رواية زوجة زوجي الفصل الحادي والعشرون
رواية زوجة زوجي الفصل الحادي والعشرون
حور بفرحة عارمة: فاق واللهِ العظيم فاق كنت واثقة في كرمك ياربي....
شكرًا ياربيي شكرًا...
أنا مش مصدقة نفسي بس كنت واثقة في لطف ربنا وكرمه.....
ليلىٰ: في أي يا حور؟؟؟
حور بفرحة: يوسف فاق يا طنط أنا هلبس بسررعة لازم أروح اشوفة أنا مش مصدقة نفسي بجد....
ليلىٰ: الحمدلله... الحمدلله...كرم ربنا كبير كنت واثقة أنه هيردلي ابني سالم ومعافىٰ...
انتظريني هلبس واجيي معاكِ....
حور: بسررعة بالله يا طنط أنا مش قادرة انتظر خلاص أنا هموت من الفرحة بجد من وقت ما قالتلي مليكة وأنا عايزة أطير واروحله.....
ليلىٰ: هلبس بسررعة اهو...
حور: طنط بالله انتظري هنا وأنا هروح بسرعة اطمن عليه واجيبة واجيي مش هتأخرر...
ليلىٰ: استني يا حور...
حور وهي تجري: معلش يا طنط مش قادرة انتظر رجاءًا اعذريني...
وخرجت حور بسرعة وهي بتجري.. "
ليلىٰ لنفسها: أنا مش عارفة ازاي كنت بكرهها كده وكنت عايزة ابعدها عن يوسف دي بتعشقة، يوسف مكدبش لما قال انه لو لف الدنيا كلها علىٰ أطراف صوابعة عمره ما هيلاقي زي حور...
ربنا يحفظهم يارب ويكرمهم ويبعد عنهم أي شر'..
ـــــــــــــــــــــــــــــــــــــــــــــــــــــــــــــــ
هاتوا الفوانيس يا ولاد، هاتوا الفوانيس
هنزف عريس يا ولاد، هنزف عريس...
مازن: وتييين اطفي الاغاني دي واستهدي بالله وروحي البسي يلا...
وتين: بس بقىٰ علشان أنا مبسوطة أن رمضان قررب...
مازن: كل سنة وانتِ طيبة يا وتين بس ميصحش كده روحي البسي علشان إلياس قرب يجي هو واهلة...
وتين: حااضر هلبس حاضر علشاان ترتااح...
مازن: يختييي جدعة اووي...
دخلت وتين غرفتها وبعد فترة خرجت وهي ترتدي دريس باللون الأسود وطرحة باللون الأحمر..
مازن: اسود يا وتين؟؟
اسود؟؟
وتين: وماله الأسود يعني ده حتىٰ الأسود ملك الألوان...
مازن: واللهِ!!!
يبنتي ده عريييس جايلك مش رايحة جنازة...
شكلك فهمتي غلط...
وتين: بس يا جاهل أنتَ مش فاهم حاجة اصلًا....
مازن: هي كلمة واحدة روحي غيري...
وتين: علىٰ جثتي أني اغير...
After a 5 minutes
وتين: متفكرش أني غيرت لأني خايفة منك لسمح الله...
مازن وهو يكتم ضحكتة: عارف عارف أنتِ هتقوليلي....
وتين: عااااا اتريق اتريق...
مازن: تؤ تؤ لسمح الله مش بتريق...
وتين: ما.....
قاطعها رن جرس الباب...
مازن: عريسك جه يا لوزه...
وتين: نينينينيني لوزه في عينك...
مازن: خليكِ بنت ناس كده قدام الناس متقصريش رقبتي أنا هروح أفتح الباب
وتين: تؤتؤ اطمن خالص لا تقلق يا سيدي...
مازن: اهو أنا كده خوفت...
وتين: الله خليك واثق فيا شوية بقىٰ...
مازن: أنا هروح افتح الباب الناس بقالهم ساعة بيخبطوا...
ـــــــــــــــــــــــــــــــــــــــــــــــــــــــــــــــ
سما: نيره احترميييي نفسك لو سمحت...
