القائمة الرئيسية

الصفحات

رواية طفلة الفهد الفصل التاسع و الاربعون 49 بقلم دعاء حجاج

  

رواية طفلة الفهد الفصل التاسع و الاربعون

زينه وسمر دخلوا البيت وزينه وقفت مكانها وقالت بخوف:فهد 
فهد قام وقال: كنتى فين لحد دلوقتى 
زينه بصت لسمر وقالت بارتباك:اصلااا 
فهد ضم حواجبه وقال:اصلااا اي 
زينه بدأت ترتعش واخيراا اتكلمت وقالت بثقه:كلوا من سمر يا حرام البت زعلانه على امها اوى طلعت براا عشان تقدر تنسي شويه اي الغلط في كده
زينه مكنتش قادره تاخد  نفسها ٠٠٠فهد مسك كوبايه فيها مياه وقال:خدي اشربي
زينه مسكت منه الكوبايه وبصت لسمر اللى كانت مذهوله
سمر في سرها: يا بت ال اي وربنا تنفعي ممثله
زينه غمزت لسمر اللى كتمت ضحكتها بالعافيه 
_مش يلا يا زينه !!
زينه حضنت سمر وقالت: هكلمك اول ما أوصل خدي بالك من نفسك 
_يلاا يا عمى عايز حاجه 
قام وقال:عايز سلامتك يا ابنى وخد بالك من زينه ده زي سمر بردو 
فهد بخبث: حاااضر
زينه وفهد طلعوا وزينه ركبت العربيه وفهد كذلك ومشوااا 
في الطريق ✨
_زينه 
زينه بصت لفهد وقالت:نعم!!
_اللى قولتى ده كله مدخلش عليا ولو مستغربه سكت ليه احب اقولك بمزاجى عشان مش عايز اطلعك كدابه قدام والد سمر 
زينه بلعت ريقها وقالت:والله قولت الحقيقه سمر كانت زهقانه وطلعنا نغير جوا مش اكتر
_مش ده يا زينه
زينه برقت وقالت: امال اي 
_الشابين ؟
زينه من غير تفكير:وعرفت منين احم اقصد معرفش حضرتك بتتكلم عن أي 
فهد داس فرامل مره واحده وزينه كانت هتنخبط ولكن ايد فهد كانت اسبق 
زينه رجعت راسها لورا عالطول وقالت:في اي يا فهد 
فهد بعصبية:انتى عارفه انا بكر"ه الكدب اوى 
زينه بارتباك:وانا مكدبتش عليك 
فهد قبض ايدو وقال:بتكدبي بردو 
زينه بعصبية: شابين و"سخين يا فهد طلعوا علينا
فهد بعصبية: وحضرتك قومتى زي البطل قلعتى الجزمه ونزلتى على الشاب 
_وانت عرفت ده كله منين 
فهد بهدوء: كان موجود واحد صاحبي هنااك ورن عليا وقالى 
_كداااب زينه بخوف:اقصد انت باعت ورايا حد عشان يراقبنى صح ولا انا غلطانه
فهد ضم حواجبه وقال:باعت وراكى حد ؟ وانا لو باعت وراكى حد مش كنت جيت فوراا 
زينه بعصبية:ما خلاص اللى حصل حصل وبعدين انا معملتش حاجه غلط واحد و"سخ عايز يتربي وربته
فهد حاول يبقا هادي عشان لو اتعصب  اكيداا هيزعل زينه 
فهد شغل العربيه ومشي عالطول
طول الطريق زينه كانت بصه لتحت والعصبيه كانت عنوانها 
فهد بص ليها وقال:ما ترفعي راسك لفوق
_لا انا كده مرتاحه 
_وانا مش مرتاح ارفعى راسك 
زينه بانتهاد:اوف ما خلاص 
فهد زود السرعه اكتر وكان متنرفز اوى 
في قصر الكيلانى ✨
مالك اترمي على السرير ومكنش قادر بسبب قله النوم
_يا تري سمر بتعمل اي دلوقتى؟
مالك مسك التليفون ولكن اتردد عالطول وقال:لاء لاء بلاش 
وفجاه تليفون مالك رن 
مالك بص في التليفون وقال بضحكه: القلوب بتحس ببعضها
مالك فتح التليفون وقال:عامله اي 
_الحمدلله !!
