رواية نقطة ضعف الفصل الرابع 4 بقلم امل رجب
رواية نقطة ضعف الفصل الرابع
عند مازن صحى من النوم تعبان و جسمه واجعه وبص جنبه ملقاش عمر بص بصدمه و قام بسرعه لقى حمزه داخل من الباب ومعاه عمر عمر اول ما شاف مازن فضل يرفص و عايز يروحله مازن قام اخده و بص ل حمزه
مازن : هو كان مالو
حمزه : مفيش كان بيعيط قومت شلته شويه و اهو سكت الظاهر كان عايزك
مازن بابتسامة و بص لعمر و رجع بص لحمزه : شكرا
حمزه بستغراب : على اى
مازن : على . اللى انت عملته بلليل
مازن بصله بابتسامه فجأة الباب اتفتح ودخل محمد
( مازن بصله بخوف وقعد على السرير ومحمد قعد جنبه بحنيه )
محمد باسه من رأسه : عامل اى يا حبيب بابا
مازن بخوف وتوتر : كويس
محمد حس بخوفه فا كلمه بهدوء : انا مكنش قصدى والله يا حبيبي اعمل كدا بس عيب انك تطول لسانك على اللى اكمل منك وانا مربتكش على كدا
مازن بعياط : والله يا بابا عمرى ما طولت لسانى على حد اكبر منى
محمد : خلاص يا حبيبي حقك عليا انا متزعلش منى وقولى عايز اى وانا مستعد اعملك اللى انت عايزه المهم تكون مرتاح ومبسوط
مازن بحزن : مش عايز حاجه يا بابا
محمد بضحكه وغمزه : يعنى مفيش لعبه كدا ولا حاجه كدا
مازن : لا يا بابا انا عندى كل حاجه شكرا
محمد بصله بحزن فهو تغير جدا وبقى هادى على غير عادته
محمد : طب مش هتقوم نفطر
مازن : مش جعان
محمد : لا قوم يلا نأكل ومسك أيده قومه ( فجأة مازن شد أيده منه بعياط )
محمد بستغراب وخوف على ابنه : مالك ولى الدموع دى
مازن بعياط : دراعى يا بابا واجعنى اوى
محمد بصله بخوف وحزن وشاف دراعه : انا اسف والله مكنش قصدى اوعدك انى عمرى ما هعمل كدا تانى بس متزعلش
مازن بعياط : متضربنيش تانى يا بابا ( محمد اخده فى حضنه بزعل ودموعه ظهرت وفضل مازن فى حضنه لحد ما نام محمد نيمه على السرير وباس رأسه وخرج من الاوضه )
احلام : امال مازن فين
محمد بحزن : نام
احلام : مالك
محمد بزعل : مازن تعبان اوى وجسمه كلوا واجعه وواجعنى اوى
احلام : معلش يا حبيبي هيبقى كويس أن شاء الله
محمد : يارب انا نازل ولو مازن صحى وتعبان كلمينى
احلام : حاضر يا حبيبي
محمد بصلها وبتذكير : خدى بالك من عمر هو نايم مش عايزه يقع المره اللى فاتت واللى قبلها ربنا ستر خدى بالك منه المره دى
احلام : حاضر
( محمد نزل واحلام دخلت تصحى ولادها عشان يفطرو معاها )
( بعد مرور عدة أيام كان مازن و حمزه اتصاحبو و بقو مع بعض على طول و كانو اكتر من الاخوات و محمد صالح مازن ) عند محمد بلليل و هو فى الاوضه مع احلام
محمد : انا هسافر تبع الشغل يجى شهر كدا
احلام بستغراب : مسافر فين
محمد : شرم الشيخ
احلام : مسافر امتا
محمد : الاسبوع الجاى
احلام بصدمه : و انت عايزنى أفضل هنا شهر و كمان مع ابنك
محمد بعصبية : لا ارميه فى الشارع بقولك اى انا ابنى صغير و عمره ما عمل كدا مع حد و كمان عمر انتى مش بتاخدى بالك منه لى و على طول مع مازن و انا مش عايز اتكلم مع انى قبل ما اتجوز قولتلك انى عايز اتجوز عشان خاطر ولادى و حكتلك على ظروفى كلها و انتى وافقتى وكمان عايز اقولك حاجه انا مش عايز ارجع الاقى حد من ولادى فيهم حاجه انا بعامل ولادك احسن معامله لو انتى متعدلتيش مع ولادى يبقا خلاص كل واحد فينا يشوف طريقه يا أما هتكرهينى بسبب معاملتى مع ولادك سامعه و لا لاء
احلام بخوف و صدمه من كلامه : سامعه بس يا حبيبي مازن مش بيرضى يسيب عمر خالص
