رواية قلبي لك وحدك بقلم مريم محمد
رواية قلبي لك وحدك الفصل الخامس و العشرون 25
زياد:انا مش عاوز خطوبة والجو ده، أنا عاوز اتجوز على آخر الأسبوع بالكتير أوي
سليم :وانت عاوزني اروح أقول للناس اني هجوزك بنتهم وهما لسة
عارفينك من يومين
زياد:وهما هيلاقوا حد في أدبي وحلاوتي وجمالي، وخفة دمي واحترامي اصلاً
سليم:لسة في تاني؟
زياد:طبعاً في كتير بس انا مبعدش،
هو انت شاكك فيا ولا إيه
سليم:انا اقدر أشك فيك، ده أنت خارق مشوفتش ولا هشوف زيك
زياد:ما أنا عارف...... المهم اتصرف يلا عاوز اتجوز آخر الأسبوع ده
سليم:وانا كمان هيكون فرحي آخر الأسبوع
زياد:ألف مبروك يا صاحبي
سليم:اللّٰه يبارك فيك
زياد:عقبا.... انت قولت إيه؟؟!!... فرحك ازاي يعني..... فرحك على مين
سليم:هيكون على مين يعني يا زياد.
أكيد عشق
زياد:ده اللي هو ازاي بقى؟
سليم:إيه أول مرة تشوف حد هيتجوز
زياد:لأ هو انا أول مرة أشوف حد متجوز بيتجوز مراته
سليم:أنا فعلاً اتجوزت عشق بس معملتلهاش فرح ولا أي حاجة من دي..... هي بنت وأكيد كانت بتحلم باليوم ده زي كل البنات، وأنا مش عاوز احرمها من الفرحة دي، وعشان كدة هعمل فرح لينا آخر الأسبوع يوم عيد ميلادها
زياد:وهي عارفة الكلام ده؟
سليم:لأ هخليها مفاجأة
زياد:خلاص يبقى تتصرف وتقنع أهل ليلي عشان اتجوز معاك
سليم:اديني سبب واحد يخليني اساعدك واعمل كدة علشانك
زياد:هفطر ف بيتي ومش هضايقك
ومش هنطلك كل شوية، ده مش سبب
سليم:معاك حق أعتبر الموضوع ده خلصان وجهز نفسك يا عريس
زياد:هو انت مش ناوي تخرج الدكتور اللي إسمه مجدي ده.... كفاية بقى حرام عليك
سليم:ماشي خليهم يخرجوه...... أنا فرحان ومش هضايق نفسي بسببه
زياد:وإية اللي مفرحك يا أخويا؟
سليم:عشق حامل
زياد:أنت بتهزر ولا بتتكلم جد
سليم:واللّٰه ما بهزر
زياد وهو يحضن سليم بفرحة:ألف مبروك يا حبيبي، أنت تستاهل كل خير يتربى في عزك
سليم:الله يبارك فيك......عقبالك يا صاحبي
زياد:إن شاء اللّٰه...... الواد ده أول ما يجي أنا اللي هربيه وأعلمه الأدب
سليم :مش لما أنت تتربي وتتعلم الأدب الأول
زياد:ما انا هخليه نسخة مني
سليم:هو انا طايقك أساساً......عملت إيه في موضوع الورق اللي هيتقدم للمحكمة
زياد:متقلقش كل حاجة تمام....أنا جبت الورق اللي يثبت إن عمك عثمان هو اللي ورا شغل الماف"يا
مش عمي حلمي
سليم:طب وقضية القت*ل
زياد:مفيهاش حاجة دي معروفة انها دفاع عن النفس، وكمان عثمان هو اللي كان رافع على مراتك وأبوك السلا*ح، وعمي حلمي عمل كدة دفاع عن النفس وكل الكلام ده كان قدام الظابط اللي كان معايا....... متقلقش كل حاجة متظبطة وهيخرج من أول جلسة ان شاء الله
سليم:يارب يا زياد....انا مش عارف اقولك إيه مع إنك رخم وتاعبني بس جدع......ربنا يخليك ليا يا صاحبي
زياد:يا ابني انت اخويا ومستعد أمو'ت علشانك وكمان اعيش واقرفك يا حبيبي
سليم:أمشي يا زياد
زياد:لأ انا مستني البسبوسة لو وراك حاجة امشي انت
سليم:أنا هكلم أهل خطيبتك دلوقتي
واقنعهم لإني بجد مش قادر استحملك أكتر من كدة
زياد:شكراً يا صاحبي.......أنت هتحضر جلسة المحكمة صح
سليم:أكيد طبعاً وهيخرج إن شاء الله، وهيحضر الفرح كمان
زياد:أنا بجد مبسوط أوي لأن علاقتك مع عمي حلمي رجعت تاني
