القائمة الرئيسية

الصفحات

رواية صغيرة الاسد الفصل الخامس والعشرون 25 بقلم رنا احمد

  

رواية صغيرة الاسد الفصل الخامس والعشرون 

في المستشفي ...........
كان يقف أمام غرفتها ودموعه تهطل بشده خوفا عليها فهو بالكاد قد شعر بالارتياح بجانبها ولكن ذهب ذلك في مهب الريح تقسم الحياه علي تفريقهم ليقترب منه فاروق وهو يضع يده علي كتفه .
فاروق بابتسامه/لو بتحبها بجد وعايزها جنبك خليك قوي علشانها .
اسد بدموع ووجع/انا وهي مش عارفين نفرح كان الدنيا مستكتره علينا الفرحه وعايزه تاخدها مني ومش هي بس ابني كمان الي تعب وعايز يسبني هو كمان .
فاروق بابتسامه /مفيش حد هياخدهم منك ي اسد هيفضلوا في حضنك زي مقال رعد عشق خلاص ماتت ودي واحده جديده لازم تعيش الي اتحرمت منه ي اسد .
اسد وهو لا يصدق مايسمع /بجد ي سياده اللواء حضرتك قصدك .
فاروق بابتسامه /ايوه قصدي الي فهمته ي اسد كتير بيبقا للقانون الإنساني اقوا من قانون الكتب والبنت دي قاست كتير واتحملت كتير وعلي رأيها احنا كنا فين وهي بيحصل فيها كل ده ليه بنفذ القانون دلوقتي القانون ده كان لازم يتنفذ من زمان رشدي مهران والي زيه كانوا المفروض يكونوا في السجن من زمان ساعتها مكنش حصل ل عشق كل ده وجه الوقت أنها تعيش ي اسد وزي مقولتلك عشق خلاص انتهت بكل ماضيها .
اسد وهو يحتضنه بدموع وسعاده /شكرا جدا ي افندم شكرا اوي .
في الغرفه ....
كانت تحاول أن تفتح عيناها لتعتاد علي الضوء .
عشق بخوف وتعب /ايه خلاص هتحبس.
اسد بابتسامه مرح/ايوه هتتحبسي بس في حضني ومش هتخرجي منه ابدا .
عشق بدموع وخوف /قصدك ايه ي اسد .
اسد وهو يحتضنها بحنان /قصدي أن خلاص ي روحي كل حاجه انتهت عشق خلاص ماتت ماتت بكل الي شافته والي عائشه دلوقتي واحده جديده حبيبه اسد الي هتعيش ليه ولابنهم وبس .
عشق وهو تحتضنه بحب /بحبك ي اسد بحبك اوي .
اسد وهو يقبلها بعشق /وانا بموت فيكي ي روح اسد ي قلب اسد يالي خليتي ل حياتي معني يلا بقا علشان طنط ناديه عايزه تشوفك .
عشق بسعاده واشتياق لوالدته /ايوه يلا ....
///////////////////////////.
في شقه جاسر ...
كانت تجلس شمس علي صدره بابتسامه عاشقه اما هو فكان يحرك خصلات شعرها الحريري بعشق .
شمس بابتسامه وسعاده /جاسر ايه الي خلاك تغير رايك في موضوع الخلفه.
جاسر بتنهيده /مهم تعرفي .
شمس بابتسامه/طبعا لازم اعرف .
جاسر بتنهيده /هقولك وقد قص لها حكايه كريم .
شمس بضيق وعصبيه /ي عني انت غيرت رايك علشان موضوع كريم خوفت خوفت تكبر ومتلقيش السند الي يقف في ضهرك خوفت من الزمان مش علشان سعادتي ولا علشان بتحبني وعايز تخلف مني علشان نفسك مش كده .
جاسر بعصبية /انتي اتجننتي ولا ايه ايه التخريف ده .
شمس بدموع والم وصراخ /ده مش تخاريف دي الحقيقه الي انت اعترفت بيها بلسانك ي خساره ي جاسر عمري متخيلت انك تكون اناني كده .
جاسر بحده/انتي فعلا اتجننتي .
شمس بضيق وغضب وهي تسير الخارج /فعلا اتجننت لما صدقت كلامك من الاول ي جاسر انت اناني ي جاسر اناني  .
جاسر بحده/انتي رايحه فين .
