رواية احببت فاقد الذاكرة الفصل العشرون 20 بقلم يارا عبد السلام
رواية احببت فاقد الذاكرة الفصل العشرون 20 بقلم يارا عبد السلام
_مش دا بيت يارا
_ايوا حضرتك مين
_انا عمر ابن عمك
_اي مش فاهمه
_انا عمر ابن عمك كنت في حوارات كدا وكنت عاوز اجيلك واعزيكي واكلمك بس محصلش نصيب ومنصور سبقني بالش*ر فاستنيت لحد مانهي اي حاجه حاجز بينا وجيتلك ومعايا كل خير وكمان علشان ابقى معاكي يوم فرحك ويكون حد من أهلك حواليكي ومنصور ربنا انت*قم منو واتس*جن وعمك رجع وقال هيديكي حقك
_بص انا مش فاهمه انا معرفتش اني عندي أهل الا يوم وفاة ماما
_انا عارف علشان المشاكل اللي كانت بينهم وكدا انا كنت شايف كل حاجه وعاوز اقولك اني كنت بحب عمى منصور جدا وهوا اللي مربيني وللأسف كان مربي منصور بس عي*اره فل*ت
المهم انا عاوزك تسامحي عمك وتاخدي حقك وتعتبرينا اهلك
_كنتو فين زمان
_كنا موجودين بس الزمن بيفرق اقرب الناس
حاولت الثبات بس انهارت ووقعت عالارض تعيط
*بابا تعب في حياته اووي شغل شغل شغل علشان يوفرلنا كل حاجه كنت فخورة بيه لانه كان حنين اوووي كنت عوزاه يفضل معايا لحد اليوم دا بس هوا ما*ت وسابني وانا لسه صغيره مش فاهمه حاجه وماما كملت مسيرته وجه اليوم اللي انا أشيل فيه البيت واشتغل دخلت تمريض وكنت بتعلم ويشتغل لحد ما ماما هى كمان سابتني وانا راضيه بس تعبانه حسيت اني.وحيده مليش اهل وبعد مو*تها يوم معرف الاقي واحد جاي يش*تم ويقل اد*به مكنتش عارفه اعمل اي طر*دته هوا وعمي اللي حسيت لوهله انو شبه بابا بس مشي ومرجعش تاني كنت خايفه أحضر فرحي وانا مش حواليا أهل هوا احمد كل حاجه ليا بس طعم انك يكون عندك أهل في ضهرك دا بالدنيا..
_ياااااه انتي تعبانه اوووي يا يارا بس اوعدك انك مش هتحسي الاحساس دا تاني وانا معاكي ومش هسيبك وعمك كمان وخلود ومرات عمك
_هم فين
سمعت صوت جاي من ورا
_احنا هنا يا بنتي
عمى قرب عليا وقعد چنبي وخدني في حضنه وفضلت ابكي
_متعيطيش يا بنتي انا معاكى وكلنا معاكي
_شكرا يا عمى
_اللله حلوة عمى دي بس مش حلوة شكرا
_حاضر
قربت عليا مراته اللي تقريبا انا اول مرة أشوفها
_الله يا بنتي انتي قمر زي امك الله يرحمها
يارا:_شكرا يا طنط
ام عمر بحنيه:_طنط اي قوليلي ماما
يارا:_حاضر يا ماما
الام بحنيه:الله حلو اوووي يلا قومي يا عروسه علشان تجهزي
يلا يا خلود تعالي نظبطها
خلود:حاضر يا ماما
وبدأت خلود تعرف نفسها
خلود بمرح:انا يستي ابقى خلود مرات الراجل القمر اللي واقف هناك دا
يارا وهى تتصنع الصدمه:الحق يا عمر بتقولي اي
عمر:اي
يارا بضحك:بتقولي انا مرات الراجل القمر دا
كلهم ضحكوا وخلود مطرت الي الأرض من الخجل وبصت ليارا كانت عوزا تضربها
خلود:طيب يا يارا
_ههههههههههه بهزر معاكي يا خوخه انتي قمر يلا بقى علشان انا عروسه وعوزا اتجوز
*النهارده فرحي يجدعان عاوز كلو يبقى تمام ولولولولولولولوي
_هبله
_ميرسي اصلي فرحانه اوووي خلاص هتجوز احمد بقى ويبقى قرة عيني
_يشيخه للدرجادي بتحبيه
_بموت فيه يا خلود دا عوضني عن كل حاجه وبيحبني بجد
_ربنا يخليكم لبعض يارب ويجعل بينكم ذريه صالحه
_تسلميلي يارب
_يلا علشان تبداي تجهزي
بدأت اجهز وسلمي جت
_عامله اي يا يارا
_اي اللي جابك
_,جايه اعتذر عن اي حاجه صدرت مني انا كنت مع*ميه كنت تحت سيطرته واتعالجت وخلاص وحبيت ولقيت الشخص اللي هيسعدني وجيتلك وعوزاكي تسامحيني
_الكلام دا حقيقي
_اه والله
_خلاص مسامحاكي
قامت سلمي حضنتها ودخلت معاها تجهزها هي وخلود وكمان نور جت ..