_على فكره ماما عايزه تشوفك 
سمر بابتسامه: تنور 
_هاجى انا وماما بليل 
_البقاء لله 
مالك ضم حواجبه وقال:مش فاهم 
_زينه كانت عندي من شويه وعرفت أن محمود ما"ت 
_متشغليش بالك وارتاحى
_وانت مرتاح 
مالك كان مستغرب سمر اوى وقال:انتى كويسه 
_اه كويسه 
_هي ده سمر ولا منال عشان اعرف 
سمر بضحكه: الاتنين 
_اممم بس انا مش متعود على الاتنين في وقت واحد 
_طب عايز مين دلوقتى!!
مالك بحب:البت اللى خطفت قلبي وقدرت تغير مالك الكيلانى 
_نايمه 
_طب اعملى ثواب معايا وفوقيها
_اصلا هي تعبانه اوى ومش قادره 
_طب هشوفها بليل ولا هشوف البت اللى بكلمها 
سمر بابتسامه: هتشوفها بس أوعك تتاخر 
_بحبك ⁦♥️⁩
_سلااام 
مالك رفع حاجب وقال:بقولك بحبك تقوليلى سلاام 
_وانا اقولك بحبك ليه مش مراتك نايمه يلا سلاام 
مالك بابتسامه:طب لما تفوق قوليلها انى بحبها اوى 
سمر بخجل: حاااضر في حاجه تانى 
_لاء خدي بالك من نفسك اقصد قولى لمراتى تاخد بالها من نفسها 
_حاااضر 
سمر قفلت التليفون ووالدها دخل وقال:كنتى بتكلمى مالك 
سمر هزت راسها وقالت:اه 
_هو جاي النهارده 
سمر هزت رأسها للمره الثانيه وقالت:اه جاي مع خالتى زينب 
_طب ارجعى معاهم 
سمر بحزن:انت بتقول اي يا بابا
مسك أيدها وقال بحنان: لازم ترجعي مع زوجك يا بنتى وبعدين انا كويس متخافيش علياا 
سمر سحبت ايدها وقالت:بخير ازاى وانت لسه جاي من عند الدكتور انا عرفت عمو ابراهيم قالى 
_فتره وهتعدي يا بنتى !!
_ولحد ما تعدي الفتره ده يا بابا انا هكون موجوده معاااك
_عنيده زي امك بالظبط 
سمر بحزن:واكتر كمااان 
اخدها في حضنه وقال: متزعليش منى انا مش عايز اهل جوزك يقولوا حاجه 
_يقولوا اللى يقولوا مش هيفرق معايااا اهم حاجه انت 
_عيب يا سمر دول أهلك بردو والست زينب محترمه اوى 
_انا اسفه بس سعادتك اهم من اي حد
باسها على رأسها وقال:امك كانت دايما بتقول البت الجدعه اللى تسمع كلام زوجها 
سمر مسكت أيد ابوها وقالت:بابا انا حاسه ان مالك قالك حاجه 
_مقالش حاجه بس عايزك ترجعى يا سمر 
_وانا قولتلك هرجع بس مش دلوقتى 
قام وقال:اللى يريحك 
سمر مسكت ايد والدها وقالت:الدكتور قالك اي ؟
_قالى ابعد عن التوتر مش اكتر 
سمر قامت وقالت:قول كده بقااا وانا بقول مصر ليه يرجعني اتري عايز يخلص من الدوشه 
حضنها وقال:ما انتى عارفه اهووو 
سمر ابتسمت وقالت:انا بحبك اوى يا بابا 
_وانا بعشقك يا قلب ابوكى 
عند فهد وزينه ✨
اخيرا وصلوا القصر 
زينه نزلت عالطول من العربيه ودخلت 
فهد نزل أيضا ودخل 
_زينه
زينه مردتش على فهد وطلعت عالطول 
شيري كانت قاعده وفرحانه اوى وقالت:اكيدااا فهد اتخانق معها بس يا تري ليه ؟
شيري قامت وقالت:فهد 
_شيري 
شيري حضنت فهد وقالت:بقا ترجع من السفر وانا معرفش
فهد بعد عنها وقال:حصل خير المهم اخبارك اي 
شيري بصت في عيون فهد وقالت:هكون بخير لو بقيت معاك 
_نعم !!
