رواية غرور و كبرياء عاشق الفصل السابع 7 بقلم دعاء حجاج
رواية غرور و كبرياء عاشق الفصل السابع 7 بقلم دعاء حجاج
غسان قام ووقف قصاد حور وقال بكل برود: رايحه فين
بلعت ريقها وقالت بخوف: رايحه الشغل
ابتسم وقال:محدش قالك ان الحريم ممنوع تشتغل
بصت في عيونه وقالت: بس انا عايزه اشتغل
_مفيش شغل وزي الشاطره غيري هدومك
حور باندفاع: لا انا هشتغل وغصب عنك
قبل ما تكمل كلامها كان قلم نزل علي خدها
حامد قام عالطول وقال بغضب: غسان
رفع ايدو وقال بنبره صوت مرعبه:لو اسمعك بتقولى رايحه الشغل تانى هق"تلك
بصت لتحت وهو خد الجاكيت وطلع
حامد مكنش عارف يقول اي لحور
_حور بنتى
الدموع نزلت من عينها وحست انها طير مكسور مالوش جناحات
خدت بعضها وطلعت على فوق عالطول
حامد بلوم: مكنش لازم اسكت وهو مفكر نفسه اي عشان يمد ايدو على بنت الناس
حور دخلت الاوضه وقفلت الباب وقد اي كانت مكسوره
قعدت على الأرض وضمت رجليها والدموع نزلت من عينها
في المدرسه
_يعنى اتجوز حور
_الاخبار كلها بتقول كده
كانت ماشيه وحاولت تكون عاديه قدامهم ولكن ازاى فهم مثل الثعابين التى تلدع صاحبه من الخلف
_اي اللى حصل يا نغم
نغم:________
_القطه كلت لسانك ولا اي
نغم بصتلها وقالت: مش عايزه انزل لمستواكى مش اكتر
البنت بغيظ: الظاهر العيون الزرق دول معجبوش غسان
_فعلا عندك حق
نغم كانت ماشيه ولكن واحده مسكت أيدها وقالت: رايحه فين بس
نغم زقتها وقالت: انتى عايزه اي
قالت بكل برود: عايزه اعرف غسان اتجوز اختك ليه
_وانتى مالك شاغله بالك ليه
_ازاى ده الاخبار كلها بتتكلم
_طب روحى اقري من الاخبار احسن
ابتسمت وقالت: عايزين مصدر موثوق فيه
خدت نفس عميق ومكنتش قادر عليهم لوحدها وطلعت تجري عالطول
_نغم نغم رايحه فين
قعدوا يضحكوا وقالت احدهم: زودنها صح
_ولا زودنها ولا حاجه
_طب تعالوا ندخل
كانت بتجري وهي بتعياط فهم جرحوها بكلامهم
رمى السيجاره على الأرض وقال: مين القمر ده
بصله وقال:قمر وفي الوقت ده
حط ايدو على كتفه وقال: هناك اهاا
بص على الناحيه اللى شاور عليها صديقه وقال: ده صاروخ
_طب تعالى نعمل الواجب
مسك ايدو وقال: احنا بالنهار
بص حواليا وقال: مفيش حد موجود على الطريق
_تقصد نخطفها
ابتسم وقال بخبث: ايوه
ابتسم الاخر وقال بخبث أيضا: يلا
وقفت ومكنتش قادره تاخد نفسها
_مالك يا حلوه مين اللى مزعلك
رفعت عينها لمستوي تلك الشابين اللى انبهروا بجمال عينيها
_ينهااار اسود اي ده
_ده بجد
نغم حست بخوف وكانت ماشيه ولكن الشاب مسك ايدها بكل جرأة
بصت على ايده وقالت: لو سمحت سيب أيدي
الشاب بتحدي: مش سيبها هتعملى اي يعنى
نغم داست برجلها على قدم تلك الشاب وقالت: هعمل كده
_اعااااااا
زقته وكانت ماشيه ولكن الأخري مسكها من شعرها وقال:انا بكره النوع اللى زيك اوى
كانت بتتالم فهو ماسك شعرها جامد اوى
بدأ يشد شعرها جامد اوى
_اعاااااااا
الاخري همس في ودنها وقال: تعرفي الواحد كان قاعد زهقان اوى وحظك الاسود انك جيتى في طريقنا
حاولت تزقه لكن معرفتش فهى كائن ضعيف قدام تلك الوحوش
شدها من شعرها اكتر وقال: بلاش تقاومى عشان مزعلكيش
الدموع نزلت من عينها ومكنتش قادره
_روح هات العربيه
هز رأسه وقال: حالا
