رواية قسوة الرعد الفصل السادس عشر 16 بقلم زوزه بشاوي
رواية قسوة الرعد الفصل السادس عشر
-رعد طلع اوضته و فتح الباب و دخل و قفل الباب وراه..
-رعد بص ل نبض اللي طرحتها مغطية وشها قرب منها و قعد علي السرير..
نبض اتخضت نوعا ما..
رعد شال من علي نبض طرحتها و نبض فتحت عينيها ببطء و بصت ل رعد..
رعد فضل يتأمل نبض وعيونها وجمالها وفستانها..
"نبض كانت لابسة فستان بسيط ب ¾ كم ضيق محدد جسمها و مبين جزء من الضهر وفيه تطريز بسيط و كانت حاطة روچ باللون الهادئ و كحل حدد عينيها,و طرحة علي رأسها قصيرة"
رعد بسخرية:اومال فين ام لسان واللي مش بتعرف تسكت لحظة؟!
نبض:لازم تراعي اني محرجة ولا انت معندكش قلب
رعد:لا معنديش قلب
نبض بتلقائية حطت ايديها علي قلب رعد
نبض:طول ما ده بينبض يبقا انت عندك قلب
رعد مسك ايد نبض وشالها بعنف وقام دخل الحمام
نبض بتريقة:لا معنديش قلب 
نبض:اوف ربنا ينكد عليك زي ما نكدت عليا
نبض قامت وقفت و ددخلت اوضة الملابس لقت هدوم كلها قصيرة
نبض بصدمة:دول لو قاصدين يخلوني انتح"ر مش هيعملوا كدة
رعد:انجزي غيري
نبض:ما براحة بس بكتشف المكان
رعد:طب انجزي ورايا سفر
نبض بصدمة:سفر ايه؟!انت هتسبني و هتمشي؟!!!!
رعد:ليه نغة صغيرة؟!
نبض:لا بس علي الاقل النهاردة افضل معايا..انت عايز الناس تتكلم عليا
رعد:بت بت مش فايق..ابعدي كدة من وشي
نبض:طب و الله لو نزلت لاكون قا"تلة نفسي
رعد:احسن هرتاح منك محسساني اني متجوزك حب
نبض:لا انا مش هخلي وشي وحش قدام حد
رعد:بصي كل اللي عندك ليا هو اني ابقي جوزك بس غير كدة معنديش
رعد:لما اكون عايز اقربلك ابقي اقربلك بمزاجي فابعدي عن وشي لاني لما بشوفك بتفكريني بواحد صاحبي بكرهه اوي و مش بطيقه
نبض:هو انت كار"هني اوي كدة ليه؟
رعد:لانك زي غيرك عايزة ضر"ب الجذ"م..يلا بره
نبض خرجت بره اوضة الملابس وقعدت علي الكنبة
رعد غير هدومه"لبس بنطلون اسود و تيشيرت اسود و كوتشي جملي وحط البرفيوم بتاعه و لبس ساعته"
رعد جهز شنطة صغيرة وحط فيها هدومه و خرج
رعد:قومي اقفي
نبض قعدت تصفر ببرود تام..
رعد مسكها جامد من دراعها وقومها غصب
نبض:ايه بقي وسع؟!
