رواية غرام اليوسف الفصل الخامس
رواية غرام اليوسف الفصل الخامس
]
🌙 صلوا على مُحمد🌙
~~~~~~~~~~~~~
- وبعدين معاكي ياغرام يابنتي من امبارح وانتِ ع الحال دا مخرجتيش من الاوضه
- متقلقيش عليا يماما انا هبقا كويسه
لقينا الباب خبط قامت ماما تفتح وانا غرقت في افكاري
- ممكن ادخل
- تعالي يا منه
اتعدلت في قعدتي وهي قعدت جنبي على السرير وطبطبت عليا
- انا عارفه إنك مضايقه لو مش فيها تطفل ممكن اعرف إيه اللي الحصل
بابتسامة- تطفل إيه يابنتي مش احنا صحاب ولا ايه
- طيب احكيلي يلا كُلي آذان صاغية
اتنهدت بحزن- يوسف عايز يطلقني
بصدمه- يطلقك!!!!!؟؟ ليه؟
عيطت- بسببي كل حاجه بسببي
- اهدي كده واحكيلي وهنلاقي حل إن شاء الله
- كنت مفكره إن مشاكلنا بدأت من ساعة ظهور كريم وإن يوسف بيضايق من وجود كريم بس عشان غبيه عمري ما فسرتها إنها غيره
بس كنت غلطانه كنت غلطانه اوي طلعت انا السبب يا منه تخيلي كان بيهتم بكل تفاصيلي كل حاجه، ومكنش بيفوت لحظه غير لما يحسسني فيها بحبه، كان بيهتم بأهلي كأنهم اهله ،
عمري ما توقعت اني بحبه كدا انا غبيه غبيه غبيه
- عشان كدا كنتِ بتبكي امبارح
-اممممم
Flash.....
بدموع- عايزنا نتطلق يا يوسف
- اه يا غرام ومتقلقيش هقولهم انا اللي عايز ومش هقول اسباب
فضلت ساكته وبعيط لقيته قلع الدبله وبص ليا وانا عماله اهز راسي بالرفض
- لا لا لا لا بلاش يا يوسف
- خلاص يا غرام كل حاجه انتهت
حط الدبله في أيدي ونزل وسابني وانا بقيت اعيط بصوت عالي قومت مسحت دموعي ونزلت اول ماوصلت
لقيت حاجه غريبه
منه ماسكه الشبشب عايزه تضرب كريم وكريم واقف ورا يوسف بيتحامي فيه؟!!!!!
أول مانزلت عندهم بصيت ليوسف والدموع في عيوني
لقيته بصلي بحزن وزق كريم ومشي
Back.........
- دا اللي حصل لحد ماشفتكم انتِ وكريم بتتخانقو
- امممم متقلقيش مادام لسه مطلقكيش يبقا الأمل لسه موجود
- يارب انا بعترف لنفسي إني بحبه والله ومش هقدر اسيبه
طبطبت عليا وابتسمت
-ودكتور يوسف بيحبك والله وهيرجع
- طيب احكيلي انتِ كمان عنك انتِ وكريم
- ها لأ بلاش
- والله ازعل لو ماحكيتي
- لأ وانا مقدرش على زعلك يصاحبي بصي يستي
قبل مانزل مصر وانقل للجامعه اللي فيها دكتور يوسف كنت انا وكريم مع بعض في الكليه في المانيا كنا بندرس نفس القسم اتقابلنا صدفه وشويه شويه اتعرفنا على بعض وبقينا نتكلم كتير فضلنا 3سنين مع بعض كنا بنخرج سوا كل يوم تقريباً كنا بنعمل كل حاجه سوا غصب عني حبيته كان قريب مني اوي وانا كنت شايفه الحب في عيونه .....بس طلعت مبشوفش
- وبعدين؟!!
