القائمة الرئيسية

الصفحات

رواية الملتزمة الصغيرة الفصل السادس 6 بقلم سمر ابراهيم

رواية الملتزمة الصغيرة الفصل السادس 6 بقلم سمر ابراهيم

رواية الملتزمه الصغيرة الفصل الثلاثون 30 بقلم سمر ابراهيم

رواية الملتزمة الفصل السادس

نفس أول ما دخلت اوضتها رمت نفسها على السرير السكين كانت سرقها ومش حاسه بفقد مامتها بس بعد ما شافت أبوها استوعبت أنها خلاص من غير أم يتيمة فضلت تكتم صراخها في المخدة بس غصب عنها صوتها علي
الجد دخل هو والعيلة فرح شمتانه فيها هي وشخص تاني والكل صعبانه عليه حالتها كانت على الأرض ضامة نفسها بخوف وبتكتم صرختها في المخدة جسمها بيترعش
الجد حضنها مالك ي نفس أهدي ي حبيبتي
نفس بتتكلم ببكاء وصوت متقطع ونص الكلام مش مفهوم دي الترجمة بتاعتي :- مكنتش حاسه بالوجع دا ي جدو كنت عادي هو ليه الوجع زاد اوي كدا حاسه روحي بتطلع من الوجع قلبي هنا هنا ي جدو وجعني اوي أنا عايزها جنبي مش متحمله غصب عني وربنا مش قادرة أنت فاهمني حاسس بيا أنا مش هقدر أشوفها تاني الصورة بتاعتها وهي بتطلع آخر نفس وتبص ليا وتستسلم للموت شيفها قدامي لما بكون لوحدي بشوف صورتها وهي بتموت ي جدو كانت بتحاول تقول ليا كلام بس الموت خطفها مني قبل ما تتكلم ماتت وهي خايفة عليا
الجد:- كلنا معاكي ي نفس وجنبك
نفس:- محدش هيفضل معايا أنا دلوقتي صعبانه عليكم بس فترة لما تملو مني الكل يبعد عني ومع أول مشكلة بسببي تتخلوا عني مفيش حد زي الأم ي جدو أنا وحيدة وخايفة اوي مش عايزة أفضل لوحدي بشوف صورتها وهي بتموت لما أفضل لوحدي كأنها قدامي بجد
الجد:- أنتي روحي ي نفس في حد يتخلى عن روحه أنا بحبك اكتر من دول كلهم اللي واقفين بحبك اكتر من ولادي ومستحيل أتخلى عنك
أويس بيشيط من الغيظ صغيرته في حضن جده وبتحكي ليه وجعها وخوفها وهو بيطمنها أم هو واقف زي اي حد بعيد عنها وهي بتعاني لوحدها
قرب من جده :- في ايه ي حج بتشقط البت وحنا وقفين طيب أحترم فرق السن اللي بينكم
نفس خرجت رأسها وبصت ليه:- ملكش دعوه أخرج منها أنت وبعدين عادي دا جدو شباب اكتر منك ي عجوز أنت
الكل:- اوباااااااااااا 🤙🤙
أويس:- حتى وأنتي زعلانه بتقصفي جبهتي ي شيخة اتقي الله فيا
نفس:- أفكرت وفضلت تبكي كتير بيحاول الجد يخليها تهدى بس بتزيد اكتر و بيغمي عليها
الجد:- أويس أتصل بدكتور العيلة بسرعة
بعد قليل
الدكتور:- دي حالة نفسية لازم تشوف دكتور نفسي يساعدها على تخطي المرحلة دي بخير
أويس:- ليه هي مالها
الدكتور:- الصدمة كبيرة الموضوع يعرفة بالتفصيل الدكتور هو يفيدكم اكتر بلاش تتجاهلوا الموضوع علاجها دلوقتي ممكن يكون بسيط اوي بس لو تجاهلتم الموضع ممكن تكبر العقدة معها
الجد:- أن شاء الله يا دكتور هي نامت تصحى على امتى