شمس بحده وضيق /هغور في ستين داهيه لاني مش طايقه اعيش معاك .
جاسر بزفر وضيق/اوووف ماشي ي شمس ماشي .
/////////////////////////.
في المستشفي ...
كان يقف سليم أمام سريرها بالم ودموع لاتتوقف أما هي فكانت تنظر لنقطه في الفراغ بسكوت ليقترب منها وهو يمسك يدها بحنان .
سليم بحزن شديد /حبيبتي أن شاء الله هتكوني زي الفل .
رحمه بجمود وقلبا يصرخ الما /انت السبب في الي انا فيه ده .
سليم بصدمه /رحمه انتي قصدك ايه .
رحمه بانهيار ودموع وصراخ والم  /قصدي قصدي أن حياتي ادمرت واتشوهت بسببك ي سليم الي عمل كده كان عايز ينتقم منك انت فيا انت دمرتني ي سليم دمرتني انا مكنش ليا اي أعداء ي ريتني ماشوفتك ولا عرفتك كنت سبتني ي سليم كنت سبتني اعيش زي ماكنت عايشه  .
سليم بغيظ وعصبيه /وهي عيشتك دي كانت عيشه خدامه في الكباريهات خدامه علي الطربيزات اتجوزتك وخليتك هانم بس انتي متستهليش كل الي عملته علشانك  .
رحمه بدموع وصراخ /عندك حق أخرج ي سليم أخرج وسبني لوحدي .
سليم بضيق /هخرج لانك محتاجه تهدي وتعيدي حساباتك ي رحمه .
///////////////////////////////.
في شقه تحيه ...
كانت تجلس بغيظ شديد وهي تنتظر ابنها سمير فهو شاب منحل المخدرات دمرت ليه حياته .
سمير بتوهان /امي غريبه ايه الي جابك .
تحيه بغيظ /عيزاك تفوقلي كده شويه لان فيه موضوع مهم عيزاك فيه .
سمير بسخريه /ايه هي العروسه الجديده قرفاكي ولا ايه.
تحيه بغيظ وكره /عروسه الشؤم والندامه بت زي الحقنه مش عارفه اخلص منها .
سمير بزهق /ي أما مانا قولتلك مائه مره سيبك من العيشه مع مراد وبنته وتعالي عيشي معايا الي كان بيربطنا بيهم اختي اميره وخلاص الله يرحمها .
تحيه بطمع /اسمع ي ابن الهبله انت فاكر اني عيشيتي معاهم ببلاش لا ي خايب مراد عنده فلوس في البنوك ملهاش اول من آخر من شغله بره عايزه افضل جانبهم علشان الفلوس دي تحت عنيا ومحدش يستولا عليها كنت عايزه اعمل خالتهم وحبايبتهم علشان كل فلوسهم تكون تحت ايدي ونخلص من الفقر ده فهمت ي حمار .
سمير بطمع /انتي بتتكلمي جد ي أما مراد عنده كل الفلوس دي .
تحيه بشر وتفكير شيطاني /ايوه علشان كده اسمع كويس الي هقولك عليه انت هتخطف قمر وهنكلم مراد وهي معاك نفهمه أن مراته بتخونه وسيب الباقي عليا انا .
سمير وهو يرمي سيجارته أرضا بشر /وماله نخطفها باين عليها موزه من اسمها ي هننبسط المهم قوليلي هي بتخرج امتا وبتروح فين .
تحيه بشر /هعرف كل حاجه واكلمك .
سمير بشر /تمام .
///////////////////////////////.
في فيلا الشناوي ❤️❤️❤️.
كانت تحتضن ناديه ابنتها عشق بدموع واشتياق ل سنوات .
ناديه بدموع واشتياق /عشق بنتي حبيبتي وحشتيني اوي ي حبيبتي .
عشق بدموع واشتياق /ماما وحشتيني اوي ي ماما اوي عامله ايه ي حبيبتي انتي كويسه .
فله بابتسامه وطيبه /طبعا اكيد مبسوطه أنها شافتك ي عشق واطمنت عليكي .
ناديه بدموع الفرح /علي رايك ي مدام فله ده انا حاسه ان روحي رجعت ليا تاني لما شوفتك بخير ي ضنايا .
عشق بدموع وهي تقبل يدها /خلاص ي امي الشيطان خلاص انتهاء مفيش حاجه ولا حد ممكن يفرقنا عن بعض تاني ابدا  .
