رواية عندما يعشق الصقر الفصل التاسع 9 بقلم بسنت محمد
رواية عندما يعشق الصقر الفصل التاسع 9 بقلم بسنت محمد
فى صباح يوم جديد
عند صقر صحيوا من النوم وجهزوا نفسهم وطلعوا على المطار عشان يرجعوا القاهره
فى الطيارة صقر قاعد سرحان فى الظرف الى جاله
فلاش باك
صقر باستغراب : اما نشوف الظرف ده فيه اى
ولما فتحه اتصدم من الى شافه
شاف صور له مع بنات كتير فى اوضاع مش.كويسه
وكان فى ورقه مع الصور مكتوب فيها
( دا بس جزء من الى هنبعته لحور لو انت مش بعدت عنها احسنلك تبعد عنها عشان متخسرهاش وتخسر حياتك امضاء فاعل خير )
باك
صقر بيقول فى نفسه : ياترى مين الى عاوزنى اطلق حور وهيستفاد اى من ده وحور اصلا متعرفش شباب بسبب مدرستها انا لازم اعين حراسه من غير ما حد يلاحظ ولازم الاقى الشخص ده
نزلوا من الطيارة ورجعوا الفيلا وسلموا على شريف وصقر سال على سلمى. واسلام شريف قاله مع صحابها واسلام فى الشركه
وبعد كده طلعوا يرتاحوا من تعب السفر
فى الشركه
كريم قاعد يشتغل وبعد كده رفع الفون وطلب السكرتيرة
الباب خبط
كريم : ادخل
السكرتيرة : حضرتك طلبتنى يافندم
كريم : ايوا ابعتى لحد ينده انسه شهد من قسم البرمجه
السكرتيرة : تمام يافندم
وخرجت السكرتيرة وبعتت لشهد
الباب خبط
كريم: ادخل
شهد: خير يا استاذ كريم حضرتك طلبتنى
كريم بصلها شويه بغموض وهيا ارتبكت وبعد كده قال : اتفضلى اقعد
شهد بارتباك : خير حضرتك
كريم : تتجوزينى
شهد بصدمه : حضرتك بتقول اى
كريم بهدوء : بقول تتجوزينى
شهد بصدمه وعصبيه : هو حضرتك عشان انا قعدت فى بيتك اكون بنت مش كويسه عن اذنك وانا مستقيله
وجت تخرج هو لحقها وقال لها : استنى
مسكها وقفل الباب تانى ووقف قدمها
كريم بهدوء: بصي ياشهد انا من ساعه ما عرفتك وانتى فى بالى ومش قادر ابطل تفكير فيكى وحسيت انو معجب بيكى ففكرت انو ممكن نتجوز وممكن الحب يجى بعد الجواز
شهد اتصدمت من اعترافه ده ومش بقيت عارفه تقول اى سكتت
وبعد كده قالت : ممكن حضرتك تسيبنى فترة افكر لانو الصراحه انت صدمتنى جدا
كريم بابتسامه : ماشي وانا مستنى ردك اتفضلى على شغلك
شهد بابتسامه : عن اذنك
وراحت تكمل شغلها وهو راح يكمل شغله
عند.صقر صحى من نومه وبص على السرير بتاعه لانو كان نايم على الكنبه لاقى حور نايمه فضل باصص لها شويه وبعد كده قام وخد شاور ولبس بدلته وحط البرفن المفضل بتاعه ونزل وسلم على باباه وطلع على شركته
حور صيحت ولقيت انو صقر مش معاها فى الاوضه خدت شاور ولبست هدوم شيك
ونزلت شافت والد صقر
شريف بابتسامه : صباح القمر على القمر
حور بابتسامه : صباح الخير يا انكل
شريف بزعل مصطنع : اى انكل دى قوليلى يابابا مش انكل
حور بابتسامه : حاضر يا بابا كده حلو
شريف : طبعا حلو ياحبيبه بابا
حور باستغراب : اومال سلمى فين
شريف بحيرة: والله يابنتى مابقيت عارف مالها
حور بقلق : لى يابابا مالها
شريف : لما سفرتم كانت كل يوم سهر لوش الصبح وفجاءه لقيتها حابسه نفسها فى اوضتها لا بتاكل ولا بتكلم مع حد هستنى صقر يرجع واخليه يشوفها مالها
حور بقلق : لا يا بابا متعرفش صقر حاجه عشان مش يقلق على الفاضى ونا هطلع اشوفها مالها