- من حوالي سبع شهور كدا اعترفتله بحبي بس صدمني وقالي انا بحبك زي اختي وأنه بيحب بنت خالته اللي هو انتِ
- انا اسفه
مسحت دموعها وضحكت- يابنتي بتعتذري على إيه دا مش ذنبك ولا حتى ذنب كريم ربنا يقدرني وانساه
- هو ميستاهلكيش صدقيني
اتكلمت بغرور- طبعاً
ضحكت عليها وانا بحمد ربنا إنها دخلت حياتي
منه من الناس المريحه الناس الصادقه اللي جواهم زي براهم. بمعني إنها مش خبيثه ودي حاجه انا حبيتها فيها وهي فعلاً احسن من كريم بكتير هو خبيث وطلع بشع من جوا
فات أيام وانا مش بشوفه مبقاش يجي بقيت اطلع عندهم عشان اشوفه وبردو لأ كأنه اختفي حتى مفتحش مع بابا موضوع الطلاق وانا زي مانا مش بخرج من اوضتي اكتشفت إن ايامي ممله منغيره حتى منه كانت تيجي تقعد معايا شويه وبردو جوا الاوضه مبقتش أخرج من الاوضه
كنت قاعده في الاوضه كالعاده بفتكر مواقفنا سوا
𝑏𝑜𝑏𝑏𝑎هبه الله حماد
___________________
- وبس ياستي دا كل اللي حصل
انهارده .......غراممم..... غراااااام
رفعت عينها من الفون بانتباه- إيه يا يوسف كنت بتقول حاجه
بيأس- لأ ابدا متشغليش بالك كملي كملي
____________________
- تعرفي إن عيونك حلوين فيهم حاجه بتشدني و هما اللي خلوني احبك اكتر
- يوسف لو سمحت بلاش الكلام دا
- ليه يا غرام
-بلاش نضحك على بعض حب إيه دا احنا لسه مخطوبين قريب يا يوسف
- معاكِ حق يلا نمشي من هنا
- بس احنا لسه جايين
- نبقا نيجي تاني بس حالياً انا تعبان وعايز اروح
_________________هبه الله 𝑏𝑜𝑏𝑏𝑎
بزعيق- هو انا مش قولتلك متوقفيش مع الزفت دا
بحده- يوسف لو سمحت انا مغلطش عشان تزعقلي كدا وبعدين دا ابن خالتي يعني اخويا
بعصبيه- هي كلمه واحده اياكِ شوفي إياكِ اشوفك واقفه معاه تاني فاهمه
-..........
- فاااااااااااااهمه
هزت راسها بمعني حاضر وهي خايفه منه
- فاهمه فاهمه
__________________
ابتسمت وانا بفتكر إزاي كنت بخاف منه لما يزعقلي
فوقت لما لقيت منه بتقتحم عليا الاوضه
بخضه- إيه البيت بيولع ولا إيه؟
لقيتها جت شالت الغطا وجابت الطرحه حطيتها على راسي أي كلام كدا
- قومي بسرعه بسرعه ع السطح
- ليه؟
- يوسف فوق
- طب طب وانا هعمل ايه؟
- غراااااام فوقي كدا هتطلعي دلوقتي وتقوليله إنك بتحبيه ومش عايزه تطلقي
خرجت من الاوضه وهي بتزقني
- يلا يا غرام ارفعي راسنا ها
- انا خايفه يصدني
- غراااااام أنتِ بتحبي يوسف ويوسف بيحبك اوعي تضيعيه من ايدك
- قوليلها يابنتي ونبي اصل البت دي غبيه
- شكراً يا امومه
- يلا يا غرام بسرعه
اتحمست وطلعت جري على السلم لحد ما وصلت لباب السطح عدلت الطرحه والحمدلله بقيت شبه بتاعة الجرجير دخلت السطح وانا متوتره اوي لقيته واقف على السور بتاع السطح كأنه هينط محستش بنفسي غير وانا بصرخ بإسمه وبجري عليه
- يووووووسفف
اتخض ونزل من على السور بلهفه
- مالك يا غرام بتصرخي ليه
لقيتني بجري عليه وانا بحضنه جامد وانا بعيط
- حرام عليك يا يوسف عايز تنتحر وتسبني
- اهدي يا غرام مكنتش هنتحر والله انا بس كنت بشم هوا وبستجم شويه
كان بيطبطب عليا وبيهديني وانا كنت بتمنى اللحظه دي متنتهيش افضل في حضنه على طول لحد اما قال استجم وانا اتعصبت وضربته في كتفه
- تـ... إيه ؟ تستجم؟ حرام عليك وقعت قلبي
- آسف
لقيته سكت شويه اتوترت اكتر بعدت عنه بسرعه ورجعت لورا لقيته باصص ليا وانا مسحت دموعي لقيته حمحم
-غـرام انـ.....
