رواية فتاة أوقعت قلبي بقلم سماح عزت
رواية فتاة أوقعت قلبي الفصل الثامن 8
نور: انا بحذرك تفكر تلعب بيها
فهد: لا دا انتي عايشه الدور اوي مش معنى اني كلمتها كلمه يبقى الموضوع كبير ودخل في لعب والحاجات الهبله دي.. يا إما انتي شايفه حاجه من ناحيتها
نور: لا ده انت عبيط بقا حاجه من ناحيتها ايه هي تعرفك احنا لسه اول مره نشوفك النهاردة
فهد وهو يشد خصله من شعرها: لا بصي ياشاطره مش معنى اني بحميكوا اني هقبل اني اتهزق عادي كده لا فوقي معايا كده وبلاش تستفزيني
"في نفس الوقت ريم كانت خارجه وشافت اللي حصل ورفعت أيدها وضربته بالقلم"
ريم: انت ازاي تكلمها كده وازاي تتجرأ وتمد ايدك عليها
فهد بصدمه: هتندمي على اللي انتي عملتيه ده
ريم: انت اللي هتندم لو قررت اللي عملته تاني.... يلا يا نور ندخل جوا وانا هيبقى ليا تصرف تاني لما نرجع
فهد بزعيق: ده إن رجعتوا
ريم بتحدي: بمعنى
بهاء وهو يحاول أن يهدئ الوضع: يقصد أنه مش هنقدر نرجعكوا قبل ما اللواء يبلغنا لان لو رجعناكوا قبل ما يبلغنا ساعتها هتحصلنا مشكلة
ريم: تمام يلا يانور عشان انا تعبانه وعايزه انام شويه
"عند ريم ونور"
ريم: نور متزعليش
نور: ازعل ايه ده انتي ادتيله قلم خماسي الابعاد هههههههههههه
ريم: طب ايه رايك انا عندي خطه حلوه
نور: قولي ايه هيا
ريم:احنا نهرب من هنا ولما نرجع طبعا هتحصل ليه مشكله انتي سمعتي بهاء قال ايه
نور: مش كنتي معجبه بيه من شويه
ريم بثقه: ولسه معجبه بس ده ميدوش الحق أنه يتمادى ويشدك من شعرك
نور وهي تضحك : هو مشدش شعري جامد هو يعتبر كان ماسكه بس
ريم: ولو لازم يعرف احنا مين
نور: طب هننفذ المهمه دي وقتيه وازاي احنا في غابه
ريم: بكره أما بالنسبة لازاي سيبيها عليا
في الصباح
ريم بصوت واطي: نووور قومي يانوور يلا بقا اصحي
نور: ايه في ايه
ريم: هو ايه اللي فيه ايه يلا نعمل اللي اتفقنا عليه
نور بنعاس: دلوقتي خليها كمان شويه احنا لسه الصبح بدري
ريم: هو انا بقولك يلا نتمشى قومي بقا
نور: يوووه يلا هغسل وشي بس
"وذهبت ريم ومعها نور وهم يمشون نفس الطريق اللي أتوا منه"
نور بقلق: ريم انتي متاكده أن احنا ماشين في نفس الطريق
ريم: يابنتي انا مفيش زي يحفظ الطريق يلا امشي معايا انتي بس ومتقلقيش
نور بصدمه: ريم مين ده
ريم: معرفش بس ده معاه مسدس
نور: انا حاسه اني شوفته قبل كده وشه مش غريب عليا
ريم :احنا لازم نستخبى لانه ممكن يكون من عصابة الصقر اللي توفيق قال عليها
نور: يلا بسرعه
"يمشي بتروي وكأنه خائف أن يراه فهد فيدفنه مكانه"
سعد بشر: لازم اخلص عليك يا فهد وبعد ما اقتلك هشوف انا بقا حور اصل وحشتني اووي
بهاء: فهد قوم البنات مش موجودين
فهد: ايه ازاي ده حصل
بهاء: مش عارف انا راحت عليا نومه ولما صحيت لاقيت بابهم مفتوح ولما روحت ابص عليهم ملقيتهمش
فهد: انت نايم بقالك قد ايه
بهاء: انا غفلت من نص ساعه بس
فهد: يبقا اكيد ملحقوش يطلعوا بره الغابه يلا بسرعه ندور عليهم
سعد بصوت واطي: هاا حبيبي يافهد طالع تقابلني قلب الاخ بقا
فهد: بهاء انت امشي من هنا وانا هروح من الطريق ده