نيره: وانتِ بتزعقيلي لي...
مسمحلكيش اصلًا أنتِ مين عشان ترفعي صوتك علياا اصلًا؟؟
نهلة: نيره عيييب سما مرات اخوكِ اتكلمي معاها كويس....
نيره: ملكيش دعوة يا نهلة أنا فاهماها دي سوسة وناوية تبعد ابيه عمر عننا وتخلية يكرهنا دي سوسة اووي....
سما قربت منها وضربتها بعصبية ونيره ضربت سما ونهلة بتحاول تبعدهم عن بعض بس مش قاادرة وهما نازلين ضرب في بعض..."
نهلة: اهدووا عيييب اللي بتعملوا ده ابيه عمر هيزعل اووي لو شافكم كده...
سما: لا دي بنت قليلة ادب اووي وعايزة تتربي....
عمر بزعيق: سمااااااااا أي الكلام اللي بتقوليه ده......
نيره ببكاء وهي تذهب لأخيها تحتضنه: شوفت يا أبيه اللي بتعمله فياا هي اصلًا بتكرهني اووي وعلطول بتزعق فيا وانهاردة ضربتني وأنا مش راضية اقولك عشان متزعلش...
عمر بحنان وهو بيهديها: اهدي يا روحي خلاص متزعليش بس بس اهدي كده خلاص.....
وأنا ليا كلام تاني مع سما...
نهلة: حرام يا أبيه نيره هي اللي....
عمر مقاطعها: متقوليش حاجة يا نهلة ولا تبرري حتىٰ لو حصل أي متمدش ايدها عليها....
يلا يا نيرو علىٰ اوضتك دلوقت يلا روحي اغسلي وشك ومتعيطيش...
نيره: ربنا يخليك ليا يا أبيه أنا بحبك اوي...
عمر: ويخليكِ ليا يا نيرو وأنا بحبك اوي...
ذهبت نيره إلىٰ غرفتها..'
نهلة قربت من عمر: مراتك مغلطتش علشان تكون عارف.....
وتركته وذهبت لغرفتها..
عمر بصرامة: سما تعالي ورايا يلا....
دخل الغرفة وسما خلفة وهي تبكي ايضًا..
عمر: ازاي تمدي ايدك علىٰ نيره يا سما...
سما ببكاء: هي اللي قليلة ادب واستفزتني.....
عمر: أنا مش هتكلم يا سما علىٰ الكلام اللي بتقوليه علىٰ اختي ده ومش محترماني كمان وروحتي وقليتي ادبك وضربتيها.....
سما: أنا اسفة خلاص وحياتي متزعلش...
عمر: مكنتش متوقع منك كده يا سما انا من قبل ما نتجوز وكنت قايلك أن اهم حاجة عندي اخواتي.....
مكملناش إلا شهر ونص متجوزين وبتعملي كده....
سما: أنتِ شايف أن اختك ملاك وأنا اللي غلطانة مع اني مغلطتش واختك هي اللي استفزتني ومشوفتش معاملتها معايا وأنا مش بتكلم في عز ما كنت عروسة جديدة وهما قاعدين معانا وكابسين علىٰ نفسي مقدرش اعمل حاجة براحتي ومتكلمتش بس ازااي ما هي سما لازم تطلع هي اللي غلطانة....
عمر: كابسين علىٰ نفسك...
مش غلطك هو الغلط غلطي معرفتش أختار حد يحافظ علىٰ اخواتي.....
سما: ولما أنتَ شايف أن اختيارك ليا غلط يبقىٰ طلقني يا عمر وارتاح مني...
عمر كان متعصب جدًا: ماشي يا سما أنتِ ط....
نهلة: لاا يا عمر متكملش عاايز تخرب بيتك لي حرام عليك هتندم اوي...
تعالي يا سما اقعدي معايا شوية في اوضتي هي ساعة شيطان وهتروح لحالها وانتَ يا عمر اهدى كده واستعيذ بالله من الشيطان الرجيم...
