القائمة الرئيسية

الصفحات

رواية نقطة ضعف الفصل السادس 6 بقلم امل رجب

 رواية نقطة ضعف الفصل السادس 6 بقلم امل رجب

رواية نقطة ضعف الفصل الاول 1 بقلم امل رجب

رواية نقطة ضعف الفصل السادس

عند احلام ظهرت فى منزلها الجرس رن فتحت الباب بستغراب وصدمة : محمد
محمد بابتسامة : عامله اى وحشتينى انتى والولاد
احلام بابتسامة : و انت كمان يا حبيبي
محمد : مازن و عمر فين وحشونى اوى
احلام : عند عزيزه
محمد بستغراب : لى دى كانت طردت مازن و عمر
احلام : مش عارفه هى قالتلى انا عايزاهم دول ولاد اخويا وانا عايزاهم عندى يومين
محمد بصلها بستغراب : طيب انا رايح اجبهم ( و مشي. و احلام كانت خايفه ليكونوا مش هناك مشي محمد وراح عند عزيزه رن الجرس و عزيزه فتحت الباب بصتله بصدمه و استغراب : محمد انت جيت امتا
محمد : لسه الوقت اندهيلى مازن وعمر يلا وحشونى اوى
عزيزه بستغراب : مازن وعمر دول اجو عندى يومين ومشو تانى
محمد بصدمه : مشو ازاى وراحو فين
عزيزه : تلاقيهم عند احلام
محمد بعصبية : احلام ازاى و هى قالتلى انهم عندك
عزيزه : مراتك مشتهم وكمان كانت حرقت مازن فى أيده الاتنين
محمد بصدمه وحزن ودموع : يعني هيكونو راحو فين بس ياربي و مشي و سابها راح عند احلام
احلام قربت منه : امال هما فين
محمد بصلها بدموع : عملتى فى ولادى اى
احلام بتوتر : معملتش فيهم حاجه
محمد بزعيق : لا عملتى ولادى فين عملتى فيهم اى حرام عليكى. طفل عنده 9 سنين و التانى سنه ونص دول هيعملوا اى
احلام : انا والله بعتهم عند اختك
محمد بزعيق و مسك ايديها جامد و شدها على باب الشارع : و البيت دا مالو احكى يا اما تمشي راحو فين ( الجيران اتلمت و تقدمت جارتهم صفاء بصدمه : هو انتى ودتيهم فين دول نامو عندى ليله و تانى يوم قالى هروح و سابنى و مشي
محمد بدموع : باتو عندك امتا
صفاء : من حوالى 15 يوم و كان في الشارع قدام الباب ولما سألته لى في الشارع قالى أن عمتو طردتو و أحلام مش عايزه تفتح الباب
محمد بصدمه ودموع: يعني ولادى راحو فين خلاص مشو (وبص ل صفاء : طب مخلتهمش عندك لى
صفاء بدموع : والله انا مكنتش عايزاه يمشى و قولتله لو محدش رد عليك تعالى عندى تانى من يوميها معدش شوفته (تقدم رجل آخر: استاذ محمد انا شوفت مازن من مده وهى كانت بتزعقله ومكنتش عايزه تدخله وفجأة دخل 5 دقائق و خرج و معاه عمر و شنطة هدوم
محمد زق احلام فى الشارع : لو ولادى حصلهم حاجه عمرى ما هسامحك ومعدش عايز اشوف وشك تانى ( بعد مرور أيام و محمد كان بيدور على ولاده فى كل مكان عند محمد راجع وباين عليه الحزن صفاء شافته راحتله )
صفاء : استاذ محمد اى الاخبار
محمد بحزن : مش عارف انا هموت و اعرف هما راحو فين و لما احلام مردتش تدخلهم مرحش عند عمتو لى
صفاء بزعل : مكنتش عايزاهم بردو دى فى عز البر كانت بتنيمهم على الأرض
محمد بصلها بصدمه و مشي ( عند مازن وعمر
عمر قرب من مازن ) (مازن شافه وشاله على رجله وبصله بابتسامة:ها عمر باشا عايز اى(عمر بصله بضحكه وسكت ومازن اخده فى حضنه ( بعد مرور ثلاث سنوات عمر راح الحضانه ومحمد لسه بيدور على ولاده وعنده امل أنه يشوفهم تانى و طلق احلام و عاش بمفرده )
عند مازن و ياسر
ياسر : خلاص جهز نفسك
