رواية فتاة أوقعت قلبي بقلم سماح عزت
رواية فتاة أوقعت قلبي الفصل السادس عشر 16
نور:مفيش يا جدو
الجد عبدالله: ريم في ايه
ريم: نور كانت عايزاني اتابع حالة الصقر وانا رافضه
الجد عبدالله: طب وبالنسبه ل هتتجوزي اللي تتجوزيه
ريم: اصل هي مش عايزاني اتجوز عامر
نور: هاااااااا
الجد عبدالله: ليه بقا يا نور ماله عامر
ريم: يا جدو هي قصدها اني افكر في الموضوع كويس واخد راحتي
الجد عبدالله: نور عندها حق
ريم: بس انا موافقه يا جدو على عامر واتمنى الجواز يكون في اقرب وقت
نور: بس ياريم
الجد عبدالله: في ايه يا نور بداتي تخليني اشك فيكي
نور: تشك فيا انا...... انا يا جدو
الجد عبدالله: اه بدأت أشك أن في حاجه مخبياها
نور: طب تصدق يا جدو انا كنت بعاندها بس .... انا اصلا موافقه على عامر
طب تعرف .....أنا بعمل خطط عشان الجواز ده
الجد عبدالله: خطط ايه
نور: خطه للشبكه والحنه والفرح لشهر العسل
الجد عبدالله: انا ماشي ربنا يهديكوا
نور: كنتي هتفضحينا
ريم: تفضحي نفسك انا مليش دخل باللي انتي بتقوليه ده
نور: انا غلطانه ...... تعرفي انتي صح لازم تنسي فهد وانا كمان هخليه ينساكي
ريم: انا اصلا مش عايزه افتكره وهو هينساني ملكيش دعوه وابعدي عنه
نور: بس هو عاجبني وعايزاه وهشغله بيا
ريم: انتي اتجننتي
نور: حاجه زي كده سلام
نور وهي تمسك الهاتف في غرفتها
نور: الوو...احمد
احمد: ايه حصل حاجه
نور: ريم منشفة دماغها دي كانت قريت تبعني لجدو
احمد: هههههههههههه
نور: انت بتضحك عليا
احمد: ما انتي بتقولي كلام غريب برضوا هو ايه اللي كانت هتبيعك
نور: كانت هتعرف جدوا اني بقولها تتجوز فهد
احمد: انتي قولتلها تتجوز فهد
نور: اه
احمد: هي دي الخطط بتاعتك اللي كنتي عماله تشكري فيها
نور: هي وحشه ولا ايه
احمد: لا وحشه ايه ....دي وحشه جدا
نور: يووووه خلاص انا مش هساعدك تاني
احمد: طب خلاص متبقيش قماصه
ريم انا عارف دماغها وعارف أنها مشكلتها جدك وان فهد الصقر
نور: جبت التايهه انت كده
احمد: اسمعيني للآخر
نور: امم قول
احمد: ريم مش هتوافق عشان فهد جرحها بما انها حبته وحتى لو عايزه توافق هتخاف من ردة فعل جدك وهو ابن عدوه اللدود غير ان فهد الفتره اللي اشتغلها مع أبوه معرفوش يمسكو عليه حاجه لان دماغ فهد حلوه وخططه حلوه مش زيك
نور: تصدق انا غلطانه اني سمعتك
احمد: هههههههههههه خلاص متزعليش
نور: طب انا هقفل
احمد: استني
نور: ايه
احمد: لو عايزه خطه بجد تعالي قابليني بكره في المكان اللي بنقعد فيه
نور: مكان ايه هو انا فاكره حاجه اصلا انا من الاول قولت انك غبي
احمد: اييييييييه بسسسسسس اهدي انا قصدي المكان اللي بقعد فيه انا والشباب وكده
نور: وانت عايز تقعدني مع الشباب
احمد: لا بقولك ايه انا مش هستحمل اكلمك اكتر من كده انا هبعتلك لوكيشن سلام
نور: يابني...... قفل طب سلام
تاني يوم
الجد عبدالله: ريم جهزي نفسك عشان عامر جاي ياخدك تروحوا تتغدو بره
نور:😂😂😂😂😂
ريم: ايه اللي بيضحك
نور: ولا حاجه بس ابقي خدي ماسك الحليب معاكي 😂😂😂
ريم : لا والله
بعد شويه من الوقت
ريم: جدو انا ماشيه عامر جه بره
الجد عبدالله: تمام يا حبيبتي خدي بالك من نفسك
نور: ريم نسيت اقولك
ريم: ايه
نور: متنسيش تاخدي معاكي طماطم ولبن عشان لو حبيتوا تعملوا ماسك ولا حاجه
ريم: بقولك ايه انا على اخري
نور: وهو حد قالك وافقي على ناصع البياض ده
ريم: يووووه انا ماشيه
نور: طب براحه على نفسك
في الخارج
ريم وهي ماشيه عشان تروح تركب في العربيه اتكعبلت ووقعت وشنطتها خبطت في باب العربيه ونزل عامر بسرعه وبيمد أيده ناحية ريم