ـــــــــــــــــــــــــــــــــــــــــــــــــــــــــــــــ
حور: وحشتنييييي اوووي اوووي فوق ما تتصور متعرفش أنا كنت عايشة من غيرك ازاي يا يوسف هونت عليك ده كله...
يوسف بتعب: حوريتي يا روح قلب انتِ
تعالي في حضنييي....
حور قربت وحضنته جامد واتكلمت بدموع: أنا بحبك اوي يا يوسف متبعدش عني تاني ابدًا اصلًا أنا مخصماك ومش هكلمك تاني......
يوسف: ربنا يديمك ليا يا حوريتي انتِ القلب والروح والعمر وكل حاجة جميلة في حياتي اصلًا أنا بعشقك بجد بجد أنا مش لاقي كلمة اوصفك بيها يا حوريتي أنتِ اصعب من اني اوصفك.....
دكتور يونس: الله الله ده احنا رومانسيين اووي بقىٰ...
يوسف: تسمحلي اقولك يا دكتور أن حضرتك فصيل اوي يعني...
مليكة: من غير ما تقول واللهِ يونس ده مفيش ارخم منه جوزي وأنا عارفااه....
دكتور يونس: حتىٰ أنتِ يا مراتي تؤ تؤ صحيح الضربة من اقرب الناس بتوجع....
مليكة: اوڤر اووي يا قرة عيني......
حور: وانا بقول كده برضوا...
دكتور لو سمحت أنا عايز اخد يوسف البيت كفاية القعدة دي كلها في المستشفىٰ...
دكتور يونس: بأذن الله هيرجع معاكِ البيت متستعجليش هتزهقي منه واللهِ.....
حور: عمررري ما ازهق منه طبعًا ده انا لو اطول ادية عنيا هديهوملوا......
يوسف: كفاية خطف قلووب بقىٰ لأحسن اتهور واحنا في المستشفىٰ....
دكتور يونس: لا لا أنا ميرضنيش كده طبعًا دي مستشفىٰ محترمة أنا لازم اخرجك حالًا.....
يوسف: شكرًا يا رجولة متقلقش هتتردلك...
ـــــــــــــــــــــــــــــــــــــــــــــــــــــــــــــــ
سمر "والدة إلياس": وانا سمعت انك كنتِ متجوزة واطلقتي بعدها بكام شهر...
وتين وشها اصفر وردت: ايوا فعلًا يا طنط..
ألياس: في أي يا ماما ما أنتِ عارفة كل حاجة من قبل ما نيجي..
سمر: مش قصدي طبعًا بس أنا لازم اطمن عليك يا ابني....
مازن: لو حضرتك مش موافقة علىٰ الجوازة مكنتيش جيتي أنا اختي تعيش عمرها كله هنا معززة مكرمة....
إلياس: لا والله ماما مكنتش تقصد حاجة طبعًا يا بشمهندس...
سمر بابتسامة: ايوا فعلًا إلياس معاه حق...
بس أنا الكلام بيطلع لوحده...
وتين: ولا يهمك طبعًا يا طنط....
سمر: أنا اتشرف جدًا ان مرات ابني تكون قمر زيك يا بنتي.....
وتين: تسلميلي يا طنط ربنا يبارك فيكِ...
سمر: مبدائيًا كده أنا هجوزكم علطول اصلًا علشان أنا قاعدة لوحدي وعايزة مرات ابني تيجي تنور البيت.....
وتين: بأذن الله لو كان في نصيب...
سمر: هيحصل يا حبيبتي وهيكون في نصيب بأذن الله....
وتين: أن شاء الله يا طنط....
إلياس: اي بقىٰ يا جماعة نقرأ الفاتحة...
مازن: نقرأ الفاتحة.....
ـــــــــــــــــــــــــــــــــــــــــــــــــــــــــــــــ
نهلة: خلاص كفاية عياط بقىٰ يا سمكة....
سما: شوفتي يا نهلة ده بيقولي أني كنت غلطة في حياته وانه معرفش يختار...