نغم داست على اقدام الشاب لتانى مره وطلعت تجري
طلع يجري وراها وقال بعصبية: استنى بقولك استنى
كانت بتجري وبتصرخ بأعلى صوت على امل حد يساعدها
كان سايق العربيه وكان متعصب جدآ فهذا حال مراد الألفي كل يوم
داس فرامل عالطول وهي وقعت على الأرض
فتح الباب ونزل من العربيه عالطول
مراد بعصبية: عايزه تمو"تى يعنى لو عايزه تمو"تى في أساليب احسن من كده
رفعت عينها لمستوي تلك المتكبر الذي انبهر من جمال عينها
في شركه السيوفي والالفي(شراكه)
وصل الشركه وكان متعصب جداا وقال بصوت جهوري: مراد هنا
الكل قام وخاف من نبره غسان الحاده
أروي جرت على غسان وقالت: مراد بيه اتصل وقال انه على الطريق
_فين اسامه
_اعتذر لمراد بيه امبارح لان والدته ما"تت
غسان بغضب جحيمى: رنى عليا وقوليلوا أنه مرفوض من النهارده
الكل انصدم من تلك القرار الصارم
_بس يا بيه
قاطعها وقال بكل برود أعصاب: صعبان عليكى
بصت لتحت وقالت: انا اسفه يا بيه
زق الباب برجله والكل خاف من تصرفات تلك المغرور
_اللى عايز يستمر في الشركه ميعملش ولا غلطه النهارده
_ده سأل على مراد بيه بطريقه غريبه جدا
_فعلا اول مره تحصل
كان قاعد على الكرسي وعروقه برزت من شده الغضب اللى كان مسيطر عليا
_أروي
حين لفظ اسمها دخلت عالطول وقالت بارتباك: نعم يا بيه
_لما البيه يجى قوليلوا غسان بيه في انتظارك
هزت رأسها وقالت بخوف: حاضر يا بيه
كانت طالعه ولكن هو أوقفه
_الملف جاهز
بدأت ترتعش وقالت بارتباك: م ملف
قام وقال بعصبية: ايوه الملف
بصت لتحت وقالت خوفاً من قرارات غسان الصارمه: دقيقه وهيكون عندك
حط ايدو على ودنه وقال: قولتى اي
الدموع نزلت من عينيها بسبب الخوف اللى كان مسيطر عليها وقالت: ثانيه وهيكون عندك
قعد على الكرسي وقال بكل غرور: الملف يكون على مكتبي حالا
هزت رأسها وقالت بارتباك: عن عن اذنك
طلعت عالطول وحست انها كانت محبوسه في قفص وتم الإفراج عنها اخيرا
_حنين دخلى الملف للبيه
مسكت الملف وقالت باستغراب: مالك
مسكت كوبايه مياه وقالت بعصبية: دخلى الملف للبيه فورا
حنين استغربتها وقالت: حاضر بس اهدي
دخلت حنين لغسان وقالت: الملف يا بيه
شاور على المكتب وقال بكل غرور: حطى هنا
حطت الملف فعلا وقالت: اي اوامر تانيه يا بيه
شاور بايدو بمعنى برااا
طلعت عالطول وقالت: انا بكره غرورك ده اوي
عند نغم ومراد
نغم قامت وحضنت مراد جامد اوى وقالت بخوف: ارجوك ساعدينى
كان رايح يزقها ولكن شاف الشاب اللى بيجري ورا نغم
وصل عند مراد وقال: مين مراد بيه
خد نغم وراء ضهره وقال: ايوه مراد بيه يا روح امك
_انا معجب بأفكار حضرتك اوى وذكاءك كمان
نغم بصت لمراد باستغراب وقالت في سرها: هو بيقول اي الشاب المجنون ده
_بتجري وراءها ليه
بص لنغم وقال: هي قربتك يا بيه
_مراتى
نغم بصت لتلك المتكبر بصدمه
الشاب بلع ريقه وقال بارتباك: انا انا اسفه يا بيه مكنتش اعرف انها مرات حضرتك
بص لنغم وقال: انا اسف يا مدام
كانت رايحه تتكلم ولكن مراد قاطعها وقال: أمشي من هنا
الشاب طلع يجري عالطول ونغم زقت مراد وقالت بعصبية: مرات مين انت مجنون ولا اي
مراد:_________
_ساكت ليه ولا القطه كلت لسانك
ركب العربيه بكل كبرياء ووصل عندها ووقف العربيه