_ههه بهزر صحيح زينه زعلانه كده ليه 
_مفيش عن اذنك 
شيري حطت ايدها في بعض وقالت:النهايه قربت اوى يا زينه ثم كملت بشر:الخطه اللى في دماغى هتقضي عليكى وللابد
زينه طلعت وقعدت على السرير وكانت متنرفزه اوى 
فهد دخل ولقي زينه متعصبه اوى 
فهد في سره:استلاق وعدك بقااا 
زينه بصت لفهد بعصبية وفهد قعد جنبها وقال:انتى زعلانه 
_لا مش زعلانه وحتى لو زعلانه هيفرق معاك 
فهد خد زينه في حضنه وقال:اه هيفرق معايا واوى كمان 
زينه زقت فهد وقالت بعصبية: انت كداااب لو فعلاا زعلى بيفرق معاك مكنتش اتعصبت عليا كده 
_طب انا اسف 
_اعتذارك مش مقبول 
فهد حضن زينه من ورا وقال:طب اعمل اي عشان تسامحينى 
زينه كانت رايحه تزق فهد ولكن شافت شيري 
زينه ابتسمت بخبث وقالت في سرها:حلو اوى 
فهد وقف قصاد زينه ومسك أيدها وقال:انا اسف ومش هعمل كده تانى 
زينه مكنتش مع فهد خالص ومركزه مع شيري 
_زينه !!
وفجاه زينه قبلت فهد من شفايفه وشيري كانت ماسكه التليفون وبصت شافت زينه وفهد وكانت في حاله صدمه
التليفون وقع من ايد شيري وقتها وجرت على اوضتها عالطول
زينه بعدت عن فهد وقالت:انا كده اتصالحت 
فهد مسك ايد زينه وشدها ليا وقال:بس انا لسه زعلانه 
زينه زقت فهد وطلعت تجري
_بت يا زينه 
شيري كانت قاعده في اوضتها ومصدومه وقالت:اي اللى شوفته ده ؟؟
_ده اكبر دليل إن زينه مكنتش بتكدب وفهد فعلاا بيحبها وجمال ولا على باله حاجه
شيري طلعت من اوضتها وراحت عند جمال 
_حضرتك نايم ولا على بالك اي حاجه 
جمال قام وقال:في اي ؟
_في أن فهد بيروح منى وزينه بتروح منك
جمال ضم حواجبه وقال:ازاى 
شيري قعدت على الكنبه وقالت:زينه وفهد بيحبوا بعض يا جمال 
_ومالك واثقه كده وانتى بتقوليها
_شوفت زينه وفهد في وضع مخ"ل 
جمال باستغراب:وضع مخ"ل 
شيري بعصبية:يعنى مش عارف يعنى اي وضع مخ"ل ؟
_طب وبعدين
شيري بتهديد:اتصرف يا جمال انا طلعتك من السجن عشان تق"تل زينه وحضرتك طلعت بتحبها قولت ماشي اتصرف بقا
_اسبوع بس يا شيري وزينه وفهد هيكر"هوا بعض اوى
_خايفه افرح يا جمال وفي الاخر انا وانت اللى نبعد عنهم
_مش هيحصل !!
شيري هزت رأسها وقالت:ماشي يا جمال المره ده هوثق فيك عن اذنك 
شيري طلعت وخدت تليفونها من على الأرض ودخلت اوضتها وجمال قعد على السرير وقال:والمره ده هيكر"هوا بعض اوى
في المساء ✨
_فهد 
فهد ابتسم وقال: وحشنى يااااض
مالك حضن فهد عالطول وقال:انا اسف 
فهد باستغراب:اسف ؟ ثم كمل بخوف:عملت اي تانى 
مالك بعد عن فهد وقال بخوف:معملتش حاجه والله 
فهد ابتسم على شكل اخوه وقال:طب بتعتذار ليه 
مالك مسك ايد فهد وقال:انا غلطت في حقك كتير اوى 
_انا اللى اسف عشان جوزتك غصب عنك 
_اهاا الغلطه ده اللى فوقتنى يا فهد
فهد باستغراب:ازاى 
_انا بحب سمر يا فهد !!