سليم:عمري ما كنت اتخيل إن اليوم ده يجي..... بس من ساعة ما عشق دخلت حياتي وهي غيرت كل حاجة
زياد:ربنا يخليكوا لبعض يا صاحبي
أنا همشي سلام
سليم:والبسبوسة
زياد بضحك:خليهالك انا مبحبش أكون تقيل على حد
سليم:لأ ما انا عارف من غير ما تقول
مر الأسبوع وخرج حلمي والد سليم من السج'ن
وجاء موعد زفاف زياد وليلي، وسليم وعشق ويصادف يوم عيد ميلاد عشق
سليم:في إيه يا حبيبتي مالك؟... سرحانة في إيه
عشق:سليم هو انت مش فاكر حاجة
سليم:حاجة زي إيه
عشق:يعني النهاردة يوم عادي ولا مميز
سليم:طبعاً مميز هو في احلى من اليوم ده
عشق:أيوة ليه بقى مميز؟
سليم:لأن النهاردة فرح صاحب عمري وأخويا زياد.... أكيد لازم يكون مميز
عشق:ماشي خلاص
سليم:انتي مش هتروحي لليلي ولا إيه..... دي مستنياكي من بدري
عشق:عارفة إنها مستنياني أنا ماشية اصلاً....ومن غير سلام كمان
سليم بضحك:خلاص براحتك من غير سلام
ليلي:عشششششق
عشق:إيه؟!... في إيه مالك يا ليلي بتزعقي كدة ليه
ليلي:انا بقالي ساعة بنادي عليكي
إيه سرحانة في إيه
عشق:مفيش
ليلي:هو إيه اللي مفيش انتي مش شايفة نفسك.. إيه اللي مزعلك
عشق:سليم مش فاكر عيد ميلادي
يا ليلي
ليلي:وانتي قولتيله قبل كدة تاريخ عيد ميلادك
عشق:لأ بس هو المعروف يعرف
ليلي:خلاص متزعليش نفسك وانسى الموضوع... قوليلي بقى إيه رأيك ف الفستان ده
عشق:اللّٰه جميل أوي يا ليلي.....بس ده مش فستانك
ليلي:ما أنا عارفة ده فستان شوفته
هنا وعجبني..... وقولت لازم أشوفه عليكي
عشق:وانا هلبسه ليه
ليلي:جربيه يا عشق عشان خاطري
نفسي أشوفه عليكي
عشق:بس.......
ليلى:مفيش بس يلا إدخلي إلبسيه
عشق:حاضر
لبلي:اللّٰه أكبر عليكي انتي جميلة أوي يا عشق بصراحة انا خايفة احسدك
عشق:مش للدرجادي يا ليلي الفستان هو اللي حلو
ليلي:هو فعلاً حلو بس عليكي يجنن
دلوقتي دور الميك أب
عشق:ميك اب إيه.....لأ انا مش هحط حاجة إلا لما أغير الفستان ده
والبس فستاني
ليلي:لما تحطي الميك اب ابقى غيري الفستان براحتك......يلا عشان أنا عاوز أشوفك بالفستان ده مع الميك اب
عشق:يا ليلي إحنا كدة هنتأخر
ليلي:متخافيش مش هنتأخر ولا حاجة اقعدي انتي بس
عشق:طيب....أنا مش عارفة مين العروسة فينا....إيه اللي انتي عملتيه فيا ده لسة هغير هدومي تاني حرام عليكي يا ليلي
ليلي:اسكتي بقى وبصي على نفسك شوية في المرايا هتلاقي قمر واقف
ربنا يحميكي يا قلبي
عشق:انا هدخل اغير الفستان ده قبل ما سليم يجي
الباب بيخبط
ليلي:دول أكيد زياد وسليم
عشق:هعمل أنا إيه دلوقتي أنا لسة عايزة اغير هدومي
دخل زياد وسليم بعدما اذنت لهم ليلي بالدخول..... وفي يد كلا منهما
بوكيه ورد ووقف كل واحد أمام زوجته
زياد:إيه يا واد القمر ده
ليلي:شكراً
زياد:شكراً إيه هو انا بعزمك على الغدا.... ده انا بعاكسك
ليلي:وكمان بتقولها ف وشي
زياد:أنا جوزك على فكرة
ليلي:و إيه يعني جوزي برضو مينفعش تعاكسني
زياد:هو اللي بعمله ف سليم هيطلع عليا ولا إيه
ليلي:هو الورد ده ليا انا
زياد:لأ لعم صابر البواب أصل النهاردة عيد ميلاده
ليلي:ظريف أوي انت يا زياد
زياد:هو انتي لسة شوفتي حاجة......خدي يا اختي الورد ده خلينا نمشي بلاش قرف
ليلي:بيئة أوي
زياد:سمعتك على فكرة
ليلي:قاصدة إنك تسمع على فكرة
سليم:إيه ده؟؟!!