نبضات قلبها كانت عاليه جدا وهو قال: مش بعيد تكونى مراتى
انصدمت من ثقه تلك المتكبر الزائده عن حدها
شغل العربيه وقال: بلاش تطلعى لوحدك بعد كده
قال تلك الجمله وخد بعضه ومشي
نغم بصوت عالى جدااا: انت واحد مجنون مستحيل تكون عاقل
بص عليها من المرايا وقال: متنفعش لسانها طويل
شمت هدومها ولقت رايحه برفان حلوه اوى وقالت: ده برفان المجنون ده
رجعت شعرها لوراء وكان في عربيه معديه من قدامهم
_استنى استنى
وقف العربيه ونغم بلعت ريقها وقالت: روح روح
رجع بالعربيه وراء لحد ما وصل عند نغم
_تعالى يا بنتى
خدت نفس عميق واطمنت لان الراجل في عمر والدها
ركبت معا فعلا وهو ساق العربيه وقال: رايحه فين
نغم بتفكير: قصر غسان السيوفي
_غسان السيوفي
هزت رأسها وقالت: ايوه
_وانتى رايحه عند غسان السيوفي ليه
_متجوز اختى
_تماام
عند حور
كانت لسه قاعده على الأرض والحزن كان عنوانها
الباب خبط وحور حاسه أنها في عالم اخر
_حور حور
اخيراا فاقت من تلك العالم وقالت: مين
_انا رهف
قامت ومسحت دموعها وقالت: رهف مين
_اخت غسان
فتحت الباب فعلا ورهف ابتسمت وقالت: عامله اي
ابتسمت أيضا وقالت: الحمدلله
رهف دخلت وقالت: كنت عايزه اجى امبارح لكن معرفتش
حور ضمت حواجبها وقالت: مش ده قصرك
هزت رأسها وقالت: انا قاعده مع تيته اليومين دول اصلها مريضه والدكتور قال لازم حد يعتنى بيها
_والده المدام عفاف ولا حامد بيه
رهف قعدت تضحك وقالت: اي اللى بتقولى ده يا حور
حور باستغراب: هو كلامى مضحك للدرجه ده
_مش قصدي بس المدام عفاف من النهارده المفروض تقوليلها ماما والبيه حامد المفروض تقوليلوا بابا
حور بصت لتحت وقالت: انا ماليش غير اب واحد وام واحده
وقتها رهف ادركت ان الكل مش متقبل حور هنا
_على فكره تيته هتفرح بيكى اوى
_مقولتيش تبقا والده مين فيهم
_تيته تبقا والده ماما وبعدين لو والده بابا المفروض تكون عايشه هنا
حور ضحكت على نفسها وقالت: عندك حق انا غبيه اوى
رهف راحت عند حور وقالت: ولسه ده اللى يعيش مع غسان يمو"ت
حور بلعت ريقها وقالت بخوف: ليه
_تعرفي انا اخت غسان بالاسم فقط
حور باستغراب: بالاسم فقط
هزت رأسها وقالت: غسان مغرور بطريقه غريبه جداا
ثم كملت: عارفه بيبقي نفسي اطلب منه حاجه بس بخاف منه اوى
حور استغربت تلك المغرور وقالت: معاكى انتى بس كده
_مع الكل مش انا لوحدي
_رهف
باست حور من خدها وقالت: لينا كلام كتير مع بعض
_وانتى رايحه فين
_ماما بتنادي اصلها رايحه معايا عند تيته
هزت رأسها ورهف طلعت عالطول
عفاف مسكت رهف من ايدها جامد اوى وقالت بغضب: بتعملى اي مع البنت ده
رهف بالم: ماما ايدي
_انطقي
_كنت بتكلم معاها
_مش عايزه اشوفك بتتكلمى معاها تانى
الدموع نزلت من عينها بسبب الالم وقالت: ليه
زقتها وقالت: أمشي قدامى
رهف اتعصبت اوى وطلعت فعلا هي وعفاف وركبوا العربيه ومشوا
حور طلعت من الاوضه ونزلت تحت
_مفيش حد هنا ولا اي
_الكل طلع
حور انتفضت وسماح قالت: انا آسفه مقصدش اخضك
حور ابتسمت وقالت: ولا يهمك
_انا شوفت البيه وهو بيضر"بك اعترف انه غلطان ولكن انتى كمان غلطانه
حور باستغراب: غلطانه
هزت رأسها وقالت: نصيحه منى بلاش تعرضي كلام البيه بعد كده
_بس انا مقولتش حاجه غلط
