Ads by Google X

القائمة الرئيسية

الصفحات

رواية لعبه القدر الفصل السادس عشر والاخير 16 بقلم امنيه حاتم

     

رواية لعبه القدر الفصل السادس عشر والاخير

منه: لأ ياعمو مش هينفع
سميره: ايوه يا علي مش هينفع
عبدالله: ليه يا امي مش هينفع انتي عارفه اني عاوز منار من زمان وكنت مستنيها تخلص جامعتها
سميره: عارفه يا ابني بس هي لسه هتجهز نفسها وتحضر فستانها ف هتحتاج وقت اكتر من الاسبوع ده
منه: ده رائي برضو دي هتاخد اكتر من شهر
منار: وفري رائيك أنتي
انا هنزل مع خديجه وهجيب الفستان في نفس اليوم
في نفس الوقت دخلت خديجه وزين
خديجه: انا سامعه اسمي في الموضوع في ايه بقا
منار: بابا حدد الخطوبه بعد اسبوع
عملت نفسي مصدومه وكأني معرفش رغم ان منار قيلالي كل حاجه وعبدالله اعترفلي بحبه ليها كمان بس كنت مبسوطه انهم اخيراً حددو معاد الخطوبه رسمي
خديجه: مُباااااارك يا حبيبتي هننزل بكرا نجيب الفستان
منار: ما انا بقول كده
وبصت ل منه من فوق لتحت وكملت كلامها: بس منه بتقول نستني اكتر من شهر
خديجه: شهر!!! لييه؟؟
ده بعون الله ممكن نعمل الخطوبه بعد يومين عااادي جدا، بس احنا مستنين ماما تقوم بسلامه
منه بإحراج: اه طبعا المهم خالتو تكون كويسه... الف مبروك يا منار
قعدنا مع ماما واتكلمنا وهزرنا وبعد كده قالو لازم واحد بس يكون مع ماما في المستشفى
عبدالله: انا إللي هبقا موجود
خديجه: لأ طبعاً مينفعش هي ممكن تحتاج حاجه او اي مساعده وانا اولي بيها
وبعد مناهده كبيره وافقو إني ابات معاها وهما هيجو الصبح بدري
عبدالله: خلي التليفون جنبك علشان اطمن عليكي
خديجه: حاضر
زين: خلي بالك من نفسك ولو احتاجتي اي حاجه رني عليا
خديجه بإبتسامة: متقلقش عليا
كلهم مشيو وماما نامت من العلاج وفضلت قاعده لوحدي بعد ساعه باب الأوضة خبط
خديجه: ادخل
افتكرت دكتور او ممرضه بس ليقت زين!!!!
خديجه: ايه ده انت جيت تاني ليه؟؟
زين: اومال هسيبك لوحدك يعني
خديجه: بس هما مش هيرضو
زين: ما انا قولتلهم إني هجبلك أكل وقولتلهم كام حاجه كده والمهم اني هكون معاكي
خديجه: طب هات العصير والشيبسي ده بقا
زين بهزار: لأ واضح إنك مبسوطه بالحاجات دي اكتر من وجودي
ضحكت ومردتش عليه رغم اني عاوزه اقوله وجوده معايا مطمني ومفرحني اكتر من اي حاجه في الدنيا
زين: انتي زعلتي من كلامي علي اميره
هو حكالي واحنا برا أن أميره قالتله أن كان فيه ولد بيوديني الكورس وبنطلع الأسانسير مع بعض ف هو توقع انه يكون عبدالله وفعلا كلم عبدالله وبطريقه غير مباشره عرف انه كان بيوديني الكورس وبيطلعني وبيروح شغله
وقالي كمان انها بعتتله ادد علي الفيس
خديجه: انا مزعلتش عليها
انا زعلت اني معرفتش اطلع بصديقه تكون سند ليا وتكون معايا علي المُر قبل الحلو
زين: محدش بياخد كل حاجه
انتي ربنا رزقك ب اخ بيخاف عليكي من الهوا وام بتحبك ونفسها تكوني احسن واحده في الدنيا وعيله بتحبك وتحترمك برضو
غمزلي وكمل كلامه و رزقك بواحد شايف فرحتك وضحكتك هي اهم حاجه في الدنيا
خديجه بكسوف: ربنا يحفظهم يدمهم في حياتي
زين بهزار: انتي بتدعيلي معاهم صح!!
غيرت الموضوع علشان ضربات قلبي ذادت ونفسي عالي واتوترت... اتخانق معايا اسهل يازين والله
خديجه: عاوزه اتصل ب اميره اسألها علي المحاضرات واشوف ردها
زين: رغم اني متوقع ردها، بس جربي