في المساء كان يوجد اربع اميرات باختلاف الوان الفساتين
-فيارا العروس كان الفستان ابيض وحجاب ابيض يعني(مش هفتى انا😂😂)
-نور كانت ترتدي فستان باللون الذهبي مع حجاب دهبي وشوذ ذهبي أيضا
:خلود فكانت ترتدي فستان باللون الزهري وطرحه بيضاء وشوذ ابيض
:سلمي فكانت ترتدي فستان اسود وتركت لشعرها العنان وشوذ اسود
فكانت الأربع اميرات ينتظرون الأربع ملوك
كانت يارا تقف وتعطي ظهرها للباب وهذا ما يقولون عليه الfrist look
دخل احمد فكان يرتدي الحليه السوداء وكان ينظر علي من أسرته وجعلته يحبها علي الرغم بالاشياء التي مر بها
قرب منها
_يارا
......
_يارا
لسه هيلمسها
لفت وشها وخبت نفسها في حضنه
وبدأت تعيط
_طيب بتعيطي ليه دلوقتى
_علشان فرحانه اني بقيت معاك وليك واني لابسه الفستان دا وعلي اسمك بحبك اووي يا احمد
_وانا كمان بحبك يا قلب احمد
بس متعيطيش بقى علشان الميكب دا هيبوظ وشكلك هيبقى مش حلو في الصور عيالك يقولو عليكي اي بعد كدا
_وسع كدا
فتحولت يارا من الطفل الوديع الي الست المصريه😎😂
_يارب اقدر علي هرموناتها دي أصلها كل ساعه بحاله
_عاوز تقول اني مجنونه مثلا
_ابدا انتي قلبي
وخدها ومشي
فكان يقف بالخارج يحيي وعمر
يحيي شاف نور
قرب عليها
_احم اي القمر دا
_ها
_ها اي
_قولت اي
_قولت عامله اي
_رخم وسابته ومشيت
وهوا ابتسم
_طيب يا نور.
كدا كدا محضرلك مفاجاه النهارده
عمر قرب من خلود
_اي القمر دا
_منا عارفه اي الجديد
_لا ولسانك طويل عادي
_امال يا ابني
_ابنك
طيب تستلقي وعدك النهارده
_اي هتضر*بني لو هتضر*بني همشي مع بابا وماما
_ابقى قابليني لو حد خدك مني النهارده
_مش فاهمه
_هتفهمي لما نروح يا مزه
_قليل الادب ومشيت وسابته
حسن قرب من سلمي
_اي اللي انتي عملاه دا
_اي
_ينفع كدا
_اي
كانت سلمي هتعيط
_ينفع كدا تخطفي قلبي وتجيبي القمر من السما وتحطيه الأرض
_انت رخم
_لي بس
_كنت بحسب أن شكلي وح*ش🥺
_لا انتي قمر طبعا
بحبك
،_اي
_اي
طلبت ايدك من يحيي علي فكره
_بجد
_بجد
عاوزا اقولك حاجه
_اي
_بحبك
ومشيت وسابته
وحسن فرح جدا
وصلو القصر الذي كان يتزين بافخم الزينه وكان يوجد اعداد كبيرة من الناس الي جانب الصحفيين فاليوم سيتزوج صاحب القصر الفرعوني فدخولهم القصر يعتبر لهم كأنه انجاز عظيم فليس اي احد يدخله .....