ناديه بابتسامه حانيه /إن شاء الله ي ضنايا انا كده أطمنت عليكي وهجيلك كل يوم بس انا لازم ارجع بيتي .
اسد بابتسامه/ده مش ممكن ي حماتي بيتك هنا جنب عشق وجنب اسد الصغير الي هيشرف .
رعد بجديه /ده بيتك ي مدام ناديه حضرتك بقيتي واحده من العائله .
ناديه بابتسامه وسعاده لذلك العائله الجميله/شكرا جدا ي رعد بيه شكرا اوي .
فله بابتسامه وطيبه /نورتي عائلتنا الصغيره ي مدام ناديه .
ناديه بابتسامه/عائلتكم منوره بيكم ي مدام فله .
اسد وهو يحتضن عشق بابتسامه ساحره/هو انا قولتلك النهارده اني بحبك .
عشق بابتسامه ودلع /توتو مقولتش .
اسد وهو يحملها بغمزه وخبث /طب تعالي نطلع فوق وانا اقولك كل الكلام الحلو كله .
//////////////////////////////.
من أمام عيادات امراض النساء ...
كانت تجلس جنه بارتباك شديد فهي لم يمر علي زواجها سواء اسبوع لكنها تشعر بخوف شديد وقلق من كبر سنها لتسمح لها الممرضه بالدخول .
من داخل غرفه الدكتوره .
الدكتور بابتسامه /اهلا وسهلا خير حضرتك .
جنه بقلق /انا بس عايزه اكشف لموضوع الحمل .
الدكتوره بجديه /تمام حضرتك متجوزه من امتا .
جنه بارتباك /من اسبوع .
الدكتوره باستغراب /اسبوع وجايه تكشفي ليه القلق الزائد ده .
جنه بالم ووجع/لاني سني كبير وعايزه اطمن علي نفسي.
الدكتوره بابتسامه /إن شاء الله خير اتفضلي .
بعد الكشف ...
جنه وهي تغلق ملابسها ب قلق /خير ي دكتوره .
الدكتوره بأسف وضيق /للاسف ي مدام حضرتك مستحيل تحملي .
جنه بوجع ودموع /حضرتك بتقويلي ايه .
الدكتوره بجديه /مش بسبب كبر السن حضرتك عندك مشكله كبيره في الرحم هي دي السبب وولاسف مشكله ملهاش علاج  .
جنه بدموع ورعب وهمس /اكيد هتسبني ي حازم اكيد .
///////////////////////////.
في شقه حازم ...
كانت تجلس جنه بدموع والم فهي كانت تتمناه أن تكون ام كباقي الأمهات لكن أمر الله هو الغالب .
حازم بقلق /مالك ي جنه فيكي ايه .
جنه بدموع وكسره/مخنوقه ي حازم مخنوقه اوي .
حازم برعب /مالك ي روحي ايه الي خنقك .
جنه بوجع والم /انا انا مستحيل اخلف ي حازم مستحيل .
حازم بصدمه /بتقويلي ايه ازي ي عني .
جنه بدموع والم /ي عني ايه ازي أمر ربنا والي حصل .
حازم بعصبية وضيق /أمر ربنا وحظي انا الهباب .
جنه بالم ودهشه /حظك هباب جوازك مني ي حازم كان حظ هباب .
حازم بعصبيه /ايوه حظ هباب انا لسه صغير ليه اتحرم من الخلفه من دلوقتي ليه.
جنه بدموع والم وهي تخرج للخارج /عندك حق انت مش مضطر تتحمل ده كله طلقني ي حازم طلقني .
حازم بعصبية /انتي رايحه فين .
جنه بحده ودموع /انا في بيت اخويا ورقتي توصلني هناك ي حازم .
///////////////////////////////////.
في شقه مراد .....
كانت تقف قمر في المطبخ تعد الطعام ..
تحيه بشر وخبث /بقولك ي قمر انتي رايحه المعرض النهارده .
قمر باستغراب /أن شاء الله بس بتسالي ليه .
تحيه بخبث /ابدا كنت هجزهلك العشاء ي عني انتي بتيجي تعبانه من المعرض .
قمر بشك /وده من امتا إن شاء الله .
تحيه بخبث /ي ستي انتي رغم كل الي بينا مرات ابني مراد ده مش ابن اختي ده ابني عن اذنك انا  .
