القائمة الرئيسية

الصفحات

رواية احببت بنت البندر الفصل الثاني 2 بقلم بوده حمدي

 رواية احببت بنت البندر الفصل الثاني 2 بقلم بوده حمدي


رواية احببت بنت البندر الفصل الثاني 2 بقلم  بوده حمدي



كنت ماشي في الشارع بكلم نفسي لحد ما سمعت صوت بنت بتقول:يا استاذ يا استاذ عبد الرحمن
ببص ورايا لقيت بنت جميله مختمره بتقولي يا استاذ عبد الرحمن ... بس لحظه هيا دي البنت الوحيده اللي ما ضحكتش عليا لما قلت صوح
انا:نعم حضرتك بتكلميني انا 
منى:ايوه بكلمك انت ..... اتفضل المحفظه بتاعتك وقعت منك وانتا خارج من بوابة الجامعه 
انا:وه المحفظه بتاعتي .... شكرا جزيلا يا استاذه 
منى:منى اسمي منى 
انا:وانا عبد الرحمن تشرفنا يا استاذه منى ..... انتي على كده مروحه البيت صوح 
منى:صح .... ممكن اسألك سؤال بسيط 
انا :اتفضلي
منى :انت صعيدي 
انا:ايوه يا ستي صعيدي ومن المنيا كمان
منى:وايه اللي جابك هنا 
انا:ظروف الشغل بتاعت ابويا انتي هتركبي ميكروباص صوح
منى:صح يلا عشان نروح 
سواق الميكروباص:الاجره يا افنديه 
انا:وه راحت فين الفلوس اللي كانت معايا
سواق الميكروباص: مالك يا بلدينا فيه ايه
انا:معلهش يا اسطى نزلني هنا مش معايا فلوس ادفع الاجره
منى:لا مفيش داعي تنزل اتفضل يا اسطى اتنين من عشره 
انا:وه ميصحش يا انسه منى دا واجب عليا انا 
منى: خلاص مفيش حاجه دي حاجه بسيطه يعني 
انا:متشكر يا انسه منى 
منى:العفو 
(بعد ما روحت البيت )
انا :السلام عليكم ورحمة الله وبركاته 
امي:وعليكم السلام ورحمة الله وبركاته عملت ايه اول يوم جامعه 
انا:زفت يا امي زفت 
امي: معلهش يا ولدي مع الوقت هتتعود 
انا:طب عايزه مني حاجه انا داخل انام 
امي :لا مش هتنام تعالى كل الأول 
انا:مش هقدر يا امي
امي: لا هاتقدر تعالى بس دا انت على لحم بطنك من الصبح
انا:بس يا امي ....
امي:من غير بس متزعلنيش منك عاد 
انا:حاضر يا امي ...ابويا فين صوح
امي:لسه مجاش من الشغل كل انت و ملكش صالح 
انا: حاضر يا امي
(بعد الاكل )
انا:الحمد لله انا هادخل اخد دش وانام 
امي: تستاهل الحمد يا ولدي 
(بالفعل استحميت ودخلت عشان انام بس مش قادر انام )
انا:امي انا خارج 
امي:هتروح فين يا ولدي في بلد غريبه منعرفش حد فيها 
انا:هشم يا امي شوية هوا عايزه حاجه
امي:عايزه سلامتك.....مش قادره افهمك يا عبدو يا ابن بطني
(بالفعل نزلت عشان أتمشى ودخلت علشان اقعد في كافيه وكان في شوية شباب قاعدين ورايا)
يحيى:يا اسطى الحق دا الواد الصعيدي اللي معانا في الجامعه
فهد:تعالى نتريق عليه شويه 
فهد:ازيك يا اسطى عامل ايه
انا :انتو تعرفوني 
فهد :انا فهد ودا يحيى معاك في الجامعه 
انا:تشرفنا يا فهد انا عبد الرحمن 
فهد:هوا انتا صحيح صعيدي
انا:هيا كلمة صعيدي بقت شتيمه ولا ايه عاد ايوه يا سيدي انا صعيدي 
فهد:يعني بتفهم في البقر والجواميس طب ليه مدخلتش طب بيطري على الأقل تبقى فاهم شغلك كويس ههههههه
انا:ما هو لو دخلت طب بيطري هادخل عشان اعالجك واعالج اللي زيك 
فهد:انت بتقول ايه يا حيوان انت انت فعلا صعيدي قفل وغشيم
انا:يا راجل قالو عليا صعيدي قفل وغشيم قولت وانت تعرف ايه عن الصعيد يا لئيم إذ كنت متعرفش جدك السادس يبقا مين انا اقولك جدودي الاكابر بيوتهم فين حريمنا في البيوت قاعدين و مبسوطين حريمكم في الشوارع لابسين و مش لابسين قولتوا علينا نكت في افلامكم كنا اول الضاحكين ودا لإننا متحضرين ومش زيكم همجيين ولا مش مصدق روح اسأل الأول جدك السادس يبقا مين
فهد:الحق يا يحيى دا طلع بيقول شعر
يحيى:روح قول الشعر دا للبقره بتاعتك يحبيبي 
انا:انا هامشي مش لأني ضعيف لأ لأني ابويا علمني اني ما امدش ايدي على واحده ست ..... سلام عليكم انا هامشي عشان صلاة العصر ما تروحش عليا 
يحيى:ماشي انا ست انا هاوريك مبقاش انا يحيى الدمراني لو موريتكش 
(رجعت البيت وانا متعصب ودخلت على اوضتي من غير ما اسلم على امي وابويا )
ابويا:ماله الواد دا يا ام عبدو
امي :معرفش هخش اشوفه زمجان ليه