_كنت عارف 
مالك رفع حاجب وقال:كنت عارف اي 
_كنت متاكد ان ده هيحصل 
_واي اللى خلاك متاكد كده 
_قولت البت سمر عفويه وهتعلمك الادب 
_وانت فرحان 
فهد حضن مالك وقال:لا مش فرحان مبسوط بس 
_اوعك يا فهد تطلع متفق مع سمر عليا 
_اتفاق اي 
_مش حضرتك لسه قايل أنها عفويه اهى قدرت تضحك عليك وعليا وموضوع الاغت"صاب ده كله فيك 
_عااارف 
مالك مسك فهد من لياجته وقال:عارف اي يا روح امك ثم كمل بسخريه: اي اللى دخل ماما بس 
فهد مسك ايد مالك وقال:في الأول مكنتش عارف وبعدين عرفت 
_ازاى ؟
فلاش باااك ✨
_فهد 
_محمود
_انا قدرت امسك الأربع شباب ومحتاجين سمر دلوقتى 
_مسافه السكه وهنكون عندك 
فهد قفل التليفون ولقي سمر قاعده في الجنينه وقال:سمر لازم تيجى معايا دلوقتى 
_ليه 
_هقولك واحنا على الطريق بس يلااا 
في الطريق ✨
_في اي يا فهد 
_محمود رن عليا من شويه وقدر يمسك الاربع شباب إللى اتعرضولك
_😳😳
سمر وقتها ارتبكت اوى وقالت:بس 
فهد بص ليها وقال:بس اي 
_لا مفيش 
_انتى مش فرحانه ولا اي 
سمر ابتسمت وقالت في سرها:روحت في دا"هيه خلاص 
بعد مرور عشر دقائق 
فهد وسمر نزلوا من العربيه 
_اي التاخير ده ؟
_معلش يا محمود هما فين 
_في مكتبي جوااا 
سمر فضلت واقفه مكانها وفهد قال باستغراب:في اي يا سمر 
الدموع نزلت من عين سمر عالطول 
فهد مسك أيدها وقال: متخافيش انا جنبك 
سمر دخلت مع فهد ومحمود قال: تعالى يا سمر 
سمر وقفت قدام الشباب وكانت ماسكه في هدوم فهد 
قال واحد من الشباب:والله يا بيه ما لمسنا شعره منها حتى اسالها  
محمود بص لسمر اللى كانت مرعوبه وقال:سمر ارفعي راسك متخافيش وقولى الحقيقه 
سمر رفعت راسها وقالت:الشاب بيقول الحقيقه يا محمود
محمود بص لفهد بصدمه وقال بزعيق:انتى خايفه من اي 
فهد مسك ايد محمود وقال:اهدا يا محمود
محمود بعصبية:مش شايفها يا فهد انا اول مره اشوف واحده خايفه وهي في الشرطه 
_انا هتكلم معاها اهدااا 
محمود خد نفس عميق وفهد وقف قصاد سمر وقال بلطف:انا جنبك متخافيش وبعدين واقف قدامك اشطر ظابط في البلد   خايفه من اي 
_فهد انا بقول الحقيقه انا لسه بنت ومحدش قدر يلمسنى 
محمود ضر"ب المكتب بايدو وفهد قال: محمود اهداا
_فهد انا طالع عشان بكر"ه الشخص الضعيف اوى 
محمود طلع وفهد قال:لو خايفه من محمود اهو طلع 
_مش خايفه من محمود يا فهد 
_من الشباب دول اخلى محمود يطلعهم 
_وانا والله بقولك الحقيقه مش مصدق ليه 
_حقيقه اي 
_انا لسه عذراء يا فهد 
_ازاى