مازن : لى هيحصل اى
ياسر : هنبدأ فى الشغل
مازن بخوف و توتر : ماشي
ياسر بابتسامة : خلاص البضاعه هتتوزع النهارده بلليل و متخافش مفيش اى ضرر و لو عملت شغلك مظبوط هيبقا معاك فلوس كتير أوى و عمر هيبقا حالو احلى بكتير (مازن بص ل عمر و بصله بابتسامة : هو أهم حاجه عندى عشان كدا هشتغل اى حاجه المهم يكون كويس
ياسر بصله بابتسامه و مشى و مازن راح ل عمر و كمل كلامه بابتسامة : ها عمر عايز اى بقا
عمر : عايز مازن يلعب مع عمر
اتسعت ابتسامه عند سماع تلك الكلمات فهو يعتبر عمر كل حياته بعد أبيه و بالرغم من أنه فى سن صغير لكنه عانى كتير فى حياته فقرر أن يعمل اى شئ لكى يعوض نفسه و أخيه عن عذاب زوحة أبيه و أصبح يكره النساء كتيرا ( بعد مرور 20عامٱاصبح مازن فى أوائل الثلاثينات وغنى و صاحب اكبر شركات فى اسكندرية أصبح ذو قلب قاسي و غامض و طبع حاد )
عند مازن جالس مع أحد أصدقائه
عادل بتسأل : امال عمر فين بقالى مده مشوفتوش
مازن بضيق : مع أصحابه
عادل : و مالك زعلان كدا مالك
مازن:بقى عنيد اوى و كلمته هى اللى لازم تمشي و انا ماسك نفسي عنه بالعافيه ومش عايزه يخاف منى لانى مش عايزه يكرهنى
عادل بضحك : عمر دا مصيبه والله وبعدين مازن اللى الناس كلها بتخاف منه وكلمته اللى لازم تمشي على الكبير قبل الصغير حتت عيل يمشي كلمته عليه مش مصدق
مازن بحزن وزعل : كل الناس بتخوفنى بيه وكل ما اقول هبطل الشغل دا بيمسكونى من ايدى اللى بتوجعنى انا خايف عليه اوى كلهم عارفين نقطة ضعفي
عادل بحزن : أن شاء الله مفيش حاجه و هيكون كويس (قطع كلامهم صوتا ما ليظهر شاب وسيم فى بدايه العشرينات يقترب من مازن )
عمر حضنه من ظهرو : زوز مين مزعلك اوعى يكون الواد دا ( و شاور على عادل )
مازن بصله بضيق : كنت فين
عمر : كنت فى الكليه
مازن : كليه اى اللى لحد 9 بلليل
عمر : اى يا مازن دانا كنت جاى عشان اغير و امشي
مازن : اه هتخرج الوقت و هاتيجى فى نص الليل صح
عمر بضحكه : لا طبعا نص الليل اى
مازن : امال هاتيجى امتا
عمر باسو من خده : هبات انهارده برا
مازن بصوت عالى : لا طبعا ويلا اتفضل على اوضتك
عمر بستغراب : لا انا هخرج
مازن مسك أيده جامد و بزعيق و لاول مره يستخدم معاه هذا الأسلوب:انا الكلمه اللى اقولها تتنفذ مفهوم يلا على اوضتك ( عمر خاف لانه اول مره يعمل كدا و سابه و راح اوضته
عادل بستغراب : اى يا مازن انت اول مره تعمل كدا
مازن بضيق : يعنى مش شايف اللى بيعمله
عادل : بس براحه عليه شويه
مازن : دا خلاص معدش عامل حساب لحد بس زى ما دلعته هعرف ازاى ارجعه عن اللى هو بيعمله
عادل:بس براحه شويه ياعم بلاش تخليه يخاف منك ( و كمل كلامه : انا همشي بقا. و نتقابل الصبح في الشركه
مازن : ماتبات معايا انهارده و نروح بكرا مع بعض
عادل بابتسامة : لا يا عم انا رايح بيتى يلا سلام
مازن بابتسامة : سلام
( عادل الادهم صديق مازن المقرب تعرف عليه منذه صغره فهو يحب عمر بشده و عمر يحبه فهو يعتبره مثل مازن )
بعد ما عادل مشي مازن طلع ل عمر و دخل على طول
عمر بضيق : ينفع اللى عملته دا وصحبك هنا كدا تكسفنى قدامه
مازن بضحكه : وانتى بقا يا بطه بتتكسفى و حتى لو بتتكسف هتتكسف من عادل تؤتؤ مش مصدق