الدكتور:- على الليل كدا المهم لما تفوق خليكم جمبها ويارت تخلوها تحكي وتفضفض معاكم
الجد:- ماشي ومتشكرين لحضرتك ي دكتور
الدكتور:- الشكر لله سلام عليكم
الكل:- وعليكم السلام ورحمه الله وبركاته
منال:- أنا هفضل معاها لو فاقت
مريم:- انهاردة في مطشين مطش أهلي ومطش الزمالك نحضرهم معاها
،،،،،،،،،،،،،سمر إبراهيم
في الليل نفس فاقت لقيت كل العيلة جمبها ابتسمت على اهتمامهم وزعلت أنها السبب في توتر العيلة
أويس:- بقى كدا تخضينا عليكي ماشي ي نفس يلا بقى خدي شور وتعالي نحضر مطش الأهلي ومطش الزمالك التنين بيلعبو ايه رأيك
نفس:- مش بفهم كورة بس اشطا يلا بينا مش عايزة أفضل لوحدي هنا
أويس:- أنت مش لوحدك وعمرك ما هتكوني لوحدك ي نفس
مريم:- احم احم لماذا نحن هنا شكله مش بس جدك هو اللي بيشقط ي أويس بيه
أحمد:- تعالى ي أويس وأنتي ي مريم جهزي نفس وتعالي المطش فاضل عليه نص ساعة
أسد:- ايه رأيكم ننقل الشاشة الجنينة الجو بره تحفة هواء وبرد جميل اوي
الجد:- طيب ي شباب جهزوا المكان والنسوان عليكم الأكل والمقبلات والمشروبات مفيش خدم انهاردة
الكل متعاون والحزن انقلب فرحه وضحك والكل قاعد منتظر المطش القبل الأخير واللي هيحدد مين يخد الدوري المصري الممتاز
نفس قاعدة مركزة في المطش مع أنها مش فاهمة حاجة الاتنين بيلعبو في نفس الوقت لكن مع فرق مختلفة
أسد:- جووووووووون
أحمد:- الله عليك يا كبير
نفس وقفت تهيص وتردد زيهم جون جون جون الله عليك ي كبير
الجد:- نفس أنت مع مين
نفس:- مع الأهلي طبعاً أنا أهلاوي وأفتخر واللي مش عاجبه ينتحر وكتب على قبره ميت قهر
الجد:- سمعتي الكلام دا من فين
نفس:- من العيال في المدرسة
الكل بيضحك عليها لأن الزمالك هو اللي جاب الجون مش الأهلي
أويس:- طيب اقعدي يا قزعة دا الزمالك مش احنا
نفس:- طيب مش تقولوا كدا سايبني على عمايا
خلصوا المطشين الزمالك وأخيراً بعد زمن طويل خد الدوري الكل زعلان ما عدا احمد وأسد الزملكاوي
الشباب ادوا الأسد علقة لما أتكلم أحمد مش قادر يتكلم عشان أبوه الكبير أهلاوي واصعب تاني شعور بعد خبطة صباعك الصغير في الباب هو أنك تكون مغلوب على أمرك في بيت كله اهلاويا وأنت زملكاوي أو العكس
نفس:- خلاص ي شباب يعني كسبان ومضروب حرام عليكم
أسد:- حسبي الله ونعم الوكيل أكسب اضرب اخسر اضرب
الجد:- حكم القوي بقى خليك زي مصطفى ابن عمك مش بينطق مع أنه زملكاوي جاسوس
مصطفى:- احم هو أنا نطقت ي جدو بتسخنهم عليا ليه
نفس:- يلا بقى الكسبان يشتري لينا ايس كريم
أسد:- لا بقى دا ظلم ظلم ظلم ما تقول حاجة ي بابا.
أحمد بيشاور على الجد:- احم يلا ي أسد جيب ايس كريم من سكات
ضحك وهزار والكل بيتكلم
الجد:- ها ي نفس أويس نقلك لمدرسة تفاؤل السنه الجديدة كبرتي وبقيتي خامسة ابتدائي
