Ads by Google X

القائمة الرئيسية

الصفحات

رواية لعبه القدر الفصل الخامس عشر 15 بقلم امنيه حاتم

    

رواية لعبه القدر الفصل الخامس عشر

علي: الحقني يا عبدالله بسرعه
البيت كله جري علشان يشوفو حصل ايه
دخلنا لقينا ماما سخنه جدا ومش قادره تتنفس ووشها اصفر اوي... كل واحد فيهم راح يعملها حاجه واللي راحت جابت كمدات إلا انا واقفه في مكاني ودموعي نازله ومش بتكلم.... نفس المشهد بتاع وفاه بابا بيتقرر قدامي تاني بس المره اللي فاتت هي كانت واقفه جنبي وبتقولي متخافيش وبطمن قلبي... لكن المره دي حسيت بالضعف والخوف ليقت نفسي بدور بعيني علي زين بس مكنش موجود في الاوضه، قربت منها ومسكت ايدها وهي مسكت فيا جامد
خديجه بدموع: مش هتسبيني صح؟
انا مهما اقول واعمل بس مقدرش اعيش منغيرك والله.... انا مطمنه بوجودك
مدت ايدها ومسحت دموعي وقبل ما تتكلم ليقت زين دخل بسرعه: انا جبت العربيه قدام البيت يلا نوديها المستشفى انا مش مطمن للدكتور إللي جه كشف عليها ده
شالها مع عبدالله ودخلوها العربيه وعبدالله ركب معاها ورا.... شد ايدي بسرعه وقعدني جنبه في العربيه ومشي بسرعه
بصيت عليها وهي بتنفض من السخنونيه وانا مش عارفه اسيطر علي دموعي
لقيته مسك ايدي جامد وقال: متخافيش هتكون احسن من الاول كمان
المره دي انا إللي مسكت في ايده جامد حسيت إني باخد من الطاقه والأمان
وصلنا المستشفى وباقي العيله جم ورانا
عقلولها محايل وحطوها علي جهاز التنفس وادتوها علاج ينزل السخنويه وانا بعد الثواني والوقت بطئ اووي وزين قاعد جنبي وبيحاول يطمني...بس إحساس إنك ممكن تفقد اخر ركن امان وحنان وقلب خايف عليك طول الوقت ده اصعب حاجه
# هي اتحسنت شويه تقدري تتدخلي تطمني عليها بس ياريت بلاش مجهود علشان عضله القلب ضعيفه
دخلت وانا بحاول ارسم الابتسامه بس مقدرتش لما شوفتها متوصله بالاجهزه والمحاليل.... ده انا عمري ما شوفتها تعبانه!!! حتي لو تعبت بدور برد كانت بتقوم وبتعمل كل حاجه وتقول بكره القعده وبتعب منها اكتر
خديجه بدموع: الف سلامة عليكي يا نور عيني.. هتخفي وتبقي كويسه صدقيني
شالت جاهز التفس ومسكت ايدي واتكلمت براحه
سميره: متخافيش عليا عارفه إنك بقيتي تخافي من المستشفيات بعد وفاه ابوكي
مسكت ايدها جامد وعيطت انا لحد دلوقتي متعافتش من فراقه ولما بقول اسمه بس دموعي بتنزل
سميره: طب اقولك حاجه عمري ماقولتهالك؟
ابتسمت لاني عرفت انها عاوزه تقلل خوفي: قوليلي يا حبيبتي
سميره بشبه ابتسامة: لما عرفت إني خلفت بنت فرحت... فرحت اووي، حسيت أن ربنا رزقني ب إللي اتسند عليها لما اكبر
ورزقني بالحنيه والقلب إللي يخاف عليا من قوله آه.... أن فرحت بيكي اكتر من فرحتي ب عبدالله
استغربت وفرحت لانها كانت دايما تقولي أن عبدالله اول فرحتها ومش بيعاندها وبتحبه اكتر مني... اول مره احس انها شايله حبها ليا في قلبها وقافله عليه
سميره: انا عاوزه اقولك حاجه اخيره علشان اريح ضميري
زين هو اللي طلب إيدك من اخوكي ومني انا كمان اكتر من مره
خديجه بصدمه: إزاي!!!
انتي قولتيلي ان امه هي اللي طلبت ايدي لما شافتني
سميره: علشان تقتنعي أن ده جواز صلونات عادي ومتعانديش معايا
والله انا كنت عاوزه مصلحتك وعاوزه اطمن عليكي قبل ما امو_ت
والله يابنتي انا كنت بقسي عليكي علشان ابوكي كان مدلعك اوي وانا كنت عاوزكي تبقي جامده والدنيا متتعبكيش