عمر : ماليش فيه بقا المهم متكيفنيش قدام حد
مازن : انت اللى حطيت نفسك فى الموقف دا و بعد كدا يا عمر هتعند معايا متلومش غير نفسك انت فاهم
عمر : لا بقا مش فاهم انا عايز اعيش حياتى
مازن بسخرية : و انت كدا يا حبيبي مش عايش حياتك اسمع يبنى الكلمه اللى اقولها تتنفذ يلا اتخمد
عمر : طيب يلا على اوضتك بقا
مازن : لا انا هنام انهارده معاك
عمر بضيق وراح نام : طيب
مازن بصله بابتسامه و راح نام جنبه و اخده فى حضنه و باس راسه عمر بصله بابتسامه و نام فى حضنه
(عند مازن و هو بيفكر فى ماضيه فلاش بالك
ظهر مازن و هو جالس في حدود ال 12 من عمره
ظهر عمر بيعيط مازن بقلق و راح شاله : مالك يا حبيبي
عمر بعياط : ضربنى وزقنى على الأرض
مازن بصدمه : مين عمل فيك كدا
عمر شاور بإصبعه الصغير : دا
مازن بص ليظهر طفل في عمر مازن
مازن بصله بغيظ و حط عمر على الأرض و راح زقه وقعه على الأرض
الطفل عادل : اى الغباء دا مش لما تعرف هو عمل اى
مازن : مهما يكون عمل اى ايدك دى متتمدش عليه انت سامع
عادل : اخوك حدف الكوره عليا شوف عمل فيا اى
مازن : تعالى قولى متروحش تضربه انت فاهم
عادل : خلاص انا اسف
(مازن بصله وسابه ومشي
عادل : طب استنى بس عايز اقولك حاجه
مازن بصله وكان معاه عمر : نعم عايز اى
عادل : اى يا عم هو انت لوحدك لى كدا
مازن : مش لوحدى اخويا معايا انت مش شايفه
عادل بابتسامة : شايفه ربنا يخليهولك بس ما تجرب نبقا صحاب و بص لعمر و باس خده وادله شوكولاته وكمل كلامه :متزعلش منى ورجع بص لمازن : هااا
مازن : طيب و اخد عمر و دخل الفيلا عند ياسر بعد مرور أيام اصبح مازن مع عادل اكتر الأوقات و عرف حكايه مازن
عند عادل و معاه مازن
مازن : قولى بقا اى اللى خلاك تشتغل الشغلانه دى
عادل : كنت فى دار ايتام و هربت و هو شافنى قولت احسن ما حد يرجعنى الدار تانى
مازن : طب لى كنت فى الدار
عادل : مش عارف انا كبرت لقيت نفسي هناك ومعاملتهم كانت وحشه اوى و كانو بيضربونى كتير اوى فقررت ابعد عنهم ( مازن بصله بزعل على الحالة اللى كان فيها )
باااك
عند مازن صحى من النوم وبص جنبه لقى عمر نايم بصله بحنيه و باس راسوه وقام راح اوضته جهز نفسه للشغل و راح صحى عمر جهز نفسه و نزل ل مازن على الفطار
مازن بصله : تخلص محاضراتك و تيجى على هنا سامع
عمر بضيق : طيب
مازن : بلاش تسوق بسرعه الدنيا مش هتطير
عمر : خلاص حفظت الكلام دا
مازن : و لما انت حفظته مش بيتنفذ لى
عمر : خلاص هنفذ انا ماشي اتأخرت سلام
مازن بابتسامة : سلام
( و اتجه مازن إلى عمله فى المساء بعد أن أنهى مازن عمله اتجه إلى منزله راح اوضة عمر فتح الباب و بص قدامه بصدمه و ضيق و بص فى الموبايل ..... )
الجزء السابع
مازن بضيق من تصرفات أخيه : بردو يا عمر ماشي انا هخليك تسمع كلامى فجأة ( موبايله رن )
مازن بصدمه : اى ازاى وامتا ..... طيب طيب انا جاى ( و قفل مازن وركب عربيته وساقها بسرعه جنونيه بعد ما يقارب العشر دقائق
مازن بخضه وخوف : مهاب عمر مالو
ليظهر شاب آخر
مهاب : عمر عمل حادثه وجوا فى العمليات بقاله اربع ساعات
مازن بصدمه : اربع ساعات هو حصله اى والحادثه دى عملها ازاى