دخلو ويارا وأحمد مع بعض وكل كابلز يمثل عائله فلاول مره تتجمع العائله وكذالك يارا كانت فرحه جدا ان أهلها بجانبها وأصبح لديها أصدقاء نور وسلمي وخلود ...
بداو يرقصوا سلو والجميع يصورهم ويرون مدي الفرحه لكلاهما ومدي السعاده في عيونهم ومدي جمالهم....
كانت نور واقفه وفرحانه جدا
يحيي قرب منها
_اي رايك تتجوزي النهارده يا عروسه
_ازاي والعده
_هوا انا مقولتلكيش
_لا
_عماد ما*ت
_اي
_اه والله
_بس كان طلقك قبلها
علشان كدا هنستني لما العده تخلص ونتجوز
_امممم ماشي
ذهب حسن الي يحيي
_يحيي بيه
_اي
_عاوز اتجوز
_طب وانا مالي
_وافق اني اكتب الكتاب
_لا
_لي
_لما انا اتجوز هجوزكوا معايا
_طب وانا مالي
_نصيبك
_دا ظلم
_قولت اي
_ربنا يخليك يا يحيي بيه
يحيي مشي
_يادي النيله بقى
_مالك يا حسن
_اخوكي يختي مش راضي يجوزنا
_لي
_مستني نور تخلص العده ونتجوز سوا
_اللله طيب كويس هتجوز مع يحيي
_علي اساس اني رجل كورسي
_استني نتجوز معاهم منا مش هسيب يحيي وكريم لوحدهم
_طيب يختي لما نشوف اخرتها
نروح للعروسين الجمال دول😉
_مبسوطه
_جدا
_نفسك في اي
_بقاش نفسي في حاجه كل اللي كان نفسي فيه لتحقق
_ازاي
_كفايه انت معايا انت حلمي
_بحبك
_بموت فيك .
_انتي اكبر فوز ليا
_انت احسن زوج ليا مش عارفه انا لو كنت اتجوزت غيرك كنت هبقى مبسوطه كدا
_لا طبعا لاني مفيش زيي😎
_دا غرور
_لا ثقه وانتي السبب
_احمد
_نعم
_انا مبسوطه اوووي
_وانا كمان
وفجاه شالها ولف بيها والكل سقف وصفر والكل كان فرحان ليهم من قلبه
وأحمد ركع علي ركبته وطلع الخاتم من جيبه فكان خاتم من الالماس وهذا ما يقول عليه خاتم الزواج
لبسها الخاتم وباس أيدها
_مبروك عليكي انا يا حبيبتي
_بحبك اووي يا احمد وعنيها دمعت
_لا بلاش عياط انتي النهارده تضحكي بس
بصي وراكي كدا
بصت لقت راجل عجوز فهوا نسخه طبق الاصل من والدها
_مين دا
_دا جدك
_اي
_اه والله
قربت منو وكان قلبي بيدق كاني شايفه بابا
_تعالي يا بنتي تعالي يا يارا في حضن جدك
_انت جدوا فعلا
_ايوا يا حبيبتي انا كنت عاوز اجيلك من زمان بس المرض
ربنا كان بياخد حق ابوكي وامك علشان كانو مظلومين
_قربت منو بوست أيده وحضنته
متقولش كدا يا جدي ربنا يرحمهم اهم حاجه صحتك وربنا عوضني بيكوا بس
_ربنا يحميكي يا بنتي انتي متجوزه واحد ونعم الرجال ربنا يخليكم لبعض
_يارب
والفرح كمل وانا جنبي عيلتي الحقيقيه اوقات عوض ربنا بيبقى كبير اوووي ويتبقى نعمه لا تعد ولا تحصى
بصيت للسما
وشوفت بابا وماما وهم واقفين ايدهم في ايد بعض وبيبصولي برضا انبسط عرفت أن ربنا جمعهم في الآخرة في الجنه عقبالي لما تتجمع مع احمد في الجنه
ربنا يرحمك يا بابا انت وماما ...
