رواية حب عمرى الفصل الاول
: فرح اياد النهارده
قالتها آلاء بتوتر وهى منتظره رد فعل اسراء
اسراء بحزن : عارفه
آلاء : مش هتقوليله برضوا
اسراء : لاء طبعا أنا اه بحبه بس بينى وبين نفسى دينى وحيائى ميسمحوش ليا أن أقوله حاجه زى دى ربنا يسعده مع ال اختارها
آلاء : طب قولى لخالتك
اسراء : ده لما ابقى مليش كرامه خلاص بقا يلا عشان نروح
آلاء بشك : هتروحى عادى
اسراء بملل : ايوه يلا ساعدينى عشان اجهز
قاموا لبسوا وجهزوا وكمان آلاء عشان بنت خالته برضوا
اياد بحب : أخيرا هتجوزها انا بحبها اووى ومش مصدق أن ربنا هيجمعني بيها
ماجد بابتسامه : مبروك ياعريس
اياد : الله يبارك فيك ياحبيبى عقبالك
ماجد : يلا بقا عشان العروسه جاهزه
وبالفعل اياد جهز وخرج وماجد صاحبه معاه وراحه اخده العروسه وطلعوا على القاعه
فى الفرح
اسراء وصلت ودخلت وهى ماسكه دموعها بالعافيه ولمحت اياد قاعد جمب عروسته والفرحه باينه فى عنيه ابتسمت بحزن وراحت عندهم وكانت آلاء معاها
اسراء بابتسامه مزيفه : مبروك يا اياد
اياد بابتسامه : الله يبارك فيكي يا ايسو عقبالك
اسراء بهزار : قريب إن شاء الله مبروك ياعروسه
خديجه بابتسامه : الله يبارك فيكي ياقلبي
اسراء : عن أذنكم بقا
اياد : اتفضلي
آلاء بهزار : ابن خالتشى القمر مبروك ياسطا
اياد بضحك : الله يبارك فيكي يالولو
آلاء سلمت على العروسه ونزلت راحت تدور على اسراء
اياد بحب : مبروك ياديجه
خديجه بخجل : الله يبارك فيك ياحبيبى
آلاء : يلا نمشى
اسراء اترمت فى حضنها بدموع : بيحبها يا آلاء وهي برضوا بتحبه يارب تسعده زي مانا كنت بتمني أسعده انا
آلاء بحزن : ده نصيب والله أهدى بقا
اسراء هديت ومشيت معاها
فى بيت اياد
اياد بحب : أخيرا بقينا لوحدنا
خديجه بخجل : الحمد لله
اياد : طب يلا نصلي
خديجه : يلا
خديجه لسه هتدخل فجأه داخت ووقعت من طولها
اياد بصدمه : خديييجه !!!!
يتبع الفصل الثاني اضغط هنا
الفهرس يحتوي علي جميع فصول الرواية كامله"رواية حب عمرى" اضغط علي اسم الروايه
تعليقات
إرسال تعليق