رعد لف نبض وفتح ليها الفستان ونبض شهقت ومسكت الفستان قبل ما يقع
رعد:نخلص بدل فقرة الكسوف بتاعتك لو سمحت افتحلي السوستة و مش عارف ايه...انجزي ورايا شغل خشي غيري هدومك
نبض:ما اغير هدومي براحتي يا اخي انت مالك
رعد:طيب لو عايزاني اتكلم معاكي وانتي بالشكل ده ماشي
رعد قرب من نبض ونبض رجعت لورا اتكعبلت في الفستان و رعد مسكها من خصرها
رعد:متخافيش مش ولهان( بمعني عايز اوي او حابب)اوي اني اقربلك
رعد:لو عايزانا نتكلم بالشكل ده معنديش مانع..هقول كلمتين و اخلص
رعد:مبدأيا كلام مع رجالة غير اللي في البيت ممنوع,لو فكرتي بس تهربي قسما بربي لاكون فاصل رقب"تك عن جسمك,خروج بره البيت ممنوع الا بأذني سجلتلك رقمي علي تليفونك ومتسأليش فتحته ازاي,لو قربتي من اي خيل تحت هعرف لو عرفت انك لبستي ضيق وقصير وربي اجيبك من شعرك وامسح بيكي بلاط الارض,مسعد ده اياكي اياكي تتكلمي معاه اياكي,يوسف اياكي تقعدي معاه في اوضة واحدة والباب مقفول,تحترمي قوانين البيت ده وتحترمي كلام جوزك
رعد:ويا ويلك لو خالفتي حاجة من دول وربي لاخليكي تند"مي علي اليوم اللي اتولدتي فيه
رعد:اتمني يكون كلامي مفهوم
رعد زق نبض وسندت علي الحيطة
رعد مسك شنطة الهدوم وحطها علي كتفه ونزل لتحت كان الكل نام وخرج ركب عربيته ورجع القاهرة
_عند نبض
نبض كانت واقفة مدهوشة من كل الاوامر ومن طريقة كلامه و من افعاله واكتر حاجة ضايقتها انها هتبقي بكرة تسلية ل زهرة
نبض دخلت اوضة الملابس غيرت هدومها
"نبض لبست طقم قصير لغاية قبل الركبة بحمالة رفيعة علي الكتف مبين الضهر باللون الاسود..سيبت شعرها علي ضهرها"
نبض طلعت علي السرير شمت ريحة رعد في المخدة
نبض:اوف حتي و انت مش موجود مضايقني
-نبض قامت و نامت علي الكنبة وكانت منكمشة علي نفسها
في مكان تاني
_في اوضة ملك
ملك كانت قاعدة بتعيط اوي لان رعد اتجوز نبض
ملك بعياط:حرام عليكوا...انا اعرفه قبلها
اشمعنا هي؟!
طب و ربي لاكون مسو"دة ايامها
ملك حطت رأسها علي المخدة وقعدت تعيط لغاية ما راحت في نوم عميق
_في الصباح الباكر
هدي:يلا يا ست منك ليها جهزوا الفطار
ورد:فطار العرايس جاهز يا اما
شربات بتعب:صباح الخير
الكل:صباح النور
هدي:ايه اللي خرجك بره اوضتك يا شربات؟!
شربات:حسيت بملل يا حاجة
هدي:طيب اجعدي
شربات:شكرا
علا:اطلع الاكل
ثريا:نبض هتلاقيها مصحيتش لما بتتعب بتنام لفترة طويلة
نبض شبه نايمة:صباح الخير..
الكل بص ل نبض
"نبض كانت لابسة بنطلون اسود و تيشيرت زيتي ب ¾ كم و كوتشي ابيض ورفعت شعرها ديل حصان"
ورد:حد يلبس غامق يوم صباحيته؟!
نبض:بصوا انا مش فايقة ل حد
هدي:فين رعد يا بتي؟!
نبض:انا اعرف اهو راح في اي داهية
ثريا قربت من نبض وقعدتها علي الكرسي..
ثريا بهمس:حصل ايه يا نبض؟!
نبض:انا اعرف ..اهو غا"ر سافر و لا اتز"فت بصي هو اختفي
علا بصدمة:رعد سابك ليلة فرحكوا؟!!!!!
نبض:فرح مين بس مين جاب سيرة الفرح؟!!!
زهرة:بتتحدي و لا كأنه هامك حاجة كيف
نبض:اساسا ميهمنيش...فليذهب الي الجحيم
ثريا:طب تعالي معايا نبض
نبض وثريا طلعوا اوضة نبض ورعد
ثريا:حصل ايه يا نبض احكيلي؟!
نبض حكت كل اللي حصل ل ثريا
ثريا:امممم هتلاقيه فعلا عنده شغل
ثريا:اصل نسيت اقولك هو بيشتغل ايه؟!
نبض:الباشا بيشتغل ايه؟!