سعد: هتوحشني ياحبيبي
"صوت طلقة الرصاص ملئت المكان"
نور بخوف: هاا ايه ده
ريم بخوف: مش عارفه يمكن توفيق شاف الراجل
نور: بس توفيق لو شافه يبقى جاي ناحيتنا
ريم: لازم نلحق نهرب
بهاء وهو يصرخ: فهههههد
ريم: فهد
نور: ريم احنا لازم نرجع
ريم بقلق: يلا
سعد: كويس انك كنت بعيد عن البيت عشان اروح للحلوه
" سعد عند البيت"
سعد: ازاي انا مش لاقيها بس انا شوفت فهد وهو لابس ظابط وخد حور ومعاها بنت كمان... مش وقت تفكير انا لازم اهرب عشان بهاء ميشوفنيش
بهاء: فهد ازاي ده حصل
فهد بتعب: بسيطه دي في الكتف
بهاء ببكاء: لازم ناخدك لدكتور
فهد: دكتور ايه بس انت دور على البنات وبعدين نعرف نتصرف في الرصاصه
بهاء: انا ميهمنيش البنات انا يهمني اخويا يهمني انت يافهد ولازم نمشي عشان نروح لدكتور
فهد: البنات كده حياتهم في خطر لأن اللي ضرب عليا نار ممكن ياذيهم لو شافهم
ريم: احممم احنا هنا
فهد بتعب: رجعتوا ليه.
نور: لما سمعنا بهاء وهو بيصرخ باسمك قلقنا وقولنا نرجع عشان اكيد الرصاصه دي جت فيك
ريم: وظننا طلع في محله
فهد: خوفتوا يعني اللي ضربني يشوفكوا فقلتوا تيجوا عشان نحميكوا
ريم: احنا نعرف نحمي نفسنا كويس بس الرصاصه لو فضلت في جسمك كتير هيحصلك تسمم
فهد: مش فاهم ايه دخل الرصاصه في رجعكوا
نور: ريم في كلية طب وهتعرف تخرج ليك الرصاصه
ريم برفعة حاجب: يعني حياتك بين أيدي
فهد بتعب وضحكة سخريه: ده حتة رصاصه في الكتف لان اكيد اللي ضربها جبان وبيخاف مني
ريم: هدي العجرفه بتاعتك دي شويه
بهاء: عجرفه!!!
ريم: بهاء قومه معايا عشان ندخله جوا يرتاح
فهد وهو يحاول أن يقوم: بعرف اقوم لوحد..ااااااه
ريم: امسكه معايا يا بهاء وانت متحاولش تضغط على دراعك لان ده هيتعبك
"في البيت"
ريم: بهاء عايزين نار
بهاء: اعمل ايه يعني
نور: يعني زي ما بيحصل في الافلام ولع خشب
بهاء: ايه فيه ايه ما في بوتجاز جوه اولعه اسهل
ريم : خلاص هنسخن سكين على البوتجاز عشان نعقمها
بهاء: ما احنا ممكن نعقمها في الميكروويف
نور: هو انتو عندكوا هنا ميكرويف
بهاء: اه
ريم: انتوا على كده قاعدين هنا علطول
فهد بزعيق: انت هتحكوا مش لسه من شويه بتقولي الرصاصه تعملي تسمم
ريم: اااه طب يلا بسرعه
ريم: طب وعلى كده الاقي عندكم بنج أو مخدر
فهد: لا ماهو انتي مش جايه تحققي طلباتك عندنا
ريم: خلاص اهو اتكلنا على الله
"
ريم وهي تخرج الرصاصه"
ريم: امسك نفسك هي هتوجعك شويه عشان مفيش بن...
فهد وهو يصرخ : اااااااااااااااااااه
وبعدها بدء يعرق وظهر عليه التعب ونام
ريم: نور ادخلي انتي نامي وانا هفضل جنبه هنا
بهاء: ادخلي انتي يا انسه ريم وانا هفضل معاه
ريم: لا ريح انت كمان شويه انت منمتش وبعدين لازم افضل انا عشان لو تعب ولا حاجه
" عند أحمد"
الجد عبدالله: معرفتش حاجه عنهم
احمد: احنا بنراجع الكاميرات اللي كانت على الطريق بس في بعض الطرق مش عليها كاميرات بس متقلقش احنا هنوصله قريب
يتبع الفصل التالي: اضغط هنا
الفهرس يحتوي على جميع فصول الرواية كاملة: " رواية فتاة أوقعت قلبي" اضغط على أسم الرواية
تعليقات
إرسال تعليق