"ابتسامتي لا تفارقني فالله لم يخذل عبده ابدا فقل الحمد لله فقط وسيأتي عوض الله ما دمت تحمده"
بعد مرور اربع اشهر
في القصر كان الجميع يجتمع في حفل صغير لكتب كتاب يحيي ونور وحسن وسلمي
نور كان لابسه فستان جميل جدا وأسرت يحيي بجمالها ودا لأن حبه ليها زاد واعترفوا بحبهم لبعض من فتره وبقاش في اي عائق في قصتهم دا غير كريم اللي حبها وبقى بقولها يا ماما ....
سلمي كانت مبسوطه أن ربنا عوضها وكمان هي اتحجبت بعد اقتناع تام وحسن فرح جدا وكان اليوم دا بمثابه عيد بالنسبه ليه .....
كانت يارا واقفه جنب احمد ومبسوطه جدا وعنيها مليانه فرحه وأحمد مبسوط أن يحيي هيلدا حياته من جديد مع بنت بيحبها وكذالك سلمي
"بارك الله لكما وبارك عليكما وجمع بينكما في خير"
يحيي قرب من نور وخدها في حضنه قدام الكل وقال :اخيرا فزت بيكي
الف مبروك يا قلبي
_الله يبارك فيك
_خلاص بقيتي ملكي ها
وغمزلها
_اي هتت*حمرش بيا ولا اي يا ماما
_ههههههه انتي عبي*طه انتي مراتي يعني هتحمرش بيكي بس في الحلال وكله بما يرضى الله
_انت قلي*ل الاد*ب
_هوا انتي لسه شوفتي حاجه
_يووووه انا هروح اشوف كريم
_انتي مكسوفه
_اه مكسوفه
_قشطا ههههه
احمد قرب منهم هوا ويارا
_الف مبروك يا يحيي الف مبروك يا نور
_الله يبارك فيكو
ثم تم كتب كتاب حسن وسلمي
_يااااه اخيرا شيخه انا كنت همو*ت جنبك انتي واخوكي انا خللت
_الف مبروك يا حس
_قلب حس من جوا بقولك اي متجيبي بو*سه انا بقالي شهور ماسك نفسي حر*ام
_عيب يا حسن هنادي يحيي يظبطك
_لا يا ماما انتي بقيتي مراتي انا بقولك اهه انتي مفكره اني هخاف من سي يحيي دا لا طبعا
وفجاه سمع صوت وراه
_ها واي كمان
*كان صوت يحيي😂😂
_ها ولا حاجه دانا كنت بقولها يحيي دا حبيبي وقمر وعسل كدا يختي وطبعا انت ليك الحق في كل حاجه دانت خال العيال يا راجل
_ايوا اظبط كدا احسن اظبتك وانت عارف
قام حسس علي قفاه
_عارف يخويا عارف
والكل فضل يضحك
يارا اختفت مره واحده وأحمد راح يشوفها راحت فين لأنها بقالها فترة تعبانه وهي مش بتقوله ووشها اصفر...
راح يدور عليها دخل جناحهم
_يارا انتي فين وفضل يدور عليها وشافها خرجت من الحمام وهي بتمسح وشها من العرق
احمد بقلق:مالك يا يارا في اي
_مفيش تعبانه شويه بس
_انتي هتفضلي تعبانه كدا كتير وقلقاني انتي تنامي في السرير وهروح اجيب دكتور وانتي حرة بقى لو خرجتي من هنا
_حاضر
احمد نزل وهوا قلقان جدا والكل شافه
_في اي يا احمد
_مفيش يارا تعبانه شويه هروح اجيب دكتور وجاي خليكي معاها يا نور انتي وسلمي
نور:طيب متقلقش
وطلعو وفضلوا معاها
بعد شويه
احمد جه ومعاه دكتور
الدكتور بعمليه:ممكن كلو يخرج وزوجها بس اللي يفضل
كلو خرج والدكتور كشف علي يارا وعلامات الفرح ظهرت عليه
_الف مبروك يا مدام يارا انتي حامل في الشهر التالت
احمد بفرحه:بجد يا دكتور
_ايوا بجد
يارا كانت فرحانه جدا
_الحمد لله يارب الحمد لله
_ربنا يتمملكوا علي خير وخد بعضه ومشي
احمد قرب من يارا وخدها في حضنه مبروك يا اجمل ام وزوجه في الدنيا دي
_انا مبسوطه اووي يا احمد اني هحس بطعم الامومه وهبقى ام
_هتبقى ام عسل أن شاء الله
_ان شاء الله يحبيبي
ونور وسلمي دخلو وباركولها وكذالك يحيي وحسن ..