مهاب : مش عارف انا كنت بكلمه فجأة الصوت راح حاولت أكلمه مردش عليا بعدها لقيته بيرن رديت واحد كلمنى وقالى أن صاحب الموبايل عمل حادثه
مازن بدموع : وانت مش عارف تكلمنى
مهاب : رنيت عليك كتير بس موبايلك كان مقفول
( قطع كلامهم خروج الدكتور من غرفة العمليات ليقترب مازن منه بسرعه )
مازن : عمر مالو يا دكتور
الدكتور : نزف دم كتير و محتاج دم بسرعه زائد أنه حصله ضرر فى الكلى اليمين بس الحمد لله لحقنا الضرر بس هيستمر على علاج مكثف لمده طويله بس حاليا محتاجين لنقل دم
مازن : انا مستعد لأى حاجه خد منى الدم كلو المهم يبقا كويس
الدكتور : اتفضل معايا يابشمهندس ( بعد مرور ساعه تم نقل الدم وخرج مازن من الاوضه وبص ل مهاب : الوقت أتأخر وانت هنا من بدرى روح وتعالى بكرا
مهاب بقلق : لا هفضل هنا معاك
مازن : لا انت هنا من زمان و انا معاه اهو روح انت. وانا هطمنك عليه
مهاب بحزن : طيب لو حصل اى حاجه كلمنى
مازن بحزن : حاضر
( ومشي مهاب بعد شويه خرج الدكتور من غرفة عمر )
الدكتور : للاسف الضرر اللى حصله مأثر على الكلى التانيه محتاج عمليه زرع كلى لازم متبرع
مازن بدموع : انا مستعد حتى لو هموت انا المهم هو
الدكتور : طب اتفضل معايا اعملك التحاليل و الفحوصات اللازمه و عمر كمان هيعمل نفس التحاليل ( اتجه مازن مع الدكتور فى غرفه التحاليل بعد ساعة كان مازن عمل التحاليل و الفحوصات و خرج من الغرفه ) بعد ما يقارب الساعتين
الدكتور بابتسامة : الحمدلله فى تطابق ونقدر نعمل العملية
مازن بفرحه : الحمدلله طب والعمليه دى هتتعمل امتا
الدكتور : بكرا الساعه 9 الصبح وتكون صايم يعني من بعد الساعه 12 لا تأكل ولا تشرب
مازن بدموع : انا هفضل معاه
الدكتور بابتسامة : براحتك زى ما تحب بس ريح نفسك عشان لو لقيت فيك حاجه العملية هتتأجل والتأجيل حاليا مش فى صالح المريض
مازن : أن شاء الله مش هيحصل تأجيل
الدكتور : أن شاء الله عن ازنك ومشي
( مازن طلع موبايله واتصل ب عادل )
مازن بخوف و دموع : الحقنى يا عادل
ليظهر عادل بقلق : اى يبنى مالك فى اى عمر حصله حاجه
مازن : عمر عمل حادثه
عادل بصدمه : اى طب و انتو فين الوقت
مازن : فى مستشفى ..... انا عايزك بكرا الساعه 9
عادل : بكرا اى انا جايلك الوقت ( وقفل بعد شويه ظهر عادل في المستشفى مع مازن )
عادل بستغراب : مازن انت بتعيط
مازن بانهيار : عمر دا مش اخويا يا عادل دا ابنى من يوم ما اتولد لحد انهارده وهو معايا فجأة كدا فى ثانيه يبقى بين الحياة والموت
عادل بقلق : أن شاء الله هيبقي كويس هو الدكتور قال اى
مازن : الكلى عنده ادمر خالص محتاج عمليه زرع كلى
عادل : لقيت متبرع
مازن : انا اللى هعمل العمليه
عادل : ان شاء الله هيقوم بالسلامه وهيبقا كويس
مازن بدموع : يارب يا عادل يارب اشفيه ومتوجعش قلبي عليه يارب
عادل : طب اهدا هيقوم بالسلامه والله وهيبقى كويس
مازن بدموع : يارب
( مر الليل بأكمله وسط دموع مازن وقلق عادل على عمر فى صباح يوما جديد )
الدكتور : جاهز يا بشمهندس
مازن : ايوا جاهز أن شاء الله بس العمليه دى هيبقى فيها خطوره على عمر
الدكتور : مفيش عمليه مفيش فيها خطر بس أن شاء الله هتقوموا بالسلامه بس بعد ما هتتعمل حضرتك هتفضل فى اوضه عاديه وعمر هيفضل فى العناية لحد يفوق