ريم وهو تمد يدها له : انا كويسه محصلش حاجه
عامر وهو يشاور بيده وترك ريم وينظر لباب السياره: خبطتي العربيه انتي عارفه العربيه دي ماما جايبهالي هديه في عيد ميلادي
ريم وهي تقوم وتنفض ملابسها: انت نازل تطمن على باب العربيه مش عليا
عامر: يعني انتي هيحصلك ايه .... انتي اللي خبطاها
ريم: هو انا جبت حجر طوب وحدفته في الباب انا وقعت
عامر: حصل خير محصلش حاجه للعربيه
ريم : 😳😳😳😳 انت بتهزر صح
نور: 😂😂😂😂مبيهزرش كده يا وحشه تخبطي عربية عامر اللي مامته جايباها ليه هديه
ريم: نور لمي نفسك
نور: ازيك يا عامر
عامر: مش كويس بعد خبطة العربيه دي
نور: حقك طبعا تزعل...... ايه ده
عامر: في ايه
نور: ايه اللي في وشك ده
عامر وهو يضع يده على وجهه: ايه
نور: في هالات تحت عينك ..... انت مشربتش اللبن بتاعك صح
عامر وهو ينظر في مرآة السيارة: لا شربته
هي الهالات باينه اووي كده
نور: اووووووووووي
عامر: طب اعمل ايه انا بشرب اللبن ويعمل ماسكات
نور: قولتلك ياريم خدي ماسك ولا اتنين لعامر بس انتي رفضتي
عامر: ماسكات ايه دي
نور: دي ماسكات تفتيح تحب اجبلك منها
ريم: 😳😳 لا طبعا
عامر: لا ليه هاتيلي منها
نور: عينيا حاضر انا اصلا جايبالك اهم
عامر: والنتيجه بتزهر بعد قد ايه
نور: بص هي نتيجتها غريبه شويه
عامر: قوليلي ازاي
ريم: بلاش يا عامر
عامر: انتي عايزاني ابقى بهتان واسمر زيك ولا هالاتي تبقى زي هالاتك
ريم: طب بلاش نور خد ماسكات من حد تاني
.
عامر: اسكتي انتي....... انتي مش شايفه بشرة نور عامله ازاي نضره كده وبيضه وحلوه
نور:😂😂😂😂😂
عامر: ها قولي بقا مالها النتيجه
نور: اول حاجه هيبدأ يطلع في وشك حبوب...وهتلاقي وشك بدأ يظهر عليه سواد وبهتان بشره استعمله لمده شهر بس وبعد كده هتبقى عسب
عامر: انا بدآت أخاف
نور: لا متخفش انت هتبقى كويس
هو انت هتاخد اول شهر بس وبعد كده بطله وادعيلي
عامر: انا وشي هيفضل كده لمدة شهر
نور: تستحمل شهر ولا العمر كله
وعلى فكره انا بستخدمه بيخلي وشي تعبان بس بعد شهر هتظهر النتيجه انت شايف وشي صافي ازاي اهو
عامر: اه فعلا صافي عن ريم بكتير
وشك لا يوجد به شائبه
نور: يلا يا ريم امشي مع خطيبك عشان تلحقوا تتغدوا
ريم: ماشي لما ارجعلك بس
نور بضحك: مع السلامه في أمانة الله
بعد شويه
احمد: نور هتيجي وهنشوف هنعمل ايه
ايهاب: واحنا هندخل نور في الموضوع ليه
احمد: عشان هي بنت عم ريم وهتقدر توصلنا كل معلومه
مراد: اللي يشوفنا واحنا متجمعين كده يقول إن بنخطط ازاي نمسك مجرم كبير
ايهاب: وحشتني قعدتنا دي من زمان
احمد: أن شاء الله مش هنقاطع بعض مهما حصل
ايهاب ومراد في نفس واحد: يارب
نور من بعيد وهي تشاور ليهم: هاااااي
مراد: اهلا حبيبتي وصلت وحشتني
احمد: في ايه يا عم ما تلم نفسك
ايهاب: تعرف الكام يوم اللي قعدتهم مع نور يا مراد
مراد : مالهم
ايهاب: خلوني وقعت في حبها
مراد: هي اصلا تتحب علطول
ايهاب: كله كوم وشعرها كوم تاني
مراد: آه طويييييل تعرف انا بحب الشعر الطويل اووي
ايهاب: شوف ناعم ازاي زبده زبده
احمد: في ايه ياعم منك ليه ما تلمو نفسكوا
مراد: ايه اللي مزعلك يا عم دي حور مش نور
ايهاب وهو يضع رجل على الاخرى: وبعدين انت مش قولت انك باعتبار نور اختك وانك برضوا هتعتبر حور كده عشان مش شايفها غير بوش نور
احمد وهو يتعصب: غيرت كلامي يا اخي انت مالك
مراد: لا غيرت كلامك ازاي ده انا بحلم بيها وباليوم اللي هشوفها لابسه الفستان الابيض وأمسك أيدها وانزلها من على السلم وانكجها و..