نهلة: متزعليش واللهِ ابيه عمر طيب اوي بس هو مش بيستحمل فينا حاجة وباللذات نيره لأنه بيعتبرها بنته مش اختة من وقت ما بابا وماما توفوا وهو اللي رباهاا....
سما ببكاء: حتىٰ لو كان مكنش المفروض يقولي كده أنا عايزة اروح عند ماما...
عمر: طفلة أنتِ بقىٰ علشان لما تعيطي تقولي انك عايزة تروحي عند ماما...
سما بصتله بعتاب ومتكلمتش..
عمر: لا لا إلا البصة دي يا عيوني خلاص بقىٰ يا سكاي متزعليش....
نهلة بضحك: ايوا هو ده ابيه عمر...
عمر: طيب أي مش هتهوينا....
نهلة: علفكرا بقىٰ دي اوضتي خد مراتك ويلا من هنا...
سما: لا أنا مش هروح معاه ويخلي في علمه أني هطلق ومش هعيش معاه تاني ابدًا علشان يصلح الغلطة بقىٰ...
عمر: قلبك ابيض ده انتِ حتىٰ سكاي...
سما: قوليلوا ميكلمنيش تاني يا نهلة بس....
عمر: طفله اووي...
تعالي بقى..
وشدها من ايدها وخرج بيها واخدها ودخل اوضتهم وقفل الباب
وبعدين قرب منها واخدها في حضنة وهي قعدت تعيط....
سما: ابعد عني انتَ بتكرهني اصلًا...
عمر: لا طبعًا متقوليش كده أنا محبيتش قدك يا سمكتي اصلًا...
سما: كدب أنتَ مش بتحبنييي خالص...
عمر: لا حقك علىٰ قلبي يا قلبي خلاص بقىٰ كفاية عياط أنا اسف ياحياتي بقىٰ وحياتي عندك اهدي...
سما: مش هتعمل كده تاني صح...
عمر: حرمت يا باشا واللهِ
شالله يتقطع لساني قبل ما ازعقلك...
سما: بعد الشر عليك انا بحبك اوي يا عموري...
عمر: قلب عمورك واللهِ....
ـــــــــــــــــــــــــــــــــــــــــــــــــــــــــــــــ
ومر ثلاثة أشهر والأبطال يعيشون في سعادة ومشاكل ولكن بحبهم قادرين علىٰ تخطي كل شيء.. "
مازن: تسنيييم.....
تسنيم: ايوا يا مستر مازن في اي....
مازن: انتِ حرامية اوي علفكرا...
تسنيم بخضة: لي حضرتك بتقول كده واللهِ ما سرقت حاجة...
مازن: لا سرقتي يا تسنيم
كان جميع الموظفين مجتمعين..
تسنيم: واللهِ ما سرقت حاجة....
مازن: كدب سرقتي قلبيي والكل شاهد علىٰ كده...
تسنيم بصدمة: حضرتك بتقول أي
مازن: مش وقت صدمات خالص....
تتجوزيني يا تسنيم...
تسنيم بتوتر: طيب ما هوو..
مش هينفع...
مازن: لا هينفع طبعًا وبعدين أنا كلمت والدتك حضري الشربات بقىٰ بس يكون بأديكِ الحلوة...
تسنيم كانت مكسوفة جدًا ومش قادرة تنطق.....
وتين: يا سيدي يا سيدي علىٰ الحب
ونغزت إلياس وقالت: اتعلم شاايف الناس...
إلياس: وافقي أنتِ بس وأنا هتعلم كل حاجة....
وتين: شششش بس اسكت مباارك يا زونة...
مازن: وطيي صوتك فضحتيني...
وتين: حبيباااي أخيرًا هبقىٰ عمتو الحربااية أنا مبسوطة اوي...
ـــــــــــــــــــــــــــــــــــــــــــــــــــــــــــــــ
"بارك الله لكما وبارك عليكما وجمع بينكما في خير".
أنتهىٰ المأذون من جملتة مع انطلاق الزغاريط والتهاني وفرحة الجميع...
