القائمة الرئيسية

الصفحات

رواية لعبه القدر الفصل الخامس 5 بقلم امنيه حاتم

 

رواية لعبه القدر الفصل الخامس

زين: اوعي تقوليلي إنك توهتي ولا عملتي مشكله هاا اعترفي
خديجه بحزن: مستقلبي ضاع وهرجع البلد تاني
زين: اهدي بس كل حاجه وليها حل...انتي فين دلوقتي
خديجه: لسه في الجامعه
زين: طيب انا هجيلك بسرعه
اقعدي في اي كافتريا لحد ما اجي
قفلت معاه وقعدت في الكافتريا و بفكر هرجع البلد ولا هعيد السنه ولا زين هيستحملني إزاي!!!!
زين: اتأخرت عليكي؟؟
خديجه: لأ أبداً انا كنت قاعده بفكر
زين: انا مش عاوزك تشيلي هم حاجه
احكيلي بس قالولك إيه في الشؤون
حكيتله إللي حصل وهو بيسمع ب إهتمام
زين: تمام.... اتصلي ب صحابتك دي علشان نجيب منها الورق وانا هتصرف
خديجه بقلق: هلحق الترم التاني يا زين؟
مد ايده ومسك ايدها علشان يطمنها: متخافيش و......
سحبت ايدها بسرعه: انت عاوز تمسك ايدي ولا ايييه
زين:باااس بااااس هتفضحينا يخربيتك مش عاوز امسك إيدك ولا حاجه
خديجه: ااه بحسب
زين: يا ساتر بتتحولي فجاءة
ده انت كنتي لسه زي القطه وقلقانه
خديجه: ااه وانت عاوز تستغل الفرصه بقا صح؟؟
زين: قومي يا خديحه قومي اروحك قبل ماتشليني
مهما كنت قلقانه او خايفه من حاجه أول ما اشوفه بهدا شويه ونبدء نناقر في بعض وانسي اي حاجه واضحك في الاخر منغير ما هو يشوفني
________________________________
منار: عامله ايييه يا عمتو
سميره ام خديجه: ادخلي يا بت منغير دوشه
منار: مش عارفه اقولك إيه والله دايما بتمدحي فيا كده
عبدالله: أمي فين الشاحن بتاعي والشاي إللي قولتيلي ع..... ايه ده منار عندنا!!
اي اخبارك
منار بكسوف: احم... الحمدلله
انت عامل إيه؟
عبدالله: بخير الحمدلله
سميره: اعملي بقا لنفسك ول عبدالله الشاي
منار: حاضر ياعمتي
دخلت اعمل الشاي وأنا هطير من الفرحه بقالي اسبوع بجاي وبمشي بسرعه علشان خديجه مش موجوده ف مش بشوفه ولا بتكلم معاه
منار: اتفضل الشاي
عبدالله: تسلم ايدك
جمله عاديه بس خلتني سرحت يااااسلام علي الذوق والأدب والله عرفتي تختاري يابت يا منار
عبدالله: إيه سرحتي في إيه
منار: هه لا مسرحتش
بس خديجه وحشتني
عبدالله: ووحشتني انا كمان، البيت وحش منغيرها
منار: اه والله
كنت بكلمها الصبح...اه صح شوفت إللي حصلها؟؟
عبدالله بإهتمام: لأ معرفش...حصل إيه
قعدت قدامه وحكيتله كل إللي حصل ومن جوايا مبسوطه اني قاعده معاه وهو مركز كده
عبدالله: ينهار مش فايت
طب وإيه الحل
منار: زين قالها متخافيش وهو هيحاول يحل الموضوع ده
عبدالله: والله زين ده جدع ومحترم
منار: وانت كمان طيب وجدع مع الكل كمان
دي البلد كلها عارفه جدعنه عبدالله وشهامته
عبدالله بإبتسامة: تسلميلي يا ست البنات
مكنتش عاوزه اقوم من قدامه خليني قاعده كده ارقاب تعابير وشه وابتسامته إللي واخده قلبي دي ومحيره عقلي
سميره: تعالي يامنار هاتي الحاجات اللي فوق دي
منار: حاضر جايه
يووه يعني مش مينفعش تستني شويه كمان
_______________________________
كنت قاعد بفكر هحلها ازاي وافتكرت ان كان ليا كام صحاب ليهم معارف ممكن يفدوني...ف اتصلت ب محمد اسأله عليهم
زين: الو...ازيك يا محمد
محمد: الحمدلله ياهندسه
زين: بقولك إيه معاك رقم ياسر إللي كان معانا في الدفعه