بعد مرور شهرين
_نفسي في المنجه
_منجه اي يا حبيبتي في الشتا
_مليش دعوه انا عوزا منجه وبدأت تعيط زي الاطفال
_كان ذ*ل اي دا ياربي انا مش عارف لى الحمل بيحتاجوله وحم مش فاهم انا
_احمد هاتلي مانجه مليش دعوة هه وظلت تبكي كالاطفال
_خلاص حاضر هجيبلك بكرا الصبح
_لا عوزا دلوقتي
_احنا الفجر
_مليش دعوة انت عاوز تنام وتسبيني نفسي في المنجه ابنك يطلع في وشه عصير منحه
_لا وعلي اي هخرج اشوفلك
ولبس وخرج
ويحيي قابله
_يا عيني عالحلو لما تبهدله الايام علشان بس كنت بتتريق عليا
_دوقت يا اخويا كل يوم عالحال دا مش عارف بقى هجيبلها مانجه منين وفي الساعه دي
_هههههههههه ربنا معاك يا اخويا
_ارحمني يا يحيي بدل ماتساعدني
ومشي وسابه
نور جت
_في اي يا حبيبي احمد خارج لي دلوقتي
_هههههههه أصل يارا عوزا مانجه
_هههههههه ربنا معاه والله كل يوم يشوفه خارج كدا بليل
يحيي بغمزه:منفسكيش انتي كمان تتوحمي
_ازاي
_تعالي يا قلبي وانا اقولك ازاي...
بعد مرور اربع اشهر
في احدى ليالي الشتاء الجميله
كان يجلس احمد في البارندا التي توجد في الجناح لديه
جاءت يارا التي كانت بطنها منتفخه
_السحلب يا حبيبي
_تسلمي يا حبيبتي
وفتحلها حضنه وقعدت معاه في حضنه
_مبسوطه يا حبيبتي
_طبعا يا حبيبي ربنا يخليك ليا
_عارفه كنت دائما بتمنى انى اقعد القاعده دي مع حد بحبه نشرب سحلب سوا ونبص للسما ويكون الجو ساقعه ونقعد مع بعض نتدفى
_وحلمك تتحقق
_انحقق معاكي انتي يا يارا مش عارف لو مكنتش قابلتك ولا حبيتك كان اي ممكن يحصلي بجد انا بحبك اووي يا يارا
_وانا كمان بحبك يا قلب يارا
وبعدين جاءت تلك اللحظه التي تقطع اي لحظه رومانسيه 😂😂
_الحقني يا احمد الحقنااااي
_احمااااد احمااااااد الحقناااي
_اي اي في اي
_بولد بولد الحقنااااي انت لسه هتسال
_طيب طيب اعمل اي اروح فين واجي منين ياربي
_وديني المستشفى انت لسه هتفكر منك الله انت السبب انت السبب ااااااااااااه
_طيب تعالي
_لبسناااااي
ولبسها وخدها المستشفى ويحيي شافهم وراح وراه هوا ونور التي كانت بطنها منتفخه فكانت في الشهر السابع من الحمل
ذهبوا الي المستشفي
وظلت يارا تصرخ فقط
_انت السبب في اللي انا فيه دا اااااه اااااه
_هوا مش كان بمزاجك
_سااااافل طل*قنااااااي طل*قنااااااي
_حاضر لما تولدي
_طلعت مش بتحبني است*غلتني واست*غليت انو*ثتي انا مش هعيش معاك تاني طلقن*ااااااي
وبعدين دخلت العمليات وأحمد واقف برا علي أعصابه ويحيي ونور جهم وحسن وسلمي لما عرفوا وكانت سلمى ايضا حامل بس لسه في الشهر الخامس وعمر لما عرف جه هوا وخلود التي كانت حامل في الشهر التاسع أيضا وعلي وش ولاده هي الأخري
في الداخل
ظلت يارا تص*رخ وتب*كي وتض*رب في الممرضات ولا يقدر أحد عليها فكانت كالامراة الشر*سه 😂😂
كانت خلود واقفه برا وسامعه صوتها وهي بتولد وفجاه
_اااااه ااااه عمر الحقني
_مالك يا خلود
_بولد بولد الحقنااااي
_دكتور بسرعه
ثم اخذوها دخلو بها الي العمليات
وكدا تبقى يارا وخلود وكان صرخهم يصدع في المكان وكانت نور تقف في قلق تود أن تبكي وفجاه
_الحقني يا يحيي
_مالك يا نور في اي انتي كمان
_بولد بولد لحقني
_ازاي انتي لسه في السابع.