مالك يا عبدو زمجان ليه 
انا:مفيش يا امي
امي :عليا انا الكلام دا قول مالك
انا:احنا جاعدين في بلد مش بلدنا وسط ناس مش شبهنا العيشه هنا صعبه علينا عشان مليانه ناس نفوسها مريضه 
امي:متزعلش نفسك اهدا ...صلي العصر انت بس واطلع اقعد مع ابوك عشان متوحشك 
انا:حاضر يا امي 
(بعد الصلاه)
انا:ازيك يا بوي 
ابويا: الحمد لله عامل ايه يا واد في الجامعه
انا :الحمد لله على كل حال 
ابويا:انا عارف انك زمجان من الجعده في مصر بس معلهش استحمل شويه
انا:حاضر يا بوي
ابويا:يلا المغرب بيأذن اتوضى عشان ننزل نصلي
انا: حاضر يا بوي
(بعد الصلاه)
ابويا:يلا يا ولدي عشان نتعشى(عندنا في الصعيد بنتعشى المغرب)
بعد العشا 
انا:الحمد لله انا هاغسل ايدي وادخل انام عشان ورايا جامعه بكره الصبح تصبحوا على خير 
ابويا:وانت من اهل الخير
(تاني يوم الصبح)
انا:انا ماشي يا ماما عايزه حاجه 
امي: عايزه سلامتك يا ولدي
(رحت الجامعه بدور على البنت عشان اشكرها واديها فلوس المواصلات دخلت الجامعه بدور عليها زي المجنون بس ملقيتهاش مش عارف ليه زعلت بس عادي مش مهم )
(فضلت على الحال دا اسبوع كل يوم اروح الجامعه ومش بلاقيها لحد ما في يوم شوفتها في كافيتريا الجامعه)
انا:ازيك فاكراني انا عبد الرحمن اللي دفعتيله فلوس المواصلات 
منى:ايوا طبعا فاكراك 
انا:شكرا يا ستي على الواجب اللي عمليه معايا خدي دول
منى: ايه دول
انا:أجرة المواصلات ومكآفأه عشان لقيتي محفظتي 
منى:شيل فلوسك يا استاذ انا ما عملتش غير الواجب لو عايز ترد الجميل ممكن اخد كشكولك انقل منه المحاضرات عشان كنت غايبه الاسبوع اللي فات
انا:اكيد طبعا اتفضلي 
منى: شكرا هجيبهولك بكره تمام
انا:تمام
منى:باي
انا بتوتر:ب...ب.... باي
(روحت البيت وانا فرحان يمكن عشان لقيت حد يحترمني يقدرني في البلد الغريبه دي )
انا:السلام عليكم يا ست الكل
امي:وعليكم يا ولدي مالك مزقطط ليه كده
انا:فيه ايه يا امي مش عايزاني افرح ولا ايه عاد
امي:لا يا ولدي انا بتمنالك السعاده بس قول السبب
انا:هتعرفي قريب إنشاء الله 
امي:انا مبقيتش فاهماك يا ولد بطني 
(عدى اليوم بخير ونمت بس كنت تعبان شويه)
امي:اصحي يا ولدي هتتأخر على الجامعه
انا:سيبيني نايم يا امي انا مش هروح النهارده 
امي:براحتك يا ولدي
(بالفعل نمت مكنتش قادر اروح الجامعه )
امي:اصحى يا ولدي 
انا:فيه ايه تاني يا امي 
امي:اصحى يا ولدي الضهر بيأذن روح صلي الضهر وتعالى عشان نتغدى 
انا:حاضر يا امي
(نزلت اصلي الضهر بس اي دا الباب بيخبط يا ترى مين على الباب؟)
امي فتحت الباب 
منى: السلام عليكم يا طنط 
امي :وعليكم السلام يا بنتي انتي مين 
منى:انا زميلة عبد الرحمن في الجامعه 
امي:اتفضلي يا بنتي عبدو نزل يصلي
منى:لا مفيش داعي ابقي اديلو الكشكول بتاعه وقوليلو منى جابتهولك 
امي:ماشي يا بنتي بس مينفعش تيجي عندنا البيت وقت الغدا و متاكليش 
منى:معلش يا طنط وقت تاني
امي:لا تاني ولا تالت عيب دا احنا صعايده مينفعش 
منى :خلاص يا طنط 
(بالفعل دخلت منى البيت وانا صليت ورجعت)
انا:السلام عل... ايه دا منى 
امي:منى كانت جايه تجيبلك الكشكول وعايزه تمشي ينفع يا عبدو تمشي من غير ما تتغدى معانا
انا:لا مينفعش دا احنا صعايده دي تبقا عيبه في حقنا
منى:والله انتو فعلا اهل الكرم استنى يا طنط هادخل اساعدك 
امي:مينفعش يا بنتي دا انتي ضيفه 
منى:ضيفه ايه دا بيتي 
امي:براحتك يا بنتي
(بعد الغدا)
منى:ميرسي جدا يا طنط انا ماشيه 
انا:استني يا منى هنزل اوصلك 
منى:لا خليك ملوش لزوم
انا:لا ازاي مينفعش يلا بينا
امي بغمزه: ايوه يا واد يا جندوان
انا :بس يا امي هاتفضحيني يلا يا منى
(بالفعل نزلت عشان اوصلها)
انا:عرفتي تفهمي حاجه من الكشكول 
منى:اه طبعا ميرسي جدا استفدت كتير
(فجأه تقف قدامنا عربيه بس مين اللي جوا العربيه....
ركزت شوية وطلع .....)

يتبع الفصل التالي اضغط هنا


الفهرس يحتوي علي جميع فصول الرواية "  رواية احببت بنت البندر "  اضغط علي اسم الرواية 
reaction:

تعليقات