إلياس: أنا قلبيي مبسوط اوي يمكن مقولتهاش قبل كده بس أنا بحبك اوي يا وتينيي......
وتين: تعرف يا إلياس بجد أنتَ احسن حد عرفتة في حياتي يمكن نعرف بعض من شهور قليلة بس حبك كان محاوطني حتىٰ لو مقولتهاش نهائي بس افعالك كانت دايمًا بتقولها....
إلياس: حقًا لقد هرمت من أجل هذه اللحظة...
وحضنها ولف بيها وهما مبسوطين جدًا
وفي الخلفية الست بتقول" العيب فيكم يا ف حبايبكم أما الحب يا روحي عليه. "
وتين: إليـــــــــــــــاس الحقنيييي
إلياس بخضة: في أي يا وتين؟؟.
وتين: هموت يا إليــــــــاس مش قادرة...
إلياس بتوتر: طيب اعمل أي انا مش عارف....
وتين: أنتَ لسة هتتكلم حرام عليك
خودنيي المستشفىٰ بسررعة....
إلياس بقلق وتوتر: حاضر حاضر بس ارجوكِ اهديي...
وتين: مش ههدىٰ يا إلياس انا بولــــــــــــد حرام عليك.....
إلياس: بتولدي ازاي يعني أنتِ لسة في الشهر التامن.....
وتين: مش قــــــــــادرة حـــــــــرام كده خودنـــــــــي المستشفى وكفاية رط ارجوك....
إلياس: مااشي... ماشي هاخدك دلوقت وهتكوني زي الفل متقلقيش....
البسي الاسدال بتاعك امسكييي...
وتين ببكاء: ساعدني مش قادرة...
البسها الأسدال وحملها في احضانة وهي تبكي بشدة من الآلم وهو يحاول تهدأتها حتىٰ وصل للشارع واوقف تاكسي سريعًا وركبا كلاهما ووتين تصرخ من شدة الآلم وإلياس يحاول التخفيف عنها وهو يتحدث مع السائق بأن يتعجل وانطلق السائق ذاهبًا بهما إلىٰ المستشفىٰ....
ـــــــــــــــــــــــــــــــــــــــــــــــــــــــــــــــ
يوسف: من وقت ما رجعنا من عند عمامي في البلد وانتِ لاوية بوزك كده في أي يا حور؟؟؟
حد زعلك؟؟
حد ضايقك في حاجة هناك؟؟؟
حور: يوسف أنتَ لازم تتجوز...
يوسف بصدمة: أنتِ بتقولي أي يا حور؟؟
انتِ اتجننتي؟؟
حور: مش نفسك يكون عندك عيل تربيه؟؟
يوسف: ايوا قولي كده من الأول بقىٰ..
مين اللي اتكلم معاكِ هناك وقالك الكلام ده؟؟
حور: الكل يا يوسف كلهم بيعيروني يا يوسف..
بيعايروني
علشان مش هقدر اجيب حتة عيل اقر عيني بيه...
بيعايروني علشان كنت حامل وحصلي نزيف وكان لازم اشيل الرحم....
بيعايروني علىٰ تدبير ربنا ليَّ...
بيعايروني علىٰ نصيبي يا يوسف..
تفوهت حور بكلماتها وهي تبكي بشدة
جذبها يوسف لأحضانة مشددًا عليها ودموعة تنزل بصمت..
يوسف ببكاء ايضًا: خلاص يا حوريتي ده نصيبنا وكمات مش نصيبك لوحدك ده نصيبنا أحنا الأتنين واحنا لازم نرضىٰ بيه...
احنا لازم نحمد ربنا علىٰ نعمه علينا يا حورية وبعدين مين قالك اني عايز عيال يا حوري انا بحمد ربنا كل يوم علىٰ وجودك جمبي وهو بالدنيا لازم تكوني عارفة ان وجودك اكبر نعمة في حياتي....