قاطعته بسرعه
- يوسف انا بحبك
رفع حاجبه بدهشه وفضل يرمش
-ودا من امتى؟
- والله من زمان بس انا اللي كنت غبيه ارجوك بلاش نبعد
اتنهد بصوت عالي- بس انا تعبت وطاقتي خلصت يا غرام
قربت منه ونزلت على رجلي
- بعترف إني كنت بارده معاك الفتره الفاتت
- وبعترف إني كنت بتجاهلك ومعاملتي معاك محدش يستحملها
- وبعترف إني عمري ماحسستك إنك مهم في حياتي
كملت وانا بعيط- بس انت فعلاً اهم حاجه في حياتي يا يوسف ارجوك متبعدش عني
كان في قمة اندهاشه ودا كان باين على وشه لقيته مسك ايدي و قومني
- انتِ عمرك ما قولتيلي الكلام دا
- عشان كنت غبيه يوسف صدقني انا بحبك
- طب وكريم؟!!
- والله عمري ما اعتبرت كريم غير إنه اخويا وانت عارف إني وحيده أهلي وهو كان معايا من الطفوله ومكنتش اعرف نواياه ناحيتي لحد اما ماما حكتلي إنه كان بيحاول يبعدنا عن بعض ويقرب مني عشان كدا يوم المطبخ كنت مفكراك هو صدقني دا الحصل وانت فهمت غلط
لقيته سكت وبعدين اداني ضهره ومشي ناحية السلم عشان ينزل فهمت إنه مصدقنيش
دموعي خانتني ونزلت تاني وحطيت ايدي على وشي وفضلت اعيط اتخضيت لما لقيت نفسي اترفعت عن الارض و يوسف بيحضني وبيلف بيا وهمس جنب ودني
- انا بحبك
-انا آسفه
-بقولك بحبك تقوليلي آسفه؟
بكسوف- اومال عايز ايه يعني
شدني من ايدي عشان ننزل
- لأ عايز ايه دي هقولها لعمي تحت يلا،،،، إلا قوليلي عاملين ايه ع السحور
نزلنا واحنا في قمة سعادتناا وبدعي ربنا نفضل كده ع طول وفي نفس الوقت بدعي لـ منه عشان بسببها رجعت ليوسف وبجد يجماعه الواحد مش بيحس بقيمة الأشخاص اللي في حياته إلا لو بعدو عنه بس بردو البعد مش حل لأن لو البعد طوّل هيضيع كل حاجه
___________________
انهارده كل حاجه رجعت زي الاول واحسن كنا قاعدين كلنا على الفطار بابا ويوسف وماما وطنط سماح ام يوسف ومنه اللي انا اصريت عليها تيجي تفطر معانا
الاذان اذن وبدأنا فطار
- تسلم ايدك يا حماتي كل مره بتبهريني بنفسك في الاكل
- بالهنا والشفا ياحبيبي بس مراتك هي اللي طابخه
- تسلم ايدك يا حرمي المصون
كنت قاعده مرسوم على وشي ابتسامه هبله
بسهتنه- بالهنا والشفا على قلبك
منه بهمس- بقيتي مسهوكه اوي يا غرام
رديت عليها وانا حاطه ايدي على خدي وببص عليه ومسهتنه كدا
- اللاه هوانا بتسهوك على حد غريب؟! دا قوزي حبيبي
بقرف- طب ابعدي كدا عشان متعدينيش وانا مليش في السهوكه
بنفس السهتنه- طب يآرب كل السهوكه اللي في الدنيا تبقا كدا
- انا وشي كرمش
بصيت علي منه لقيتها وضحكت بصوت عالي على ريأكشن وشها
- السلام عليكم
قاطعنا دخول كريم اللي بقاله يومين مختفي كان واقف عند الباب وباين عليه التوتر وكان بيبص لمنه نظرات غريبه
- يوسف بعد إذنك ممكن اتكلم معاك شويه
لقيت يوسف بص لبابا بياخد رأيه وبابا هز راسه ليوسف بمعنى اه نفخ وقام وهو مغصوب
- ليه يحاج خليته يقوم معاه
- هتعرفي دلوقتي يا أم غرام
- بس يا بابـ...