مازن بقلق : لى هو ممكن يحصله حاجه
الدكتور : لا خالص بس عشان لو حصل اى اعراض من نقل الكلى وده طبيعي لان الكلى يعتبر جسم غريب داخل جسمه فهيحصل اعراض بس بإذن الله هيبقى كويس يلا اتفضل معايا
عادل بقلق : هى العملية مدتها قد اى يا دكتور
الدكتور : من 3 الى 4 ساعات وبص لمازن يلا اتفضل معايا ( بعد مرور ما يزيد عن ثلاث ساعات ونصف الدكتور خرج من غرفة العمليات
عادل بقلق : طمنى يا دكتور
الدكتور بابتسامة : اطمن الحمدلله العملية مفيش فيها اى خطر و مازن خارج الوقت من غرفة العمليات ورايح غرفه عاديه وزى ما قولت فى الاول عمر هيفضل فى العناية شويه لحد ما الجسم يبدأ ياخد على الكلى ويبقى كويس ( بعد شويه ظهر مازن فى الاوضه )
عادل قرب منه : مازن
مازن فتح عينه بتعب و وجع : عمر فين
عادل بابتسامة : عمر كويس انا لسه مطمن عليه وهيبقا كويس جدا متخافش عليه
مازن بتعب : يارب ( عدى على كدا يومين فجأة الدكتور راح لمازن بابتسامة)
الدكتور : عمر حاليا جسمه بدأ يتقبل الكليه بس هياخد علاج لتنشيط الكلى لان ممكن فى اى وقت كل حاجه تقلب والعمليه تفشل
مازن بخوف : لا أن شاء الله هيبقى كويس وانا هاخد بالى من علاجه وكل حاجه تخصه
الدكتور : كدا كويس عن ازنك ( مازن لما عرف أن عمر فاق راحله )
مازن دخل لعمر اول ما شافه حضنه بدموع : حمدالله على السلامه يا حبيبي وحشتنى اوى
عمر بتعب ووجع : الله يسلمك و انت كمان وحشتنى
مازن بحزن : مش انا يا عمر بقولك على طول خد بالك من نفسك وسوق براحه لى توجع قلبي عليك كدا
عمر بحزن : والله كنت سايق براحه بس العربيه مكنش فيها فرامل
مازن بصله بحزن وسكت ( قطع كلامهم دخول الدكتور وبص لمازن بستغراب وصدمه : انت ازاى تيجى هنا أنت مش عارف ان الحركه ممنوعه عليك بردو وكدا غلط
مازن بص للدكتور وبص لعمر ورجع بص للدكتور بغمزه : حاضر يادكتور هرتاح
الدكتور فهم انه مش عايز عمر يعرف حاجه : تمام ماشي وبص لعمر هايا عمر عامل اي الوقت
عمر : كويس وعايز أخرج بقا
الدكتور : هخرجك حاضر بس تخلص المحلول دا اول
عمر بضيق : انا مبحبش البتاع دا وزهقت بقا
مازن بحنيه : عشان خاطرى يلا خده عشان ترجع معايا ( عمر بص لمازن وسكت الدكتور ركبله المحلول وسابه وبص لمازن عايزك وخرج )
عمر بقلق : هو انت مالك حركة اى اللى ممنوعه فيك اى
مازن بضحكه : مفيش بس ضغطى كان عالى شويه واغمى عليا بس الوقت بقيت كويس عشانك معايا يلا نام بقا وارتاح عشان ترجع معايا انهارده ( وباس راسه وخرج راح اوضته هو وعادل
مازن بص لعادل بتفكير )
عادل : اي يا مازن مالك
مازن : عمر بيقول أن العربيه مكنش فيها فرامل حاسس انها مقصوده
عادل : لا اكيد مش مقصوده وبعدين مانت عارف ان عربيه عمر عايزه تتغير من مده
مازن : قلبي بيقولى أن الحادث دا كان مقصود وبعدين تتغير اى دى مكملتش سنه
عادل : بطل شك واهدى انت كمان أنت قايم من عمليه ارتاح شويه عشان هنخرج بلليل ( مازن نام على السرير بتعب وبيفكر فى عمر وخايف عليه بلليل عند مازن كان مع الدكتور )