قمر بشك /شكلك بتضبرلي ل حاجه ي حربايه بس علي مين مبقاش قمر بنت مالك .
//////////////////////////////.
في المعرض ...
كان يقف سمير وهو ينظر إلي المعرض بخبث وشر بعدما علم الخطه بكاملها من والدته .
سمير بابتسامه خبيثه /بصراحه انا عمري مشوفت لوحات بالجمال ده  .
قمر وهي تحدث ذاتها بذكاء /حلو اوي هو ده الي كان واقف معاه بره طيب ي تحيه انا هوريكي ازي هقلب السحر علي الساحر احممم شكرا جدا ل حضرتك .
سمير بوقاحه /بس بصراحه لازم يبقوا تحفه طالما الجمال ده هو الي راسمهم.
قمر بغيظ بداخلها /ميرسي شكرا جدا .
سمير بخبث /بس انا بقول نشرب حاجه في الكافيه ده احسن .
قمر بخبث ومكر /تمام معنديش مشكله .
في السياره ....
سمير بخبث وشر وهو يمسك بزجاجه المخدر بيده /معلش بقا ي حلوه كان نفسي والله أتمتع بيكي بس معلش بقا النصيب ليصب سمير الزجاجه ولكن لم تستنشقها قمر لتتدعي الغثيان ليمسك سمير بهاتفه .
/ايوه ي اما كل تمام البت معايا هتعملي ايه دلوقتي .
تحيه بغضب /ودي محتاجه سوال ي أهبل خدها علطول علي الشقه واعمل معاها الصح وانا هعرف ازي اخلي مراد يروحلكم هناك واسمع الفيديو إياها انا عايزه البت دي واهلها يحطوا وشهم في التراب فاهم ..
قمر بحركه مهاره ومفاجئه لتغرز ذلك الحقنه في رقبته لتتحدث بغل وكره /واخيرا ي تحيه مسكت عليكي تسجيل وبصوتك كمان روحتي في داهيه ي تحيه وخلصنا من شرك لللابد.....
////////////////////////////.
من داخل فيلا الشناوي ❤️❤️❤️❤️❤️.
كانوا يسيرون برق وحازم وسليم وجاسر للداخل برعب شديد .
برق برعب وخوف /ميسره مجتش هنا .
سليم برعب /ولا رحمه .
جاسر بخوف /ولا شمس .
حازم بقلق /ولا جنه .
فله باستغراب /ايه ده هم طفشوا منكم مره واحده ولا ايه .
رعد بجديه /اختفوا كده فجاه ولا سعادتكم عملتوا حاجه معاهم .
برق بقلق /بابا قصدك ايه .
رعد بعصبية وغضب/انا كلامي واضح وصريح انتوا ضيقتوهم في حاجه ولا اختفوا ليه انطقوا .
سليم بقلق/بصراحه ي عمي احنا زعلناهم .
حازم بحزن /وجرحناهم كمان .
رعد بغضب/يبقوا سعادتكم تروحوا تتدورو عليهم ومترجعوش هنا الاوهما معاكم تمام .
فله بقلق /طب سببهم ياكلوا لقمه حتي ي رعد .
رعد بغضب /لقمه ايه ومراتتهم مختفين يلا اتفضلوا مشوفش وش حد فيكم هنا ولا وكل واحد مراته معاه وتوطوا علي رجلهم تبوسها كمان يلا اتفضلوا .
ليسرعوا جميعا الي الخارج .
فله باستغراب /جرا ايه ي رعد روح معاهم انت مش خايف علي البنات ولا ايه .
رعد بخبث ومكره المعتاد /واخاف عليهم ليه وهما في حضني .
فله بصدمه /بتقول ايه البنات معاك .
رعد بابتسامه ثقه /طبعا معايا انتي فاكره أن بنات عائله الشناوي ممكن يحصلهم حاجه وانا عايش علي وش الأرض العيال دول لازم يتربوا كل راجل لازم يعرف أن الستات كائنات هادئه ورقيقه لازم تتعمل زي الملكه بالظبط .
فله بعشق دائم لسنوات /دائما اقول اني محظوظه بيك ي رعد انت مش من سلاله البشر انت من سلاله ملوك العشق 
يتبع الفصل السادس والعشرون اضغط هنا
الفهرس يحتوي علي جميع فصول الرواية كامله"رواية صغيرة الاسد " اضغط علي اسم الروايه
reaction:

تعليقات