- قولت هتعرفو دلوقتي خلاص بقا
اكيد فيه حاجه مش مظبوطه وبابا كمان اكيد عارف كريم عايز يوسف في إيه
بس انا خايفه خايفه لكريم يرجع يحاول يبوظ العلاقه بيني وبين يوسف لأ اهدي يا غرام انتِ ويوسف مفيش حاجه تقدر تفرقكم اه صح انا صح
فوقت من شرودي وبصيت على الباب لقيتهم لسه برا نقلت نظري على منه لقيتها شارده استنتجت بسبب نظرات كريم ليها
بهمس- انتِ كويسه
هزت ليا راسها بـ آه
- طب مالك؟
- كريم قالي امبارح إنه بيحبني وعايز يتجوزني
بصدمه- إزاي؟
قاطعنا دخولهم وهما في وضع بالنسبه لأي حد هو عادي لكن بالنسبه ليا هو غريب وغريب جدآ كمان كان يوسف حاطط ايده على كتف كريم ويكأنهم صحاب اكتر من عشرين سنه كدا
يوسف جه جنبي
- كريم كان عايز يعتذرلك عن أي حاجة حصلت بينا كانت بسببه
- كدا بالسهوله دي اسامحه
لقيت كريم جه بسرعه ناحيتي
- والله يا غرام انا آسف صدقيني انا بس عايزك تسامحيني
- كريم انا كنت معتبراك اخوياا بس طلعت غبي وضيعت مكانتك عندي
- صدقيني لما هتعرفي السبب هتعذريني
- وياترى إيه السبب
لقيته سكت وبص ليوسف وانا بصيت ليوسف باستفهام
- بصي يا حبيبتي أم كريم اللي هي خالتك كانت مفهمه كريم إنك مغصوبه على الجوازه وانك بتحبيه هو وعايزه تطلقي مني ودا كان سبب نزوله مصر
فضلت واقفه شويه استوعب وكل حاجه اتوضحت قدامي عدم قبول اهلي لكريم ووقوفهم في صف يوسف في كل مره نختلف بسبب كريم يعني هما كانو عارفين وكمان يوسف
بصيت لماما وبابا ويوسف
- انا مش فاهمه حاجه يعني انتو كنتو عارفين إنه نازل مخصوص عشان يخرب علاقتي بيوسف ويتجوزني صح؟
- اه يابنتي بس مكناش نعرف اسبابه بس انا اتكلمت مع كريم من كام يوم واتفاجأت لما قالي إني انا غاصبك على يوسف وانك مش بتحبيه
بس انا فهمته واهو جه انهارده زي ماقولتله عشان يعتذر منك انتِ ويوسف
- ارجوكِ يا غرام سامحيني انا كنت غبي انا مش هستحمل إن اختي تفضل زعلانه مني
بصيت علي يوسف لقيته ابتسم ليا وهز راسه بـ آه وانا ابتسمت
- مسامحاك يا كريم
- بجد بجد شكراً اوي يا غرام
ابتسمت ليه وانا حاسه بسلام نفسي
- بالمناسبة السعيده دي حابب اخلي فرحي انا وغرام أول يوم العيد إيه رأيك يا عمي
- وهو كذلك يابني
ماما رقعت زغروطه وام يوسف زغرطت معاها وكلنا كنا مبسوطين
*******
همس جنب ودنها- عقبالنا يا حبيبتي
- حبك برص يا كريم
- لسانك طول يا منه
- طب ابعد كدا لاعورك
- عنيفه بس بحبك والله
*****
-تفتكر كريم بيوشوش منه بيقولها إيه؟
- سيبك من فضولك دلوقتي وخلينا في نفسنا يا أم أواب
- مين أواب؟
- ابننا إن شاء الله
- الله اسم أواب حلو اوي يا يوسف
- عارف يا قلب يوسف
- هو انا قولتلك انهارده إني بحبك
- آه بس معنديش مشكله تقوليها تاني
- بحبك
- وانا بحبك يا غرامي
- غرامك؟
- اه غرامي ماانتِ غرام اليوسف
"كُنـت لــي عِــشـق لــن يـنـتهـي"♥️
تمت.....
يتبع الفصل التالي اضغط هنا
الفهرس يحتوي على جميع فصول الرواية "رواية غرام اليوسف" اضغط على اسم الرواية
تعليقات
إرسال تعليق