اميره: وحشتيني يا حبيبتي
مامتك عامله ايه دلوقتي
خديجه: الحمدلله
هتبعتيلي المحاضرات ولا هتستني لما اجي؟
اميره: محاضرات إيه يابنتي ده أنا مروحتش ولا مره علشان كنت تعبانه
خديجه : الف سلامة عليكي
طب هتعملي بقا في الحاجات إللي فاتتك
اميره: هاحاول اخدها من اي حد بقا
وبعدين انتي مش هتغلبي يعني هي في حاجه بتقف معاكي أبداً
لكن أنا بفضل ساعتين علشان أفهم صفحه
فضلت تتكلم أنها مش بتركز وعندها مشاكل حسستني ان حياتها أصعب من حياه شعب اوكرانيا دلوقتي
خديجه: ربنا يهونها عليكي انا هقفل بقا عشان اشوف ماما
زين: طبعاً قالتلك انها مش بتحضر
خديجه بضحك: وتعبانه كمان
زين: دي تلقيها بتقعد في اول بنش في المحاضره كمان
خديجه: يلا ربنا يعينها علي نفسها
زين: مش هتعتبيها؟؟؟
خديجه: اتعاتبها ليه؟!
هي مش غاليه ولا مهمه ولا صديقه علشان تتعاتب... احسن حاجه إنك تكون عارف مقام الناس عندك ومقامك عند الناس برضو
زين: عندك حق العتاب لازم يكون لناس مُعينه وغاليه
كملنا كلام ومع كل نقاش وكل موقف بفهمه زياده، قد ايه هو بيجمع بين كل نقيض
هادي وعاقل و ودمه خفيف وبيعمل حاجات مش متوقعه
بيسهر كتير وانشط واحد يقوم بدري
اجتماعي جدا وكل الناس بتحبه
بس عنده صديق واحد ومش بيدخل حد حياته... وشعور غريب بيتسلل ل قلبي مش عارفه افسره...بس انا مبسوطه معاه
تاني يوم كلهم جم بدري وبما أن ماما مبتحبش جو المستشفيات واتحسنت كتير ف خرجت من المستشفى وروحنا كلنا
سميره: طيب انا بقيت كويسه اهو
إيه رايكم الخميس الجاي خطوبه عبدالله ومنار
علي: انا موافق عاوزين نفرح بقا
عبدالله بفرحه: خلاص هما ينزلو يشترو الفستان وانا هظبط كل حاجه
ياسمين: وانا هقعد لحد ما احضر الخطوبه
خديجه بصوت واطي ل منار: إيه مش هتقولي حاجه!!
منار: انا لما بفرح اووي كده بطني بتوجعني ومبعرفش اتكلم
خديجه بهزار: الناس كلها قلبها يدق وانتي بطنك توجعك!!!
منار: شايفه الاختلاف يابنتي
ده انا عروسه مفيش مني والله
خديجه: طب والعروسه دي نفسها في اية بقا
منار: نفسي انام واصحي القي نفسي قعده جنبه ويقولو زينه شباب الزينه الليله الحلوه دي جابت رجليه
خديجه بضحك: احلام بسيطه والله
واحنا قاعدين وفرحانين جه خبر ولا علي البال ولا الخاطر
عبدالله: انا لازم انزل القاهره علشان اخلص ورق مهم
زين: وانا لازم اشوف المعدات هناك واعاين الاجهزه الجديده
حمزه: وانا كمان مينفعش اسيب الشغل اكتر من كده وخصوصا اني مكنتش مرتب اني هقعد اكتر من يومين
خديجه: ااااه انتو متفقين مع بعض بقا
زين بضحك: بصراحه اه
هنروح مع بعض وهنرجع مع بعض
ياسمين: هتسافرو يوم واحد يعني
حمزه: لأ يومين
حرام يعني نروح ونيجي في نفس اليوم
خديجه: خلاص واحنا هنقعد هنا مع بعض لحد ما تيجو من السفر
عبدالله: اه ياريت
وانا هكلم خالي يسيب منار معاكم
جهزو شنطهم وانا مكنتش اعرف إني هضايق اووي كده لما هو يبعد عني
زين: هتوحشيني
خديجه بإبتسامة: خلي بالك من نفسك
زين بهزار: لأ في مشكله في السيستم تقريباً
الرد ده ميمشيش مع كلامي
خديجه بضحك: لأ هيمشي علي فكره
زين: خلاص نعديها المره دي
خلي بالك من نفسك ومن أكلك ومن مامتك
خديجه: وانت سوق براحه هااا
زين بضحك: اه طبعاً طبعاً
مشيو بليل وحسيت إني عاوزه اقوله متمشيش او خدني معاك ونرجع مع بعض