محمد : بسبب قسوتك عليه واه اهتمى بأكلهم وشربهم وخدى بالك من عمر هو مازن مهتم بكل حاجه ليه بس هو صغير وانا معدش متحمل عليه حاجه
احلام بزعل مصتنع : لا انا عمرى ما اكون قاسيه على ولادى و اوعدك اول ما ترجع هتلاقي ولادك احسن من ولادى كمان
( محمد بصلها و سكت )
تانى يوم عند محمد وهو على السفره بيتغدو وبص لمازن : مازن انا مسافر وانت هتخليك هنا مع ماما و تسمع كلامها ماشي يا حبيبي
مازن بصله بخوف ودموع : حاضر يا بابا
( بعد مرور أسبوع كان محمد جهز كل ما يلزم سفره بينما وفاء أحبت اولاد زوجها كتير و عوضها عن اولادها ) عند محمد ودع أولاده وسافر
عند احلام بصت لمازن : مش هتقوم تنام بقا
مازن بخوف : بس الوقت لسه بدرى و انا جعان انا مأكلتش من ساعة ما فطرت الصبح
احلام بضيق : ماليش فيه يلا غور على اوضتك وخد اخوك دا معاك
مازن بصلها بدموع واخد عمر و دخل اوضته
حمزه بزعل : لى كدا يا ماما دا كمان مكنش فطر كويس
احلام : عنه ما فطر وبعدين هو انا . هصرف عليه واجبله اكل وشرب
حمزه : بس بابا موصيكى عليه و كمان دى فلوسهم بردو
احلام : انا مش عايزه صداع خليك هنا مع اختك على ما اجهز العشا
حمزه : اجيب مازن
احلام : العشا دا ليكو بس انت فاهم ( حمزه سكت بعد شويه دخل ل مازن شافه نايم جنب عمر صحاه مازن بصله حمزه اداله سندوتش وكمل كلامه : متزعلش دى ماما بتحبك اوى و هى كمان اللى عملت ليك السندوتش دا ( مازن بصله بدموع و نام تانى )
حمزه بزعل : طب انت مش بترد عليا لى وبتعيط
مازن بعياط : انت بتكدب عليا هى مش بتحبنى و كمان امى مش بتحبنى
حمزه بزعل : ازاى بس مش بتحبك لا طبعا زى ما ماما بتحبنى انت كمان مامتك بتحبك
مازن بعياط : لا هى قالت ل بابا قبل ما تمشي اننا مش مهم اهم حاجه نفسها وانا مش زعلان من مامتك إذا كان مامتى مش بتحبنى يبقا مامتك هتحبنى وكمان عمتو مش مستحملانى يبقا مامتك هتستحملنى عادى ( ونام تانى )
حمزه :طب خد السندوتش دا انت جعان
مازن بابتسامه حزينه : لا مش جعان كلوا انت بدل ما تشوفك تضربك
حمزه : متخافش مش بتضربنى يلا كل
مازن بصله واخد السندوتش حمزه ضحكله وخرج بعد مرور دقائق احلام دخلت على مازن لقيته بياكل
احلام بزعيق واخدت منه السندوتش رميته على الأرض : انت كمان حرامى مش كفايه كداب وقليل الادب كمان بتسرق
مازن بعياط : حرامى انا مسرقتش حاجه
احلام : امال السندوتش دا جبته منين
مازن : حمزه هو اللى اداهولى
احلام ضربته بالقلم : انت كداب وانا هخليك تبطل الكدب دا ( وخرجت شويه ورجعت معاها سكينه مازن اول ما شافها بعد عنها بعياط جامد حتى الجيران سمعوه : لاااا مش هعمل كدا تانى مش هاكل أبعدى السكينه دى عنى يا بااباااا
( احلام زقته على الأرض وجابت السكينه وحرقت رجله
احلام بزعيق : عشان تحرم تعمل كدا تانى ( دخل حمزه اتفاجئ وقرب من مازن مازن بعد عنه والدموع نازله من عينه
حمزه بستغراب : ماما فى اى مازن ماله
احلام : كداب و كمان حرامى
حمزه بستغراب : لى سرق اى
احلام : بيسرق الاكل
حمزه : لا انا اللى ادتله السندوتش يا ماما
احلام بزعيق : متداريش عليه
حمزه بزعيق وصل للجيران : بقولك انا اللى أدتله السندوتش هو جعان دا حرام علينا يا ماما
احلام بصتله وسابته وخرجت
حمزه قرب من مازن بزعل : خلاص بقا متزعلش قوم يلا نام على السرير انا هساعدك ( مازن بصله بخوف وجسمه كش فى بعضه وسكت ومردتش على حد وفضل يعيط فى مكانه ) تانى يوم الساعه 8 الصبح احلام صحت مازن
احلام : انت يا زفت قوم يلا عشان تجيب فطار ( مازن صحى لقي فى نفس المكان على الأرض بصلها بدموع : بس انا رجلى وجعانى و مش قادر اتحرك