محمد: ابن دكتور ماجد؟
زين: اه
محمد: لأ مش معايا
زين: طيب رقم احمد اللي كان معانا في السكشن
محمد: اللي كان قريب المُعيد
زين: ايوه هو
محمد : ااااه افتكرته
زين: طب كويس هاته بقا
محمد بضحك: ماهو مش معايا برضو
وبعدين انت جاي تسأل علي الدفعه دلوقتي ليه؟؟
ايه الحب المفاجئ ده
زين بهزر: والله انا غلطان اني سألتك
روح نام يا محمد، سلام
قفلت معاه ودماغي تعبت من التفكير وكمان مش سامع صوت ل خديجه ف قومت اشوف بتعمل إيه
زين: ممكن ادخل ولا بتكتبي اسرار
خديجه: لأ بكتب خواطر
زين بهزار: ااه صحافيه بقا ومثقفه وكده
خديجه: ايوه طبعا ومبدعه كمان
زين: شوف الغرور والتكبر بقا
خديجه بهزر: دي ثقه بالنفس
بكرا ابقا صحافيه كبيره وتتمني اني اكتب عنك سطرين بس
زين بضحك: طب ما تعمليلي فنجان قهوه قبل ما تتشهري وتتكبري عليا
خديجه بصوت واطي: اقولك علي حاجه
زين بيقلدها بنفس الصوت: قوليلي
خديجه: انا جعانه
زين بضحك: طب والله وانا كمان جعان
خديجه: خلاص هعملك سندوتشات مكس معايا
زين: دي سندوتشات ايه دي
خديجه: تعال معايا وشوفها بنفسك
يلااا يلااا
دخلت المطبخ وهو دخل ورايا
خديجه: طلعلي لانشون والجبن اللي في التلاجه دي
زين بضحك: حاضر يا شيف
طلع الحاجات من التلاجه وانا عملت النسكافيه وبجهز السندوتشات
زين: استني استني
انتي بتحطي الجبنه الرومي علي الانشون!!
خديجه: اه بيكون حلو اووي
زين: بس انا مش بحبه
خديجه: متقولش علي حاجه مش بتحبها قبل ما تجربها
وبعدين انت هتاكله معايا انا مش باخد رأيك
زين بضحك: انتي كان نفسك تطلعي من قاطع الطرق بس معرفتش قولي الحقيقه متتكسفيش
خديجه: خلاص انا مش هتكلم تاني وهسكت اهو
زين: ولو أنّكي ترى انعكاس حديثك على قلبي
لما توقفتي عن الحديث مطلقاً
خديجه بدهشه: إيه ده
زين بضحك: ايه؟
خديجه: ده...ده الكلام بتاعي
انا اللي كنت كتابه
زين: ما انا بصراحه شوفته في النوته بتاعتك علي المكتب ف عجبني اووي
خديجه: امممم...وشوفت أي تاني بقا
زين: شوفت.........
خديجه: ثواني منار بترن عليا
خير يارب
منار بحنيه: ايوه يا ديجا
خديجه: إيه الحنيه اللي علي اخر اليوم دي
سلامه عقلك
منار: هو اخوكي خلي فيا عقل خالص
خديجه بضحك: يابختك يا عبدالله فيه ناس دايبه في غرامك
منار: وياريته حاسس ولا فاهم ده انا مش بعرف اكلمه دقيقتين علي بعض وبيسبني ويمشي
خديجه: علشان تعرفي بقيمتي كنت بتعمد افتح مواضيع وهو قاعد
منار: عندك حق والله
اه صح احنا اتكلمنا انهارده 10 دقايق علي بعض وكنت مبسوطه اووي
خديجه: الله الله ايه التقدم ده
منار: ما الموضوع كان عليكي بقا فهو كان مركز معايا ومقطعش كلامي
خديجه بقلق: منار اوعي تكوني قولتيلو علي موضوع الجامعه!!!!
منار بتوتر: اااا....ااااا
خديجه: انتي بتقطعي كده ليه!!
قولتيلو صح؟
منار: بصراحه كده اه
انتي قولتيلي متعرفيش امي
بس مجبتيش سيره عبدالله
خديجه: حقك عليا كنت افتكرتك بتفهمي
اقفلي يابلوه اقفلي
زين: امممم عبدالله عرف و مامتك هتعرف والعيله كلها هتعرف
خديجه: والجيران والعمده كمان وحياتك
زين: اللهم صلي علي النبي
كده المشكله كبرت و........
يتبع الفصل السادس اضغط هنا
الفهرس يحتوي علي جميع فصول الرواية كامله"رواية لعبه القدر" اضغط علي اسم الروايه
reaction:

تعليقات