سمر حكت كل حاجه لفهد وفهد قال بعصبية: انا لو مش بضر"ب حرمه كنت قت"لتك 
سمر قعدت تعياط وقالت: لازم اعلمه درس يا فهد اخوك كان عايز يتعرضلى 
فهد خدها في حضنه وقال:خلاص انا آسف بس مالك لازم يعرف انا جوزته بالعافيه على أساس الشباب اتعرضولك 
سمر مسكت ايد فهد وقالت: انت مش عايز اخوك يتغير؟
_اه طبعاا 
_انا هغيرلك اخوك والمقابل اعلمه درس 
فهد بعد تفكير:موافق يا سمر انا عارف ان ده غلط واكبر غلط بس واثق انك هتغيري مالك بس ارجوكى بلاش تجر"حى مالك 
سمر بصت في الأرض وقالت:حاااضر 
محمود دخل وقال:اي يا فهد ؟
_الشباب بيقولوا الحقيقه يا محمود
محمود وقف قصاد سمر وسمر كانت خايفه اوى وقال: انتى عارفه ضيعت وقت قد اي عشان امسك الكلا"ب دول
_خلاص يا محمود حصل خير 
محمود خد نفس عميق وقال:خلاص يا فهد اللى حصل حصل وانتوا هتدخلوا السجن بردو عارفين ليه عشان حاولتوا تتعرضوا للبنت وغير كده حاولتوا تتعرضوا لشيري بردو 
_ابراهيم/حمدي
_نعم يا بيه 
_خدوا الكلا"ب دول في زنزانة لوحدهم
_حااضر يا بيه !!
بعد شويه✨
_اللى حصل منك يا سمر غلط واكبر غلط كمان انتى ضيعتى وقت الشرطه على الفاضي
_ولا غلط ولا حاجه يا ابن خالتى وبعدين هو في حد اشطر منك 
_طب أمشي من قدامى عشان مخليش حمدي ياخدك انت وهى الزنزانة دلوقتى
_في اي يا جدع ما تجمد كده 
محمود ضحك وقال:بهزر معاااك
فهد حضنه وقال:وانا كمااان 
_خد بالك من نفسك
_هو انا عيل صغير يا متخلف
_حمدي !!
فهد حط ايدو على كتف محمود وقال:اهداا يا بابا كده غلط على صحتك 
_طب امشي يلااا ومش عايز اشوف وشك هنا تانى 
_همشي بس مش هوافق
محمود ضم حواجبه وقال:مش هتوافق على اي 
فهد غمز ليا وقال:الامانه اللى عندي 
_غصب عنك يا خفيف أمشي بقاا عشان ضيعت من وقتى كتير 
فهد بتريقه:اصلا وقتى من دهب
محمود بابتسامه:حصل سلاام 
_سلااام 
بااااك ✨
فهد بحزن:اعتقد ده اخر مره اتكلمت فيها مع محمود
مالك حضن فهد وقال:الله يرحمه 
مالك بعد عن فهد وقال باستغراب:اي الامانه ده ؟
فهد بابتسامه:بتول
مالك باستغراب: يعنى محمود كان بيحب بتول ؟
فهد هز رأسه ومالك قال:طب مجاش طلب أيدها ليه 
_طلبت منه لكن رفض
_طب رفض ليه
_محمود قطع وعد على نفسه مش هيتجوز الا لما يمسك جمال ويعد"مه
_وللاسف ما"ت وجمال لسه عايش
_انا حاسس ان مو"ت محمود مدبر يا مالك في حد ورا مو"ت محمود
مالك باستغراب: ازى 
وفجاه زينب قاطعت حديثهم
_مش يلااا يا مالك 
_رايحين فين ؟
_عند سمر يلا عايز حاجه
_سلااامتك !!