ثريا:ظابط يا نبض
نبض:طيب الف مبروك
ثريا:بصي يا نبض ممكن تبقي كسرة نفس ليكي بس لازم تقدري...ماشي يا حبيبتي؟!
نبض:بصي ولا فارق معايا اي حاجة
نبض:يلا ننزل
نبض وثريا نزلوا وقعدوا علي السفرة
عادل:فينه جوزك؟!
نبض:سافر
عادل:كيف عاد؟!
نبض:اتصل بيه اسأله
عمر:متأكدة يا بتي؟!
نبض:هكدب يعني هو انا هصاحبه
جلال بغضب:ازاي ده يحصل يا عمر؟!ازاي يسيب مراته ليلة الفرح و يمشي؟!
عمر:اهدي يا خوي
نبض:في ايه يا جماعة عادي يعني ما تسيبوه..مكبرين الموضوع اوي
الكل بص باندهاش ل برودة اعصاب نبض
نبض:عادل بيه عايزة حضرتك في موضوع بعد الاكل
هدي:كُلي يا بتي كُلي
نبض:تسلمي يا طنط..
ملك:تأكل كيف وعريسها سايبها ليلة فرحها لاتكون معيو"بة
الكل بص ل ملك ونبض سابت الاكل من ايديها
نبض:شغل التحفيل اللي هتعمليه ده يتلم علشان معلمش عليكي
نبض قامت وسابتهم طلعت للجنينة وادهم قام وراها
ادهم:احم احم
نبض:خير؟!
ادهم:اسف لو هزعجك بس متضايقيش
ادهم:بس للاسف رعد اهم حاجة في حياته شغله
نبض:مين قال اني مضايقة؟!عادي جدا اساسا مش متجوزين عن حب علشان ازعل وبعدين هو مين اصلا علشان افكر فيه
ادهم:في ايه يا بنتي انتي قاسية اوي كدة ليه؟!
نبض:فين القسوة دي؟!بس عموما عايزة اسألك سؤال
ادهم:اتفضلي
نبض:انت مختلف و لا زي اخواتك
ادهم:طول عمري فريد من نوعي
نبض ابتسمت لادهم...عادل جه ووقف جمب نبض
عادل:ادخل يا ادهم
ادهم:عن اذنكوا
عادل:اتحددي
نبض:كنت هنزل اشتغل في المستشفي اللي هنا..عايزة مساعدة
عادل:مرتب يعني كيف الباجي
نبض:لا انا هشتغل مجاني لغاية ما ارجع المستشفي بتاعتي في تركيا
نبض:اقصد عايزة المستشفي تبقي مستشفي نضيفة مش مز"بلة كدة يحصل فيها تجديد وانا هشرف عليه بنفسي
نبض:وكمان بدل القعدة دي..مش عارفة اعمل ايه
عادل:اتعلمي وكلتين ل جوزك و عيالك
نبض:خلينا متفقين ان الجواز ده جواز مصلحة
عادل:ولو؟!
نبض:مفيش ولو...وكمان انت لسة متعرفنيش لما يكون في دماغي حاجة بنفذها ولو هيحصل ايه
نبض:عنيدة بقي معلش ..وكمان انا مش بعاند في حاجة غلط و حرام
نبض:الشغل مش حرام ولا غلط وكمان انا بشتغل شغل شريف
نبض:وكمان انت مش جوزي علشان توافق او ترفض..رعد عارف ووافق
عادل بصدمة:رعد وافج؟!
نبض بخبث:ايوه
عادل:طيب شوفي عايزة ايه واعمليه؟!
نبض:شكرا
-نبض عرفت ان عادل و رعد علاقتهم متوترة فاستغلت ده,و قالت ان رعد عارف لانها عارفة ان عادل مش هيكلمه
نبض:اه عايزة خيل او مهرة
عادل:بتعرفي تركبي؟!
نبض:عيب عليك
عادل بص ليها من تحت ل فوق
نبض بصتله برفعة حاجب
عادل:ادم يا ادم
ادم:نعم يا جدو؟!