الدكتور : بص يابشمهندس طبعا عارف ان الحركه الكتير غلط عليك حاليا وفى شوية تعليمات ليك ول عمر مبدئيا كدا عمر هيحس بأعراض كتير أغلبها الضعف العام والدوخه وفقدان الشهية والم فى العظام والم فى منطقة الوسط اللى هى مكان العمليه وطبعا علاجه هيكون على مراحل والوقت يا مازن ليكون انتو الاتنين فحص اسبوعى الفحص دا هيفضل معاك لمدة 3 شهور لكن عمر هيطول شويه عشان نطمن أن الكلى بتقوم بكل وظائفها صح وهيكون ليكو انتو الاتنين علاج وهيطول بردو مع عمر وهيقف لما يتحسن ويبقا كويس أن شاء الله ولازم تهتم بجرحه وبأكله هو هيتعبك شويه بس استحمله لانه هيبقى موجوع وممنوع الحركه الكتير والمضاد الحيوى لازم ياخده هو هيبقى قوى بس لازم ياخده عشان جرحه
مازن بقلق : لى يا دكتور هو هيبقى حقن
الدكتور : اه حقن وهيكمل ب برشام وانت كمان هتبقى زيه
مازن بقلق : ربنا يستر ويرضي ياخدها وميعندش
الدكتور : حتى لو غصب لازم ياخدها لأن مشوار الحقن بالزات هتطول وانت كمان علاجك هيبقى شبه علاجه بس هو هيطول شويه
مازن بقلق : ربنا يستر بقى
الدكتور : متنساش ايام المتابعه
مازن : تمام يا دكتور أن شاء الله هنكون موجودين ايام المتابعه والفحوصات
الدكتور : أن شاء الله حمدالله على سلامتكو ( واداله الروشته واذن الخروج ومازن اخد عمر وراح البيت ونيمه فى اوضته )
مازن : اى يا حبيبي مرتاح كدا
عمر بتعب : اه كويس
مازن : قولى بقاهى فرامل العربية اتفكت قبل كدا
عمر : لا دى اول مره والحمد لله انها اجت على قد كدا
مازن : الحمدلله يا حبيبي يلا نام بقا وارتاح ( بعد مرور دقائق نام عمر )
عادل بضيق : انت مش ناوى ترتاح بقاا عجبك كدا وانت تعبان
مازن بص ل عمر : تعالى نطلع برا كدا ( وطلعو )
عادل : مش ناوى ترتاح
مازن : منا كويس اهو ( وبتذكير ) عملت اى فى موضوع الممرضه
عادل : من بكرا الصبح هتكون موجوده ( مازن بصله وسابه وراح نام وعادل راح اطمن على عمر ونام معاهم ف البيت ( فى صباح يوما جديد فى غرفه مازن ظهر عادل وهو بيصحى مازن
مازن : عمر صحى
عادل : لا يلا قوم خد علاجك ( مازن فطر و اخد علاجه و صحى عمر )
عمر بتعب و وجع : انا جنبي بيوجعنى أوى
مازن بحزن : الممرضه زمانها جايه ياحبيبي وهتاخد علاجك وهتغير على الجرح بس تسمع الكلام و تاخد العلاج وانت ساكت
عمر بقلق : لى هو العلاج اى
مازن بقلق : حقنه صغيره لحد ما تخف
عمر بخوف : لا انا مش عايز انا كويس كدا
مازن : عشان تبقى كويس يا حبيبي
عمر بزعل : بس انا مش بحبها
مازن بحنيه : عشان خاطرى انا كمان هاخد علاج زيك
عمر : انت ليك حقن اى مالك
مازن بتوتر وبص ل عادل : عشان الضغط وانت يا حبيبي عشان تخف وتنزل كليتك تانى
عمر بصله بخوف وحزن وسكت
عادل بقلق عليهم هما الاتنين : طب يلا يا عمر نام و ارتاح وتعالى معايا يا مازن
عمر مسك فى مازن : لا انا عايزه
مازن بضحكه على طفولية اخوه : خلاص يا عادل سيبه
( بعد شويه الممرضه وصلت وغيرت لعمر على الجرح و ادتله علاجه ونام ومازن كمان غير على الجرح واخد علاجه و ارتاح وعادل نزل راح الشركه )
( بعد مرور عدة أيام كان عمر اتحسن شويه و كانت متابعه الدكتور و كشف على عمر و اطمن عليه ودخل ل مازن بعد شويه عمر دخل فتح باب اوضه مازن و بص بصدمه و استغراب : مازن 
 
يتبع الفصل التالي اضغط هنا
 
الفهرس يحتوي علي جميع فصول الرواية ''  نقطة ضعف '' اضغط علي اسم الرواية
reaction:

تعليقات