حور بضعف: كان نفسي اوي يا يوسف نفسي ربنا يرزقني بعيل اربيه واكون جمبة في كل مراحل حياتة نفسي احس باحساس الامومة اوي واللهِ كنت هوهب كل حياتي ليه كنت هربيه علىٰ الخير وعلىٰ الحب وعلىٰ تعاليم الإسلام كنت عايزة اعرفة دينة ونحفظ قراءن مع بعض انا وانتَ وهو كان نفسي اوي في بيبي يا يوسف ااااه علىٰ وجع قلبي...
يوسف: اهدي يا حورية الكلام اللي بتقولية ده غلط....
وبعدين انتِ متحرمتيش من الإحساس ده عندك فرصة تكوني أم...
حور بقهر: انتَ بتتريق عليا يا يوسف..
ربنا يسامحك واللهِ..
يوسف: لا فعلًا احنا ممكن نتكفل طفل...
حور بأمل: بجد يا يوسف يعني انتَ موافق علىٰ حاجة زي كده..
يوسف: موافق وبشدة بقالي كتير بفكر في الموضوع وكنت عايز افاتحك فيه...
حور: أنا بحبك اوي يا يوسف ودي خطوة حلوة اوي وانا اقسم بالله هعاملة بما يرضي الله وهيكون ابني من اليوم اللي هنجيبة فيه...
يوسف: واثق في كده يا حوريتي وبأذن الله هبدأ اشوف الموضوع ده...
حور: انا بحبك اوي يا يوسف ربنا يديمك ليا...
يوسف: مهما تحدثت لن استطيع وصف عشقي لكِ يا حوريتي...
ـــــــــــــــــــــــــــــــــــــــــــــــــــــــــــــــ
نيره: أنا اسفة يا سما..
سما: عادي ولا يهمك انتِ معملتيش حاجة أنتِ بس كنتِ هطلقيني وهتخربي بيتي اكتر من مرة مش اكتر...
نيره ببكاء: خلاص ارجوك متزعليش مني بس أنا بغير علىٰ ابيه عمر اوي وكنت خايفة اوي لتخلية يكرهنا وانا مليش غيرة في دنيتي هو ابويا وسندي وكل حاجة......
جذبتها نيره إلىٰ احضانها وهي تملس علىٰ ظهرها بحنان، وبادلتها نيره العناق..
سما: يا بنتي انتِ اختي واللهِ هو ماشي انا قربت اكمل سنة متجوزة وانتِ مش طيقاني بس مشحوار المهم انك عرفتي في الآخر اني مش هاخد منك ابيه ابدًا، ويعلم ربنا من ساعة ما دخلت البيت ده وانا اعتبرتكم اخواتي مش اخوات جوزي بس...
وككان أنتِ ازاي تفكري ان عمر ممكن يبعد عنكم مهما أن حصل...
عمر بيعتبركم بناتة مش اخواتة..
نيره: انتِ قلبك طيب اوي يا سما وانتِ من النهاردة اختي واتمنىٰ نفتح صفحة جديدة مع بعض...
عمر: اوباا خيانة وبين مين سما ونيره
سبحان مغير الأحوال...
سما: بس يا بابا ملكش دعوة بينا احنا اخوات مع بعض...
نهلة: عااا احضان من غيريييي يا خاينين...
سما: خش في حضن اخواتك يا فواز...
عمر: وانا مليش من الحب جانب ولا اي..
واقترب منهم عمر جاذبهم جميعًا إلىٰ احضانة وهو يتحدث بسعادة: يااه الواحد مش مصدق نفسة والله ربنا يباركلي فيكم يارب يا نور عيو....
وقاطع حديثة صراخ طفل صغير ليتضح لنا يا سادة أنه ابن عمر وسما...
انتفضت سما مبتعدة عن احضانهم وهي تقول: يلاهوي ده عموري أكيد صحي هروح اشوفة بسررعة...
عمر: عمورك؟!
طيب غوري من شوي يا ختييي..
سما: الله مش ابني..
نهلة: عماار قلب عمتة اديهوني اشيلة شوية بالله يا سما..
سما: دلوقت بقىٰ حبيب عمتة؟؟
ولما اقعد اتحللك تشليه شوية...
