل مااااشي انا هتصرف 

(مسك التليفون اتصل يطلب اوردر لبس )

قولت بسخريه : عشنا وشوفنا اللبس بقا يطلب بالتليفون 

ليل بنفاذ صبر: غوري من وشي عشان مموتكيش دلوقتي 

(نزلت تحت بسرعه وانا مش قادره احكيلكم علي المتعه اللي عايشاها وانا شيفاه متعصب بس والله مش هخليك تروح الشغل برضو  ) 

طلعت عند عم صبري البواب 

صباح الخير 

عم صبري : صباح الفل ي بنتي 

_ امممم سمعت من تالين ان ابنك هيخطب قريب صحيح 

عم صبري : ايوا صح ي بنتي خطوبته  انهارده

_ الف مبروك ليه وربنا يتمملو علي خير ده ليل لما عرف كده اصر انه يجبله بدله للخطوبه مخصوص

 #بقلمي_اميره_رمضان

عم صبري : بتتكلمي جد 

_ اه بتكلم جد والبدله خلاص علي وصول اهي خدها واطلع علي البيت علطول فرح ابنك بيها وخد انهارده اجازه عشان الخطوبه وتعالي بكرا بقا 

عم صبري : انا مش عارف اقولك اي ي بنتي والله انتي والبيه ربنا يسعدكم ويريح بالكم ويهدي سركم 

_ تسلم ي راجل ي طيب (البدله وصلت واستلمتها واديتها لعم صبري ومشي دخلت وانا طايره من الفرحه )

ليل واقف هيولع 

ليل : هي اتاخرت كده ليييييه 

_ اهدي شويه الغايب حجته معاه 

ليل : حجه اي وبعدين انتي تسكتي خااالص بعد اللي عملتيه 

قولت في بالي : امال لو عرفت موضوع البدله هتعمل اي 

#بقلمي_اميره_رمضان

(مسك التليفون بعصبيه ورن عليهم وقالوله ان البدله وصلت والمدام استلمتها )

_ يولاد الفتانه

ليل بصلي بهدوء يسبق العاصفه : انتي استلمتي البدله 

بلعت ريقي بصعوبه وقولت : اه 

ليل بانفعال : امااااال هي فيييين شيفاني بلف حوالين نفسي من الصبح وانتي مستلماها هي فييييييين 

اتكلمت بصعوبه : م م مش هنا 

ليل : نعم..؟! امال فين 

_ اديتها لعم صبري 

ليل باستغراب : ادتيها لعم صبري ليه بصي انا مش هضيع وقتي معاك اكتر من كده انا رايح اجيبها 

وقفت علي الباب عشان اكون مستعده للجري وقولت بسرعه : منا اديتها لعم صبري يديها لابنو حرااام انهارده خطوبته وادتلو كمان انهارده اجازه 

ليل انفجر في الغضب : بتقووووووووووولي ااااااااااااي   


يتبع الفصل التالي اضغط على ( رواية حنين الليل) اسم الرواية

reaction:

تعليقات