فهد دخل لقي زينه زعلانه اوى 
_احم مالك 
زينه بصت لفهد وسكتت
فهد قعد جنب زينه وقال: في اي ؟
زينه بحزن: مفيش
فهد مسك ايد زينه وقال:طالما قولتى مفيش يبقا في حاجه
زينه حضنت فهد وقالت: الحبوب طلعت في وشي تانى
فهد بعد عن زينه وبص في وشها وقال:مفيش حاجه 
زينه شالت شويه شعر من على وشها وقالت: طب شوف وشي بقا عامل ازاى 
_بكره هاخدك عند دكتوره متزعليش نفسك
_دكتوره شاطره عشان الحبوب تروح عالطول
فهد رفع حاجب وقال: وده ازاى بقااا العلاج المفروض ياخد وقته صح ولا انا غلطان 
_طيب 
وفجاه تليفون زينه رن 
_مين ده ؟
زينه مسكت التليفون وقالت بفرحه:ده الين 
_طب انا داخل الحمام 
زينه فتحت التليفون وقالت بفرحه:الين اخبارك اي 
_الحمدلله انتى اخبارك اي 
_بخير يا قلبي
_طب اسمعى فرحي انا وتيم بكره 
_بكره وازاى مترنيش عليا بدري شويه ممكن فهد يرفض
_معلش يا زينه والله من الفرحه نسيت خالص ولسه فاكره دلوقتى وبعدين متخافيش هخلى تيم يرن على فهد 
_ماااشي 
_يلا عايزه حاجه
_سلااامتك 
زينه قفلت التليفون وقالت: معتقدش فهد هيوافق 
فهد طلع من الحمام وزينه بصت ليا بابتسامه
_ارغى 
زينه ضمت حواجبها وقالت:وانت عرفت منين انى عايزه حاجه
_من تعبير وشك 
زينه قامت وحضنت فهد من ورا وقالت:فرح الين وتيم بكره وعايزه اروح 
_لاءء
زينه بغضب: ليه
_عندي شغل بكره كتير 
_ده صاحبك ومينفعش متروحش
_مش انااا لوحدي وانتى كمان مش رايحه
زينه بعدت عن فهد وقالت:بس انا عايزه اروح 
فهد بخبث: والمقابل 
زينه باست فهد من خده وقالت:وافق بقااا
فهد وقف قدام المرايه وقال:لاء
زينه قبضت أيدها وقالت بتوسل: والنبي يا فهد عشان خاطري
_والمقابل 
_طب انت عايز 
فهد بص لزينه وقال:عايزك 
زينه بخجل:ما انااا معاااك
فهد مسك ايد زينه وشدها ليا وقال: ما انا عايزك بطريقه مختلفه 
_يعنى اي 
فهد بص للسرير وبعدها بص لزينه وقال:كده
زينه زقت فهد وقالت: مش عايزه اروح 
_اممم طب خلاص تصبحي على خير 
زينه مسكت ايد فهد وقالت:بلاش استغلال يا ابن الكيلانى
_هو ده استغلال ؟
زينه بصت في الارض وقالت:اه استغلال 
فهد ساب ايد زينه ونام على السرير وزينه كانت متعصبه اوى 
 وقالت في سرها: ماااشي يا فهد 
_زينه لو سمحتى هاتى التليفون 
زينه:_______
_زينه 
زينه فاقت من خيالها الواسع وقالت:نعم
_هاتى التليفون اللى على الكنبه 
زينه مسكت التليفون وراحت عند فهد وقالت بغضب: اتفضل
فهد مسك ايد زينه وشدها لياا لتقع عليا عالطول
_فهد 
فهد حط ايدو على خدها ورجع شعرها لوراا 
زينه كانت بتحاول تقوم لكن فهد خدها تحته وبقا فوقه نبضات زينه ازدادت اوى وقالت:انا عايزه انااام 
_حااضر بس الاول
زينه بخوف:الاول اي ؟
فهد قرب من زينه وقبلها برقه وقال:كده 
الدموع نزلت من عين زينه من شده الخوف وفهد بعد عنها عالطول وقال بخوف: خلاص انا اسف 
_انا اسفه بس انا مش مستعده دلوقتى 
فهد باسها على رأسها وقال:ولا يهمك 
زينه حست بالأمان وقالت:فهد هو انا قولتلك بحبك قبل كده 