حطت أيدها على كتف حور وقالت بحب: انا مش بقولك انك قولتى حاجه غلط انا اقصد تسمعى كلام البيه وبلاش عصيانه نصيحه منى ليكى
حور هزت راسها وفجاه صدر صوت نغم
_حور حور
حور بفرحه: نغم
نغم جرت على حور وقالت: وحشتينى اوى
باستها على راسها وقالت: بتعملى اي هنا
بعدت عنها وقالت: انتى مش فرحانه ولا اي
حطت ايدها على خدها وقالت بحب: مش قصدي يا روحى بس ده وقت مدرستك
نغم بصت لتحت وقالت: مقدرتش يا حور
رفعت راسها لفوق وقالت: اتكلموا صح
هزت رأسها وقالت: ايوه
_اممم فطرتى
هزت رأسها وقالت: ايوه المهم اخبارك اي واللى اسمه غسان ده عمل ليكى حاجه
حور افتكرت غسان لما ضر"بها بالقلم وقالت: متخافيش عليا ركزي في دراستك بس
نغم مسكت ايد حور وقالت: بس انا مش حاسه كده خالص
حطت أيدها على خدها وقالت: انا بخير متخافيش
ابتسمت وقالت: طالما اختى بخير يبقا أمشي انا
_انتى لسه واصله
_عشان ماما متقلقش عليا
باستها من خدها وقالت: خدي بالك من نفسك يا روحى
_حاضر
في شركه السيوفي والالفي (شراكه)
مراد وصل وأروي جرت عليا عالطول وقالت: غسان بيه منتظرك في مكتبه
مراد مردش عليها ودخل لغسان عالطول
كان قاعد على الكرسي وعاطى ضهره لمراد
_في حد يجى الشغل يوم صباحيتو
التفت ليا وقال: حمدلله على السلامه
قعد على الكرسي وقال: مالك
_الساعه كام
مراد باستغراب: في اي يا غسان
حاول يبقا هادي وقال: بلاش التاخير ده يا مراد
طلع سيجاره وقال: انت مش طبيعى النهارده
حط ايدو على المكتب وقال بعصبية: من النهارده ممنوع التأخير
مراد قام وزق الكرسي برجله وقال بعصبية: في اي يا غسان
خد نفس عميق وقال: اطلع برا
مراد ضم حواجبه وقال: قولت اي
غسان:________
مراد راح عند غسان وقال: ممكن اعرف قولت اي دلوقتى
غسان سكت ومراد بعصبية: الشركه مش بتاعتك لوحدك عشان تقولى اطلع براا
الكل سمع صوت مراد وأدرك ان هذا اليوم سيكون اسود يوم يمر على الشركه
غسان مسك فنجان القهوه ورمى على الارض وقال بصوت جهوري: صوتك ميعلاش تانى
مراد كان مستغرب غسان اوى وقال: انت مجنون صح
_مراد اطلع برااا
هز رأسه وقال: هطلع يا غسان حاضر هطلع
ثم كمل بعصبية: بس خليك فاكر انى شريك في الشركه
بعد ان قال تلك الجمله طلع ورزع الباب وراء
الكل أنتبه لشغله خوفاً من غضب مراد الالفي
_انا اول مره اشوف غسان بيه بيتخانق مع مراد بيه
_وانا كمان انا بحسهم اخوات مش شركاء في شركه وخلاص
_اتفق معاكى
دلف الى مكتبه وقعد على الكرسي وكان متعصب جداا
في المساء
بعد ما انتهى من شغله خد التليفون ومفاتيح العربيه وطلع من مكتبه
طلع الاخر وقال: مراد
لم يرد على غسان وركب الاسانسير ونزل
غسان خد نفس عميق وقال: انا مش عارف ازاى عملت كده
نزل وركب عربيته ومشي
نزل الاخر وطلع تليفونه ورن على مراد اللى فصل التليفون في وشه
غسان ركب عربيته وقال: ده مجنون رسمى بقاا
ساق العربيه باقصي سرعه وبقا قريب من عربيه مراد
واخيراا وقف عربيته في وش عربيه مراد
نزل من العربيه وفتح الباب لمراد وقال: انزل عايز اتكلم معاك
مراد:________
غسان مسك ايد مراد وقال: يلا بقاا
طلع من العربيه وغسان حضنه عالطول وقال: متزعلش منى
مراد زق غسان وقال: انت مين