عادل:روح مع بت عمك خليها تختار مهرة
ادم:حاضر يا جدو...قدامي
نبض بصت باستحقا"ر لادم وبعدها مشيت ناحية الاسطبل و ادم وراها..
ادم(بعصبية):مش خدامك انا..
نبض(بغضب):انت تطول يا حيوان انت..
ادم(بغضب):لا ده انتي ناقصة تر"بية بقي...
نبض:اه هتعمل ايه يعني؟!
ادم قرب من نبض وكان رافع ايده علشان يضربها نبض ضر"بته بركبتها في بطنه
نبض مسكت ادم من التي شيرت بتاعه
نبض(بغضب):قسما بربي ايدك الحلوة دي لو لمست شعرة مني لاكون كسر"هالك ومش هكتفي بكدة و بس..
ادم(بغضب):شيلي ايدك انتي اتجننتي و لا ايه؟!
ادم زق نبض بعيد عنه بغضب
نبض:والمفروض اخاف منك...ويلا مش محتاجة منك حاجة غور في داهية..
ادم:ما انتي لو كان عندك ام ربتك كان زمانك محترمة نفسك
نبض رفعت عيونها لادم بغضب
نبض:امي ربتني احسن تربية الدور والباقي عليك..واضح من تربيتك اوي ان امك عرفت تر"بيك كويس
ادم مسك رقبة نبض بغضب..نبض بصتله بتحدي
ملك:بتعملوا ايه اهني؟!
نبض وادم بصوا ل بعض وبعدها بصوا لملك..نبض حطت ايديها علي كتف ادم..
نبض:كنا بنشوف طول بعض..مين اطول من التاني؟!
ملك بصتلهم باستغراب وادم اندهش من فعل نبض..
ملك:ادم عمي عمر عايزك..
ادم:تمام..
ملك سابتهم ومشيت...
ادم بص باستغراب ل نبض..نبض شالت ايديها وقربت من الخيول وبدأت تتفحصهم
نبض لقت المهرة اللي هي ركبتها في الاول..
نبض:اسمها ايه؟!
ادم:ملهاش اسم
نبض بابتسامة كبيرة:يبقي انا اللي هسمي القمر دي
نبض:قدر..اسمها حلو اوي..
نبض باست قدر وحضنتها..
نبض:تقدر تمشي مستني ايه؟!
ادم بص ل نبض وسابها ومشي...
نبض فضلت تتكلم مع قدر..
نبض:يا اختي كميلة عليكي انتي..
نبض ضحكت وبدأت تأكل قدر وبعد فترة سابتها ومشيت
_في القصر..
نبض:اومال فين الباقي؟!
علا:كل الرجالة راحت تشوف مشاغلها
نبض:تمام...اخبارك يا مدام شربات؟!
شربات:بخير يا حضرة الحكيمة..
نبض:دكتورة بعد اذنك..
شربات:ماشي..
نبض:اه صح هو فين يوسف؟!
زهرة:عايزة ايه من يوسف؟!
نبض:هتكلم معاه...
زهرة:لا معندناش الكلام ده..
نبض برفعة حاجب:ليه بقي؟!
زهرة:لازم الكل يحترم نفسه ويحترم المكان اللي هو عايش فيه
زهرة:والكل يمشي بالتقاليد والاصول..
نبض(ببرود):خلاص جيبلنا قرد صغير زي جوزك كدة
نبض قامت وسابتهم وزهرة فتحت عينيها علي اخرهم
هدي لنفسها:هي طالعة جبارة اكدي ل مين؟!
ورد:بتقولي حاجة يا اما؟!
هدي:ها؟!لا
هدي:يلا همي منك ليها
ملك(بغضب):هي جاية وفاردة جِناحتها اكدي ليه؟!
هدي:عيب يا ملك دي بت عمك
ملك:المفروض تعرفوها الاصول يا جدة
علا:اهدي يا ملك اهدي
_عند نبض
نبض طلعت لاوضة يوسف وخبطت الباب و دخلت..
نبض:هاي..
نبض:جيت اتكلم معاك شوية..
يوسف(بتقطع):ااا نننت يي تتا اان نني(انتي تاني؟!)..