_مش عارفه انا بولد الحقنااااي وبدأت تص*وت وتصر*خ وخدوها علي جوا هي كمان😂😂😂
وكدا التلاته بيولدوا
وفي وسط الصراخ والألم الذي يعاني منه تلك الجميلات صدع صوت لطفل ما يبكي فانشرحت القلوب له ثم يليه صوت طفل آخر
وخرجت الممرضه
_مبروك مدام يارا جابت توأم ولد وبنت زي القمر
احمد سجد علي الارض من الفرحه ودليل علي الرضا بنعمة ربنا ويحيي وحسن وعمر بداوا يهنوه
وبعد قليل صدع صوت طفل آخر فكان هذا الصوت من غرفة خلود فتبسم الجميع
والممرضه خرجت
_مبروك مدام خلود جابت ولد زي القمر
عمر فرح جدا وحمد ربنا وسجد ليه لانه بعد طول انتظار كرمه وفرحه الفرحه الكبيره دي
وبعد برهة من الوقت
كان القلق يعم المكان فكان صراخ نور يصدع في كل مكان ويحيي قلق يريد أن يدخل لها ويري ماذا يفعل فقلبه يأكله من القلق لا يعرف ماذا يفعل يريد أن يبكي فهل من الممكن أن يتكرر نفس المشهد
فاق من شروده علي صوت طفل جميل يخرج من غرفتها ابتسم تلقائيا وفي حال خروج الممرضه
_مبروك مدام نور جابت بنت زي القمر بس هتتحط في الحضانه شويه لأنها مولوده بدري الف مبروك
_نور اهم حاجه عامله اي
_مدام نور كويسه وشويه وهتخرج وتكمن عليها بنفسك
سجد سجده طويله بيحمد وبيشكر ربنا انو مخدهاش منو وان المشهد دا متكررش تاني ....
كان يقف يحمل طفليه
يارا ببعض التعب:ناوي تسميهم اي
_اي رايك مالك ومليكه
_الله حلوين جدا
كريم جه
_احم عمو
_اي يا كريم
_هوا انا ممكن اخد مليكه ليا
_ازاي
_تبقى بتاعتي يا عمو عاوزها
_ازاي برضو دي بنتي
_متقولش كدا هي هتبقى بنتي انا كمان
_ازاي يعني
_هتجوزها
_هت اي لا مش موافق انت عنيك زايغه
_لا يعمو والله مش هكلم حد تاني وهقطع علاقتي بكل البنات انا حبيت مليكه
"كانت طفله تمتاز بالشعر الاسود والعيون العسلي وبياض بشرتها فكانت كالملائكه..
_حبيتها ازاي
_ملكش دعوة وهاتها بقى علشان انا مسمحش لمراتي أن ابوها يشيلها أو راجل غيري يبوسها أو يحبها
_نعم يا روح امك دي بنتي
_وهتبقى مراتي
يحيي جه
_اي في اي صوتكوا عالي
_الحق ابنك يا سي يحيي عاوز ياخد بنتي مني ويقولي هتجوزها
_طب وفيها اي
_فيها كتير ابنك نسو*نجي
_والله يا بابا مش هكلمك بنات تاني انا عاوز مليكه
احمد بتفكير
_طيب نتفق اتفاق
_قول
_تلتفت لدراستك وتذاكر وتنجح وتبقى مهندس شاطر وبعدين هديهالك اي رايك
_وانا موافق
وكان هيمشي
_رايح فين
كريم.باصرار:رايح اذاكر علشان ابقى شاطر وابقى مهندس واخد مليكه
_جدع...