غسان بابتسامه: اخوك
مراد هز رأسه وقال: معتقدش
_خلاص بقاا
مراد بص لتحت وقال: متحولش مش هكلمك تانى
غسان وقف جنب مراد وقال: كده مش هعرف انام
_ميهمنيش
غسان حط ايدو على كتف مراد وقال: خلاص بقا حقك عليا
مراد باستسلام: اعتذر
_انا اعتذر انا عمري ما اعتذرت من حد
(قال تلك الجمله بكل غرور فهو الشاب المغرور فعلا)
_طب عن اذنك
مسك ايدو وقال: خلاص بقا حقك عليا
مراد ابتسم وقال: عنيد ومستحيل تعتذر من حد
حضنه وقال: فعلا
بعد عنه وقال: عملت اي
غسان ولع سيجاره وقال: في اي
_امبارح
بصله وقال: اتجوزت الكبيره
_كبيره
هز رأسه وقال: اه اتجوزت الكبيره
_كنت هتتجوز الصغيره ولا اي انا مش فاهم حاجه
_اللى اتجوزتها طلعت حبيبه سامر الحديدي
مراد بصدمه: اي
خد نفس من السيجاره وقال: هتكون سلاح قوي لتد"مير سامر الحديدي
_وفين كرامتك يا بنى ادم لما تتجوز واحده بتحب واحد تانى
_جواز مصلحه ست شهور بس وهرميها
مراد بغمزه: ممكن حاجات كتير تتغير خلال الست شهور دول
_زي
_تحبها مثلا
غسان قعد يضحك لتبان تلك الغمازتين الذي لم يبرزهم أبدا
_غسان السيوفي يحب انت شارب حاجه ولا اي
مراد رفع ايده وقال: يمكن القدر يلعب لعبته وهتحبها فعلا
_احب واحده في نظري رخيصه
_رخيصه ازاى
_طالما بتحب سامر الحديدي تبقا رخيصه
_انت مجنون بقاا
الجو بدأ يتغير ومراد قال: طب سلام بقا
غسان ركب عربيته ومراد كذلك
_لقيتها
مراد بصوت عالى: مين
_الخدامه
_خلال يومين أن شاء الله
غسان شغل العربيه وقال: ربنا معاك
شغل الاخري العربيه وقال: ومعاك يا صاحبي
ابتسم وقال: سلام
_سلام
بعد مرور ربع ساعه تقريباً وخصوصا في غرفه تلك المغرور
فتح الباب ولقي حور نايمه على الارض
قلع الجاكيت وقال ببرود: الظاهر القلم اللى خدته خلها مرعوبه
فتح الدولاب وطلع ترنج لونه رصاصي ودخل الحمام
هي حست بوجوده قامت عالطول
لقت الجاكيت بتاعه على الكنبه حينها أدركت انه في الحمام
حور فتحت الباب براحه وطلعت
بعد شويه غسان طلع واتفاجا انها مش موجوده
_راحت فين ده
نشف شعره ووقف قدام المرايا وقال: وانا شاغل بالى ليه
فتحت الباب وهو بص عليها من المرايا وقال بنبره صوت مزعجه: كنتى فين
حور بارتباك: كنت كتبت في الورق اللى كان ملزوق على الحيطه انك لما توصل من الشغل اجبلك العشا
رمى المنشفه على السرير وقال: وانا مش جعان
نفخت واتعصبت اوى ساعتها غسان التفت ليها وقال: اي اللى عملتى ده
حور بخوف: عملت اي
_انا بكره اللى بيعمل الحركه ده اوى (النفخ)
حور بلعت ريقها من شده الخوف وقالت: حركه اي
_ممنوع اشوفك بتعملى الحركه ده تانى
حور فهمت هو يقصد اي وقالت بارتباك: حاضر
بص على الاكل وقال: اي ده
بصت على الاكل أيضا وقالت باستغراب: نعم
_خدي الاكل ده واطلعى برا
حور مسكت الصينيه وهو قال: فنجان قهوه حالا
حور طلعت وغسان قعد على الكنبه وفتح الكمبيوتر
جاب صفحه سامر الحديدي وبقا مركز على صورته اوى
دخلت وقالت: القهوه
مد ايدو وهي من غير ما تاخد بالها دلقت فنجان القهوه على أيده فكان ساخن جدا
حور خافت اوى وغسان ٠٠٠
يتبع الفصل التالي اضغط هنا
الفهرس يحتوي علي جميع فصول الرواية " رواية غرور و كبرياء عاشق " اضغط علي اسم الرواية
تعليقات
إرسال تعليق