احلام بزعيق : انت لسه فيك حيل تبجح ( ومسكت أيده جامد : قوم يلا بلاش دلع
حمزه صحى بصلها : سبيه يا ماما انا هروح
احلام بصت ل حمزه : لو انت اللى روحت مفيش ليه اكل انهارده لا ليه ولا ل عمر
مازن بعياط : لا خلاص هروح وقام وهو مش قادر يمشي
حمزه بصلها بزعل : لى كدا يا ماما حرام عليكى دا مش قادر يروح
احلام : يولع هو احنا هنشتغل ليه خدامين كمان
حمزه : و افردى كلم عمو محمد وحكاله على كل حاجه او هو جه وشاف رجله
احلام : مش هيعرف عشانه خواف و هيخاف على عمر اكتر من نفسه انت مش شايف ساعة ما قولت عمر مش هياكل انهارده عمل اى
حمزه : بس طبعا كان هياكل حتى لو مازن مكنش راح
احلام : لا طبعا احنا مش خدامين عنده
حمزه بصلها بصدمه و سابها و خرج
عند مازن كان ماشي بيعرج والدموع على خده وراح البيت
احلام بضيق : اتأخرت لى
مازن بدموع : كان فى زحمه وكمان رجلى كانت وجعانى
احلام : طيب يلا صحى اخوك عشان يفطر
مازن : بس عمر مش بياكل اكل من دا عمر ليه اكل خاص وكمان لو صحيته غصب عنه هيفضل يعيط
احلام بزعيق : هو دا اللى عندى مش عاجبك بلاش ياكل
مازن : بس اكله هنا انا هعمله
احلام : غور شوف انت هتعمل اى
( مازن فضل واقف ) احلام بزعيق : فى اى
مازن بخوف : عايز لبن
احلام : مفيش يا اما كدا يا بلاش ياكل احسن
مازن بدموع و كسره : خلاص مش مهم
( بعد مرور أيام )
عند مازن بيدعى بدموع : يارب بابا يرجع بقا انت فين يا بابا انا معدش عايز العيشه دى يارب بقا
احلام دخلت عليه : قوم رتب الدنيا دى على ما ارجع من عند ماما ( مازن بصلها و قام وهو بيرتب الشقه طبق وقع اتكسر لمه بسرعه وهو بيلمه احلام دخلت عليه بصدمه وضربته بالقلم وراحت سخنت السكينه وحرقت ايده الاتنين وكملت كلامها : كل ما هتعمل حاجه هيحصل كدا وسابته وراحت تنام ( مازن بصلها بعياط وكسره ووجع وراح نام جنب عمر )
تانى يوم مازن : اكل عمر خلص وعايز اجيب اكل
احلام بزعيق : وانا اعمله اى سي عمر دا كمان
مازن : عايز فلوس اجبله اكل ومش هطلب حاجه تانى
احلام : بس الاكل دا غالى وانا مفيش معايا فلوس
مازن : طب بصى انا مش عايز فلوس وهاكل فى اليوم مره ومش عايز اى حاجه بس هو صغير مينفعش يفضل من غير اكل وبعدين بابا معاه فلوس كتير واكيد سابلك فلوس كتير
احلام بصتله : طيب انا خارجه الوقت وأنا راجعه هجبله ( وسابته ومشت وهو راح لعمر عمر اول ما شافه راح عليه بتمتمت كلمات غير مفهومة مازن شاله و حطه فى حضنه و فضل يلعب فى شعره عمر بصله بضحكه وحط رأسه على صدر أخيه )
عند احلام راحت لعزيزه
احلام بدموع : امى تعبانه اوي و عايزه اروحلها مش عارفه اعمل اى
عزيزه : ماتروحى و تسيبي الولاد فى البيت
احلام : بس هى مش عارفه تتحرك و انا عايز اقعد عندها كام يوم
عزيزه : ما تقعدى و اى يعني
احلام : و عمر و مازن يروحو فين ( بصتلها بتفكير ) خليهم عندك يومين بس
عزيزه بضيق : سبيهم فى البيت
احلام بدموع : مش هينفع
عزيزه : خلاص ابعتيهم
احلام بصتلها ومشت و رجعت ل مازن و معها اكل عمر
احلام : بص يا مازن عمتو عايزاك تبقا عندها يومين
مازن : بس انا مش عايز اروح
احلام : انا راحه لماما و انت مينفعش تفضل هنا لوحدك
مازن : خلاص ماشي هروح ( و اخد عمر وراح لعمتو اول ما شافتهم بصتلهم بضيق : ادخلوا
مازن دخل و هو عارف انها مش عايزاهم بس مفيش ليهم مكان تانى غير دا
عزيزه بصتلهم بغيظ و بصت ل مازن بستغراب و صدمه ..
تعليقات
إرسال تعليق