نور ويحيي سمو بنتهم ساره
وعمر وخلود ابنهم اسمو ياسين
بعد مرور ست سنوات
_وانتي بقى يا ست مليكه رايحه وجايه مع مالك كدا كتير
_علي فكله يا كييم دا خويا ماثي(علي فكره يا كريم دا اخويا ماشي)
_ولو انتي بتاعتي انا بس وتفضلي معايا متبصلوش حتى
_يوووووووه انا زهقت انا مش بحبك
كريم زعل وقرب منها وقال
_انا بحبك يا مليكه وانتي بتاعتي وهكبر وهتجوزك
_وانا مش بحبك ومش عوزا اتجوسك
_وانا هتجوزك غصب عنك
مليكه اتعصبت ومشيت وسابته
وراحت ليارا
_مامي
_ياروح مامي في اي
_كيييم بيفصل يزعقلي وانا مش بحب حد يزعقلي
_لي مش قولنا انو اخوكي الكبير
_اه بس هوا بيفضل يقولي هتجوسك والكلام دا وانا مش بحبه علشان عاوزني ليه لوحده ومش بيحبني امشي مع مالك حتى
_لا دا الموضوع تتطور
_طيب روحي انتي يا حبيبتي اوضتك اكتبي الواجب وبعدين العبي
وراحت لاحمد
_احمد
_اي يا روحي
_شوفلك صرفه في كريم الولد هيربي للبنت عقده دا عاوز يمنعها تكلم اخوها
_اي ازاي الكلام دا
احمد راح لكريم لقاه زعلان وقاعد بيرسم
_مالك يا كريم زعلان لي
_علشان مليكه مش بتحبني وحاسسها زعلانه من معاملتي بس انا بحبها يا عمو وبغير عليها من نفسي حتى
_بس هي لسه صغيره يا كريم متعرفش حاجه وهتزهق وانت كبير عندك 12سنه
_انا كل يوم حبي ليها بيزيد يا عمي وانا بذاكر علشان اوفي بوعدي ليك وان شاء الله هبقى قد المسئوليه
_انا واثق يا كريم بس براحه هي لسه صغيره ومينفعس انك تحرمها من الكلام مع اخوها دا اخوها يا جدع
_حاضر يا عمي هحاول
_انا بكلم راجل يا كريم مش عيل وانا واثق فيك
_شكرا يا عمي
وحضنه
كانت يارا تجلس علي السرير تمسك نوت وتكتب فيها
_بتعملي اي يا يارا
_بختم قصتك
_قصتك
_اها انا كتبت قصتنا
_لي
_علشان افضل فاكراها وغير كدا ولادنا يقراهوها بعدين ويعرفوا احنا اتعرفنا ازاي ومرينا بايه وكمان حابه أنهم يكملوها بقصصهم وحبهم وحياتهم بعد كدا
_اها طيب وسمتيها اي
_اقولك ولا تزعلش
_لا مش هزعل
_سميتها يا سيدي
احببت فاقد الذاكره
_اها جميل
_الاسم دا بيفكركش بحاجه
_اها بيفكرني باول يوم حبي ليكي واول نظره بين فاقد الذاكره والممرضه اللي احيتله قلبه
_بحبك يا أجمل واحن فاقد ذاكره في الدنيا
_وانا بحبك يا اجمل ممرضه في الكون
وبدأت تكتب يارا اخر كلمه في مذكراتها
"سأكتب قصتنا علي ورق من ذهب
فنحن تجمعنا صدفه واحببتك صدفه وكنت بالنسبه لي فاقد الذاكره"
ثم أغلقت النوت ونظرت له
_وبكدا يا سيدي تكون قصتنا انتهت وهتبدا قصص جديده في حياتنا ولسه اللي جاي افضل
_بحبك
_بحبك
النهايه 🙈😂😂
"سأظل اكتب حتى يجف قلمي✍️"
يتبع الفصل التالي اضغط هنا
الفهرس يحتوي على جميع فصول الرواية " رواية احببت فاقد الذاكرة" اضغط على اسم الرواية
جميله اوي
ردحذفياريت الباقى
ردحذفجميله جدا التكمله
ردحذف