رواية غدر الصحاب الفصل الثالث3 بقلم اسماء زيدان
رواية غدر الصحاب الفصل الثالث
ساره بتشد ف فاطمه عشان يخرجو من المستشفى قبل ما رُقيه تفوق وتقول الحقيقه
فاطمه بضيق: اصبرى ياساره انتى بتشدى حمار فى اى
ساره بغضب:ياشيخه يخربيت برودك انتى مش عارفه المصيبه اللى احنا فيها
فاطمه:المصيبه دى انتى اللى وقعتينا فيها متلوميش حد غير نفسك وبعدين شنطة رقيه معى هنعمل اى دلوقتى
ساره تجاهلت كلامها فالاول: شنطة رقيه معكى دا كدا فل اوى اكيد الفون بتاعها فالشنطه
واخدت الشنطه من فاطمه وفتحتها وخرجت فون رقيه و
ساره بانتصار: واكيد زى العاده الست الهبله مش عامله باسورد
فاطمه:انتى هتعملى اى
ساره: اصبرى بس
وفتحت الفون وبعتت رساله لوالدة رقيه وقفلته تانى ورجعته الشنطه
ساره:عايزين حد بقا يرجع الشنطه
فاطمه: ماحنا نرجعها فى اى
ساره:انتى هبله نرجعها ازاى إحنا
اثناء محادثتهم مرت إحدى الممرضات من امامهم
ساره بسرعه:احم لو سمحتى
الممرضه:افندم حضرتك
ساره ومدت ايدها بالشنطه:عايزين منك خدمه ودى الشنطه دى اوضه رقم 45
الممرضه بشك: ما تودوها انتو
ساره: معلش متأخرين والعربيه منتظرانى بره
الممرضه بلؤم: لا مليش دعوه
ساره خرجت فلوس:طب ولو قولتلك عشان خاطرى
اخدت الممرضه الفلوس والشنطه ولسه هتمشى
ساره:استنى حطى الشنطه قدام باب الاوضه
الممرضه:اوكى
ومشيت ترجع الشنطه
وساره وفاطمه خرجو بسرعه أسماء زيدان
¥¥¥¥¥¥¥¥¥¥¥¥¥¥
عند صُهيب دخل اوضة رقيه وفضل واقف قدامها كتير جدا و
صُهيب مع نفسه:ياترى حصل اى وصلك لكدا مش معقول يكون فى صحاب بالوضع دا؟اهاااا صح هطلع انادى عليهم يجو يشوفوك
خرج صُهيب من الاوضه ملقاش اى حد و
صُهيب ل إحدى الممرضات:بعد اذنك كان فى بنتين هنا متعرفيش راحو فين
الممرضه:مشيو يافندم وسابو الشنطه دى قدام الباب هنا اتفضل حضرتك
صُهيب بأسف:تمام شكراً
واخد الشنطه ودخل ل رُقيه مره تانيه
وكانت رُقيه فاقت وعيونها بتدور فالمكان كله الى ان وقع نظرها على صُهيب
رُقيه بتعب: ااااه انا فين! انت مين
صُهيب بإحراج: ا احم انا مساعد الدكتور بتاعك حمدالله على السلامه
رقيه: هو اى اللى حصل وانا بعمل اى هنا
صهيب بتركيز: هو انتى مش عارفه انتى جيتى ليه
رقيه:لا مش فاكره حاجه خالص طب انت اسمك اى
صهيب: اسمى صهيب وانتى
رقيه: اسمك جميل انا مش فاكره اسمى مش عارفه فى الم فظيع ف راسى
صهيب بحزن:طب انا هخرج انادى الدكتور
واخدت شنطتها وخرج
وفتح الشنطه وفتح الفون وجاب قائمة الاتصال وشاف قد اى والدتها اتصلت كتير
وهو رجع اتصل ب والدتها وبعد وقت فتح الاتصال
صُهيب لسه هيتكلم ولكن اتصدم من اللى سمعه و.......
ياترى ساره عملت اى
وصُهيب هيعمل اى مع رُقيه
يتبع الفصل الرابع اضغط هنا
الفهرس يحتوي علي جميع فصول الرواية اضغط علي اسم الرواية " رواية غدر الصحاب "
تعليقات
إرسال تعليق