دايما كانت بتقولي أن ابويا مدلعني واني لازم اعتمد علي نفسي وكانت بتحذرني من ثقتي في الناس... كنت بشوف انها مش فهماني وانها عاوزني انفذ كلامها وخلاص
لكن كل مره بتخليني اعمل حاجه فيها بكتشف بعد كده انها كانت صح
وصح اوي كمان لانها بتكون شايفه الموقف من برا لكن انا جوا الموقف ومش شايفه غير خطوه واحده قدامي
دخل عبدالله ومنار وزين وباقي العيله
عبدالله بهزار: طب يرضيكي كده يا أمي البت دي توقفنا برا كلنا وتدخل لوحدها!!
سميره: بنتي حبيبتي وتعمل اللي هي عاوزه
عبدالله: لا لا إيه ده
انتي بعتيني يا أمي ولا إيه!!!
منار: انت شايف الرومانسيه ومسكت الايد كماااان؟!
عبدالله بهزار: شايف شايف... دي تلاقيها بتستغل الموقف وبتقولها كلام حب وكده
خديجه: اه أمي حبيبتي وبقولها كلام حلو
فيه حاجه؟؟؟
عبدالله: طب انت بتسمع منها كلام حلو يا زين؟؟
زين بهزار: دي يوم ما بتكون راضيه عليا اووي ومبسوطه بتقولي ياباشا وياهندسه
عبدالله بضحك: ياعيني عليك يابني
زين: نصيبي بقا اعمل إيه
ياسمين بهزار: خلي بالك من كلامك يازين علشان انا مش هدافع عنك هااا
زين بضحك: الله يطمنك
تعالي معايا يا ديجا نجيب عاصير وحاجه ناكلها
كنت عارفه انهم داخلين علشان يضحاكونا ويخففو علينا.... اطمنت عليها ونزلت مع زين
خديجه: بقا بذمتك مش عجابك كلمه هندسه!!
زين بضحك: مين قال كده ده انا بحبها اوي منك
خديجه: شوف إزاي... ماااااشي يا زين
زين: بقولك ايه اوعي تكوني فاكره اني نسيت إللي انتي عملتيه فيا وموضوع المروحه ده
قعدت علي كراسي موجوده وفضلت اضحك
ليقته قعد جنبي وهو مبتسم ومسك أيدي وقالي عيطي او اتكلمي انا معاكي وهسمعك
خديجه: لا لا انا قويه اهو
زين: صدقيني مش هقول عنك انك ضعيفه او بتكبري الموضوع... ده شعورك انتي وحقك تتطلعيه زي مانتي عاوزه
كأنه داس علي الزرار وفتحت في العياط ودموعي نازله وبحاول اتكلم: انا اضعف من اني أشوفها تعبانه كده او استحمل فراقها
انا بحبها اووي والله بس مكنتش بعرف اعبر عن حبي ده ولا بعرف اقولها بحبك
زين: هي حاسه بيكي وعارفكي وبتفهمك من نظره عينك ف مفيش داعي تلومي نفسك
خديجه: بس انا إللي كنت فهماها غلط وكنت فاكره أنها بتقسي عليا بالقصد
زين: وجه الوقت اللي تفهمي فيه الصح اهو...
"وعسي أن تكرهو شيئًا وهو خير لكم وعَسىٰ أَن تُحبوا شيئًا وهو شَر لكم واللَّه يَعْلم وانتم لَا تَعْلَمُونَ"
يعني انتي شايفه تعبها حاجه مش حلوه بس جواه خير ليها بإن ربنا هيزود حسانتها علي كل وجع... وانتي هتفهمي امك صح وتقربي منها اكتر
هديت وابسمت وحمد ربنا علي وجوده في حياتي
زين: انا عاوز اقولك حاجه كنت مخبيها عليكي بس ياريت تسمعيني للأخر
خديجه: حاجه ايه؟؟
______________________________
علي: شيدي حيلك كده علشان تجوزي عبدالله
عبدالله بهزار: قولها يا خالي ده انا هعنس خلاص
علي: لأ متقولش كده
هي بس تقوم بسلامه وخطوبتك انت ومنار هتكون في نفس الأسبوع
منار بصدمه: منار مين؟
عبدالله: قول والله كده!!
علي بضحك: العيال اتجننو ولا إيه؟
منه: لأ ياعمو مش هينفع
سميره: ايوه يا علي مش هينفع

يتبع الفصل السادس عشر اضغط هنا

الفهرس يحتوي علي جميع فصول الرواية كامله"رواية لعبه القدر" اضغط علي اسم الروايه

reaction:

تعليقات