طلعت حور عند سلمى وهيا قلقانه عليها وبتخبط على الباب
سلمى بزعيق : قلت مش عاوزة اكل سبونى لوحدى
حور بقلق : انا حور يا سلمى
سلمى بلهفه قامت فتحت الباب وخدت حور بالحضن وقعدت تعيط
حور بخوف : اهدى يا سلمى بس مالك يا حبيبتى
سلمى بعياط جامد : انا ضعت ياحور انا ضعت
حور فضلت تهدى فى سلمى عشان تفهم منها الى حصل وخدتها ودخلت الاوضه وقفلت الباب ورها
بعد ما سلمى هديت
حور : ها بقا ياستى قوليلى مالك حصل اى لكل ده
سلمى بخوف وقلق : هقوالك بس اوعدينى محدش يعرف
حور بقلق : اوعدك قولى بقا
سلمى : اوك
فلاش باك
بعد سفر حور وصقر سلمى مكنش عندها صحاب خالص ودخلت على الفيس لقيت بوست عن الحب
وعلقت فيه وقالت ( الحب احلى شى فى الوجود لانو من ودنه محدش.يقدر.يعيش هو الى بيقوى اى حاجه وله انواع حب الاهل وحب الصحاب والاخوات والحبيب للحبيبه ومن غيرو محدش يقدر.يعيش ابدا لانو من غيرو الدنيا تبقى فوضي واهم حب هو الحبيب والحبيبه لانو بيقوى الاتنين وبيربوطهم لبعض وخصوصا فى الحلال زى حب الرسول لزوجاته وانو كان بيرضى كل زوجاته من جميع الجهات واحلى حب فى العالم هو حب ربنا الانسان المومن لانو طول ما ربنا راضى عننا كل.حاجه هتكون بخير وربنا بيبتلى الانسان بحاجات عشان يعرف قوة تحمله و الانسان هيتحمل لو قريب من ربنا وخايف من غضبه عليه الحب اسمى شى فى الوجود وحاولوا تاخدوا حب الرسول لزوجاته ده قدوة وتبطلوا لعب بعقول الناس )
بعد كده شب بعت لها طلب صداقه وحب يتعرف عليها واتعرفوا على بعض وبقول يتقابلوا وفى يوم طلب منها تيجى تشوف اخته ولما راحت شافت اخته وبعدها محستش بنفسها وفاقت وقعدت تصوت
باك
سلمى بانهيار : انا ضعت يا حور انا ضعت
حور بخوف : اوعى يكون حصل الى فى بالى
سلمى بعياط : ايوا حصل بس والله ما اعرف ازاى محستش بنفسي بعد ما شربت العصير
حور بخوف : يالهوى لو اخوكى عرف ده هيطين عيشتك
سلمى بخوف : لا لا الا ارجوكى يا حور بلاش صقر ارجوكى
حور : طب اهدى وخلينا نشوف هنتصرف فى المصيبه دى ازاى
وقعدت حور مع سلمى يفكروا فى حل
عند شهد فى شقتها قاعده بتفكر هتعمل اى مع طلب كريم ووقررات انها تدى لنفسها مهله وتوافق
شهد كلمت كريم وقالت له انها عاوزة تقابله
لبست ونزلت تقابله فى كافيه
كريم وصل : معلش اتاخرت عليكى
شهد بابتسامه : عادى ولا يهمك انا لسه واصله
كريم : اوك احم اخبارك اى
شهد : تمام الحمدلله وانت
كريم: بخير احم كنتى قولتى انك عاوزة تقبلينى
شهد بتوتر : ااه انا فكرت فى الموضوع الى قلت لى عليه
كريم بقلق خفيف : واى قرارك
شهد بابتسامه : قررت انى ادى لنفسي فرصه وانا مواقفه
كريم بفرحه : بجد طب كويس تحبى اطلبك امتى من باباكى
شهد بحيرة : مش عارفه ده غير انك عارف انا هربت منهم لى
كريم باطمئنان : متقلقيش انا هظبط كل حاجه كمان اسبوع كده هسافر معاكى واطلبك منهم
شهد : اوك ماشي
وفضلوا يتكلموا شويه مع بعض ويتعرفوا على بعض اكتر وبعد كده وصلها البيت وطلع على بيته
يتبع الفصل العاشر اضغط هنا
الفهرس يحتوي على جميع فصول الرواية"رواية عندما يعشق الصقر "اضغط على اسم الرواية
تعليقات
إرسال تعليق