ياسمين شكلها اتغير ومنار فرحتها قلت كأن كل واحد فيهم خد جزء مننا ومشي.....
شغلت نفسي بأي حاجه اعملها او بكلامي معاهم علشان مفكرش فيه
منار: انا جعانه... تعالي نعمل حاجه نكلها
خديجه: زين برضو بيحب ياكل بليل وخصوصاً سندوتشات
منار بغمز: والحلو بقا يركز في التفاصيل اهو
خديجه بتوتر: ااا.. اصل يعني
منار: ايه ده ايه ده بقيتي تتوتري لما تيجي سيرته اهوو
فاكره لما كنتي بتتريقي عليا هااا
خديجه: خلاااص فاكره فاكره
نمنا مع بعض وصحينا بدري ونزلنا اشترينا حاجات كتير وجبنا الفستان إللي دوخنا علشان يعجب الهانم ورجلنا اتكسرت
خديجه: ااه يارجلي حرااام عليكي تعبتينا
منار: اومال عاوزني اشتري اي حاجه يعني
دي فرحه حياتي ياخديجه
فرحت لفرحتها وإن انها دايما كانت بتقول اكيد ربنا هيزرقني بيه وهيستجاب دعائي وهيجبهولي مجرور من قلبه
خديجه بسعاده: ده انتي تختاري احلي حاجه وتتعبيني براحتك يا حبيبتي
خلصنا وروحنا ودخل عليا الليل وبدء معاه التفكير ف اتجمعنا وقعدنا مع بعض
خديجه: الحب بيستمر بعد الجواز ي ياسمين؟
ياسمين بإبتسامة:العلاقات مش بتتقاس بالحب بقدر ما تُقاس بالأمان ، الحب في البدايه بيكون كبير اوي وبعد كده بيقل او شغفه بيروح...أما الأمان شعور دايم
بستأمنه على عيوبي وعارفه انه مش هيرميها وسط الكلام في خناقه
بستأمنه على حلمي وفرحتي وعلى الحاضر و المستقبل ، حتى على الأفكار إللي بخاف اقولها لنفسي بكون مطمنه وانا بشاركه فيها... الأمان والاحترام هما اللي بيخلو الحب يستمر
خديجه: وانتي حبيتي عبدالله ليه يا منار
منار بتنهيده: حبي ليه ملهوش سبب معين
انا لقيت نفسي بقع في حبه واحده واحده لحد ما فقدت السيطره علي قلبي
كلامه وتفكيره و ابتسامته و مواقفه معايا وفرحته ل لفرحتي
انا حبي ل عبدالله ملهوش وقت معين حصل فيه
خلصت كلامها وبصتلي بتركيز: وانتي بقا لقتي في زين فتي احلامك اللي كنتي بتحلمي بيه؟؟
خديجه بإبتسامة:عارفه احساس لما يجيلك حد عكس ما كنتي بتفكري وعكس كل احلامك ، وبرضو تكوني راضيه ومبسوطه جدًا بيه وشايفه ان صفاته هي احلي حاجه وتبقا هي دي كل احلامك!!!!
اهو حبي ل زين كدا، هولا يشبه فتى احلامي ولا حاجة بس هو ده اللى قلبي اختاره ومش عاوزه غيره ولا قلبي هيدق لغيره
ياسمين بغمز: ده انتي وقعتي ومحدش سَما عليكي
اه وقعت في حب طيبته وحنيته عليا في كل المواقف... وقعت في حب تفكيره وهدوئه وضحكته وانه بيسمعني وبيحاول يشاركني في اي حاجه بحبها..
هو يبحب الحقيقه ويتحب جدا كمان
فتحت النوت بتاعتي وكتبت فيها:
"‏أدركتُ أني أُحبك بشكلٍ مُختلف، منذُ أن أنصفتُ الدعاء إلى نصفين، نصفٌ لك ونصفٌ لي ونطقتُ بالآمين لكَ قبل أن تكُن لي❤"
تليفوني رن وفرحت اوي انه زين
زين: طبعا لسه سهرانه وبتشربي نسكافيه ومستغربه إنك مش عارفه تنامي ليه صح؟
خديجه بضحك: صح اوي كمان
طمني عليك
فضلنا نتكلم ويهزر واحكيله عملت ايه في اليومين دول كأني كنت محوشه الكلام علشان احكيله
الصبح صحينا بدري وجهزنا نفسنا وعبدالله كان مرتب كل حاجه بتليفون وقرايبنا ساعدو برضو واحنا روحنا الكوافير و هما هيوصلو هنا كمان ساعه
خديجه: الساعه دلوقتي 11 نستانهم ونطمن عليهم وبعد كده نروح أيه رأيكم
منار: لا احنا كده هنتأخر وبعدين دول ممكن يجو ويرتاحو وبجهزو قبل الفرح بساعه واحده