فهد غمز لزينه وقال: ده معنى اي ؟
زينه بصت لتحت وخجلت اوى وفهد قال:مكنتيش مستعده يعنى ولا غيرتي رايك 
زينه اتكسفت اوى وقالت:اممم تصبح على خير 
فهد حط ايدو على ايدها وقال:مفيش نوم النهارده
وقتها نبضات زينه ازدادت اوى ووشها قلب طماطم
فهد قرب من زينه وزينه بتبعد لحد ما وصلت لطرف السرير
_فهد 
_اممم
_انا عايزه انااام انا غيرت رايي
فهد شد زينه ليا وقال: بس انا لسه عند رأيي
زينه بخوف:طب طب
فهد قاطع زينه بقبله رقيقة وقتها زينه سابت نفسها خالص واستجابت مع فهد وراحوا في عالمهم الخاص
عند سمر ✨
الباب خبط وسمر قامت فتحت الباب وقالت:خالتى 
زينب حضنت سمر لاول مره وقالت بحزن: البقاء لله
سمر فرحت اوى وقالت:ونعمه بالله
زينب بعدت عن سمر ومسكت ايدها وقالت بحب:انا زي امك الله يرحمه
_شكرااا يا خالتى 
زينب بغضب:اي خالتى ده واي شكرا ده 
_انا اسفه بس اقول اي ؟
زينب بابتسامه:ماما قوليلى يا ماما
سمر حضنت زينب عالطول وقعدت تعياااط
زينب حطت أيدها على شعر سمر وقالت بحنان:اشش اهدي يا قلبي 
سمر مسحت دموعها وقالت:انا اسفه نسيت اقولك اتفضلى
زينب بابتسامه:ولا يهمك يا بنتى 
زينب دخلت ووالد سمر طلع من الاوضه وقال: مدام زينب اتفضلى
_البقاء لله
_ونعمه بالله
زينب قعدت تتكلم مع والد سمر وسمر كانت مستغربه اوى وقالت في سرها: امال مالك فين ؟
سمر طلعت لقت مالك واقف برااا 
راحت عنده عالطول 
_طبعاا يا قلبي هو انا اقدر انسي عيد ميلادك
وقتها سمر وقفت مكانها وكانت مصدومه
مالك شاف سمر في مراية العربيه وقال:خلاص هكلمك بعدين
سمر بصدمه:مين ده ؟
مالك بابتسامه:ده زياد
سمر بصت لمالك بشك:اممم ماشي
مالك فتح التليفون ورن على اخر مكالمه وفتح الميكرفون 
_في اي يا مالك 
مالك بص لسمر وسمر بصت في الأرض عالطول وقالت:انا اسفه بس سمعتك بتقوله يا قلبي
_حصل خير !!
_خلاص يا زياد سلام 
_في اي يا ابنى؟
مالك قفل التليفون وسمر كانت ماشيه ولكن مالك مسك ايدها وقال: وحشتينى
سمر بصت في الأرض وخجلت اوى وقالت:اكتر
مالك حط ايدو على خدها وقال:والنبي بلاش الكسوف ده كده مش هنجيب عيال
سمر بصت لمالك وكانت مصدومه من جرأته
سمر بكلام متقطع: انااا داخله جواا
مالك شدها ليا وقبلها براا بكل جرأة 
سمر زقت مالك ودخلت عالطول 
_الله امال مالك فين
_عامل اي يا عمى
سمر بصت لمالك بعصبية 
زينب لاحظت نظرات سمر لمالك وقالت:قولت لسمر اي يا مالك عشان زعلانه كده 
مالك بص لسمر وقال بجراه:كنت بقولها وحشتينى وبعدين سمر مسكت ايد مالك عالطول وقالت بابتسامه تحمل العصبيه:هههه بيهزر 
مالك حط ايدو على خصر سمر وقال:معتقدش
سمر شالت ايد مالك عالطول وقالت:انا هروح اعمل حاجه تشربوها 
سمر مشت عالطول 
_اقعد يا ابنى
_لا انا داخل اساعد سمر يمكن تحتاج مساعده عن اذنكم
زينب ووالد سمر ابتسموا على تصرفات مالك المجنونه
يتبع الفصل الخمسون اضغط هنا

الفهرس يحتوي علي جميع فصول الرواية كامله"رواية طفلة الفهد" اضغط علي اسم الروايه


reaction:

تعليقات