نهلة: ده انتِ قلبك اسود بصحيح خلاص ياختيي روحي انتِ وابنك اصلا وحش زيك...
سما بزعيق: شاايف يا عمر بتعيب علىٰ عموري حبيب ماما...
عمر: عمته وتعيب براحتها.....
سما: مستفزيييين...
نيره: لا طبعًا عموري حبيب عمته قمر طبعًا...
سما: ايوا كده أنا مليش غيرك اصلًا يا رجولة٠٠٠٠
ـــــــــــــــــــــــــــــــــــــــــــــــــــــــــــــــ
وكانت سيارة الاجرىٰ تقف للتو أمام المستشفىٰ..
هبط منها إلياس وهو يحمل وتين التي تصرخ وتنزف بشدة بين يدية...
إلياس بصوت عالي: دكتوور بسرررعة ارجوكم....
ــ اهدىٰ يا استاذ لو مستعجل كده ادخل الطوارئ..
ذهب بها إلياس سريعًا إلىٰ الطوارئ..
دخل بها سريعًا وعندما رأتة الدكتورة ورأت وتين التي تنزف بين يديه امرته ان يضعها علىٰ الفراش سريعًا...
الدكتورة: اتفضل يا استاذ برة بعد اذنك
كاد إلياس أن يعترض..
الدكتورة: وجود حضرتك ملهوش لازمة ياريت متعطلناش..
خرج إلياس من الغرفة مرغمًا فهو لا يريد ترك وتين..
ظل يدعي وهو قلق بشدة حتىٰ خرجت الدكتورة..
إلياس: طمنيني يا دكتورة وتين كويسة؟؟
الدكتورة: متقلقش حضرتك بس دي اعراض ولادة...
إلياس: بس هي لسة في التامن؟؟
الدكتورة: ولادة مبكرة علشان كده هنجهز غرفة العمليات...
إلياس: تمام ي دكتورة اهم حاجة وتين تكون بخير أنا اعرف أن الولادة في التامن بتكون خَطِرة..
الدكتورة: متقلقش أن شاء الله هتكون بخير أنتَ ادعيلها وبأذن الله هي والبيبي هيكونوا زي الفل..
ـــــــــــــــــــــــــــــــــــــــــــــــــــــــــــــــ
مازن: أنا زهقت يا تسنيم بقىٰ مش هينفع كده اومال احنا هنتجوز امتىٰ....
تسنيم: يوة يا مازن أنا قولتلك أني مش هقدر اسيب ماما...
مازن: لا احنا بقالنا اكتر من سنة مخطوبين وقولتلك طنط تيجي تعيش معانا بعد الجواز...
تسنيم: ماما مش هترضىٰ يا مازن أنا عارفة...
مازن: لا هترضىٰ يا تسنيم صدقيني...
تسنيم: مازن لو أنتَ مش قادر تصبر يعني وعايز تفسخ الخ....
قاطعها مازن: بس يا متخلفة مش هبقىٰ مركون جمبك سنة علشان اجي في الآخر افسخ الخطوبة...
تسنيم: اللي فيه الخير يقدمه ربنا...
مازن: ماشي يا تسنيم وانا هكلم طنط وهقنعها وهتشوفي علشان ميبقاش عندك حجج تاني.....