احمد بعصبية وهو يمسك مراد من ياقته: وايه...
مراد بضحك: واسلمهالك يا زميلي
احمد: ايوه كده لموا نفسكوا
ايهاب: هو غير كلامه لك نانا لسه
احمد لسه بيمسك ايهاب
نور: في ايه مالكوا هتضربوا بعض ولا ايه
ايهاب: خايفه عليا صح
نور: لا خاف مني
احمد: 😂😂😂😂 شكلك وحش
ايهاب: كل حاجه منها حلوه
نور: من امتى وانت طري كده ما تسترجل شويه
مراد: اوبااااااا
ايهاب: انا غلطان اني بهزر معاكي
نور: خد بس متزعلش هسميك قموصه
ايهاب: انا اتهزأت يا مراد صح
مراد: اووي
ايهاب: طب انا ماشي
نور: طب خلاص
ايهاب: عشان خاطرك بس
نور:لا نا بقولك طب خلاص مع السلامه
ايهاب: انا ماشي
احمد وهو يضحك: اقعد بقا يا ايهاب نور بتهزر معاك
ايهاب وهو يمثل الحزن: لا مش قاعد
نور: انت جايب واحد قماص عشان نحل مشكلة فهد وريم
احمد:😂😂😂😂 خلاص بقا يا نور سيبي الولد في حاله
نور: عشان خاطرك بس
ايهاب: لا والله كتر خيرك
احمد: نور هي ريم ممكن تعمل ايه وهي متعصبه
نور: لا بتعمل كتير
احمد: بتاخد القرارات ازاي
نور: القرار اللي فيه تحدي بتاخده
احمد: كده فل اووي
نور: ايه اللي فل
احمد: هقولك ........................
مراد: فهد بقا عشان يتحول ويفكر بشر لازم نقوله.....
عند فهد في المستشفى
احمد: فهد نور عايزه تقولك حاجه
فهد : بعدين بس خدني البيت عايز اروح
احمد: لو روحت هتيجي على بيتي
فهد: بس
احمد: من غير بس
فهد: طب قولي يا نور في ايه
نور: الموضوع أن ريم وافقت على الجواز من واحد كان متقدملها
فهد: كنت حاسس انها مش هتسامحني
نور: لا هي قالتلي انك مش فارق معاها اصلا وأنها كانت بتضحك عليك عشان ترجعها البيت وتسمع كلامها
احمد: كفايه يا نور فهد تعبان
فهد: كملي يا نور
نور: وقالتلي أنها هتروح تشهد انك كنت خاطفنا عشان تخش السجن ومتطلعش منه طول عمرك
مراد: خلاص يا نور
نور: خلاص ايه مش لازم أقوله أنها بتقول انها بتكرهه وأنها شايفاه انسان ضعيف وأنه مفيش فرق بينه وبين الحمار
ايهاب: حمار
نور: ايوه تقصد يعني أنه بيشيل ويعمل اللي يتقاله وخلاص وأنه مبيعملش غير اللي أبوه بيطلبه منه زي الحمار بيشيل وينفذ الكلام وبس
ايهاب: انتي هتعرفيلي الحمار
نور: مش أنت اللي سالت
ايهاب: لا انا استغربت ازاي تقول كده على فهد أنه حمار يعني
نور: ده قالت اكتر من كده
ايهاب: كمان .... دي كان باين عليها طيبه
نور: قولتلها إن فهد بيحبك وان هممكن يبوظلك الفرح قالتلي مين ده هو ميقدرش يعتب الفرح اصلا عشان يقدر يبوظه
فهد: هي قالت كل ده
نور: واكتر والله بس محرجه اقولك
فهد: انا هخليها تندم على اليوم اللي شافتني فيه وفرحها اللي هي فرحانه بيه ده مش هيتم
نور: لا يا فهد انا بقولك كده بس عشان تنساها
فهد: لما ابوظ حياتها وادمر فرحها ساعتها هنساها
يتبع الفصل التالي: اضغط هنا
الفهرس يحتوي على جميع فصول الرواية كاملة: " رواية فتاة أوقعت قلبي" اضغط على أسم الرواية
تعليقات
إرسال تعليق