يوسف(بتقطع):ممم شش الننه هها ارر ددة صصب با ااح يي تتتك(مش النهاردة صباحيتك)
نبض قعدت علي سرير يوسف وربعت
نبض:و الله ما شوفت نهار عدل من ساعة ما جيت هنا
يوسف(بتقطع):لل لي يه(ليه؟!)
نبض:معرفش ممكن علشان مش متعودة..معرفش..
نبض:عموما طمني عليك عامل ايه؟؟
يوسف(بتقطع):ررر ععد دد ععا اا رررفف(رعد عارف؟!)
نبض:هأخد اذن الباشا كمان علشان اجي اقعد معاك و كمان انت ابن عمي عادي عادي
يوسف(بتقطع):ههن ننا ممف ييش شش ععا ااد ددي(هنا مفيش عادي)
نبض:يوسف
يوسف(بتقطع):نن ععم مم(نعم)..
نبض:مش هتحكيلي؟!
يوسف(بتقطع):ااحككي ي للك ااا ييه هه(احكيلك ايه)
نبض:انت عارف كويس يا يوسف
الباب خبط و علا دخلت
علا:مساء الخير
نبض:مساء النور.
علا:نبض حبيبتي
نبض:نعم يا طنط
علا:يا حبيبتي انتي دلوجتي متجوزة لازم تعملي حساب لجوزك وهو مش موجود قبل ما يبجي موجود..ورعد لو كان اهني مكنش هيسمح تجعدي انتي و يوسف في اوضة لوحديكوا مجفول عليكوا باب واحد..علشان اكدي يا حبيبتي معلش متبجيش تجعدي انتي و يوسف لوحديكوا في مكان مجفول
نبض:بس يا طنط انا و يوسف زي الاخوات وانا حبيته جدا غير ادم وملك وزهرة وانا بحب اتكلم معاه بحسه بيفهمني كدة
علا:خلاص يا حبيبتي ابجوا اجعدوا قدامنا علشان يا حبيبتي سُمعتك وعلشان خاطر جوزك
نبض:حاضر يا طنط...عن اذنك
نبض خرجت بره اوضة يوسف...علا حضنت يوسف وقعدت تقرأ شوية قرآن لغاية ما نام
في مكان تاني
_في القاهرة..عند رعد
رعد كان في المبني بتاعه هو وفرقته
عز:كدة يا عم تتجوز ومتقولش ليا؟!
رعد بحدة:مهند
مهند:نعم يا كبير
رعد:جيت هنا قولت للكل اني اتجوزت صح؟!
مهند:لا والله هما الفرقة بس
رعد بحدة:طيب الكل يسمعني اي حد هيجيب سيرة اني متجوز لاي مخلوق ميلومش غير نفسه
مهند بهمس:احنا هنستعبط ما انت متجوز من سبع سنين
رعد بصوت هادئ:علي اوضة التدريبات يا مهند
مهند:وشي ابوس ايدك انا عايز ارجع سليم لمراتي
رعد بهدوء:سمعتني؟!
مهند بص للكل وراح علي اوضة التدريبات ورعد راح وراه
محرم:هو ليه مش عايز حد يعرف انه متجوز؟!
عز:هتلاقيه جواز تقليدي علشان الصعيد وكدة
يزيد:ممكن
_في اوضة التدريبات
مهند:طب قولي هتضربني فين طب؟!
رعد:ايه يا حضرة الظابط انت نسيت اننا نحاول قدر الامكان توقع مكان الضربة
-مهند بص ل عيون رعد شك انه هيضر"به في الضلع..رعد مد ايده علشان يضر"ب مهند...مهند رجع ورا ضهر رعد بس رعد بكوعه ضر"ب ضهر مهند
مهند بوجع:ربنا علي المفتري
رعد:هتقوم ولا اجيلك؟!
مهند سند علي الارض بايده وقام وقف
رعد ضر"به بوكس في وشه
رعد:كفاية عليك كدة
رعد ساب مهند وراح لمكتبه ومهند عالج جروحه ورجع للباقي
يزيد:انت كويس؟!