عشق:اقسم بالله العظيم يا سليم ليلي هي اللي لبستني كدة وانا قولتلها إننا هنتأخر بس هي مسمعتش الكلام وانا وافقت عشان هي متزعلش أنت عارف النهاردة فرحها وأنا مش عاوزة ازعلها... بص اديني خمس دقايق وأنا هلبس على طول والله
سليم:تلبسي إيه بس ده انتي تجنني
انا مش عارف هخليكي تخرجي كدة ازاي.... الكل هيفضل يبصلك
عشق:أنا مش فاهمة حاجة
سليم:يلا بس نخرج عشان اتأخرنا وابقى افهمي براحتك بعدين
عشق:أنا هخرج ازاي كدة.... ده أنا عاملة زي العروسة بالظبط
سليم:انتي فعلاً عروسة والنهاردة فرحك يا قلب سليم
عشق:................
سليم:ريحي دماغك دي من التفكير شوية ويلا نمشي وهتفهمي كل حاجة بس يلا
ذهبوا جميعاً إلى قاعة الزفاف وكان حلمي في انتظارهم يشرف على باقي التجهيزات
وأخذ كل واحد عروسته للرقص
زياد:مالك في إيه؟
ليلي:مفيش
زياد:ازاي مفيش إحنا من أول ما بدأنا نرقص وانتي مضايقة
ليلي:اصلي كنت عايزة أعرف ومعرفتش
زياد:إيه هو اللي كنتِ عايزة تعرفيه
ليلي:دايمًا ف الأفراح كنت بشوف العريس والعروسة وهما بيرقصوا سلو بيضحكوا جامد ويفضلوا يتكلموا...... وانا كنت همو'ت واعرف
بيقولوا ايه وقولت لما اتجوز هعرف
واتجوزت اهو ولسة برضو معرفتش
زياد:يعني انتي اتجوزتيني عشان تعرفي العريس والعروسة بيقولوا إيه
ليلي :أيوة
زياد:.............
ليلي:انت ساكت ليه
زياد:ده فعلاً ذنب سليم... انتِ شكلك هتربيني من أول وجديد
ليلي:انت لسة شوفت حاجة
زياد:ربنا يستر
عشق:مالك يا سليم
سليم:انا عاوز امشي
عشق:عاوز تمشي ازاي.....هو مش انت اللي محضر لكل ده
سليم:أيوة أنا
عشق:طب عايز تمشي ليه
سليم:انتي مش شايفة الكل بيبص عليكي ازاي
عشق:أكيد لازم يبصوا عليا
سليم:وده ليه ان شاء الله
عشق:عشان انا العروسة
سليم:انتي عاوزة تعصبيني صح
عشق:انت متعصب لوحدك
سليم:خلاص يا عشق خلي اليوم ده يعدي على خير بدل ما اضر'ب حد دلوقتي
عشق:خلاص قلبك ابيض هسكت
****بعد مرور سبع سنوات ****
عشق بعصبية:انتي بتضحكي عليا يا ليلي
ليلي:انتي مش شايفة نفسك متعصبة ازاي وبصراحة منظرك يضحك.....وبعدين في واحدة في الدنيا تزعل انها حامل
عشق:أنا حاسة إني بقيت أرنبة
ليلي:حاسة إيه انتِ فعلاً أرنبة...بعني جبتي حلمي وملك الأول وبعد كدة مالك وبعد كدة سليم الصغير وعشق الصغيرة وبعد كدة أدهم ودلوقتي حامل اهو.. ف انتِ أكيد أرنبة يا حبيبتي
عشق:اتريقي عليا أوي وبعدين انتِ مش خسرانة حاجة مش عندك غير تلاتة
ليلي:دول حلوين أوي وكفاية كمان.
