رواية غرام اليوسف الفصل الثالث
رواية غرام اليوسف الفصل الثالث
[3]
🌙صلوا على الحبيب المصطفى 🌙
محستش بنفسي غير وانا بروح عليهم وشكلي هفطر بلحم بشر انهارده
- بجد دمك خفيف جدا يا يوسف اسمحلي اقولك يوسف منغير دكتور
- يلهوي ع المياصه
- عفواً مين حضرتك
رديت مابين سناني وانا متغاظه زغرت يوسف بدراعي
- ماتقولها يا دكتور انا مين ها
يوسف كتم ضحكته بالعافيه وحاول يتكلم وانا قمة شياطي وبعدين قال
- اعرفك يا غرام دي منه لسه ساكنه جديد في العماره وكانت طالبه عندي
بقرف - امممم اهلا
- اعرفك يا منه غرام مراتي
عند كلمة مراتي وانا الزمن وقف بيا وقلبي دق نظرته ليا وهو بيقول مراتي كانت غامضه وغريبه مفهمتهاش بس الحزن اللي جوا عيونه لفت انتباهي
فوقنا احنا الاتنين على صوت منه
- تشرفنا يا مدام غرام
ابتسمت بتكلف وانا بفكر في كلمة مدام
- احم طيب عن إذنكم
بعد مامشيت تقريباً لو مكناش في رمضان كنت شربت من دمه
- كنتو بتضحكو على إيه يا ضكتور
قولتها بتريقه وانا مستنيه منه رد
لقيته اتكلم بسخريه استفزتني- لا تكوني غيرانه لا سمح الله؟
- وليه لأ مش جوزي
قولتها بتلقائية واندفاع وانا متعصبه من بروده معايا وكأني بدافع عن ملكيتي الخاصة بس اللي استغربته فرحة يوسف اللي شوفتها في عنيه بمجرد ما قولت جوزي ، جوزي؟ انا قولت جوزي؟
- انا كنت جاي من الجامعة وشوفتها صدفه مش اكتر
فضلت ساكته كنت مكسوفه بطريقة غبيه وانا مستغربه نفسي ومستغربه كسوفي من يوسف ومستغربه كمية المشاعر اللي بتهاجمني دلوقتي
- غرام
- نعم
بضحك- كنت رايحه فين بعباية امك دي
رديت وانا مازلت باصه في الارض- كنت رايحه اجيب طلبات لزوم عزومة انهارده
- طيب اطلعي انتِ وانا هجيب كل حاجه
- بس.....
- مبسش يا غرام اسمعي الكلام
- احم حاضر
طلعت جري وانا مكسوفه وانا لأول مره من ساعة ما اتخطبنا واكون مبسوطه بالتحكمات بتاعته لأ وبقوله حاضر!!!!! هو يوسف بقا قمر كدا امتى؟!! استغفر الله العظيم يآرب اللهم اني صايمه
- مدام غرام
كنت لسه هفتح الباب لقيت البنت اللي يوسف كان واقف معاها بتنده عليا
- ايوا ؟ منه مش كدا؟
- ايوا صح احم بصي انا آسفه والله دكتور يوسف زي اخويا الكبير وهو محترم جدا انا عارفه إنك اضايقتي من وقفتي معاه بس انا والله كنت بسألـ.....
- باس باس اهدي شويه انا مش مضايقه صدقيني
اتكلمت بحماس - بجد؟
بضحك- بجد
- بس متنكريش إنك كنتِ غيرانه؟ صح؟
قالتها بغمزه كدا وضحكت وانا اتوترت وارتبكت معرفش ليه
- ها ل لأ أنتِ فاهمه غلط
ابتسمت بهدوء- وفيها إيه لما تغيري على جوزك بالعكس دي حاجه حلوه جدا الغيره حب
معرفتش ارد مجرد التفكير في الموضوع بيوترني معقوله انا بغير على يوسف ، جوزي؟ مش عارفه ليه حاسه كأني اول مره اعرف إن يوسف جوزي ، معقوله أكون بحبه؟
- احم طب حابه اقولك إني ارتحت ليكي جدا ممكن نبقا صحاب؟!!!
- اكييييد طبعاً موافقة
انبسطت جداً وضحكت اكتر على عفويتها اللي محلياها بجد انسانه طبيعية، دايما ماما كانت تقولي لما تلاقي شخص بيتعامل معاكي بعفويه اعرفي انه انسان نقي من جوا وصادق، ولأنه صعب إنك تلاقي حد صادق في زمنا دا فا لازم تمسك فيه بإيديك وسنانك
***********************
هبه_الله_حماد𝑏𝑜𝑏𝑏𝑎
- الو السلام عليكم
- عليكِ السلام ازيك يا غرام
- في نعمه الحمدلله اخبارك يا كريم
- كويس احم غرام كنت عايز اقولك حاجه
- قول يا كريم سامعاك
- غرام هو انتِ بتحبي يوسف؟
منكرش إني كنت مستغربه سؤاله بس اللي انا متأكده منه إنه وراه حاجه لازم اعرفها
- معقوله السؤال صعب كدا
- لأ مش صعب بس تقدر تقول مستغربه
بخبث- أصل انا الصراحه شايف تحكماته فيكي وقد ايه انتِ بتعاني معاه فا حبيت أسألك
- معاك حق هو يوسف بقا متحكم جدا تخيل بيغير منك يا كيمو
باندفاع- أنتِ لازم تسيبيه يا غرام
- قصدك اطلق؟
- اه يا غرام هو ميستاهلكيش اطلقي منه ارجوكي
- حاضر يا كريم هفكر
- وعد
- وعد، انا لازم اقفل دلوقتي سلام
- سلام
ابتسمت بخبث وانا بحط الفون وانا بتأكد من حاجه كدا
******************************
هبه_الله_حماد𝑏𝑜𝑏𝑏𝑎
- يلا يا غرام رصي الاطباق وهاتي السلطه حطيها وشوفي العصير وحليه وهاتي طبق التمر
- خلصتي؟
- اها
- قولي من تاني بقا
حد شاف الشبشب وهو بيلزق في قفايا يلا حصلخيييير
طبعاً حطينا الطبليه ! اه الطبليه متستغربوش اصل السفره دي بتاعة العيال التوتو دا كلام امي هي حببتنا في الطبليه رغم إن السفره موجوده
ورصينا عليها كل الأكل اللي ماما بتعمله من امبارح والله
قعدنا كلنا على الطبليه بابا على رأس الطبليه وجنبه يوسف و قصاد يوسف قعد كريم وكان في نظرات تحدي مابينهم الكل لاحظها
- الحمدلله تسلم ايدك يا حماتي
- بالهنا والشفا ياحبيبي
خلصنا فطار وانا وماما كنا بندخل الاطباق المطبخ و يوسف كان بيساعدنا في شيل الاطباق حد شاف لطافه كدا يجدعان
كنت في المطبخ بعمل شاي لحد ما لقيت حد بيحضني
- اعااااااااا كريم؟
********
- معلش يابني افتح الباب
- حاضر يا خالتو
قام يفتح الباب واول ما فتحه
بصدمه- منه!!!!!
- كريم؟
يتبع الفصل التالي اضغط هنا
الفهرس يحتوي على جميع فصول الرواية "رواية غرام اليوسف" اضغط على اسم الرواية
تعليقات
إرسال تعليق