مهند:سأخبر الله بكل شئ
عز:و انا هاجي معاك
رعد بحدة: عز
عز:ولا اعرفه يا باشا
كل واحد قعد علي مكتبه وبدأ يشتغل
رعد:هاتلي صورة الواد المشتبه
محرم:اتفضل يا باشا
رعد قعد يبص علي الملف والصورة
رعد:خرجوه بره القضية
يزيد:مش هو؟!
رعد:لا
يزيد:تمام في واحد تاني
رعد:وريني
يزيد:اتفضل
رعد كمل شغل شوية وبعدها رجع ضهره للكرسي
رعد:القضية خلصت
عز:بجد ازاي؟!!!!!!
رعد:تعالا
رعد بدأ يحكي كل اللي هو اتوصل ليه
في مكان تاني
_في تركيا...في المستشفي
(حوار مترجم بالتركيه)
محمد:ميران مشوفتيش فتون؟!
ميران:علي ما اعتقد في اوضة التبديل
محمد:شكرا
محمد راح لاوضة تبديل الملابس دخل لقي فتون بتلبس القميص بتاعها وضهرها للباب
محمد قرب من فتون وحضنها من ضهرها
محمد :وحشتيني
فتون :كذاب
محمد :مقدرش اكذب عليكي يا قمري
محمد :حقيقي وحشتيني
فتون :و انت يا حبيبي
محمد با"س ر"قبة فتون وشدها ليه اكتر
( نسيبهم مع بعض سيكاا بقا مالناش دعوه )
) _عند ميران
اشين :دكتورة ميران في حالة مستعجلة
ميران راحت للاسعاف ولقت حالة غريبة قدامها
ميران :ايه اللي حصل؟!
ازاد :شاكين بانها حامل
ميران بصدمة :طفلة و حامل!!!!
ميران :جيب السونار
ازاد :لحظة
ميران :لقيتوها فين؟!
اشين :في شخص وهو ماشي لقاها واقعة في الارض و بتصرخ
ميران :استعجلي ازاد
اشين :حاضر
بعد فترة جه جهاز السونار وميران بدأت تفحص بطن الطفلة
ميران :نادي الدكتور محمد
اشين :حاضر
اشين قعدت تدور علي محمد لغاية ما راحت اوضة التبديل
اشين :دكتور م...
اشين لفت وشها بسرعة ومحمد بعد عن فتون
محمد:خير يا اشين؟!
اشين :دكتورة ميران كانت عايزة حضرتك في الاسعاف
محمد :حاضر جاي
محمد بص بضيق لفتون ومشي ورا اشين وراح لميران
ميران :خير؟!
محمد(بعصبية):مش عارف اقعد مع فتون ولا في البيت ولا حتي في المستشفي ده ايه الذ"ل ده متجوزها انا ليه بقي؟!
ميران :مش وقته بعدين تعالا كدة
محمد:ايه؟!
محمد راح وشاف اللي ميران بتشاور عليه
محمد:هيأخد وقت كبير
ميران :او ممكن نجري عملية
محمد :حجم كبير زي ده نتقلصه يا ميران؟!
ميران :الحل الوحيد علشان نقدر ننقذ الطفلة
محمد :المسئولية!!
ميران :عليا
محمد :طيب موافق
ميران :جول جهزي اوضة العمليات
جول :حاضر
و بدأوا يجهزوا نفسهم للعملية
في مكان تاني..في الصعيد
_في الليل
نبض كانت بتتمشي في الجنينة لوحدها فجأة لقت حد كتم بوقها بأيده وشدها لورا القصر
نبض كانت بتقاوم بس معرفتش بسبب ان نفسها مكتوم و ضغطها بدأ يوطي
نبض لقت الشخص اللي وراها حاطط سك"ينة علي ر"قبتها
نبض فتحت عينيها علي اخرهم و......
يتبع الفصل السابع عشر اضغط هنا
الفهرس يحتوي علي جميع فصول الروايه اضغط علي اسم الرواية " رواية قسوة رعد "
تعليقات
إرسال تعليق