هو سليم لسة عاوز يجيب تاني
عشق:سليم لو يقدر كان زماني دلوقتي عندي خمسين
ليلي بضحك:ربنا يخليكوا لبعض
"عند سليم وعشق"
سليم:حاسس إن في حد بيجيب ف سيرتي.......مالك يا عشق زعلانة ليه
عشق:مفيش هو في حاجة أزعل منها
سليم:انتي لسة مضايقة من موضوع الحمل
عشق:مش موضوع مضايقة يا سليم
بس كفاية كدة
سليم بضحك:أنا متفق على عشرة مليش دعوة انتِ دلوقتي جبتيلي ستة وحامل ف واحد يبقى سبعة
يبقي انا فاضي عندك تلاتة
عشق:انت بتهزر والنبي كفاية يا سليم عشان خاطري
سليم:موافق بس بشرط
عشق:إيه هو
سليم:هنيافر أنا وانتِ اسبوع كدة
عشق:مش هينفع عشان الولاد
سليم:يا حبيبتي دادة أحلام موجودة وكمان في بدل المربية اتنين وكمان بابا موجود ولا إيه يا بابا
حلمي:اتحايل عليا شوية وبعد كدة هفكر أوافق
سليم:اخبارك ايه مع دادة أحلام
حلمي:احم... يا بنتي اسمعي كلام جوزك وإحنا موجودين مع الولاد متخافيش
سليم؛ جدع يا حاج... هاا قولتي إيه يا حبيبتي
عشق:موافقة
"عند زياد وليلي"
ليلي:زياد
زياد:نعم
ليلي:هو انت بتحبيني؟
زياد:نعم يا اختي؟
ليلي:أنا مش بهزر
زياد:اومال اتجوزتك ليه
ليلي:معرفش
زياد:بصي يا حبيبتي متحاوليش تقارني علاقتنا بحد تاني، انا مش سليم وانتِ مش عشق
ليلي:مش قصدي حاجة والله بس...
زياد:عارف يا حبيبتي والله بس انا عاوز اقولك إني بحبك جداً، وبعدين إحنا مش زي سليم وعشق هما حاجة وإحنا حاجة تانية خالص
ليلي:ازاي يعني مش فاهمة؟
زياد:يعني يا حبيبتي سليم لما بيرفع صوته على عشق هي بتعيط وبتزعل
أما انا امبارح قولتلك فين العشا خرجتيلي ب مفتاح الأنبوبة وكنتي هتفتح'ي دماغي 😂
ليلي:اومال عاوزني اسكتلك ولا إيه
زياد:شوفتي عرفتي بقى إننا مميزين وعاملين زي أبو دومة وأبو جبل ف البيت 😂
ليلي:أنت صح أنا أساساً مليش في الحاجات دي
زياد:علشان كدة أنا كاتب ف القايمة
ربنا يجعلها آخر الأحزان كتبتها بعد النيش
عشق:سليم انت بطلت تحبني
سليم:وانا اقدر يا نور عيني ده انتِ الخير والبركة يا روح قلبي
عشق:أنت بتهتم بالولاد اكتر مني
سليم:آسف يا قلب سليم وروح سليم وعيون سليم أنا كلي ملكك يا
روحي
عشق:وأنا بحبك أوي يا حبيبي
سليم:وانا بعشقك ياقلب سليم
يتبع الفصل التالي: اضغط هنا
الفهرس يحتوي على جميع فصول الرواية كاملة: "رواية قلبي لك وحدك " اضغط على أسم الرواية
تعليقات
إرسال تعليق