ياسمين: اه يدوبك يحلقو ويلبسو البدل بس كده
خديجه: خلاص يلا نروح
ياسمين بصوت واطي: هو وحشك صح
خديجه بكسوف: بصراحه اه
ياسمين: والله وانا حمزه وحشني
تعرفي ان دي اول مره اقعد هنا منغيره
المسافات بتعرفنا قيمه الناس إللي في حياتنا وخصوصا لما نكون اتعودنا علي قربهم دايماً
وصلو واتصلو طمنونا واحنا خلصنا الساعه 7 تقريبآ وكل واحده ملكه جمال
ياسمين: اي الحلاوه دي يا ديجا
كأنك انتي العروسه والله
انا فعلاً كنت حاسه اني العروسه لأني مفرحتش كده في خطوبتي بس انهارده فرحانه اووي ومستنيه زين اووي اووي
خديجه: سيبك انتي ده حمزه هينبهر لما يشوفك كملت كلامي وانا ببص ل منار: والعروسه اللي هتخطف عين وقلب اخويا مفيش منها اتنين
منار: انا متوتره اووي هما هيجو امته
قالولنا ان العريس وصل وانا قلبي دق كأن انهارده فرحي انا مش هي
بس ده حقي برضو ده فرح اخويا ومنار اكتر من اخت ليا
دخل عبدالله وانبهر بجمالها وكسوفها: كأني اول مره تشوفك عيني رغم اني شايفك بقلبي من زمااان... مبروك يا احلي عروسه
متكلمتش بس عيونها قالت حاجات كتير واخدت الورد ووقفو اتصورو جنب بعض
دخل حمزه واتصدم لما شاف ياسمين:
اي الجمال ده ي ياسمينتي كل يوم بتحلوي عن اليوم اللي قبله والله.... ده حتي مينفعش اشبهك بالقمر حتي يا حبيبتي
وحضنها وهي مبسوطه ومتبته في حضنه
كنت بدور علي زين بعيني ف خبط علي كتفي ولفتله
زين: بسم الله مشاء الله دايما خاطفه عيوني زي مانتي خاطفه قلبي يا خديجه
مسك أيدي وابتسم وقال: أنتي إللي يتقال عنك اتمنيت من ربنا نجمه ف رزقني القمر
انتي جيتي فكنتي ليا اكبر من احلامي كمان
مسكت في ايده جامد قد ايه كان وحشني وقد إيه طالع قمر في البدله وعيونه بتلمع من الفرحه وفجأة حضني بسرعه وانا مبسوطه ومش عاوزه الوقت يعدي
عبدالله بهزار: ياجماعه راعو اني خاطب بسسس
بص ل منار وكمل كلام: ماتيجي نكتب الكتاب علشان احضن زيهم وانبي
زين بضحك: لأ لازم تتبهدل شويه زينا
ضحكنا كلنا وخرخنا ووصلنا الفرح وحقيقي مفيش احلي من فرحه الصعيد واهلها تحس أن البلد كلها بتفرح وكله بيهني ويبارك
عبدالله: تعرفي إني كنت مستني اليوم ده من زمان
منار بصدمه وفرحه: بجد؟؟
عبدالله: اه والله
منار: بس انت عمرك ما قولتلي حاجه
عبدالله: مقولتش اه
بس عملت... كل خوفي عليكي واهتمامي بيكي وفرحتي بوجودك هو كلمه بحبك بس مكنش ينفع اقولها منغير حاجه رسميه
منار بفرحه: كلامك خلي فرحه قلبي تزيد اضعاف والله
زين بصوت واطي: علي فكرة وحشتيني
رديت وانا باصه علي منار وعبدالله: علي فكرة انت كمان وحشتني
بصلي كأنه مكنش متوقع ردي: انتي قولتي ايه
خديجه بضحك: لا خلاص هي مره واحده
زين: طب وحشتيني وبحبك
خديجه بضحك: وانا كمان
زين: لا لا ده اسافر كل يوم بقا علشان اسمع الكلام الحلو ده
خديجه: إياااك تسافر تاني يازين
زين بضحك: ياقلب زين والله
عارفه انا عيوني مش شايفه حد في جمالك
خديجه: وانت عاوزها تشوف ليه إن شاء الله!!!!
وانت بتبص لييه اصلا
زين بضحك: الله الله ده انتي بتغيري اهو
خديجه: اه بغير وإياك تبص لأي واحده
زين بإبتسامة: واخده قلبي وعقلي يبقا ازاي عيني هتبص لغيرك
"حتى المشيب تفضلى إنتى الدوا
وتفضل عنيكى الطبيب ❤"

الفهرس يحتوي علي جميع فصول الرواية كامله"رواية لعبه القدر" اضغط علي اسم الروايه

reaction:

تعليقات