تسنيم: ماشي يا مازن٠٠٠٠
ـــــــــــــــــــــــــــــــــــــــــــــــــــــــــــــــ
إلياس: مبارك يا عيونيي بنوتة زي القمر شبهك٠٠٠
وتين بتعب: هي فين عايزة أشوفها يا إلياس٠٠٠٠
إلياس: صغننة اووي يا وتيني وعلشان كده حطوها في الحضانة٠٠٠
وتين بخضة: يعني هي كويسة يا إلياس؟؟
بنتي كويسة صح؟؟
إلياس: كويسة واللهِ يا حبيبي بس اتحطت في الحضانة علشان لازم تكون تحت الرعاية٠٠٠
وتين: طيب أنا عايزة أشوفها يا إلياس٠٠٠٠
إلياس: حاضر يا تينا لما تبقي كويسة هاخدك لعندها علشان تشوفيها٠٠٠٠
وتين: لا يا إلياس عايزة اشوفها دلوقت٠٠
إلياس: بطلي عناد يا وتين أنتِ دلوقت تعبانة٠٠٠٠
ـــــــــــــــــــــــــــــــــــــــــــــــــــــــــــــــ
مرت ثلاثة أشهر٠٠٠٠
في قاعة ذات مظهر جميل مقام فرح "مازن وتسنيم"
مازن: اخيرًا يا نيمو أنا مش مصدق نفسي لغاية دلوقت ده أنا كنت حاسس أني هموت قبل ما اتجوز٠٠٠٠٠
تسنيم: بعد الشر عليك يا حبيبي ربنا يديمك ليا٠٠٠٠٠
مازن: ويديمك ليا يا عيوني٠٠٠٠٠
تسنيم: مازن٠٠٠
مازن: عيونة٠٠
تسنيم: أنا بحبك اووي علفكرا٠٠
مازن: خلي في علمك أن انا بحبك أكتر٠٠
علىٰ أحدىٰ المقاعد تجلس وتين وبجانبها إلياس وهو يحمل صغيرتهم بين يدية٠٠٠
وتين: علفكرا بقىٰ أنتَ بطلت تحبني٠٠٠٠
إلياس: أنا بطلت أحبك يا تينا بتقولي كده لية؟؟
وتين: حضرتك مبقتش تهتم بيا وعلطول في الشغل ولما بترجع بتفضل لازق في روز ولا كأني موجودة اساسًا٠٠٠٠
إلياس بضحك: قولي بقىٰ أنك غيرانة من فيروز٠٠٠٠
وتين: لا طبعًا مش غيرانة٠٠٠٠٠
إلياس بجدية: عايز أقولك يا تينا أني بعشقك مش بس بحبك فياريت يكون عندك شوية ثقة في حبي ليكِ٠٠٠٠
وتين: مش شاكة في حبك ليا يا إلياس بس أنا عايزاك علطول بتهتم بيا متهملنيش ابدًا٠٠٠
إلياس: انا مليش في الحياة غيرك أنتِ وفيروز يا وتين هفضل علطول احبكم واهتم بيكم علشان انتوا روحي٠٠٠٠
وتين: أنا بحبك اوي يا إلياس ربنا يديمك ليا يارب أنتَ وروز ومتحرمش منكم ابدًا٠٠٠
إلياس: ولا نتحرم منك ابدًا يا روحي٠٠٠
ـــــــــــــــــــــــــــــــــــــــــــــــــــــــــــــــ
في بيت يوسف وحور
كانت تجلس حور وفي احضانها طفل يبلغ من العمر سنة وبجانبها يوسف٠٠٠٠٠
حور بدموع: أنا مش مصدقة نفسي يا يوسف بص جميل ازاي٠٠٠
يوسف: جميل اوي يا أم رحيم متعرفيش أنا مبسوط قد أي٠٠٠
حور: وأنا هطير من الفرحة يا يوسف مش مصدقة أن حلمي اتحقق٠٠٠
يوسف: حلمنا اتحقق يا حوريتي وبقىٰ معانا رحيم٠٠٠٠
حور: ربنا يباركلي فيكم يا يوسف أنتَ ورحيم كل حياتي٠٠٠٠
يوسف: بحبك حب ملهوش لا أول ولا أخر يا حوريتي انا مقدرش اتخيل حياتي من غيرك انتِ ورحيم٠٠٠٠
حور: أنتَ بالنسبة ليَّ الحياة يا يوسف ورحيم ده حتة مني ربنا يديمكم جمب مني يارب٠٠٠٠٠٠
يوسف: أنتِ العشق يا حوريتي٠٠٠
وفي الخلفية الست بتقول " العيب فيكم يا ف حبايبكم اما الحب يا عيني علية "
يتبع الفصل التالي اضغط هنا
الفهرس يحتوي على جميع فصول الرواية "رواية زوجة زوجي" اضغط على اسم الرواية
تعليقات
إرسال تعليق