رواية حبيبتي للأبد الفصل الرابع
رواية حبيبتي للأبد الفصل الرابع
"البارت الرابع "
في صباح يوم جديد استيقظت جميله من نومها واتوضت وصلت وذهبت الي ابيها لكي تصبح عليه وتعرفه انها مسافره مع التيم لمده اسبوعين
ذهبت الي غرفه ابيها دخلت بهدوء وجدت شخص يمسكها من شعرها راحت مصوته بصوت عالي : والله ما عملت حاجه يا فندم انا هحكي كل حاجه
جلس ابيها علي الاريكه ليلتقط انفاسه من كتر الضحك علي بنته الوحيده المجنونه : يا يبنتي حرام عليكي انتي امتي هتكبري وتعقلي ربنا يكون في عونه اللي هيتجوزك
ردت جميله بكل دلع : كده يا سوسو انا زحلانه منك ده انا كيوت وبسكوته مقرمشه ده هيتجوز جوهره يا حبيبي وكمان انا عمرى ما اتجوز واسيبك يا قلبي لوحدك ولا انت عاوز تخلص مني علشان تتجوز وتشوف حياتك يا خلبوص
الاب بكل حزن : عمر ما حد هيدخل قلبي بعد امك عمرى مهحب غيرها هي كل حياتي ودنيتي ربنا يرحمها ويغفرلها يارب
جميله بحزن : خلاص بقي يا عم ايه جو الحزن ده انا ماشيه يا عم عاوز حاجه يا عسل انت
الاب : ربنا يحفظك يارب ويحميكي طمنيني عليكي لما توصلي وكل شويه رني عليا متعودتش اقعد كتير لوحدي
جميله : حاضر يا بابا ربنا يخليك ليا يارب يلا بقا سلام يا قلبي علشان بنتك كده هتترفد من شغلها سلام
الاب : سلام ياقلبي ربنا معاكي
***
في اوضه الاجتماعات يجلس جاسر علي الكرسي وملامحه كلها غضب وقال بصوت عالي : هي فين مجتش ليه
سهيله : انا رنيت عليها يا جاسر بيه قالتلي انها جايه والله
جاسر بكل غضب : عمررر يلا ابدأ الاجتماع علشان نتحرك ونروح مكان العمليه
عمر بخوف : يلا نبدا
وفجأه دخلت جميله ونفسها مقطوع وخدودها مثل الفراولة بالظبط : والله يا فندم انا اسفه انت عارف لحظه الوداع بين الاب والبنت وهي ماشيه كأني رايحه اتجوز بالظبط
ضحكوا الجميع بصووت عالي
جاسر بجديه وصوت عالي : اخرسوا ده مكان شغل مش ديسكو
سكت الجميع وبان علي ملامحم الخوف الشديد
قال جاسر لعمر : ابدأ الاجتماع وانت يا استاذه جميله اتفضلي اقعدى علشان نخلص شكلها عمليه زفت
جميلة : حاضر يا فندم
وبعد مرور ساعتين انتهى الاجتماع واتجهوا كلهم الي مكان المعسكر
***
في مكان اخر يجلس ابن زعيم المافيا ويقول بغضب شديد والله لهقتله عاوز اعرف فين المعسكر ده والعمليه هتم في معادها اتصل على فرانكوا قوله العمليه الاسبوع الجاي في نفس المكان
واحد من رجالته : حاضر يا باشا
****
بعد ما وصولوا الي مكان المعسكر
جاسر بجديه : دلوقتي احنا هنتقسم لمجموعات وهتعرفوا التعليمات اولا البنات اللي معانا هتنقسموا الي مجموعتين مجموعه معايا ومجموعه مع عمر باشا ثانيا وقت الشغل شغل كل يوم الساعه 6 تكون في مكان التدريب وقت ما هنفذ العمليه هتكونوا عارفين ولازم تكونوا مستعدين تمام
اما الرجاله مجموعه عمر تتفضل معاه ومجموعتي تجهز علشان هندرب من دلوقتي
قالت جميله بصوت واطي : متكبر مغرور
جاسر: بتقولي حاجه يا استاذه جميله
جميله بتوتر : لا يا جاسر بيه انا بقول بس اننا تعبانين وعاوزين نطلع نريح
جاسر : ماشي اتفضلوا انتوا هتلاقي في شنطتك ورق تعرفي التيم بتاعك مجموعته
جميله : حاضر يا فندم
جاسر : يلا يا عمر خد مجموعتك واتفضل والبنات هتيجي وراك
عمر بجديه : حاضر يا جاسر بيه
في اوضه البنات تجلس جميله وسهيله ومي وشهد
قالت جميله بمرح وضحك : نفسي اعرف شايف نفسه علي اية ده حتى ظابط .. ولا بقي لما بيتكلم بيحسسني انه وزير الترع هههههههه
ضحكوا الفتيات بصوت عالي
قالت سهيله : يخربيتك يا شيخه حرام عليكي ده جاسر بيه قمر وعسل وعضلات وعيونه قمر
جميله بجديه : مين ده اللي قمر بس يا ماما يلا تصبحوا علي خير علشان بكره يوم طويل مع وزير الترع وقالت لنفسها : انا ليه اتضايقت لما سهيله قالت عليه كده .. خلاص فكك يا جميلة بقي نامي
***
في اوضه جاسر يجلس علي السرير يدرس العمليه بكل اهتمام وفجاه افتكر شكل جميله وهي عامله زى الفراوله وضحكتها وكلامها الطفولي ابتسم ابتسامه خفيفه
ثم قال : بجد لازم اخلص الناس منك يا ابن عماد لازم اخلص حق الناس اللي ماتت بسببك
******
في قصر مهجور كان يجلس يوسف ابن عماد زعيم المافيا ملقب ب جو
قال بصوت عالي : ازاي ابويا يدخل السجن يا شويه بهايم اما جاسر ده انا اللي هخلص عليه لازم اعرف هو فين علشان اخلص عليه قبل العمليه
****
يا ترى فعلا هيقدر ابن زعيم المافيا ينفذ العمليه؟؟
يتبع الفصل التالي اضغط هنا
الفهرس يحتوي على جميع فصول الرواية "رواية حبيبتي للأبد" اضغط على اسم الرواية
تعليقات
إرسال تعليق