نفس:- ليه كدا ي جدو أنا بحب مدرستي مش بحب مدرسة تفاؤل وحشه اوي اوي اوي
الجد:- وايه الفقر يعني مش كلها مدارس
نفس:- ياااااااه الفرق شاسع خد عندك مدرسة تفاؤل تركب العربية الصبح تروح المدرسة الطابور زي الجيش من حصه لحصه مفيش ركس وطول الحصة شرح في شرح وكلام أجانب مش عربي
أما مدرسي حبيبتي بقى أخرج الصبح مع البت ميادة ورشا نقسم الطريق كل وحده تحكي تلت الطريق يبدأ طابور الصباح أول حاجة تمارين الاستاذ يقول ٤٣٢١ إحنا بقى نزف ولا فرح البت صفاء وعيب نرفع ايدينا اصلنا محترمات
بعد كدا الإذاعة الطلاب بيحكوا مع بعض والمدرسات بيحكوا مع بعض والمدرسين والمدير بيحكوا مع بعض وبتوع الإذاعة بيحكوا مع بعض محدش مركز غير اللي بيقول الفقرة بتاعته بس في القرآن الكل يسكت طبعاً
أويس:- ما شاء الله الطابع الديني كملي يختي
نفس:- بلاش مقاطعة لو سمحت تعليقك مش جاب ليكات خالص ههههه
الكل:- اوباااااااااااا 🤙🤙
نفس:- المهم تيجي بقى على النشيد الوطني سنة أولى وتانية وتالته يقولوا بصوت عالي وسريع رابعة وخامسة وسته بصوت واطي وبطـــــئ معندهمش حماس دول خلاص فقدوا الأمل في الحياة والاستاذ يخلينا نعيد النشيد من تاني حوالي خمس مرات
وعندك فقرة التحية الواد يقول تحيا جمهورية مصر العربية نتقسم تلت مجموعات أول مجموعة تقول وراه بصوت عالي "تحيا جمهورية مصر العربية" دول الوطنين والتانية تقول "تحيا السيد بتاع الطعمية" دول بتوع بطنهم
الجد:- والتالته
نفس:- لا دي مش بتقول أساساً ندخل على الحصص بقى حصة الانجليزي هما تلاته عيال قصيرين في الفصل فاهمين الكلمات والباقي بيقول وراء المس يحرك شفايفه ويعمل اي صوت وخلاص على نفس النغمة بتاعت الكلمة
الكل بيضحك ونفس مستمرة في الشرح
نفس:- خد عندك حصة العربي الاستاذ يعمل لينا شمس قمر شمس قمر ويفضل يعاكس البنات اللي على الشباك فاكرنا مش فاهمين وقال ايه "هو القمر بيطلع في النهار" قديم اوي الأستاذ دا بس على مين في آخر اليوم بننتقم منه بـ النبلة وفيها ورقة ونضرب في عنقه من غير ما يشوفنا عيال كتير بقى بس السنه دي طورنا من نفسنا وبقينا بالشدادات بتاعت الشعر البلاستك دي بتلسوع اوي
حصص العلوم والدراسات الاستاذ يدخل الحصة يفضل يكتب ويمسح وأحنا وراه أيدينا تقف ومش فاهمين حاجة
أما الرياضة دي العشق أول ما الاستاذ يسأل سؤال بـ نفضل نطلع على المقعد والتخت ونطقطق بأيدنا و ي أستاذ ي أستاذ وأنا أنا أنا أنا وفي الآخر الإجابة تطلع غلط ونتكسف
وأخيراً وليس أخراً حصة الالعاب ودي نص المدرسة بتيجي عشان خاطرها وياما انقطعت فيها بنطلونات وتكسرت سنان واصبات وضحايا آخر واحد جات طوبة في دماغه لما كان بيوقع مانجا من الشجرة في المدرسة خد تلت غرز
