Ads by Google X

القائمة الرئيسية

الصفحات

رواية لعبه القدر الفصل السادس 6 بقلم امنيه حاتم

 

رواية لعبه القدر الفصل السادس

زين: امممم عبدالله عرف و مامتك هتعرف والعيله كلها هتعرف
خديجه: والجيران والعمده كمان وحياتك
زين: اللهم صلي علي النبي
كده المشكله كبرت و لازم نتصرف بسرعه
خديجه بقلق: تفتكر رد فعل امي ايه؟
زين: انتي خايفه اوي كده ليه
انتي مراتي وفي عصمتي علي فكره
خديجه: بس متنساش انها قايله ان الجواز بعد سنه ونص
زين: انا عارف
بس لو حصلت ظروف هخلي الفرح الاسبوع الجاي.... انا معاكي لحد ما تخلصي تعلميك متقلقيش
خديجه: ربنا يسهل.... تصبح علي خير
كلامه طمني شويه لأني مش لوحدي... بس كل تفكيري في صحبتي اللي وثقت فيها، ليه عملت كده فيا؟؟! ف اتصلت بيها: مساء الخير
أميره: خديجه حبيبتي وحشتيني
خديجه: بجد وحشتك!!! اومال مسألتيش عليا ليه؟
اميرة: حصلتلي ظروف صعبه والله ويدوبك لسه بفوق
خديجه:امممم وده السبب إللي خالكي متقدميش العذر بتاعي في الكليه
اميره بتوتر: ااا... اه طبعاً
ده انا كنت في المستشفى وتعبانه
خديجه:بجد!!! طب انتي دلوقتي كويسه ولا ايه
اميرة: لسه بتحسن
كان غصب عني يا حبيبتي انتي عارفه انتي غاليه عندي قد ايه
خديجه: والله وانتي كمان غاليه عندي علشان كده زعلت منك
اميرة: حقك عليا يا خديجه
خديجه: طب انا عاوزه الورق علشان احتمال يتقبل دلوقتي
اميرة: ازاي!!! ده صعب
خديجه: هعمل محاوله وربنا يسهل
اميرة: اممم ربنا يقدملك الخير يا حبيبتي
بصي قابليني الساعه 1 في المعادي
وصفتلي المكان إللي هنقابل فيه وانا اصلا معرفش الاماكن
زين: ايه النشاط ده صاحيه بدري ليه
خديجه: اصل كنت عاوزه الحقك قبل ما تنزل علشان تقولي اقرب طريق اروح بيه المعادي ازاي
زين: ليه؟
خديجه: علشان هقابل اميرة هناك واخد منها الورق
زين: طيب ايه رأيك اخد انا العنوان واقابله وبعد كده هقابل واحد صاحبي اديله الورق علشان ينجز بسرعه
خديجه بتفكير: انا معنديش مشكله
بس هكلمها أقولها الاول
زين: تمام.. اكون انا شربت القهوه بتاعتي
خديجه: صباح الخير يا اميره
اميره: صباح النور يا حبيبتي
خديجه: ممكن زين يعدي عليكي وياخد منك الورق بدالي علشان هيقابل صحابه هناك برضو
اميره: ماشي... انا هديله الورق وهمشي علي طول
خديجه: ماشي يا حبيبتي تسلميلي
قفلت معاها وهو كان في الاوضه فدخلت عملتله القهوه
خديجه: اتفضل
زين بإبتسامة: تسلم ايدك يا ديجا
علي فكره فيه حاجه عاوز اقولك عليها بس لما ارجع من الشغل
خديجه: حاجه ايه؟؟ قولي دلوقتي
زين: لأ لما اجي... هي حاجه خاصه بيكي وكنت هقولك عليها من اول يوم بس قولت اخليها مفاجأة مع بدايه الدراسه
خديجه: لأ انت كده هتخليني افكر واعمل 100 سناريو
زين بضحك: وده المطلوب
يلا قوليلي المكان علشان انزل
خديجه: ماااشي يازين مردودلك هااا
زين بضحك: مبتهددش
_______________________________
زين: بصي ياخديجه خليها تدخل الكافيه وتقعد في اي تربيزه وتعرف رقمها
خديجه: حاضر
وهتصل بيك بسرعه واقولك رقم التربيزه
عرفت رقم التربيزه وروحتلها كانت طويله وبيضا و مشاء الله حاطه كليو مكياچ
زين بإبتسامة: انسه أميره
أميره بإستغراب: انت زين؟؟؟
زين: اه انا
مالك مستغربه ليه
أميره: اصل خديجه قالت انك من الصعيد
بس بصراحه مش باين عليك خااالص
زين: لأني عايش هنا
المهم فين الورق
أميره: اتفضل
انت بقا مهندس ايه
زين: مهندس كهربا
أميره: اه احسن من تعب مهندسين المدني
زين: اه شويه
شكرا لحضرتك... لازم استأذن دلوقتي
اميرة: اه اتفضل... فرصه سعيده
اخدت منها الورق ودخلت في ترابيزه لجوا شويه في الكافيه
سرين: اتأخرت عليك؟؟
زين بإبتسامة: لأ أبداً وصلتي في معادك
سرين بهزار: دي نوادر علي فكره متتعودش علي كده
أميره وهي خارجه من الكافيه فضولها خلاها تبص عليه
اميرة لنفسها: الله الله ده قاعد مع صاروخ
ولازم صحبتي حبيبتي تعرف طبعاً
اميرة:: الو يا ديجا
خديجه: ها زين وصلك ولا لسه
اميرة: اه وصل واخد الورق كمان
خديجه: طب كويس
اميرة: بس قاعد مع بنت اييييه قمرر وشعرها طويل وسايح كده
خديجه بغيظ: ااا... دي ممكن تكون زميلته ولا حاجه
اميرة: اه شكلها كده
علشان بيضحكو وبيتكلمو مع بعض
خديجه: طيب سلام دلوقتي وهبقا أكلمك بعدين
بقا دي صاحبك يا استاذ زين!!! ده انت ليلتك سوداااااا
يتبع الفصل السابع اضغط هنا
الفهرس يحتوي علي جميع فصول الرواية كامله"رواية لعبه القدر" اضغط علي اسم الروايه
reaction:

تعليقات