ودا غير أننا بنمي المواهب الغنائية يعني في الفسحة نفضل نقول
فسحة واللي نايم يصحى
وفي وقت الخروج بعد ما نطلع من المدرسة نفضل نغني
أفرض مثلاً مثلاً مثلاً أن الناظر مات
أولى تعيط تانية تصوت تالته تلم الناس
رابعة تعزي خامسة تمسي سته تقول يا حول الله
الكل بيضحك
كل واحد فضل يحكي عن ذكرياته حتى الجد أفتكر أول يوم ليه في المدرسة الفجر قرب والجو برد اوي كل وأحد ملفوف في بطانية ومستمتع بنسمة الهواء بطعم الذكريات الجميلة
منال:- تفاؤل حبيبتي تعاليي روح مامي في حضن ماما ي قلبي الدنيا برد عليكي
تفاؤل:- جريت على حضن مامتها ومنال ملست على شعرها بحنان
نفس بصت ليهم وفتكرت مامتها وهي بـ تنيمها على رجها كدا ودمعة نزلت من عيونها غصب عنها
مريم لاحظت بصت ليها بحزن تعالي ي نفس ي حبيبتي في حضني أنا
نفس خبت نفسها في حضن مريم ودموعها بتنزل غصب عنها مريم بتهدي فيها وصوت شهقتها طلع وجسمها بيتحرك من البكاء وبصوت مكسور ومجروح قالت:- وحشتني بحكي عشان أنسى بس غصب عني كان زمانها دلوقتي بنصلي قيام الليل سوى وتنيمني في حضنها وتحكي ليا قصص الصحابة قبل النوم
الكل دموعة بتنزل فتلك الصغيرة قادرة على تحريك مشاعر الجميع لحظات تبكيهم ولحظات تضحكهم تشبه تغييرات الخريف.
منال:- أسفه ي نفس مش كان قصدي افكرك ي حبيبتي
فرح:- اوف أنتي كل شوية تعكنني علينا اللحظة
الجد:- فرح ي تقولي كلمة كويسة ي تسكتي يلا نصلي قيام الليل كلنا ايه رأيك ي نفس
نفس طلعت رأسها محدش معاه منديل بدل هدوم طنط مريم أصلها بتشوك القماشة دي مش تلبسي قماشة ناعمة شوية
الكل ضحك وسط دموعة وأسد أداها منديل بس أويس أخده وداها هو منديل
نفس:- لا عايزة بتاع أسد ليكلني لو رفضت وأنا صغيرة وأخاف على نفسي
أسد:- شطا ي أويس وطلع ليه لسانه
وداها منديل غيره وأويس بيشتم في سره من الغيظ
فرح:- آممممم طيب سلام بقى أصلي في اوضتي أنا
نفس:- ليه خايفة نحسدك مثلاً هي كدا الشياطين بتمشي لما تنذكر الطاعات
فرح:- وأنت مالك
نفس:- ململ حالك
الجد:- بس ي نفس وأنتي ي فرح براحتك بس أنتي مش صغيرة أنتي داخلة على ١٩ سنة أولي جامعة ونفس الصغيرة بتصلي وأنتي لا
فرح:- ما أنا بصلي في اوضتي
الجد:- واضح ربنا يهديكي ويصلح حالك
الكل وقف يصلي في خشوع الجد وقف إمام والرجالة وراه والنسوان وراهم صوت القرآن في الليل ونسمات الهواء في الخلى ودموع الخشية بتنزل على الأرض وبعد الصلاة الكل صمت وكانت سهرة عائلية جميلة والختام كان بالطاعة وبعد وقت صلوا الفجر وكل واحد على اوضته
نفس:- بت ي تفاؤل تعالي نامي معايا
تفاؤل:- اشطاا فكرة حلوه
نفس:- تصبحوا على جنة 
 
يتبع الفصل التالي اضغط هنا
 
الفهرس يحتوي علي جميع فصول الرواية '' الملتزمة الصغيرة '' اضغط علي اسم الرواية

 

reaction:

تعليقات